Cafe Aboong HK (Closed)

韓風大熱，兩個八十後靚女去轉韓國都帶到美食秘笈返香港，hit爆全港既鯛魚燒吸引左筆者去潮聖。呢度風摩萬人既係鯛魚形格仔餅，魚尾係熱辣辣既吉士或紅荳，任君選擇。配上自家製檸檬味乳酪 ，仲有兩粒淋上朱古力醬的提子，一凍一熱夠哂特別。得意還得意，不過食就要食快啲，因為話哂都多料又聚手，一個唔覺意條魚就會腸穿肚爛。食落去有啲似frozen yogurt，酸酸地冰冰地，入口易溶都幾爽。吉士醬就嫌唔夠多，魚尾有啲扁，如果多啲會更好。雖然外表得意，不過就有啲似雪糕乳酪格仔餅，而且等兩個鐘實在誇張，有時間貪得意都可以買個黎影相既。

星期日同老公聞風去試試熱潮鯛魚雪糕"中伏"完全無系統無安排之下既排隊法，分兩邊，唔知邊邊打邊邊，D人就...人排佢又排咁，仲要係唔知自己排得啱唔啱，真係O曬咀，最後一問之下，店員話等拎飛要一個鐘，等拎鯛魚又要一個鐘，係咪痴線架~緊係唔等啦~~雖然痴線但無得食又好失望，好想試下，條魚好似好好味，剛好星期五放假，老公又肯陪我去，就去第二次，咁咪中伏囉~~去到剛開鋪拎左飛話要等半粒鐘，係咪路丫，唔係應該開門前準備好架咩？仲有駛唔駛整半粒鐘呀？等左咁耐緊係試齊兩款，吉士食在 & 紅豆餡~~等左半個鐘，接過手，omg d 乳酪雪糕好快溶到我成手都係，拿拿淋食，乳酪超酸難食，吉士餡冇味，紅豆餡過甜，鯛魚好淋好溶，三個字"唔好食"

之前一直睇到好多人Po相覺得好得意今日專登來一直聽講要等好耐 原來係真噶咯號時個靚女話要等一粒鐘過九個字之後兜左一圈（大概一粒鐘）翻來都未得 而且排號有D亂 有D前邊噶未咯但係後邊噶已經咯左 原因係有D人過左號未咯比左後邊噶有D人又過左號翻到來又一直催就會俾左先其實都覺得區地好辛苦係盡量調節嘎啦 原本落單係要紅豆味噶 不過後邊聽到話紅豆要等耐D即刻問可唔可以改吉士😅可能見我等好耐又有D夜啦所以好快甘俾左我好開心接過後發覺都幾好吃（之前睇評價有部分話唔好吃）起碼我吃曬😅😅 個Look比四粒星如果下次經過無排甘長要等甘耐噶都會試埋紅豆味 ：)))

整個Facebook/飲食雜誌都在催谷這杯「魚魚乳酪」（叫慣左，不喜勿插）一直都好想試下，的確個樣（睇相）十分吸引。第一次去時7點幾到，店員話買飛等2個鐘再番去拎，心諗痴線，亦諗點解門口班人會咁得閒響道等2個鐘；第二次去大約6點，已有牌話賣晒，算，走！最後，其實都想放棄，不過S先生堅持想食，最後有日佢真係2點到去到買完先叫我出門口（家住尖沙咀，話咁快就到）😂我個人覺得呢間店其實幾有問題，我冇接觸過店員（買飛拎魚都唔係我）唔知禮貌如何，有4部機，都可以整咁耐？原因響邊？唔知同銅鑼燒接近既食物可以等咁耐，佢叫我地20分鐘後去拎，叫number又唔係順number叫咁比籌做乜？後來聽d number愈講愈唔對路一問之下先話而家下個到你？冇野呀嘛，不過算。差唔多3點已經堆滿人，聽到話果時買要等45分鐘，又唔係整咩都可以咁耐，仲咁好生意真係好彩。終於拎到勒，影左2張相望下杯乳酪（再望隔離唔知等到何年何月既人眼神）即刻開心番，點知一食落口😰首先，第一個感覺係-應該點食？如果我食晒d乳酪條魚點？乾哽？之前睇飲食男女話落到底，好多乳酪，但唔係，乳酪得3/2😒乳酪-冇奶果種，好似益力多味，好「希」好薄身

最大問題：店舖的管理奇差第二問題：未熟透就出，薄的地方不脆，厚的地方是一pat麵粉1. 該店由一班年輕人經營，只有兩個男生在裡面做綢魚燒，其餘站在門口或坐在店裡聊天和抱怨多人，不停嘆氣，又說外面的人好恐怖，像暴亂一樣。嗯，如果沒心服務的話，不如結束營業好了，將顧客當成怪物，我無法了解這是什麼的經營頭腦。2. 說要等約兩小時，好，我兩個半小時後回去，她說，呃，根據你的號碼，你應該還要等40分鐘。好，我再等40分鐘，回去，她說，呃，根據你的號碼，你應該還要等40分鐘。我說，「我40分鐘前你跟我說過同一番話。」她說，「係啊，無辦法啦。出唔切。」3. 等了4個小時（買的時候她說約兩小時），終於有得食：淋既，綢魚燒裡面的麵粉漿還未熟透，一pat粉，根本無法做到外脆內軟。因為根本是未整好就出貨。生麵粉的腥味令成條魚好難食。連最容易脆的魚尾都無法做到完全脆身。4. 用料不足，完全不知道紅豆餡是什麼回事，只有魚尾夾著丁點（甚至沒一茶匙），我知道這是變奏的綢魚燒，但這裡面我只看到「缺乏誠意」而不是「特色」。乳酪也少，不值＄35。成班男女在店裡嬉嬉哈哈，叫人不要在店外等，卻沒有安排一個可以拿籌／等候的地方

果晚同朋友係附近食完燒肉，好想食反d甜品，咁岩係網上面知道呢間新既韓國食品店。於是就的起心肝諗住去試下。第一次去，唔算好多人，排隊拎左飛，等左20分鐘到就拎得。佢有兩隻味簡，紅豆同吉士，呢次試左紅豆，$35蚊一個唔算太貴，不過入面好似得四部機，整得有d慢(因為要等條魚熟)。但係味道的確唔錯，魚餅包住d frozen yogurt (原味)，酸酸地幾好味，配搭左d朱古力漿，兩粒提子，仲有d脆脆，口感唔錯，值得一試。食完哂d yogurt 就可以慢慢咬魚餅，近魚尾部分有紅豆餡，配搭得幾好，唔錯唔錯。不過第二次去既時候大排長龍，店員說要等90分鐘先有，好似有d耐.... 不過呢次試左吉士味，可惜太"漏"了...都係紅豆好味D! 

韓風四起，雪糕雕魚燒都到來旺角嚕！早前在臉書發現它的香港專頁，由它準備開業起我就已經有所留意，而開業後卻可惜一直未有空到旺角一趟。當時這家魚店還沒受到這麼多人關注時人流尚少，所以不用等候多時就有呢。製作一只雕魚燒步驟不多，店員駕輕就熟地手執一笨重唧袋，先把麵糊擠在空閒的雕魚燒鐵模中。雕魚燒餡料能揀選紅豆或吉士味，擠好麵糊後隨客人要求，把餡料放在魚肚位置。隨後蓋上蓋子，等候幾分鐘待魚成型，然後一只金黃活潑的雕魚就出生啦！咬著鐵模的模樣真是可愛極了！乳酪雪糕雕魚燒·紅豆 $35 (4/10)不想吃太甜膩的我選了紅豆餡，紅豆蓉甜度很高這下還真是失算了……雕魚燒外皮香脆，乳酪雪糕份量不多，帶檸檬酸味道清新不俗！不過雪糕過後的蛋糕位卻濕腍得好像在吃粉團似的既黏又粉，現在的魚雪糕會用上沾滿巧克力的葡萄，相信是店方收到很多人的反映，才把原先硬得像石的棉花糖給替換掉吧。個人來講試一次就好了，現在魚雪糕好像光等候就得花上差不多約半小時或以上，不過雕魚造型確實很有賣點，喜歡韓風或可愛東西的男女孩都可以一試。

不厭其煩都要次次講，好討厭旺角，人路車路都空氣混沌，經常覺得透不過氣來，這十年間無乜必要都無踏足過這地方，而這次又是甚麼風吹我們來?? 就是最近大熱的鯛魚燒乳酪雪糕。 還未有機會望真小店，人多到已逼出馬路，2pm開門，我們2:30pm到達，落單買票不用排，但門前就總是一堆人，不解~~~ 食品只有一款兩味，落單時只要告訴店員要 紅豆 / 吉士 即可，個人好保守，吃鯛魚燒只會吃紅豆! $35一個，但當落單買2個的時候，店員又說$60，堅定的找回$40給我，那是甚麼Promo就不懂了；小店的運作是這樣的，只要你手持籌號，無論你2,4,6pm黎買，只要11pm前來，都一定有得食，因為這裡是先付後取的政策嘛。雖然排隊買飛的過程中店員會告訴你大約要45min, 60min, 90min etc. 但你不一定要依時回來的，即使no.過了，回來時跟店員講聲，15min內一定會補比你~! 這裡不是酒樓~過左籌都一定有得食，所以我地買完飛就他他條條食個late lunch先返黎 =P 手執鯛魚燒，件頭頗大，竹籤串上的是淋了朱古力漿的青提子，Froyo 上也淋了不少朱古力漿和彩針，賣相無得輸，果然是呃Lik

企鵝仔是日day off與友人到油麻地一帶掃街，實際也是慕名而來到這家售賣可愛魚型雞蛋仔＋乳酪的小店一嚐其滋味。企鵝仔猶愛可愛造型的食物，猶其是甜品，是次旅程實在可以用幸福形容。來到油麻地首要必是要到店前取籌，這天是閒日的下午，企鵝仔與友人仍要等候35個籌。店內沒有座位，加上相信是生意太好，顧客曾阻礙到旁邊時鐘店的門口，所以大家前往時要自律，取籌和領取魚魚後要盡快離開了。企鵝仔與友人在整條街上吃了一些小食後，大概40分鐘回去就剛剛好，接過魚魚，真的捨不得吃下去，實在太可愛！！！當然最後還是吃了。這個鯛魚燒裝著FROZEN YOGURT，旁邊還插住用朱古力火鍋整成的生果串，不知是否天天不同，筆者的是青提子串YOGURT上還有一上朱古力醬和脆脆，YOGURT的酸甜配上甜甜的朱古力醬實在是天衣無逄！但似乎要連魚一起吃有點困難，因為吃了魚，YOGURT很容易溶而流出來，但分開吃剛感覺是吃了YOGURT再吃雞蛋仔的感覺。吃到魚的尾部，有吉士或者紅豆（ORDER時向店員講即可），企鵝仔是次破天荒不選紅豆選了吉士，味道幾配，但可能掃了街的關系，有點兒太飽濟了。總括而言，魚魚的拍照指數是爆登的因為真的

好耐未試過一間野咁伏 令人咁不忿IG見到有人推介呢間aboong 60蚊兩條 於是就黎試試 買嘅時候佢話等20分鐘 既然專程所以就話ok 點知等到40分鐘先有條吉士魚等左差唔多成粒鐘先有條紅豆魚間鋪頭已經唔大 效率又唔高但又不停接生意 超出負荷得四部機兩個人整做緊廿幾三十幾號嘅單 接到就快六十號嘅單 最大問題係漏水（有圖）啲雪糕溶左 條魚又太多窿啲水滴哂出黎 食到好狼狽 都係普通乳酪雪糕、普通朱古力提子同埋格仔餅味嘅魚（蛋味唔重） 吉士魚：冇乜吉士味 分量唔多紅豆魚：紅豆唔會過甜 分量唔多貪新鮮試完一次唔會想再去

前兩日同女朋友經過旺角 諗住試下 見到條隊咪跟住排 等等下 已經等左大半個鐘 心諗 乜事買雪糕都要咁耐 到我地要買時 個職員同我講要等個半鐘 簡直係低能 有乜野雪糕需要等個半鐘 你係要等 你晨早響門口貼張紙通知人 要等幾耐麻 到我要買時 我唔等 我又覺得灑左頭先果個半鐘 等 我又灑左我半日假期比你 算 最後我決定行個圈先番來 到番來 成條街都係人 門口已經貼住額滿 隔離d舖頭勁慘 堆滿人 完全做唔到生意 而果間雪糕店既職員係冇打算去自行處理 有個伯伯推緊輪椅 都要碌出馬路 佢有咩事比車撞到 e間野真係害人不淺 到我拿雪糕時 我同女朋友心感希望都未食 第一 杯雪糕個底係串既 攪到成手成地係雪糕 第二 個乳酪雪糕一d都唔滑 直情係冰硬 而且難食 第三 要35蚊一杯雪糕 仲要周圍都冇位食 等我半日假期 簡直係低能 好心就好好安排下d人手 我一定唔會再食

你無睇錯....係要等120分鐘!!是咁的，見到雜誌賣....真係好想..係好想去試!!於是星期六接完先生放工就去左食...排左好長隊，去到cashier，係有個後生仔收錢，有2隻味『吉士』同『紅豆』，我要左吉士。後生仔佢個籌叫到5號，我果張係54號，佢叫我1個半小時之後番黎再等(果時係3點3到)，其實我有諗過唔買，但又唔抵得之前等左果15分鐘 最後我地決定去行一陣，問心今日既旺角仲要星期六，我地真係唔想行人太多喇，但買左都要等，1個半鐘之後番去(果時係4:38pm)，佢已經話6點前唔再接order喇，番到去要同番佢地講54號到左，佢叫我o係到等，好啦...等...等...等，等左好_____耐，直至佢突然叫70號，原來佢miss左我 ...幾經辛苦拎到! 原來佢唔係雪糕黎，而係乳酪呀! 呢個要讚 仲有2粒朱古力包提子(好似係去皮既)，上面有少少燕麥，條鯛魚都幾脆身，因為佢做完條魚之後要等條魚完全凍晒先加乳酪(脆D同防止乳酪溶)，所以先要等咁耐，而且條尾部份雖然無晒乳酪，但佢吸左小小乳酪既酸味再加埋吉士，係幾好食既! (留意尾部係無乳酪到既，只有吉士) 

前日看到有人在街上吃這個時已經很想試！結果昨天吃完飯後就回到附近尋找一下。幸好今次碰到兩位在吃的小女生！於是問了一下。這間位於旺角登打士街的Cafe Aboong HK，店面不是很大，只擺了四部烤餅機和一部朱古力噴泉。賣的是最近韓國新興的小食甜品—魚餅雪糕批。我叫它「雪糕鯛魚燒」。因為它絕對是日本的鯛魚燒強化版！鯛魚燒近底部的餡料主要分為紅豆和吉士。上面搭上乳酪雪糕和朱古力醬綿花糖。(滿足我這甜品精!)批皮是現烤的，然後像雞蛋仔一樣從烤餅機取出後放到風機旁吹乾令批皮脆身。我同男友一人要左一種味。吃時，雪糕跟批皮一起咬，感覺超幸福的！酸甜的乳酪雪糕配豐富蛋香的鬆脆批皮，讚！紅豆:味道會甜D~有香甜的紅豆味~吉士:味道較淡~吉士味不重，但夠滑~個人比較喜歡紅豆~推介各位愛甜食的朋友去試哦！因為現烤即叫即整，製作較需時，我去時其實人不多，前面有1,2個人但卻要等一陣子時間(約10分鐘)。不過用心製作的食物，等得久也無所謂啦。 

開舖前兩日經過，見到好得意好想食呀，但詢問之下原來未開業，唯有下次再來！過左一排終於有時間再去喇！好興奮，呢款小食早係日本食過，唔知韓國品牌係香港分店既味道如何呢？鯛魚燒係新鮮造既，有紅豆、吉士兩味選擇，揀了紅豆。由於係即叫即造，都要等5分鐘，不過都合理既～ 鯛魚燒造好之後，經風扇微微吹涼，然後唧上froyo及插上一串兩粒浸了朱古力的棉花糖。相機食先！新張期間like及follow佢地fb加ig，即減$2！post相tag佢地更係減$5！！ 大家快啲去試下，有呢個優惠真係幾抵食！老闆娘定女店員（嘻嘻不太清楚）都真係超級nice，好耐心好有禮貌咁解釋個優惠比我地知。影相都影左起碼有3分鐘，但食落個鯛魚燒依然熱辣辣脆卜卜，有蛋香，食到下半條有紅豆餡，唔會太甜，好味。froyo都好好味，酸酸甜甜平衡得幾好，但屬比較水同冰感個種雪糕，食到底個啲溶晒，但無計啦個鯛魚燒熱嘛自己又影相影得耐。個朱古力浸棉花糖就好硬，如果正常啲既就感覺圓滿啲。總括而言，唔止造型特別夠睇得，味道都唔錯咖，值得一試呀！

嗜韓的孩子們，這篇介紹對於你們相信是個莫大的好消息了。經常留意韓國動態或是最近有到韓國蹦蹦走的孩子們，應該聽過Cafe Aboong 吧。Cafe Aboong 是間專售 Aboong Fish Bun 的街頭小食店。在亞洲各地均有分店，最近終於在香港開立第一間店。店舖面積很少，只能容納3-4個顧客站立，小妹到訪的那天是公眾假期，人流屬多，也由於前面的顧客均點吉士餡，而小妹點的是紅頭餡，因此連店舖也未能踏足，店員就向我奉上魚兒了，因此小妹無法拍下店內環境，不好意思了。Aboong Fish Bun($35)主要分做吉士及紅豆兩種味道。與傳統的鯛魚燒有點不同， 店員使用特製模具，把鯛魚都弄得像肚餓般張開了口。口中均注入低脂檸檬乳酪雪糕，面頭灑上朱古力漿及花手脆粒， 旁邊放著沾上了朱古力漿的綿花糖。好了！說了這麽久，紅豆或吉士究竟在那兒？ 其實餡料都藏在魚尾那兒。心在想，乳酪本來就是酸，配著檸檬就是酸上加酸。怎料吃一口，檸檬的酸氣調配挺為恰當，是大眾也能接受的酸度，吃著確是醒胃的，配著面頭的脆粒及朱古力漿，酸中帶甜。惜乳酪雪糕質感較為單薄，且較易溶化。綿花糖方面應該是出錯了甚麼，小妹這串的