荳子冰室 (上水中心)

Open Now

Now Closed

琴日去左上水既分店，本身諗住咁多人幫襯，一定冇死，就叫左避風塘薯條同粟米汁吉列魚柳飯仲有菠蘿油，薯條純粹係加咗少少粉，個吉列魚又硬又腥，菠蘿油又係一樣非常之硬，非常失望。

行街行到有啲肚餓，入左呢間開左一段時間嘅荳子冰室。咁岩撞正下午茶時間，所以就睇下有咩選擇餐牌有小食類、飽類、三文治同米粉等等，全部都會送餐飲，而部分飲品要加錢，所以要睇清楚呀！坐低之後係用電話Qr code落單，方便快捷。今叫左一個飯同一個豬扒包餐。份量好多，一啲都唔似下午茶嘅份量，女仔食完一定夠飽！簡簡單單嘅一餐，價錢算合理。唯一差啲嘅係服務，因為牆上貼左可以問店員拎水，而我分別叫左兩個店員幫手拎水，佢地應完ok就冇左回事，去到食完餐飯都未俾所以服務就真係一般。上餐時間算快，如果想速食都可以考慮下呢間

"🇭🇰 香港本土 新品牌 🇭🇰第一站：荳子冰室 (上水中心) ✨➿ 行運沙嗲牛 ➿ 早餐/下午茶 茶餐廳必食🤤牛肉部分 我覺得都唔少 而且唔鞋口 沙嗲味濃郁 👍🏻我地拎黎撈烏冬 😂 啖啖沙嗲味好方便 隨時都可以食 宵夜肚餓 整返熱加個公仔麵就搞掂😎最後要多謝過嚟搵我哋🙏🏻拎佢地沙嗲牛肉俾我地試食😋行運沙嗲牛係佢地第一個推出嘅產品✨非常期待之後其他產品😍🫶🏻荳子冰室 (上水中心)上水智昌路3号上水中心2楼2038,2038B,2052号舖

早、午、晚餐我都食過啦，今次試埋下午茶，一個字「正」！生炸南乳雞髀配薯條 即叫即炸熱焫焫已經加哂分，原隻大雞髀炸得好酥脆但一啲油膩感都冇👍🏼食落有好濃郁既南乳味，雞髀肉保持嫩滑，真心炸得好好味😋仲有波浪薯條，又係炸得外脆內軟，高質！芝士洋蔥豬扒豬仔包我一向唔太鐘意食豬仔包，可能以前食過既都係焗到硬崩崩唔好食，但呢到焗出黎既豬仔包令我改觀左。成個包好大個，焗得好好，外面脆卜卜入面好鬆軟喎，我食到係咁跌包碎😆，洋蔥有調味有炒過，豬扒好大塊都幾厚肉既，煎得好香，肉質鬆嫩有肉汁，食得出係有用心整既。#其實我係街坊🫢#我唔係打手真心好食我先再訪#附近茶記得呢間保持到水準#茶記黎講佢係乾淨 

幾次經過都多人排隊，見下午茶時段就去試下。下午茶餐雞髀配沙律($43)雞髀炸得好透，外皮好脆，內面肉質嫩滑。沙律係普通罐頭水果，好甜又唔好味。下午茶餐配一杯熱飲$43唔太抵，呢個價錢我會選擇茶記或連鎖快餐店較抵食。

開張時，面包就多餡料，排隊買人龍多，現在沒有見人龍，因為質素非常下降，買叉燒包吃，真的難看見餡料，早上八點前吃早餐非常熱，（原來沒有安裝冷氣）要等商場開門才有冷氣，餐廳職員說八點有冷氣，真的有能氣，什麼都冷氣都沒有。

中午lunch time 去左上水中心，見到依間荳子冰室都要排隊😱😱😱，不過之前淨係食過beans，冇食過冰室版，所以都想試下。午市套餐都有唔少選擇，同埋仲有常餐，不過今次叫左普通嘅午餐，喺肉醬意粉，味道都幾好，好多芝士，肉醬都幾濃味，價錢大概50幾蚊，不過超級大份量，冇食早餐去食，都淨係食到一半，另外一半要打包走😂😂😂。餐飲方面，叫左杯熱杏霜，正常發揮。整體來說，冰室乾淨企理，CP值都唔錯，再來上水都可以encore🤣🤣🤣。

平時行過見唔少人排隊，都想嚟試吓，今朝就嚟試咗早餐先，今朝十點幾去等咗5分鐘先入到，入到去都唔算逼，天花有幅畫都幾靚，我幾鍾意呢種style。坐低又係要scan QR code落單，試一間茶餐廳，一定要試吓個沙嗲牛嘅水準，原本跟餐係配黑松露炒蛋多士，因為本人唔太鍾意黑松露就淨炒蛋算，多士就加錢轉埋蜜糖叉燒餐包。首先就食炒蛋先，唔算話好滑，有少少overcook，叉燒餐包就味道唔錯，見佢哋門口都有賣麵包，我諗都應該唔差嘅。到重點嘅沙嗲牛麵嚟喇，睇啲色水就知有幾濃，食落果然好正，但如果唔係經常周圍試沙嗲牛肉嘅朋友可能會覺得有啲咸，但我都覺得唔錯。另外，奶茶都華田都沖得ok啦。早餐嚟講呢度個價係高咗少少嘅，可能個位好旺，舖租太貴，但整體都唔錯，有機會都可以再試。

通常諗唔到食咩都會揀荳子之前都唔可以預先預訂，次次都要等差唔多20分鐘但係而家OpenRice有得外賣自取可以落單咗先再慢慢過去拎🤙🏻🤙🏻今次我哋試咗佢個二人晚餐set 會有兩個餸，兩個飯，兩碗湯，兩個甜品☺️今次我哋叫咗豆腐斑腩 （😋8/10）黑椒牛仔骨 （😋9/10）蟲草花杞子燉雞腳 （😋3/10）沙心玉竹燉唐排 （😋3/10）同埋兩個芒果布甸🥰 （😋9/10）兩個餸我都覺得好好食，但係兩個湯我都覺得比較淡味，同埋嗰陣味係唔似平時會飲到嘅味，感覺好清，清到好似水咁其實冇咩味🤷🏻‍♀️ 所以如果下次嘅話可能都未必會叫呢一個二人餐，因為覺得呢兩個湯都麻麻哋🙅🏻‍♀️因為食得太快唔記得咗影個芒果布甸，不過同平時去酒樓飲茶食嗰啲芒果布甸係差唔多，會跟花奶🥰

已經幫襯過三次，好欣賞荳子每樣餸菜都好夠熱，同份量對得起個價錢。今次叫咖喱海鮮焗飯同蝦仁炒蛋。蝦仁炒蛋本身有韭黃，落咗單先話無韭黃，可能因為都算夜，同埋好受歡迎卦。先讚一下，蝦仁同炒蛋嘅生熟程度控制得好，蝦碌大隻，蛋係滑但唔會水汪汪焗飯係一如既往咁多汁，有魚柳、青口、蟹柳同bb帶子咁，但炒飯底粒粒分明。但好可惜，兩款菜式都偏鹹，特別係個炒蛋，希望荳子可以調節返，因為好多人都係一家大細嚟食，廚房師傅可以輕手啲，咁就perfect池。P.s 每次幫襯都覺得餐廳樓面人手嚴重不足。

一向服務都好好，食物質素冇問題，但係今次星州炒米不知所謂，叫佢走配菜，完全冇，等候時間超過30分鐘，問佢地同事，仲叫我等多陣，前後等多10分鐘，最後到的食物，要求冇做，飲品方面，凍檸茶叫佢小冰，佢地就冇落糖，仲要飲品等咗20分鐘

同朋友食嘢途中見到隻小強係梳化走嚟走去，靠牆壁一排過嘅梳化櫈，由A食客後面嘅梳化經過B食客，去到C食客又行返往A食客方向，同女職員講，竟然答我一陣佢會走，食肆應該係咁操作嗎？唔係應該保持店鋪環境乾淨整潔？仲聽到女職員同男職員講，男職員嘅回答竟然講，唔洗理佢🙄呢間野幫襯一次冇下次

有個姊妹拍拖啦，所以同佢食番一餐好食嘅，順便可以俾我哋聚會傾吓計😊於是去咗呢一間餐廳食飯，一去到望到成間餐廳嘅感覺都好適合，好舒服可以享受下真係好正，一定要試吓呢一度嘅叉燒滑蛋飯意外地有啲驚喜，口感好嫰滑，好juicy，咬下去好有滿足感，絕對推薦😋

有個朋友拎獎，所以帶佢去食餐豐富嘅，順便比俾我哋聚舊下都好！所以就搵咗呢間銅鑼灣嘅餐廳食嘢，一去到望到呢度嘅感覺都好好，十分舒適可以享受下都幾好😎🤤星洲炒米我很喜歡這個， 一點也不靭，肉方面好juicy，相當香嫩惹味，味道都幾好😋

之前食荳子都係主要食cafe知道佢有條茶餐廳副線，就嚟試吓佢咩料下午茶時段，見到午餐係炒貴刁，就決定一試貴叼其實好難炒，又唔想佢淋身，又怕佢多油，又驚唔夠味，不過呢度完全冇呢一個缺點咖喱味夠香夠辣，餸都唔少，啲蝦粒雖然係雪藏，但都唔會有雪藏味，又夠爽口至於個粉一啲都唔油，配埋咖喱味啱啱好嚟到呢度，一定要試埋佢杯熱奶茶，茶味夠，又香滑，整體都唔錯不過嚟呢度就要預排隊，但係都唔係等好耐，因為佢夠大間，疏導人龍都好快