大家樂 (Closed)

金鐘對打工仔來講，一向都係美食沙漠，以往我都傾向起灣仔站出，順便吃個早飯先返工，奈何公司地點較近金鐘站，有時晏坐起身又未食早餐，為左節省時間唯有頂硬上去金鐘站。很佩服大家唯左照顧外賣顧客，特意增設外賣專線，不用跟堂食排同一條隊，顧客只需在加熱嘅專櫃取心愛的食物，就可以即時排隊付錢，省時快捷，適合趕時間嘅打工仔。時間太緊迫，在沒有再三考慮的情況下買左份火腿腸仔餐＋扭紋粉，埋單比錢才知原來扭紋粉是在隔離櫃拿的，在商品擺設上如果能把這兩種食物放在一起，更能方便顧客了。走了約7分鐘嘅路，回到公司座位上，一開食物蓋，才知伏已中，無論腸仔火腿還是火腿通粉，全都是凍的，食物一凍，根本就失去了食物的原味，勉為其難迅速吃完呢份冰凍早餐，便開始工作了。

在外面同家人一齊逛了一天，就隨便找了這家吃飯。味道跟平時一樣，點了燒鴨飯和藍海星斑的小鍋。吃了一半一個人去拿湯底加湯，服務員馬上過來收走碗碟，我立即跟她說明還沒吃完，她把碗碟摔回桌上還重重嘆了一口氣，好像是怪我多事一樣，態度及其惡劣。然後又把筷子收走，請問沒有筷子要怎麼吃？都說了有人沒吃完了，要我們用手撈嗎？從來沒有見過這麼厲害的服務員，顧客來幫襯倒像是欠了她八百萬。這樣的店下回我是不敢光顧了，服務員都自帶古惑仔煞氣，一言不合就摔碗摔筷，不知道萬一哪天服務員心情不好會不會直接痛揍顧客

呢日去完海洋公園，回到金鐘已經八點幾，又攰又餓，個身又臭，是但揾啲野食，咪去大家樂食晚飯，我地叫左個焗肉醬意粉+熱檸茶，另一個叫一哥焗豬扒飯+汽水。先睇下肉醬意粉，打開蓋好似好靚，以為好好味。鬼甘肚餓，有理冇理快啲將啲醬同意粉撈埋一齊啦～但我覺得唔夠醬汁去撈囉，跟住食啖意粉，乾憎憎，黏埋一舊舊，分都分唔開，意粉咬落去又乾又硬，又少汁去撈，意粉又淡而無味，真係未食過甘差既肉醬意粉。記得以前係大家樂其他店舖食肉醬意粉唔會係甘，好多醬汁和濕啲去撈，每次食到尾還有很多肉碎醬汁冇食，同埋一定見到好多油，但今次揾啲油水揩下都冇再試下焗豬扒飯，飯係好多飯，但啲飯冇飯味，唔夠乾身，豬扒落左好多疏打粉去醃，又冇味，有啲邊位仲好肥，雖然有好多舊豬扒，但唔好食囉。慶幸還有蕃茄和菠蘿送飯食。但我地又攰又餓既情況下都食唔晒啲野。

見完客唔洗返公司, 就響附近食下午茶, 平時坐響公司咁辛苦, 難得出黎就要趁機食tea啦.不過一個人食得咩, 都係是但去左大家樂, 夠經濟, 一個人又易搵位.要左個雞翼粟米餐, 跟熱奶茶($24)雞翼外表都煎得幾香口, 皮唔算太脆, 而且唔會太油膩, 肉嫩滑不過味道普普通通. 粟米就比較弱, 無用紙包住但都焗到淋晒, 無晒咬口, 而且話牛油粟米, 牛油味唔濃, 仲有D淡口.奶茶茶味夠濃, 幾滑, 似去茶餐廳飲果D.

朝早的中環特別多人，雖然已經差唔多10點先到大家樂食早餐，但係都見長長人龍，好彩收銀姐姐手腳快，三兩下手勢就落完一張單，排隊俾錢都算係好快。之後等拎早餐人龍就郁得慢少少，但係都係5-10分鐘內拎到餐，以後呢D時間黎食都應該無問題。今日食柴魚花生粥配炒米粉，估唔到個粥非常足料，柴魚大大件，花生大大粒，而且粥底都好綿。炒米粉完全唔會油膩，又唔會痴埋一舊，好過之前係其他分店食。唯獨杯奶唔夠香滑，少少扣分，不過單講食物都係好味。

友人和我一樣點了一個下午茶，炸雞脾，沙律配熱咖啡。炸雞脾肉厚但炸得過熟，皮大部分都燶了，沙律是薯仔沙律配以蕃茄仔同生菜，薯仔沙律薯仔太腍，沙律醬偏酸了點，咖啡不夠香濃。

是日與友人到金鍾逛街，適逢三點三抵食下午茶餐點了一碗雪菜肉絲米，奶油朱古力豬，燒雞翼配熱檸水。雪菜肉絲米份量剛剛好，奶油朱古力豬夠脆包很鬆軟，燒雞翼略嫌燶了少少但配得夠入味。

  排隊的人流相比遠東金融中心較為少,加上餐牌的食物款式相比起遠東金融中心較多,其實食物的價錢已經唔係便宜…但我都盡量揀個較為便宜又睇得上眼的野菜牛柳粒飯試試看吧~$26  雖然眼看那碗餸唔太多料,茄汁就很多,幸好味道不錯呢!!幾開胃,餐具有抹乾過的 而牛柳粒真係幾細粒,味道還好~另有少少紅蘿蔔粒,椰菜切粒~尚滿足的,服務態度及效率還好!店鋪面積同一般大家樂差唔多~

 我地5人1:10pm已到達,點知望望餐牌,已經賣剩好少款式的飯~當時見只係得返燒味飯,煎蛋叉燒飯及魚香茄子飯only…實在少得很可憐,我地難得行到過去,都係買來吃吧…我揀左魚香茄子飯 $26價錢一般,配飲品需要加$5-6…. 盛白飯的膠碟實在很濕…完全無抹乾過的 不過唔理咁多喇…照吃…飯與餸係分開的,盛魚香茄子的係一個發泡膠碗….明明係堂食,但好唔環保!!!! 茄子厚切,咬落口唔會好多油!!味道ok的~cashier的service麻麻,零笑容~態度也是一般,反而清潔員工nice

下午茶,叫左個鴨米哈哈,幸運地中左個肶位.飲啖湯,梗係味精啦...米粉不過不失,起碼唔會腍先,入口仲爽.d鴨真係脆脆地..同中環一樂差唔多..唔係講笑再食落去,肉汁有,油香肉甜.我諗工場d師傅處理得好好.廿幾蚊算收貨,好老實.不過唔係人人會中到肶位,睇下你好唔好彩! 

真係食過唔少間大家樂，呢次真係接受唔到咁難食，如果唔係有事要出金鐘，午飯絕對唔會黎。兩點黎到，見有下午茶餐又幾平，就叫左呢個迷里叉燒飯加春卷連紅豆冰，廿二個半，另加雞亦五蚊。春卷未炸透，個心仲係冰嘅，唔熟嘅雜菜餡，食兩啖放棄左。叉燒全瘦，一啲肥都無，味道ok。飯好大碗但係超難食，半碗未煮熟，好似食沙咁，半碗又水多得濟，好爛。加上完全無飯香，我真係唔知自己食緊咩，雖然話浪費，但真係食淨左半碗。紅豆冰清淡得很，無甜味，無奶味，豆未淋，係一杯有豆嘅清水囉。雞亦全餐最好食，甜甜地又肉嫩。雖然好平，但sorry無下次了。

　　是日與家人一起到香港公園玩，兩個小孩子玩得累了，我們便就近來這裏吃下午茶。　　以前在金鐘上班，經常在這裏吃下午茶，回想起以前顛倒日夜，長期超時工作的日子，實在不堪回首。今天再來，換了一種心情，也驚覺時間飛逝。。。。。。（此乃題外話了）　　雖然今天是星期日，但下午茶時間，人卻仍然非常多，大抵是服務業及零售業的朋友都在這時間休息吧，所以比較難可以找到八個人的座位，加上菲傭都在週日放假，十分擠逼。　　但值得一讚的是效率十分高，大概是長期的繁忙練就是他們的迅速與快捷，沒等多久便弄好了，而且服務員的態度友善有禮。　　我點了香草熱狗和熱奶茶，大熱狗幾乎是我在大家樂吃下午茶的必點之選。首先來說，我喜歡這裏選用的包，是微甜鬆軟的，但又沒有過甜，再來就是熱狗的漿汁，不是一般的沙律醬，加上了芥茉的微辣，甜而辣的，十分惹味，熱狗腸夠粗壯，加上蕃茄片和青瓜，把膩滯的感覺中和，很有飽肚感，視覺效果也極佳，特別是沙律醬以S形落在熱狗上，但因沒用牙籤把香腸固定在包裏，吃的時候餡料很容易飛脫，這是唯一的敗筆。　　我一向鍾愛大家樂的熱奶茶，香濃，而且夠滑，不錯。　　家人點的是三重芝士多士餐，是大家樂最近的得意之作，

　　我晚上要參加聚會，估計比較晚才會散會，不想太晚吃飯，所以先吃個下午茶，也許因為天氣太冷，沒有甚麼動力，需要吃點熱的東西來補充體力，恰好又帶著了從報紙剪下的優惠券，便順道來這裏了。　　這裏地方算是大的了，但我感覺它很亂，就是人流頗多，卻是盤子杯碟碗筷都不夠人，也趕不上來收拾，其他顧客便來了，隨意堆到一旁，大概是人手不足，桌子上放著很多還沒收拾的東西。　　取餐處也大排長龍，顧客似乎有點鼓譟，但我卻觀察到服務員都已經很盡力的了。　　點餐的時候我明明要雪菜肉絲餃子中國拉麵，拿到了卻發現給我的卻是豬手片餃子中國拉麵，但我卻不想再折騰，將錯就錯吧，餐飲配熱奶茶。　　我坐到了一個比較安靜的角落細細品嚐，湯底不錯，沒有很重的味精，豬手片沒有很肥，我把脂肪的一層汆去了，還有碎碎的小唐菜，可惜不夠多。麵量也不多，因為是下午茶吧，對於我這些食量不多的人來說恰到好處，而餃子卻像是在超巿都能買到的雪藏品，還好吧，是韮菜豬肉餃，皮厚肉餃飽滿，拉麵的質感蠻爽的，我沒有太高要求。在這種陰寒濕冷的天氣，東西夠熱的話已經能被我加分的了。　　奶茶夠熱，又值得加分，茶味夠濃，也夠滑，不錯。　　總的來說，我是滿意的。　　

係金鐘真係無啖口食，如果要平只可以選擇連鎖快餐店~去左大家樂叫燒鴨米配熱檸水 ($22)都有好幾件鴨，亦算多肉，不過米粉好少，食完唔係好夠飽，不過收得廿幾蚊，仲可以點呀不過大家樂D餐具好黏手，係洗得唔乾淨MA?!

13.11.2011是日星期日要全日上堂, 所以午餐就要在附近解決了. 講真, 金鐘沒什麼好食, 有些食店甚至會在假日休息的. 本來想去KFC, 但一見到整間店也被賓籍人士佔領, 就立即卻步而轉去隔離的大家樂. 別以為大家樂會清靜, 實情是: 它和KFC的嘈吵情況不惶多讓. 原因是大家樂也有很多香港人來吃飯, 但真奇怪, 星期日都沒有人上班, 這些人為何而來呢?一個人找座位其實也有點困難, 幸好找了十分鐘終於有位了. 餐牌上沒有一樣東西吸引我, 也由於要節省金錢, 所以只買了價值$28的粟米肉粒飯.飯和汁是分開的, 白飯很硬, 我已經叫少飯了, 但仍然很多飯, 真浪費. 汁是非常的多, 帶有很濃的類似罐頭粟米湯的味, 感覺很開胃. 汁裡有雜菜粒包括紅蘿蔔粒, 粟米粒和青豆粒. 粒粒也已經浸到腍了, 不過仍然保持甜味. 至於肉粒, 也很腍, 不過由於我不太愛吃肉, 所以吃剩很多. 值得一讚的是, 雖然我沒有叫飲品, 但廚房也會送我一杯熱開水讓我吃飯後也可清清口腔. 在這物價高漲的時代, $28一個飯, 除了為求飽肚, 還可要求什麼呢?