創意廚房 (Closed)

第一次入呢條巷仔搵嘢食，畀我哋見到呢間創意餐廳。見佢哋人少少冇咩人，所以我哋兩個好快就坐低咗。嗰陣時係禮拜六，午飯時間人唔算多，大概十個人左右。睇下餐牌有咩食先，有石頭鍋飯，意粉，扒類 諸如此類，都幾吸引。我哋兩個都叫咗石頭鍋飯。我嗰個係牛柳粒佢嗰個係薑蔥雞。嚟到嘅時候真係俾嗰份量嚇親，超大份。女仔黎講，食一半都飽哂。我嗰個照燒汁都幾好味，濕濕地，好啱送飯。佢嗰炸雞又炸得脆，拌埋薑葱，都係好啱送飯。2種唔同風味。亮點:請睇 餐牌上面嘅英文，睇下我嗰個照燒汁牛柳粒溫泉蛋飯叫咩名

喺香港，食得茶記，預咗唔會有咩服務。今日食晏第一次幫襯，我叫咗個蔥油雞，由於唔想食飯，諗住轉意粉，個侍應姐姐都猶豫咗一陣話唔係好夾喎，點知呢個食客堅持。轉眼間就上菜，速度合乎茶記標準。雞多，份量大，而且啖啖肉，連隔離位個中年叔叔都話睇到流口水！成碟雞就咁就清晒。但唔好睇少呢間茶記，個姐姐竟然嚟事後跟進！問係咪真係唔夾？下次可以考慮返配飯。呢吓，真係amazing! 價錢方面，50蚊包埋飲品！抵！同行友人多次幫襯，大讚海南雞好食，咁啱另一枱有叫，驟眼看賣相不俗，下次值得一試。之不過，雖則劃分咗吸煙區（室外）同埋非吸煙區（冷氣位），但喺對於非煙民嚟講，冷氣位都聞到煙味，略為扣分。

今日同朋友去左銅鑼灣玩玩食食左一日, 最後黎左創意廚房食dinner~餐廳雖然唔算大, 但入面既環境都幾舒適~不過我地揀野食揀左好耐, 原因係d menu令人有d confused~餐廳提供幾款menu, 分別有: 創意晚市精選、創意晚市套餐、創意晚餐、創意晚餐推介、創意拼餐、創意二人餐…睇到我地r哂頭, 最後我地係云云餐牌中叫左兩個set~忌廉湯普普通通, 罐頭味~ 蒜蓉包夠脆! 好香口~ 蔥油雞扒溫泉蛋石鍋飯個雞扒煎得岩岩好, 個邊脆脆地好岩我~d蔥油令到個飯好香, 就算個飯本身冇咩汁都好夠味~!如果多D 飯焦就好! 厚切豬肉眼扒拼法式鵝肝豬扒都OK, 真係好厚切~ 配埋個黑椒汁唔錯~!鵝肝雖然細細舊, 不過同朋友share一半已經好夠, 太多就好膩!配埋餐飲，一人一百塊唔洗，都算經濟實惠既

去到銅鑼灣食野，想避開人煙密集既地區搵食既我行行下行到聖保祿中學附近，見到有條街開左5少餐廳，窮撚既小分就揀左間價格較平既"創意廚房"，試試佢。小店裝修幾闊落，坐得ok舒服，而且廚師喺廚房播住歌，都幾好。 重點，餐牌我覺得選擇都好多種類，有日中西式都有，而且都係50~70數，不難選擇。小弟最後叫左個魚柳炸蝦蛋包飯配紅豆冰，聽落豐富，希望食落好食啦。等左10分鐘，野食黎齊，賣相我覺得很好，份量一睇就知夠我食，滿意。味道方面，蝦比較硬，皮不脆，可改善; 炸魚勝在夠滑，可以; 蛋包飯蛋有微微芝麻油香，有蛋味，我覺得好食，但中間包住白飯(係炒飯會加分)。 整體，50蚊既蛋包飯，很可以了。另外，紅豆冰我覺略嫌奶水偏淡，紅豆味不算重，但都有粒粒紅豆咬，還可以，我猜是無另加糖水吧，健康一回無妨。總括，係食得飽飽既一餐，食物環境不錯，會再去，試下其他。(少點人潮嘛，不過晚上人流同價格如何就有待其他人發現了)

事關最近多左個新男朋友🚙😆就成日去遊車河 練揸、同泊車係銅鑼灣哩個人多車多既地方想泊街快食個飯都人心惶惶😣當晚已經九點幾係大球場果邊行返岀黎好多都閂左門喇好不容易見到哩間，睇一睇餐牌就入去再夜d無野食睇到餐牌，咦樣樣都好抵食wor 😛🤔$5x-百幾蚊都有交易唔知真唔真。。但望下格離枱賣相都幾好我同朋友叫左一人一份餐，餐已包餐湯、野飲又有水果 👍🏻落單快，上餐都快係銅鑼灣用哩個價錢食個不錯既quick dinner ，都幾好🤞🏻有機會會再幫襯😼

銅鑼灣平價餐廳要過嚟銅鑼灣做嘢又窮窮地真係冇辦法用咁多錢食晚飯朋友話呢度係佢飯堂啲嘢健康啲又抵食見佢幾十蚊有餐湯有蒜蓉包仲有個主菜仲要有嘢飲添又真係幾鬼底好跟住度講佢嘅味道啦其實真係會比較清感覺會比較健康同埋都多菜嘅我食咗個雜菜雞石頭飯正如我所講啦佢比較清其實味道唔係特別出色啲飯仲有啲淋不過健康選擇都OK嘅我朋友就叫咗個喇沙好鬼多餸但好出邊味道唔一樣就係感覺到佢冇乜點落味精都係比較清嘅不過麵質方面就掌握得唔錯so far朋友都覺得OK嘅湯方面佢都幾多菜蒜蓉包有驚喜幾香口嘢飲就冇特別啦都係嗰啲服務方面我又覺得幾好有啲平民親民嘅感覺位方面呢就地方唔係好大但都四四方方咁嘅價錢冇咩特別大要求窮窮地都可以再黎嘅

伙記辦事能力差到不得了！剛入去未有位，伙記叫我去外面等，之後有兩位新客人行入去，本來俾我張枱即刻俾左人。到我有枱坐低，遲遲未執枱。最離譜係我點餐，點左幾次都未落單，仲竟然喺我落單後先遞上Menu,咩邏輯？落單又甩野飲，咖啡雞球啲飯淋到粥咁！食到一肚氣，難食，服務質素又差，冇收加一都唔應該係咁做生意！

繼續銅鑼灣尋找滋味午餐，2:30是此餐廳的下午茶時段，大部份食品都是$30左右，非常抵吃！是銅鑼灣少有的價格。叫了一個芝士豬骨湯烏冬，我選了配雪花肥牛（$30）。賣相不是太好，先是肥牛份量很少，而且很細片。二是芝士豬骨湯的「芝士」應該沒有存在過。不過味道尚算不錯，朋友叫了一個一口多士配蜜汁雞翼（$31）。多士果真小巧，不過烤得恰到好處。雞翼點上蜜汁更好吃，不過是小雞翼。如果食量大，這個餐定不夠飽。但下午茶嘛，份量還算是過得去。總結：賣相，份量一般。但以這個價錢來衡量，是可以接受的！

因為一張外賣紙，我和同事決定幫襯此店！事緣是我們收到這店的外賣餐單，覺得選擇甚多，而我們又想在午飯時候出外走走抖抖氣，於是就索性親身去幫襯。午市套餐除了A至L這些選擇，其實還有是日特餐之類的，總之就是勁多選擇。價錢合理。我對石鍋系列情有獨鐘，同事也決定跟我一樣點了蔥油雞扒温泉蛋石鍋飯。很有驚喜！以茶餐廳的格局來説，賣相超班，而且雞扒的份量十分多，如果喜愛食飯焦的朋友會更開心，味道也是高水準的！雖然此店的面積不是十分大，但在店外的「公共空間」也放了很多張長枱，即使一大班人一起用膳也不愁難以揾位，在同區實屬少見。

今日開完會食lunch說話第一次去食d野就黎得好快👍🏻但所有野都好難食我地叫左3個石頭飯，冇味同d飯好林咖哩牛同白汁魚都好難食仲要60元，吾會再食未食過咁難食既野。。。

喺銅鑼灣食嘢都幾貴㗎去 shopping mall 嗰啲 food court 都六七十蚊呢條巷仔左左右右都有唔少食肆可能呢邊比較遠離 mtr，好多價錢都平少少lunch set【蛋包飯配意式茄醬】可以揀豬扒或者雞扒免加一，連埋嘢飲都係 $48 咋！嚟過幾次，真係好抵食但每次水準都超唔穩定..今次呢個蛋包飯係好食嘅，加埋啲茄汁好開胃雞扒大大嚿，味道都唔錯不過 lunch set 好食嘅選擇唔多有時上次嚟好好食，下次點返一樣就差咗好多所以都要睇下彩數

周日中午足球比賽必定冇得吃午飯。踢完冲埋涼就已下午三點，只好去食下午茶。今天就找到一個吃得飽肚份量十充是下午茶。吉列豬扒配豬骨湯底出前一丁+炒蛋厚多士+即磨咖啡真系猪骨湯底，夠濃好味，配烏冬更正。豬扒夠大件，不過吉列炸皮太厚，食落有點硬。豬扒肉質可以，只是有點乾。炒蛋吾夠香滑，有点實，可能冇加鲜奶炒！多士夠厚，OK.最后配杯即磨咖啡，夠香夠滑亦夠味，比起一般茶餐的好得多。在銅鑼湾地带收你36元，邊度有？

今日同朋友去銅鑼灣搵同事聚舊, 言談之中大家傾到健康既話題~ 所以好自然就去左食健康餐了~今次我地去左銅鑼灣既創意廚房度食~ 我叫左衣個健康餐既黑椒豬扒餐~!個健康餐包埋一個生果~一杯健康飲品~ 主菜既黑椒豬扒賣相都相當唔錯~ 大家亦都唔洗擔心話因為健康餐就怕食唔飽~因為塊豬扒係厚切~好夠份量! 而塊豬扒既味知道都相當唔錯~切開D肉汁流哂出黎~火喉掌握得都幾好~ 總括而言個健康餐味道相當唔錯~大家黎開CAUSEWAY BAY就要黎試下啦~

公司樓下新開左一家創意廚房🤓🤓今日就睇下你點樣創意法啦🤓🤓🤓咁就點左一個雞排餐😗😗😗哇，得意既地方係，佢一開始係上生果先😶😶餐廳本身跟住一個飲食方法🤔🤔批左皮既青蘋果👍🏻👍🏻好食，爽甜👍🏻👍🏻份量仲唔少tim有埋餐湯🤔🤔味道幾好👍🏻主菜黎啦🙆🏻🙆🏻🙆🏻好大塊雞排呀👍🏻👍🏻仲有一份沙律同埋少少飯👍🏻原來呢個係好出名既健康飲食法 3 3 3 3🙆🏻🙆🏻真係漲知識啦👍🏻整體黎講 食物味道好食👍🏻飲食方法新穎💕

銅鑼灣充滿各國特色餐廳，想食一個簡單午餐原來不易，途經呢間門口似大排檔，但又掛滿西式廚師推介餐牌，見到坐滿晒人，又到下午茶時間, 就入去試試！室內約坐到20人，而室外就約20-30人，我地簡左坐裡面。餐牌選擇有好多，最後我地簡左：超值套餐$38: 蕃茄湯 出前一丁 吉列豬扒，炒滑蛋 牛油厚多士，熱檸檬綠茶下午茶餐$30: 芝士豬骨湯 肥牛 出前一丁，熱奶茶樓面約有3個侍應，約等左15分鐘先出飲品，我杯所謂檸檬綠茶，完全冇檸檬味，似係樽裝無糖綠茶加熱！👎🏻侍應非常忙，不停高呼售罄既食物：魚柳、青咖哩、茄汁....雖然飲品唔好味但我們還是充滿期望！再等多約10分鐘，炒滑蛋厚多士送到，滑蛋'辣'嘴既，都尚算香滑。食左多士之後成15分鐘，都未見出前一丁，忍唔住問侍應，但侍應一句：「得一個師父，要等下。」期間留意到其他食客食焗飯，反而好快有得食，而餐廳由我們到達時9成滿淨番2成，應該任何一個阿姐都可幫忙整既一丁！點解我地都未有得食，真係幾嬲！再隔左一陣，終於有得食，等左35分鐘既一丁，先黎芝士豬骨湯肥牛丁，一眼就睇得出唔係一丁，淡口味既味精豬骨湯，侍應話芝士係湯底度，真係食唔出👎🏻！跟住黎埋吉列