Video
Opening Hours
Mon - Sun
07:00 - 22:00
Above information is for reference only. Please check details with the restaurant.
Review (13)
去到剛好七點, 不過現場真係好靜, 好彩有一枱十幾人同埋有Jade台播緊九姑娘, 另外仲有2枱2人世界, 我諗今日算叫做多客.坦白講, 佢可以set buffet既地方唔係咁多, 有3個熱爐放hot dishes一個係炒飯, 一個係share菜同埋春卷(分開既), 一個係燉蛋面頭有少少燕窩呢個好好味, 我老公都食左2小杯我食左4小杯, 刺身有三文魚赤貝北寄貝非翠螺長蟹腳都幾新鮮, 每樣都唔係放好多, 因為真係唔多客, 反而佢好密咁出黎睇要添d咩, 無就再添咁.佢雖然無咩客, 所以佢既方法就係少少咁放, 細細杯, 經常添, 因為無咩客, 所以反而唔洗爭, 仲添得快啲.食到咁上下, 我地就叫埋個main course, 有成9款可以選擇, 我叫左牛柳, 老公叫左牛肋條, 新鮮熱拉, 即叫即整, 我個牛柳七成熟好好味, 又有牛味有軟熟, 老公個牛肋條就好香好juicy.甜品唔係太多, 但件件都不錯, 右上係燉蛋, 右下係木糠布甸, 左下係朱古力模士, 左上係好清甜既桂花糕, 最頂果件係比較普通既芝士蛋糕.或者香港人真係太鍾意多款式, 呢度係比較少款式, 但係我覺得佢知道自己既缺點, 所以啲食物都做得好精同埋好精緻, 如果二人世界靜靜地, 二百零蚊一位, 都幾好.
continue reading
搵左幾間....諗住搵d平靚正ge自助餐....點知係一間半自助ge...主菜就一人一款....行冷盤同甜品係任食....唉~~老實講d三文魚刺生都幾肥ge...不過其他就差d lor~~我地14個人食...食到好似包場咁....原本都有兩三台ge....食左一陣就無曬d隔離台....總之一句講曬:一定唔會再去~~
continue reading
見呢度話Lunch buffet主題是三文魚自助午餐, 以為有好多唔同整法既三文魚..原來唔係..唉.. 其實皆因個冰島火山. 因為咁,影響咗入口娜威三文魚. 無貨供應.. 又唔怪得佢..呢間野好有交帶,早一日打俾我confirm 人數, 仲話我知無三文魚剌身, 用煙三文魚代替..咁約哂人費事改. 事但啦. 去到無咩客. 兩三成客度, 食物選擇唔多. 不過每樣野既水準都唔錯丫. 而且人唔多, 又唔使出現爭既場面, 個感覺舒服好多. refill都快架. 煙三文魚 其實都唔錯丫. 好好味. 由於我地一行十人, 5個都鍾意飲coffee, 呢度係自助咖啡機, 又可以按expresso .正.. 所有服務生既態度都好友善. 好好禮貌及親切. 如果要食, 就打去book 位, 咁先有85折, walk in 雖然有位, 但無折架. 每人折後$112.1, 雖食物種類唔多, 但都好好味. 所我我都係話5分抵食. 食得舒服嘛,
continue reading
三月尾打算在復活節期間食自助餐, 但找了幾間都話full booking. 最好搵到維景話有位, 心諗咁好彩可以訂到位.當晚6:40p上到去, 但只坐了六份一人左右十分泠清, 開始有D 擔心. 坐定後, 出去行一轉才知大件事, 全部係泠盤冇熱食, 轉頭找個待應問, 原來熱食D主菜係要叫, 每人只限一款 (但可refill), 我地四個人只可以叫四款熱食, 那算什麼自助餐 泠盤有壽司. 刺身包括三文魚 (一pat 擺到好亂)、 白色的魚、元貝、八爪魚等. 每樣試個, 三文魚還可以, 我最鍾意的八爪魚好"UN"唔掂 (通常我會食佢四round, 今次一round 收工).仲有麵包、 蟹腳、 沙律、好似有蠔等, 但真係好少款可以拎既野食亦唔多. 另有翅湯(唔多覺有翅)、炒飯(唯一可自取的熱食). 熱食共有8款可點, 但每人只可點一款, 我們 4 個人就4款 (乜我唔係食緊自助餐咩, 仲乜要叫熱食?), 最後點了印度鷄、什會海鮮、牛柳、魚. 個什會海鮮最不知所謂, 又係一隻蟹腳 (泠盤用剩的材料?)+幾隻蜆, 印度鷄及魚還可以仲有叫refill, 牛柳就一般, 還是希望吃即燒牛肉. 今次我們有四人還可以試4 款, 咁2 個人成晚咪只得2 款熱食. 甜品選擇也不多, 有布甸、cheese cake、仲有D 唔知係乜(冇乜心機去留意). 另有水果、平價雪糕. 飲品只有奶茶/咖啡, 連一般常見的橙汁也沒有. 汽水啤酒當然係要另外比錢. 總括而言, 從未試過周六+公眾假期去食自助餐可以有如此安靜的環境(最多人的時候也只是坐了1/5人吧), 也從未試過食自助餐可以只走五六轉就收工. 大概人不多, 泠盤/甜品也沒有什麼refresh, 我也担心D 壽司. 刺身有幾新鮮.二百幾銀的價錢雖然唔可以要求太多, 但也實在太差了, 曾經去過附近的六國酒店食自助餐也是二百幾銀, 但真是好得多! 終於明白為什麼一間酒店的自助晚餐在公眾假期可以如此淡靜!
continue reading
跟家人掃墓後,選擇了此餐廳吃自助午餐,早前曾在此吃Dinner buffet,覺得價錢便宜,食物質素都不差,雖然款式比起很多酒店算少,但以此價錢,算是不錯,所以今次我選擇了此吃Lunch buffet,一行12人,以往我們都會去九龍區去吃lunch buffet,價錢都會選100元左右,今次有機會在香港區吃,雖然餐廳很細小,環境不是高級質素,但對於我的家人,食物質素及價錢是最重要,而這裡沒有令我們失望,是日的Lunch buffet主題是三文魚自助午餐,當然有很多三文魚,這裡refill食物很快,三文魚很肥美新鮮,曾經在其他餐廳吃三文魚,都是沒有味且冰凍,這裡簡直一流,家人最喜歡吃三文魚,所以極之讚賞,其他熱食大概有10款,但每樣的味道很好,鹽燒三文魚頭,好味 , 沙律很新鮮,有很多款, 甜品也有很多,質素好好, 惟獨蝦餃燒買唔夠熱辣辣,整體都很滿意,以這個價錢,很值得去吃.
continue reading