琉金穗月

Open Now

Now Closed

·明太子魷魚蟹棒意大利麵🍝 $𝟫𝟨推薦呢款！！😋 好濃味 好好食😋意粉質地適中 配料份量尚可 最緊要仲係熱辣辣 賣相亦都唔求其·黑松露煙肉雜菌意大利麵🍝 $𝟫𝟨呢款無明太子咁濃味 係配料都幾多 食落口味幾豐富呢兩款比較下 我中意食明太子意粉多d💛·富士山🗻 $𝟮𝟵（加配半價飲品）我個人真係好中意富士山有種我都唔知點形容既吸引力每次見到🗻樣既食物或者飲品就好想試 而今次食呢間餐廳都係因為佢個飲品🤤介紹返 呢杯係碟豆花燕麥奶黎～第一啖飲落無乜味 但加左暖既黑糖好飲好多🥰 黑糖沉得慢 影相可以捕捉靚既一刻可惜我破壞左佢既美感😂·粉紅玫瑰🌸 $𝟤𝟨（加配半價飲品）呢款打卡都好靚 夠晒少女心朋友話個味似青檸梳打汽水 😂中間好靚既玫瑰冰 等唔切佢溶變相好似無乜點飲過野咁餐廳人手唔多 野食都係即叫即整 所以上菜速度唔快 要等大概𝟮𝟬分鐘😬如果趕時間既話建議唔好揀呢間 留返放假想𝒄𝒉𝒊𝒍𝒍下個陣慢慢食✨店員服務態度亦都好好 呢間我一定要再食過❣️其他意粉甜品飲品都好吸引想試勻佢呀😜

一直都聽朋友介紹哩間嘢好正，今日正好得閒嚟試試，環境唔錯，食物都好，但服務真心差。話說，食完嘢，叫人收拾張檯，第一位侍應嚟淨係執走碗碟，完全有諗過到抹下張枱，因為都有啲污糟，有餸及汁係張枱到，但佢全完冇咁做。咁過咗一陣，叫另一位抺吓張枱，佢問，張枱係唔係我哋坐緊？之後就嚟抺咗。首先，張枱是否我們坐緊同抺枱有關係嗎？其次，佢抺全後仲留低咗啲菜係張枱度，難道係杙留返俾我食！以後都唔嚟！冇下次，食物幾好都冇用！

首先，環境真係幾好，坐得舒服，裝潢幾別緻，d燈好特別。地方整潔乾淨。食物方面，叫咗雪糕、雞翼拼盆、大啡菇。由於雞翼好好味，仲翻兜咗，即前後兩客。d雞翼有三種味道，包括：香茅、BBQ、香辣，各有特色，都好好味。最特別係香辣果隻，去咗骨，釀了糯米，個味又超夾，無預警之下，非常之驚喜！大啡菇都正，中間釀芝士呀煙肉呀之類，應該係焗嘅，味道都好夾！飲品叫咗熱飲山楂蘋果，清清地都ok，初頭以為佢冇乜味，原來d味浸一陣先出，差啲誤會咗佢。總括來講，真係唔錯，人均百零蚊，下午hea 下吹下水幾好嘅地方。

明太子蜆肉蟹棒意大利麵Spaghetti with Clam and Crabstick with Cod Roe Sauce HKD 79—————A super creamy pasta that is very satiating. Perfect if you are starving or need something to keep you full for a solid while. Pricing was a tad aggressive for the quality though. 🗻富士山 Fujisan Oat Milk HKD 48—————I don’t typically order super instagram-worthy drinks but made an exception for this super cute mount fuji drink! Definitely a stunner with that beautiful shade of sky blue and contrasting white colour. Taste-wis

白田邨依度餐廳唔係好多，精挑細選下決定來石硤尾賽馬會創意藝術中心食呢間。🍽Golden Breakfast $92All Day Breakfast 很好吃，有滑蛋、沙律、蕃茄、菇、吞拿魚、直布羅陀腸及竹碳包。由於我唔想食太多加工食物，店家都好好呀，幫我減咗一條腸，加多咗少少菜俾我。🗻富士山$40我係為咗呢杯飲品嚟㗎，一直見到佢啲相都覺得好靚，所以入到去諗都冇諗就叫咗佢。當佢上枱時候真係會好開心架😍，心情靚晒。佢由燕麥奶、蝶豆花同黑糖造成，黑糖自己倒，可以控制分量。味道其實也是非常特別的配搭，燕麥奶都幾好飲，我下次嚟都會再飲。

香港人平日工作又忙又攰，條街又勁多人，行一步路，抖一啖氣，都好似受到拘束，難得放假，當然要去啲平日少人去嘅地方，清靜一下，沉澱一下，令自己可以慢番落黎，享受一下生活，今次黎到依度就岩晒，過黎勁方便，出左地鐵站，吾駛十分鐘就行到，依度係一個藝術中心，可以睇一睇啲展品，欣賞一下，然後歎番一杯野飲，好寫意～～今次就揀左依度嘅富士山顧名思義，佢嘅外觀已經睇得出，其實依一杯係蝶豆花豆奶，另外，佢有黑糖可以加，你可以因應自己想要嘅甜度加落去，避免左一啲吾鍾意甜嘅人飲落覺得甜，放假，就係要休息一下，Hea 一下又好，食野又好，最重要係可以有番自己嘅私人時間，享受生活☺️

今天兩個真文青黎做一日偽文青😂來到石硤尾創意藝術中心，睇下畫睇下藝術作品🧑🏻‍🎨👨🏻‍🎨當然不少得要黎呢度relax同chill下啦☕️🔸明太子蜆肉蟹棒意大利麵🔸材料真係一啲都唔吝嗇，好多明太子同蜆肉，好香嘅忌廉芝士呀！呢個意粉幾creamy幾好味！評分：7/10👌🏻價錢：$79🔸All day golden breakfast🔸食物包括大啡菇，煙肉，腸，黑松露炒蛋，多士，蕃茄，yogurt，茄汁豆，沙律菜。不過不失，無乜驚喜。評分：6.5/10價錢：$98呢度環境唔錯，懷舊feel，坐得好舒服。食物味道可接受，打卡一流😂

喺附近運動完兩個大食積本來話坐低飲杯野就算，點知入左呢間cafe環境太舒適好坐，胃口忽然大增所以叫左兩個意粉做'下午茶'😂兩個女仔叫咗一客黑松露煙肉雜菌意大利麵同明太子蜆肉蟹棒意大利麵，意大利麵彈牙好味，味道有90分但略為細份，美式黑咖啡都幾好飲，好適合坐低慢慢嘆，整個環境同寧靜空間有加分，喺附近想搵個地方殺時間的話，不妨過嚟坐坐。

一直都好喜歡這個藝術中心。經常會到這裡睇展覽和影相📸️。還會光顧這裡的中茶館食點心和嘆茶。因為這間西茶館經常人太多和睇食評。好似話要等超過一小時⋯但今天見這裡比較人少就試吓排隊試食。這裡環境都算舒適。但其實地方又唔算太大。但都算滿意。店里裝飾令人感覺舒服、簡單又易明白今次點了套餐。但其實都係要加錢轉飲品。價錢上其實都唔太抵。拉花就普通咗啲。麥當勞都應該做到。這個價錢嚟講只能算係合格。這個意粉明太子的味道唔係太出。但忌廉味真係幾濃。價錢都算合理。份量都充足。這個雞翼拼盤有很多款。有一款糯米雞。吃下去比較中式。有款辣雞就唔太夾。但整體都算合格。有沙律菜伴碟。吃得很清新。這個甜品點的目的是因為想用一個平點的價錢點飲品。那個豆腐雪糕不要太大期望。但個朱古力蛋糕就幾好食。那支朱古力醬用處不大。這杯飲品就是今次選這間餐廳嘅最大目的。用碟豆花調出來的-富士山🗻送來時第一個感覺很新鮮。但睇清楚後又發覺唔似網上的相片吸引。因為今次調得比較沉色。沒有太多層次感。當上面的白色泡沫飲完後就更加覺得平淡。其實杯黑糖可以唔落都夠味。飲品都幾合胃口。這間Cafe雖然比高峰期人少左。但都不停有人進進出出。職員態度親切。

遊走在深水埗，目的就是找咖啡飲，hea下 .... 一間又一間，每一間都高朋滿座，全都要排隊等位，好似全港文青文佬都衝曬去深水埗飲咖啡咁 ....我哋兩公婆就唯有踩上去 石硤尾－賽馬會創意藝術中心 的 💛 「黃店」 "琉金穗月 Cafe Golden" 嘆杯啡 , chill 下～其實之前都來過幾次飲咖啡，這店的咖啡和食物都很合我口味 ~Menu ~Cold Brew Coffee 冷萃咖啡 : 入口味道濃郁芳香, 口感滑順 , 後帶有少少 nutty 的餘韻 , 味道踏實 ~Fujisan Oat Milk 富士山 : 是這間餐廳的招牌飲品之一 , 藍白配的富士山，從名字的想像，應該是凍飲吧! 事實卻是相反，是一杯暖笠笠的熱飲～ 富士山成份是燕麥奶、蝶豆花、黑糖，營養充足呢～ Soya Warabimochi 黑糖厥餅配紅豆、小丸子、綠茶雪糕 : 黑糖厥餅軟滑彈牙，裹上黃豆粉是份外香甜，伴吃的紅豆、小丸子煙煙韌韌，與緑茶雪糕混着吃 , 真有和式的風味 ~#黃色經濟圈 #黃店 #良心小店 #撐黃店 本篇完 ~

💛放假又可以去食個lunch雖然都重係淨係可以兩個人 但為左大個著想 大家都要乖乖地 少啲出街今日想去啲遠離群眾靜啲既地方食個lunch一search石峽尾就見到尼間 環境睇落又舒服 就簡左佢🥰 叫左兩個set 一個明太子意粉+玫瑰荔枝梳打水(冇影meun唔記得名🤣)另一個係full all day breakfast + dirty兩個都好食！唔係得個樣，staff又有禮貌 見我係咁影相都提我dirty要快啲飲先飲到凍熱兩層整體感覺好好 會再去💛💛

721係老公生日&結婚周年紀念~當然到浪漫下啦… 做文青飲咖啡☕享受這刻的悠閒… 估唔係活化廠廈裏面有個舒適地方可以停一停抖一抖飲杯咖啡enjoy 吓~ 骯髒咖啡個名吸引我試 ~ cold brew~意粉餐… 食完再叫dessert🍰🍨 encore 杯特飲富士山好靚…又飲又食, nice職員哥哥請我飲手沖咖啡👍👍真好飲沖出花香果香…好介紹買多兩包咖啡豆回家慢慢品嚐…喜歡單品咖啡真要試下…讚~thanks !😂🤣😅

<石硤尾> 創意藝術中心的隱世文青cafe 有outdoor位，有買風扇都唔會太熱，室內都坐得舒服😌，星期六來都唔需要等太耐，店員都好nice☺️只係食物選擇不算多🤔<富士山>-其實係蝶豆花加燕麥豆奶,好適合打卡，但味道唔算特別，有啲似熱嘅燕麥豆奶🤔58來講有少少貴。意粉就唔算話特別，正正常常，試一次都OK。明太子蟹柳意粉味道都OK，食完可以喺呢幢藝術大樓行下，都有不少打卡位😌吸收下文藝氣息😝

喺石硤尾嘅JCCAC手作市集裡面，有一間由50年代懷舊風演變至簡約風嘅咖啡店，裡面收藏各式嘅古舊家具，所以係一個小小嘅展覽廳。食物冇令我感到失望，唔係「虛有其表」，水準中上。📍富士山 $48(7.5/10)賣相的確好吸引，內裡係黑糖牛奶，加上蝶豆花，顏色十分夢幻。黑糖嘅份量可以自行調配，所以唔似好多店舖嘅黑糖牛奶咁一味死甜。📍粉紅玫瑰 $44 (7.5/10)相信係好多港女必點嘅飲品，最特別嘅係中間放咗玫瑰冰，影相打卡好靚。梳打嘅味道稍甜，玫瑰香味好重。📍明太子蜆肉蟹棒意大利麵 $72(8/10)意粉軟硬度適中，明太子、蜆肉嘅數量比我預期中多，醬汁好creamy，味道香濃，明太子入口即溶，cp值高。📍蟹膏龍蝦汁海鮮燴飯 $62(8/10）蟹膏十分濃郁，配菜份量好足。

其實知道琉金開左之後，一直都想黎但夾唔岩時間，今次係南山村打完卡，其實行10分鐘就到琉金，所以終於可以一試開左咁多年既高質cafe。明太子蜆肉蟹棒意大利麵明大子相當之多，而且溶入醬汁與麵條之間，除左味道豐富，口感仲有一粒一粒，蜆肉亦比想像中多蟹膏龍蝦汁海鮮燴飯龍蝦準的香味未食就已經聞到好濃郁，食教中間的飯時，濃郁的蟹膏就會出現，立即有高級的感覺，好食富士山/粉紅玫瑰基本上黎到必點的打卡聖物，富士山簡單黎講就係近年亞洲追捧的黑糖奶，不過黑糖可以自己控制落幾多，所以唔會存在很多店鋪的死甜，仲有碟豆花的夢幻顏色配合，飲得開心粉紅玫瑰，將玫瑰梳打簡單又好飲發揮得好好，只係中間的玫瑰冰，唔飲都夠人影相影半個鐘，況且味道少少甜，玫瑰香超級濃烈，滿足哂少女的願望