書湘門第 (富利達中心)

Open Now

Now Closed

朋友聚會，唔想打邊爐又唔想食大排檔，搵左一間係商場隔雜條巷嘅湖南湘菜，平時行過無留意都唔知有喱間野，上面原來好大，地方好闊落，完全估唔到當日無咩人，所以感覺幾自在，似普通中菜館嘅裝修，乾淨正常金湯酸菜魚份量幾大，幾好送飯嘅一道菜，酸湯好開胃，加埋有小小辣，唔會太over，魚都幾滑，就算煮耐左都唔會鞋，食到咁上下可以加啲額外配料落去，加啲菜果啲吸晒啲汁幾邪惡，薯粉都好QQ彈彈手撕包菜朋友稱讚嘅一道菜，包菜炒完仲保留到爽脆口感，同時又好掛汁，辣味十足

好耐之前新開張嗰時黎過1次，好多菜色都比較辣，因為唔食得辣之後就唔敢再黎，今日心血來潮想食酸菜魚，係openrice search見到新餐牌寫住＜辣唔辣由你話事＞，貪佢地方幾好坐於是比次機會自己亦比個機會餐廳，希望以後會多一個選擇，點菜時講明要不辣，係少少辣都唔要，店長叔叔好明確表示知道，到上菜時就發現唔對路，睇賣相都覺得有少少辣，店長叔叔再強調話唔辣架，但一食落口就知伏左，味道係正正常常，其實啲魚係幾滑的，但並非走辣囉！食到我同我媽都頂唔順，佢食左少少已開始咳，唔敢再食，我就有喉嚨唔舒服。菜花比較油，亦非走辣！走前同店長叔叔投訴，佢話會反映比廚房知，下次再黎會改善，但我話應該唔會有下次了！其次係份量少，加$12轉米線，份量少到一個女仔都唔覺飽！再其次係冷氣唔夠，尤其窗邊位更甚，原本貪佢地方闊落先黎，今次真係一個錯誤的決定

服務好好，店長小哥哥人好好，烤魚也好吃😋。第一次，學生還有飲料送。店里環境坐的很舒服。位置在荃灣德海街，生果舖上面。值得推薦。有烤魚，酸菜魚，荃灣難得的湖南餐廳。叫了条烤鱼，酸菜味，小辣，好好吃，值得推薦。

食過lunch 都👌。問過話夜晚收10點，點知朋友8點40幾分上到 50分叫嘢食，即刻要俾錢，之後本人9點02分上到去，13分姐姐行埋嚟叫我慢慢食 唔好急 我哋收9：30 我O嘴 。唔早講，轉頭個經理物體 23分行過嚟講 “食快D,我哋收9：30 ” 我再O嘴 。其實可以一早講唔做我哋生意 ，我唔係食個碟頭飯 其實又熱又辣 要我20幾分鐘食曬 ，又唔一早講 。仲要D嘢食鹹到要洗腎咁 真係好垃圾 。態度唔好 食物又唔得。唔會再食

晚市套餐都只係398就可以食到三款小菜，幾抵食- 孜然羊扒 +$68有成五大塊，重點係肉質好鮮嫩juicy，真係估唔到，面頭放咗大量蔥蒜同辣椒，好香- 鳯尾腰花用咗乾辣椒同蒜心一齊爆炒，香口惹味，最啱餸飯- 干鍋有機花菜熱辣辣有個爐熱住咁上枱，保持溫度另外額外再點左個酸菜魚- 酸菜桂花魚片 $398辣度酸度平均，桂花魚片啖啖肉，有鮮味

環境：呢間餐廳係荃灣，位置比較少人知道，所以假期都不用排隊2個人堂食用餐，星期六都可以有5人卡位坐環境不會太吵適合家庭聚會食物質素不錯：套餐：C）乾鍋有機花菜（上菜時乾鍋還有火係下面）＋A）酸菜魚（好大份，二人食5曬還要拎走）小辣都幾惹味套餐優惠加的口水雞 好抵食 估唔到$58 都咁大份 適合2人食白飯都好特別用鉢上唯一缺點飲品選擇比較少，只有罐裝/枝裝飲品/酒上菜速度正常和服務態度不錯（還會提醒乾鍋要等多1分鐘先食）價格合理值得試

魚肉鮮嫩多汁，結合著烤過的香味，魚肉質感綿密，口感豐富，魚肉很鮮，調味剛剛好，唔算辣，份量足。口味很好，職員很友善，細心有禮。地方整潔，魚肉很鮮味。口味和辣度可以調整，地方位置很方便，很容易找到。整體用餐感覺良好，下次會再來吃

侍應態度惡劣。食晚飯呢度只係坐滿咗一半？等了足足30分鐘，而我只係叫咗一個普通嘅乾鍋花菜和豆乾炒豬肉。戴眼鏡果個侍應行埋嚟，竟然同我講，你要唔要cancel?煮就煮緊。Waiters have bad attitude. The place for dinner was only half full? After waiting for a full 30 minutes, I just ordered a regular stir-fried pork with cauliflower and tofu in a dry pot. A waiter wearing glasses came to the restaurant and actually told me, "Do you want to cancel? It’s cooking’

第二次光顧，有午市套餐，種類有幾款但足夠，同樣叫酸菜魚米線，味道仍保留，湯味濃，份量足。當中有企業員工優惠附送飲品，而OpenRice訂枱亦有單叫優惠。環境舒適，枱同枱之間有段距離，今次等上菜速度比上次快，15分鐘已經可以，上次等了近25分鐘。

今日喺荃灣早上要處理啲事，搞掂已經接近下午一點，行到附近見到呢度lunch有酸菜魚食，入到去餐廳客人算少，而且環境都算舒適今次叫左酸菜魚一人前套餐$79，個餐包括一小碟青瓜前菜，一碗砵仔白飯，另外再加左罐王老吉凉茶$9另再加一，酸菜魚都算大份，魚片數目都唔少，魚食落魚味幾好又滑兼冇碎骨，酸菜配料都好多鹹酸味夠，仲有幼红薯粉浸底都好吸湯索到酸菜味同魚味，熱芮芮食酸辣野正哂呢度員工對客人態度，又有好多晚市抵食套餐，下次黎會試下晚上食其他套餐添！

話說逛街時，經過荃灣公園附近，抬頭望，發現有間湘菜，決定今晚來試菜這間湘菜，完全不起眼，門口是住宅大廈樓上地方非常乾淨服務我地三人叫左一個398元套餐，再加小菜，6xx埋單，都唔太貴大大碗酸菜魚🐟；魚、酸菜、薯粉份量極多，色香味俱全，最緊要湯清而不油膩 炒藕尖；炒得夠火喉，清爽辣酸，不同層次長沙臭豆腐；外脆內軟，可惜不臭窩包；餐牌與現實不符，但尚算ok，包煙煙靱靱+淡梅菜，味道較為清淡左宗堂雞；酸、甜、脆帶點辣，似咕嚕肉，但無咕嚕肉咁肥膩

呢間嘅午餐十分抵食，食滿200蚊加1蚊仲可以試埋佢個酸菜魚😋難得宅係家中嘅公公同姨姨都出咗嚟，四個人湊夠數就去開餐💪🏻因為姨姨唔食辣…婆婆又話唔食…有好多都唔叫得😩1. 香干炒肉（要辣）其實都唔叫好辣，最後婆婆咪同我爭食😤😤😤2. 宮保雞丁（走辣）最後應該叫甜炒雞丁…下次唔應該同佢哋嚟😡3. 有機花菜 （走辣）呢個走辣我覺得正常，連菜都好辣咁成餐就好難balance 4. 炒飯 （走辣）好大碟同好味5. 酸菜魚雖然唔叫好大碗，但真係夠2人份量仲有水晶粉底🤣我哋連湯都飲埋總括嚟講，抵食同好食…只係我要搵番d食辣buddies嚟食🤭🤭

是日同男友食午餐，坐埋位，職員便立即帶位遞水。午餐有套餐選擇，滿200蚊加1蚊就有酸菜魚。叫了湘味梅菜扣肉，剁椒魚頭半份，加$40口水雞，加$10油菜，夠$200，所以加1蚊就有酸菜魚，抵食。酸菜魚份量足夠仲有埋薯粉，只需$1，抵食！！口水雞不過不失，但凍了少少，辣度普通。梅菜扣肉味道一般，送飯一流！最後到剁椒魚頭半份，一上到枱，份量非常多，值回票價，辣味十足，性價比高。員工服務態度良好，會再光顧。

溫度驟降，得十二、三度，1個人响附近做完嘢，搵地方食lunch, 响樓下見到招牌介紹，就被酸菜魚吸引咗上去。上到去見環境都幾好，地方寬躺，又有大玻璃窗，望向對面公園，幾舒服。平日lunch time人唔多，坐左一半枱。侍應招呼唔錯，開咗壺茶俾我，坐低飲杯熱茶，即時暖晒。平日午市有套餐，米線套餐仲有9折。於是我就叫咗個酸菜魚米線。酸菜魚米線上枱都幾好樣，熱辣辣，都有好多片魚片。魚片新鮮，浸埋啲湯酸酸辣辣幾好食。雖然天氣凍，但係食辣嘢，緊係要飲汽水啦！食完飲完好滿足😋

在荃灣區周圍都好多人、好嘈，呢間食肆坐位寛濶，位置其實在大鴻輝對面、荃灣城市中心隔離，其實位置好方便。這裏的烤魚、羊架都很好吃。吃得辣的可嘗試炒臘肉。價錢也比其他川菜館抵食。