嚐 (Closed)

我同🤴🏻見餐廳人少少，又有乳鴿🐦食，一於試下先😃😃～～～乳鴿🐦二人晚餐～～～～～～BB乳鴿～～～乳鴿🐦會一分為四，肉質唔錯有少少汁😄😄～～～上湯時菜～～～我哋揀咗蘿蔔又硬又唔入味，同時個湯好鹹，非常失望😩😩～～～鹽酥拼盤～～～正常口味，當中嘅炸燒賣較出色😀😀～～～豬軟骨燒茄子肉燥飯～～～個汁幾濃，豬軟骨唔會太硬，可惜肉燥太少😐😐～～～星洲喇沙米配雞鎚～～～微微地辣，湯底有風味，雞鎚OK😙😙～～～蜜瓜珍珠奶茶🧋、抹香奶綠🥤～～～🤴🏻嘅奶茶🧋有少少蜜瓜味，全杯甜味黎自黑糖條，只係合格！😗😗我個杯奶綠🥤係走珍珠，似飲緊水溝奶，零甜味😣😣仲要每杯加$7，蝕左☹️☹

好少可今日同左女朋友嚟咗青衣城行街shopping咁我青衣其實除咗青衣城我都冇去過其他地方嘅咁之後我哋都要去搵下嘢食㗎啦跟住女朋友就帶咗去呢個長發商場入咗呢間餐廳食 呢間餐廳叫嚐鹽酥雞塊拌飯 $52個鹽酥雞味道一般同埋有少少淋淋地佢係唔脆口可能因為有個汁嘅關係南瓜忌廉汁雞髀司華力腸意粉 $63佢啲南瓜汁比較少成個意粉好似好乾咁我搞到如果雞脾都感覺放咗好耐咁係個司華力腸算唔錯食個晚餐總結來講都唔算貴但係衛生情況就比較差所以就係咁

第一次食， 環境都算大，人流唔算多， 味道都幾好食，選擇都幾豐富，飲品都非常台式正宗，環境裝修都精緻。 下午茶時段可以由兩點坐到五點幾，都沒有人阻，但店員自己都好唔得閒。點了下午茶的喇沙鹽酥雙丸甜不辣米線， 炸物點都好食，甜不辣成塊都幾好咬， 不過沒有太多鹽酥的感覺。 反而喇沙湯的湯底很吸引，米線的幼細也盡吸湯底。另外加了鹽酥單骨雞翼， 非常好吃， 真的有非常鹽酥的質感，值得一試。門口有青依地區報，都是有心的食肆。

大食妹前兩日同朋友郊遊, 覺得有啲太曬於是同朋友入商場涼下冷氣, 順便食個下午茶因為見長發廣場都係比較多大型連鎖餐廳, 我哋就揀左間未食過嘅台式餐廳-嚐<煲仔芝士咖喱汁雞肉焗飯>大食妹嗌左份煲仔芝士咖喱汁雞肉焗飯焗飯份量唔多, 女仔食就啱啱好雞肉肥瘦適中, 咖喱少辣, 口感算濃郁<燒茄子甜不辣•肉躁飯>朋友就嗌左份燒茄子甜不辣•肉躁飯肉躁有啲過咸, 肉碎都唔多但燒茄子同甜不辣幾唔錯, 燒茄子幾爽脆, 而甜不辣都算煙韌<鹽酥燒賣>大食妹見有鹽酥燒賣, 就加左份脆而不油, 唔錯<綠茶多多>但呢杯綠茶多多就係一大敗筆, 又淡又無益力多味

今晚去左長發商場食晚飯，想慢慢食又坐得舒服d, 見到呢間食台灣菜既餐廳幾闊落，而且我又想食麵，就一於決定入去啦張枱幾有心思，有d花係入面，不過吾係張張枱都有我簡左個茄子豬軟骨肉燥面。茄子吾錯，juicy得黎個皮都有少少脆，豬軟骨就普通，有少少肥。肉燥面面質吾錯，幾煙韌彈牙，而且份量都算多，不過就略咸，食完之後要不停飲水。總括黎講呢餐都算抵食既，每人都係40幾50蚊，味道雖然吾算係好驚喜，不過勝在位坐得舒服，好適合談心。

今日路過長發商場，因為午飯時間，所以睇睇有咩好食。路過見到呢間餐廳見好似係台灣菜，仲有最愛鹽酥雞所以就入去試試。入到去人唔多，可以自由揀位坐。午餐餐牌有幾款，有台式日式西式感覺比較似茶餐廳咩都有。我點咗鹽酥雞配咖喱麵撈麵，雖然聽個名好fusion, 有機會會好伏，但都照試下啦。個麵嚟到同餐牌個樣不符，賣相唔係幾好。撈下個麵發覺個醬汁偏杰身，聞到係啲日式咖喱嘅味道，食落偏甜，味道很一般，日式超市盒裝加熱的比較好食。麵質一般。至於鹽酥雞 雞扒薄身炸得好乾，上面曬上七味粉。除了七味粉味食不到雞味。服務態度OK 環境OK。不過呢個撈麵真係唔好食，不推薦。

人生第一次寫食評，平時再差都由佢，但呢間真係要寫出黎，唔想有人被騙。叫肉燥飯無肉燥已經好唔掂👎🏻👎🏻👎🏻 仲要比好少汁，我見隔離位都叫有汁（但一樣係無肉架！），我個碗係撈完都仲係好多白飯。忍唔住同個坐門口著便服既帶位女侍應反映（佢咁啱行過），我只係講左句好少汁，佢就一開口第一句就話要另加錢，開口埋口講錢已經好反感，毫無誠意唔想做生意咁款。又解釋係用量杯勺汁，唔會唔同，比哂佢睇d白飯都可以唔認，同時態度又差理得你死咁款，咁既服務唔想做生意就米鬼開啦。有圖為証，無肉燥都已經偷工減料，仲要連汁都無，咁樣做生意去呃人，態度仲要咁差，一定唔會再去食。

餐廳環境不錯，台中放滿乾花，感覺清新。叫了鹵水食物，一般水準，但個人十分吃喜歡吃鹵水豆腐的~~實為安全選擇。鹵肉飯比較硬身同大粒。 我比較喜歡吃軟飯~!最驚喜及好吃的竟是魚餅哦，不過是辣的!不要叫麻醬面，感覺真的只有在不濃不淡的麻醬，非常單調，很流，一碗不想吃完呢。珍珠奶茶就是很傳統的味道，不像現在開到成行成市既多元化，就最原始的味道，不過當中除了珍珠，還有啫喱，所以也有一些趣味的餐廳價格很大眾，晚市又不會人太多。非常不錯呢~~

長發商場依家多左好多野食，今次就試下呢間叫做「嘗」既台灣菜，佢係正全個商場既中心，睇落環境開揚，座位又幾闊落，所以就一於試下！入到去因為係午餐時間，位唔多，所以就坐左係近廚房位置既角落，景觀差Ｄ，不過就似間文青CAFÉ，但就無咩侍應招呼我地，到落單時直情要行出去，希望今後唔好忽略角落既孤兒啦！！講返野食先，我朋友叫左個雞件麻醬伴麵，賣相麻麻，味道都一般，Ｄ雞好乾唔知擺左幾耐……然後我另一位朋友就叫鹽酥雞麻醬伴麵，佢話Ｄ鹽酥雞太鹹，都係好乾……我就叫左個焗豬扒飯，雖然燶左少少，不過幾香口，幾好味，我Ｄ朋友都好羨慕我，話下次要試我呢個飯！

該店外觀一般。店內裝修雅緻有特色。卡位亦頗舒適。這些餐卓設計確具心思。該店所提供的食品亦頗多樣化。用印花招攬顧客光臨，顯見該行業競爭頗大。自助式的水完全不熱，且杯亦有污跡，宜改善。豬軟骨質量頗佳，軟骨稔熟，口感頗佳，調味亦可。肉燥製作亦算認真，米亦用上圓潤的珍珠米，這碗飯整體表現平均水準以上。熱柚子蜜水夠熱，可惜柚子份量太少。以該次的光顧經驗看來，該店能提供一個頗舒適的進食環境，惜自助水熱度完全欠奉且水杯潔淨度不足。侍應待客未見熱誠，宜多留意顧客的叫喚，提高整體服務水平。

5個人叫左5個餐5杯野飲仲叫左兩個小食啲麵其實真心唔錯夠大碗飯差左少少濕得濟喇沙聞落似冬陰功食落無味拼盤就不過不失最慘係碟菜$20其實都唔會期望啲咩但係堅細碟應該無下次

鹽酥雞肉燥飯 加 凍咖啡本身要杯凍啡走甜 等咗勁耐 嚟咗杯甜嘅 唯有叫侍應再沖杯沖完再嚟一睇色水都心知不妙 飲落啖到同水一樣肉燥淨係得汁 肉碎得啲啲 偏甜 雞塊無肉得嗰四嚿咁都要48蚊

今日年初四，來到呢間新開的食店，見到以台式料理居多，即管試吓。紅燒牛肉麵，牛肉超『淋』入味，但係成個湯底鹹咗D，扣咗D分數。滷水拼盤肉燥飯，材料略嫌少，但都好味嘅。珍珠奶茶跟餐加7蚊，太甜。

服務都算！無人帶位！無人執台！無人抺台！！！無人落單！叫極,舉極手都係無人理！野食半個鐘都唔來！餐具污糟！飲品！食物內又有污糟野！早午晚餐都係垃圾！！！絕對不會再幫趁！！！！！！！

【豬軟骨肉燥飯配蝦餅】$54蝦餅雖彈牙，但份量太少而太薄，仲有陣油耗味，滷蛋唔入味。肉燥反而幾好，係偏甜少少，最好都係豬軟骨，鬆軟有肉味，膠質重好軟好好咬。【豬軟骨雞翼肉燥飯】$52朋友的豬軟骨肉燥味道同樣，豬軟骨都幾大件，厚身啖啖肉，飯量亦很多，份量都足夠，雞翼都係唔算太份味，同埋滷汁係較甜。【凍珍珠奶茶】茶味較淡，反而奶味重，仲非常甜，飲完好膩，重點珍珠唔好味，太硬了。服務都好好，又有禮貌，環境也很乾淨光鮮，只係食物有待改進。