嚐 (Closed)

🚩青衣🍝嚐-青衣長發廣場最近新開好多餐廳包括呢間主打「創新台西料理」既 嚐可以食台式料理，又有啲西餐焗飯第一印象係餐廳好大 但無咩人 同埋張枱好靚😂-🍛鴛鴦焗飯 $58其實就係芝士肉醬飯加雞扒，賣相都吸引，趁熱吃還可以好輕微禁拉芝。飯好多！但雞肉得幾舊，仲要都細舊，連肉醬既碎肉都係食完面頭就無乜😂之後既都係汁撈飯。但個人覺得蕃茄汁太奶/ 忌廉太重，減淡蕃茄味，而且好漏(雖然最後都係食哂xd)-🍝豬軟骨麻醬拌麵 $48份量正常，麵身爽口但有啲乾， 撈完麻醬都係偏乾，而且撈完都唔算入味，可能麻醬份量多啲會好啲。豬軟骨肉好淋，但偏咸左，扣左分😢-以街坊餐廳嚟講都過得去既，但唔可以話好味🤢唯一最喜歡既係佢張花花枱!!! 好靚!影相已經自帶美美背景，影得好開心🤪🤪💕-🚩舔舔脷：5.5/10🚩價錢💰：7/10🚩回頭度：6/10

有日閒日約左係青衣交收夜晚晚，屋企又無飯食，見依間餐廳新開，就去幫襯下～支持下～menu選擇都幾多因為好肚餓嘅緣故，點都要食啲飯落肚先揀黎揀去，最終叫咗個“ 秘製豬軟骨鹵雞翼肉燥飯”加一杯凍奶茶個飯黎到，眼見一隻長方形嘅碟已經裝曬飯，肉燥，半隻鹵蛋，豬軟骨同埋三隻雞翼但係隻碟又唔係特別大㗎喎其實都幾逼份量黎講，對男人而言就適中偏少女人都ok既咁都好嘅，有時份量夠就得。好過一個二個食淨曬啲嘢，浪費食物啦～如果真係太肚餓嘅話，我諗要嗌多個小食先至夠滿足。個飯味道方面，中規中矩啦我覺得肉燥可以多返少少，睇返張相，見到全部都係得汁咁說好的肉燥呢？至於飲品都係一般。但隻杯好得意，係一個假嘅相機鏡頭加分

長發大改革之後，多左好多新鋪頭加入，中日韓台泰乜都有。但係依間台式野，真心失望！先睇餐牌，其實睇落都ok，點知落完單之後，成半個鍾都未有得食，客又唔係多喎，又係現成野都搞咁耐，真心燥！超過半個鍾，主角終於出場啦！台式烤腸肉燥湯麵。肉燥呢？？我只搵到一pat啡色既啫哩狀物體係d麵既上面，係一碗肉眼睇唔到肉燥既肉燥湯面，餐牌上既圖片真係只供參考。至於烤腸都唔係好得去邊，d腸烤到又硬又乾，真係極失望！無肉燥既肉燥麵，完全《嚐》唔到所謂既台式味道！

長發商場過往一年餐廳更替頻繁，二樓既pizza店調左鋪位之後，原來既鋪位由一間臺灣餐廳<嚐>頂上。 <嚐>位於長發商場2樓，Watsons對面~~~當日見餐廳新開張，同阿媽落去幫襯，餐廳内裏間隔四正，座位幾闊落~~~睇完餐牌，裏面食物選擇與其他臺灣餐廳大致無異，望住餐牌上面寫住<創意台西料理>，不禁心裏面念：創意在哪裏？？？？另外，點菜紙除左號碼之外就無寫其他野，係選餐時下下要望返餐牌match返個號碼，有d麻煩~~~豬軟骨豆腐肉燥飯$49 - 豬軟骨幾淋，同豆腐一樣滷得算入味，肉燥夠多，整體黎講幾好送飯~~~我媽就點左個牛肉麵（唔記得影相) - 湯底較淡，麵條較淋，令人有d失望~~人均賣單約$50，性價比算ok，但食物質素上暫時未有令人有翻桌既衝動~~

見新開左一段時間 終於無咁多人所以黎試下坐低之後開始簡餐 遞點餐紙搵咗好多個樓面 個個都好似唔係可以負責落單咁 終於搵到個人可以落單 當野食黎到時 樓面原來寫錯曬檯號 我地坐既係44B 佢寫曬去44A仲要被話係我地寫咁 好無奈檯號錯之餘 又落漏單 仲要寫錯埋單總數大家去食時 記得記得一定要check單去到收銀俾錢 收錢仲好大聲講 252我同佢講 叫佢計清楚先啦 全部野都好混亂 人流又唔算多都可以落錯單 差啲又收錯錢唔評食物 因為都係好唔掂 飲品又太甜舊雞扒仲要有啲生永無下次呀～

叫咗三款食物 ， 第一個係豬軟骨茄子肉燥飯，第二個係豬軟骨雞翼肉燥飯，第三個係鹵水拼盤肉燥麵 ，每個價錢都唔使50蚊 ，加咗一杯珍珠奶茶都係只需要七蚊咁大把。 其實以價錢嚟講都算幾經濟實惠，啱啱開張冇幾耐 ，之前聽街坊朋友講話要等好耐 以後都唔黎， 但係我都係決定要自己去試一試 ， 新開張人手安排或者等等，實係好亂，都可以諒解，最終上菜時間冇想像中咁耐， 十分鐘內到送齊曬所有嘢 ，而最有趣嘅地方係佢張單會顯示每一樣食品有幾多件食物喺度，幾多件雞翼，豬軟骨，咁我覺得呢一點都幾好 ，正常只會畀廚房睇到，唔會畀客人睇到 ，但係畀我哋睇到會覺得明碼實價都唔錯。

滷水拼盤肉燥飯$49牛腩的確滷得幾軟，入曬味。豆腐同肉燥飯味道尚可，雞翼同滷水蛋裡面就唔夠入味。凍華田恐龍，跟餐+9蚊，上面好多華田粉，成杯嘢好夠華田味，但稱不上有特色。滷雞翼蝦餅麻醬伴麵$53芝麻醬濃，撈落個麵變到偏乾，如果個醬可以稀少少就好啦。雞翼就同拼盤果個一樣唔夠味，相對黎講蝦餅好食啲。鹽酥雜錦拼盤$38貢丸幾香菇味，算唔錯，花枝丸就正常。鹽酥雞，調味料OK，肉質都嫩滑，就係炸黑左少少。茄子軟軟地點埋啲汁都幾好食。整體黎講，環境幾清幽、簡約，服務良好，上菜速度幾快，食物質素方面屬於中等水平，不過呢間餐廳係新開張，有啲食物都仲未有，可能需要多少少時間去慢慢準備得好啲。

長發開咗新嘢，促埋兩隻大聖爺去試下，由於新開試業，比原定開門時間遲開半小時，但我地都等到50分先開門入去，可能未掌握得到點運行，由入門到安排入座同㸃餐都好亂，而且張點餐紙都要＂研究＂下先識落餐，又有幾款食物都暫停供應，最後我地點咗兩個套餐，加兩杯台式飲品，豬扒肉燥飯，加小食花枝丸配珍珠奶茶，雞亦肉燥飯加小食鹽酥雞配茉香珍珠奶茶，食物全部放埋一碗，但份量夠飽，肉燥夠多，撈飯食OK，以台式食物嚟講，不是我期待的台食，有D失望，平均都要＄50～＄65一位，又不是好低，嘢飲偏甜，應該無下次