熊小館 (Closed)

呢間以熊啤啤為主題嘅cafe唔止環境有特色，而食物質素方面都有保證，種類選擇多，價錢仲要相宜。今日叫咗蕃茄茄子芝士闊面拌燒羊扒$98，闊面最適合掛汁，有肉醬之外仲有蕃茄仔同埋茄子，羊扒上菜就聞到好香嘅羊味，可以自行選擇熟度，今日試咗七成就覺得啱啱好。主菜有唔同嘅套餐選擇，加咗$28升級有餐湯同法包，另外有加$16嘅橙色派對，即芒果橙汁，唔會太甜，味道清新開胃。之後甜品叫咗雪糕波波，而家有一送一優惠，今日試左曲奇味同豆腐味嘅雪糕。

外甥女考完試，專登帶她去一間好特別嘅餐廳🍴獎勵一下，餐廳以主題樂園佈置，擺滿好多熊啤啤🐻‍❄️🐻，她一見到已經好開心，另外，品嚐豐富二人套餐$289包括餐湯，前菜，主菜及甜品🍮🥳，真係好滿足😘😘歐陸濃湯（2人）熱辣辣羅宋湯，酸甜適中，配上香脆香草蒜蓉法式多士😚😚法式香草牛油焗田螺有兩款Appetizers 可以選擇，我揀咗香草牛油焗田螺，法國菜其中一個最具代表性的菜式，嘗一口薯蓉，味道超級香濃，滿滿的牛油香，帶濕潤的口感，原來田螺以香草蒜蓉炒過才焗，令田螺更加美味😚😚主菜：1）深海帶子拼醬燒汁牛柳+$10鮮嫩帶子，煎焗七成熟嘅牛柳，肉味香濃，配上濃郁醬燒汁，另外蘆筍，番茄🍅，薯蓉伴碟，美味可口😘😘2）卡邦尼煙肉扁意粉🍝煙肉洋蔥香味誘人，掛滿濃郁芝士汁的彈牙扁意粉🍝味道順滑😘😘甜品：1）自家製心太軟+$19香脆的朱古力蛋糕外層上劃下那一刀，暖呼呼的半液態狀朱古力就從中心一瀉而出，這一幕對於忠實甜品控來說，絕對是無懈可擊😚😚2）豆腐雪糕🍦色彩繽紛朱古力碎碎點綴整球香滑豆腐雪糕🍦👍餐飲：1）凍咖啡☕️，咖啡香濃👍2）草子莓莓+$16士多啤梨橙汁，酸酸甜甜，好解喝😚

整間店的每個角落都有可愛的小熊🐻同友人點左二人餐$289👉🏻南瓜忌廉湯+牛油法包味道好濃郁，包嘅口感亦好香脆！👉🏻意式焗肉醬茄子芝士面好正，茄子份量多有驚喜！👉🏻蜂蜜BBQ燒豬仔骨甜甜香香好惹味，肉質係淋嘅，容易骨肉分離，配薯條同沙律好正！👉🏻意大利墨汁魷魚意粉墨汁濃，不過如果意粉淋d會更好！👉🏻小鐵板一口牛大小適中嘅一口牛連薯蓉，讚！👉🏻薔薇之戀淡淡玫瑰香連柚子，好sweet！👉🏻心太軟流心，熱騰騰的朱古力湧岀好治癒！環境好舒服，服務員好有禮，又有小熊陪伴，係傾計食飯嘅好地方！

友人知我近排有煩惱，所以專登入來寶琳請我吃頓豐富的晚餐，因為佢知我吃好嘢就可以開心啲，當然也會靠佢把口開解我。原來朋友帶我去這間大人細路都喜愛的Bear Bear 熊餐廳，讓Bear Bear 熊逗我笑。之前都來過，裝潢沒有變動，同樣一入門口就有隻巨大的啤啤熊毛公仔坐在門口歡迎大家，馬上笑了！再仔細觀察四周，有不少跟啤啤熊相關的擺設，如不同大小和種類的毛公仔、啤啤熊畫等等，Bear Bear 熊迷一定鍾意。餐廳寬敞闊落，有一排排舒適的四人卡座，亦有多張二人枱。環境無變，但菜式就有少許不同，有品味新嚐、Classic Sizzling Plate Set，還有單點菜式，包括有沙律頭盤、湯、意大利麵/飯、型廚推介、飲品和甜品，選擇不少。而單點菜式再加不同的價錢就有不同的套餐配搭，可吃得更豐富。*********************我揀了一客羅勒海鮮繽紛天使麵加配是日沙律 Salad of today 及飲品Coffee/Tea(+$25)。先上粟米沙律，新鮮爽嫩的雜沙律菜配了清甜的車厘茄和清甜的粟米粒，淋了少少醋汁，清新健康，簡單而美味。羅勒海鮮繽紛天使麵 Basil seafood

今晚太太話想食西餐，一諗就諗到將軍澳新都城呢間《熊小館》，之前食過，覺得唔錯👍餐廳佈置得好溫馨，充滿熊仔嘅擺設，一家大細來就最啱🥰👨‍👩‍👧‍👦我們叫個二人套餐，非常抵食😋羅宋湯非常夠味，配埋蒜蓉包一齊食，好好！凱撒沙律，蔬菜清爽，材料新鮮🥗法式焗田螺，味道濃郁 🐌西冷肉眼扒，特別為我們度身訂造，六成熟啱啱好，充滿肉汁又唔靭！🤗海鮮意大利飯，海鮮味加特製醬汁，飯質地煙煙靭靭，大大啖食落去好滿足😇加埋招牌甜品心太軟，實在太好味，外脆內裏朱古力留心，真係好食到難以形容🤪

行過餐廳見到佢有隻大teddy bear 就比佢吸引左😂睇得出餐廳好用心佈置 周圍都有唔同熊嘅畫同埋公仔🤣唔好以為餐廳得個樣 食物種類都好多 睇到花多眼亂都唔知揀咩好☺️今日就叫咗兩個嘅主菜：51 美國特級牛肩扒 $128牛扒肉質好嫩又多汁👌🏻唔會overcooked 一啲都唔韌！仲配埋啲配菜 香脆嘅薯條😆34 芝士忌廉汁焗黑松露煙三文魚飯 $88忌廉汁香濃 飯嘅份量好多 一個女仔一定食唔晒 完全係抵食飽肚之選！☺️

同小朋友食飯梗係係小朋友最愛嘅熊啤啤餐廳，每台有一隻小熊🐻，個女對住佢食飯坐定定實在太好，最緊要係佢食物多元化多選擇質素亦都好好，漢堡包，薯條，意粉，焗飯，牛扒，乜都有鐵板肉眼扒最正😅👍🏻👍🏻👍🏻👍🏻👍🏻肉眼扒夠香，夠厚，夠淋，少筋另外我都好鐘意嘅。。。軟殼蟹意粉軟殼蟹好食就當然但意粉用茄子，菇，三色椒炒過好香👍🏻👍🏻👍🏻👍🏻小朋友最鍾意就係食水波蛋卡邦尼意粉👍🏻👍🏻👍🏻👍🏻👍🏻仲有美國安格斯牛肉漢堡👍🏻👍🏻👍🏻👍🏻👍🏻👆🏻當然薯條係去最愛啦😆

今日帶住小朋友，黎呢間將軍澳熊小館食晚餐，貪熊小館主題係小朋友鍾意既bear bear熊，有大bear bear同細bear bear陪我哋一齊食晚餐，真係未食先興奮（講緊小朋友）。餐牌選擇好多，有前菜，意大利粉，意大利飯，主菜，鐵板餐，二人套餐，小熊套餐，飲品，甜品。價錢唔算貴。上次黎食左二人套餐，今次我哋散叫，叫左1份主菜，1個鐵板餐，1個小熊套餐，同1份甜品。美國特級牛肩扒 $128 另加一而家做緊推廣價，美國特級牛肩扒只需$128。美國特級牛肩扒一客3大條，整得外皮好脆口，不過都需要咬吓。叫左三成熟，上枱時比預期熟左少少。肉味都濃，上面仲有香脆蒜片加添口感。另外跟左燒汁俾你沾。伴碟有加左七味粉嘅香脆炸薯條，少見嘅煙肉包住兩條長豆角，粟米粒同稔稔又甜嘅香草南瓜。呢個價錢幾抵食。鐵板薄西冷拼豬扒 $115 另加一塊鐵板吱吱聲咁上枱，用紙圍邊，以免啲汁彈出黎。豬扒雖薄不過超大塊，整得好稔而外皮脆脆哋。薄切牛扒連筋都又大塊又稔，兩塊扒都係正常鐵板餐嘅扒質素。伴碟有炸薯條，洋蔥絲，煙肉包住兩條長豆角，粟米粒同香草南瓜。蔬菜基本上同另一個餐嘅係一樣。汁可以揀黑椒或者燒汁，我哋揀左燒汁，不過

今次第二次過嚟啦，好多熊仔，好得意，記得以前去韓國嘅時候都有熊仔博物館，而家有呢個小熊餐廳，雖然冇得去韓國旅行，但係都有一種懷念嘅味道，而且好鍾意呢度嘅餐廳職員，服務態度真係一流。黑椒牛扒意粉$67大大塊黑椒牛扒，仲有黑椒汁加意粉意粉軟硬適中，所以好抵食。意大利卡邦尼煙肉長通粉$54有煙肉同蘑菇配上卡邦尼醬汁，分量亦唔少，醬汁味好濃厚creammy。 午餐加$3有嘢飲，如果加$16可以加特飲，好靚嘅熊仔飲品。自家製心太軟$42心太軟即叫即焗，外皮鬆脆裏面留心朱古力，配上水蜜桃生果及忌廉，好正好鬆軟，而且朱古力味勁濃，呢個推介必食。整體而言唔錯，午餐定食及下午茶餐都好抵食，而且選擇款式多，仲有好多影相打卡位。

二人套餐：有歐陸式濃湯加埋牛油法包，小食就有法式香草牛油焗田螺，都好多田螺肉薯蓉做底好正。主菜選擇左蜂蜜BBQ燒豬仔骨，煮得好入味，好快就比我地食晒成條😋意大利魷魚墨汁意粉🍝意粉煮得啱啱好唔硬唔林，魷魚仲好彈牙，我地食到成個嘴都黑色😂😂😂甜品有自家製心太軟，一切開朱古力溶晒出黎真係好好味😋另外仲有個雪糕球好正呀…..飲品有熱情玫瑰，其實係熱情果加玫瑰花茶，飲落好清香好消滯嘅感覺，另一杯叫左草子莓莓，士多啤梨加橙汁酸酸甜甜好開胃。仲有好多熊啤啤陪伴，勁多打卡位。

餐廳好多唔同種類嘅熊仔擺設，入面環境舒適，座位寬闊。有熊仔喺隔離陪坐，好搞笑。叫咗個鐵板肉眼扒、羅勒海鮮繽紛天使麵、田螺蒜蓉小食。先來餐湯同蒜蓉包，今次係羅宋湯，入邊好多新鮮雜菜。👍🏻肉眼扒叫咗五成熟，鐵板來，香氣四溢，肉眼扒都好厚身大塊。切開肉眼扒，果然五成熟，牛味濃郁，肉汁鎖住扒入面。旁邊有好多新鮮雜菜，大大條蘆筍、粒粒粟米🌽。羅勒海鮮繽紛天使麵，天使麵上面鋪滿羅勒醬，非常喜歡醬汁味道，感覺清新。有唔同海鮮有多汁嘅青口、煎封咗嘅帶子、海蝦、魷魚等等。田螺薯蓉，都有好多粒田螺，我鍾意田螺味道，又夠香軟，同薯蓉超夾。飯後甜品時間，先來豆腐雪糕，鍾意呢隻比較硬身嘅雪糕，豆腐味道濃郁，香滑。再嚟，充滿暖嘢嘅心太軟，心太軟朱古力外層脆口，朱古力味夠濃切開係充滿熱辣辣嘅朱古力醬，非常多，讚。

上星期五去了這間餐廳吃下午茶，其中一人是80歲以上的長輩，原來長者在星期一至五去吃飯會有九折；雖然只有一位是長者🧓，但結果全單都有九析；真是在這役情期間帶給我們的優惠 ！

呢日黎到新都城呢間熊小館, 成日經過都好想試試佢, 因為見到入面D 擺設都好可愛~ 咁岩店員安排左我地去個放滿熊仔既位! 成件事都真係好夢幻haha~ 我地叫左個鐵板餐, 係鐵板肉眼~ 個鐵板餐包個湯、麵包同埋飲品~ 都幾抵食! 塊扒都幾大塊! 佢有得揀要咩汁, D 汁仲係另上, 你中意先倒入去都得~ 食得鐵板最享受都係倒D 汁入去個下既滋滋聲! 真係好治癒! 伴碟仲有薯角, 真係好開心! 我地本身想另外叫薯角食, 店員好有心咁提左我地, 我地揀既兩樣main dish 都跟左薯角, 好彩店員提一提, 如果唔係我地應該會食唔哂, 又浪費左D食物, 所以我地就叫左雞翼! 雞翼炸得超惹味! 配埋D 醬真係一流, 唔會話好油同好乾,真係好開心!另外我地仲叫左豬助骨, D 豬助骨整得好入味, 仲要好易就骨肉分離, 唔會好un~ 真係好好食! 我地仲叫左個心太軟, 食完甜品感覺呢一日過得特別開心!

#HKFH西式介紹熊小館 地址：將軍澳貿業路8號新都城中心二期2樓2086-2087號舖.入到去周圍都有好多熊仔🧸🐻充滿童真嘅地方😂同埋每一張枱都會擺左一隻熊仔🧸.1.意大利卡邦尼煙肉長通粉（$54）啲醬稍為澀咗啲令到啲通粉有啲硬但冇咁澀可能會再好啲同埋個擺盤都麻麻地推薦指數 👍🏻👍🏻👍🏻2.鮮茄豬扒炒烏冬（$42）太酸同埋啲豬扒麻麻地推薦指數 👍🏻3.金磚西多士（$34）熱辣辣好食西多士入面就夾住花生醬出面就揀咗朱古力醬推薦指數 👍🏻👍🏻👍🏻.食物: 2.5/5 環境: 3/5服務: 2.5/5人均消費: $50港幣以上整體推薦指數 👍🏻👍🏻👍🏻.此Page主要紀錄在香港吃的食物🍽任何類型及國家的食物都會嘗試😋如果有好介紹也歡迎留言/ DM🤩也歡迎其他地方的美食介紹🤤.#熊小館 #cafemed #新都城 #西式 #hkfoodie #吃貨日常 #hkeat #hkig #hkfood #hkgirl #美食 #美食打卡 #foodstagram #foodblogger #foodlover

抵食平價西餐稱不上好好食 但近近地性價比fair 推薦牛扒同天使麵牛扒煎得剛好..呢個價錢都算係咁天使麵多料既唔會太粉洋蔥圈千祈千祈唔好叫 中伏了 個炸粉太厚啦😵‍💫😵‍💫😵‍💫鋪頭好多熊bear..朋友仔生日打下卡都開心仔既