熊小館 (Closed)

第二次食哩到既早歺，又係叫同一款。都係冇改良的。同一最嚴重問題，等太太太耐！沙嗲牛麵D牛肉份量都係不夠。点解一定要配煎双蛋？一個人食隻蛋真係冇乜人想？牛油多士一早搽定比你，每人要既牛油份量也不一，應該自己搽！多士凍的，林的！

lunch time 總是匆匆忙忙，從工廠大廈行入愉景新城幾分鐘路程，人來人往。食飯要求也沒什麼，醫胞肚就是這樣簡單。當然如果是味道好而且不油膩就更加好上加好。今日到熊小館就食到不油膩的鹵肉蛋飯，鹵肉燜得很入味很軟淑，鹵水蛋同樣有香葉的味道，白飯索了鹵水汁更加冶野。整個飯食了，不見得有油膩的感覺，正！！！意大利雜菜湯酸酸甜甜，開胃也。餐麵包也脆口。

星期四約左舊同事出來吹下水，荃灣愉景新城未係我o地一齊工作過的地方。幾年沒有來，環境變得更舒適，自已早到左，搵個地方坐下隨便食D野落肚。有間以bear主題餐廳，店鋪有大大細細bear，都幾得意哈！都唔知食乜好，求其要個什麼乜…巨菌法國松子牛肝菌飯。食左一啖飯出奇地好味喎…果隻大乜菇夠曬“諗”咬一汁成口菇味。D飯用忌廉汁煮，有松子仁同雜菌菇，都幾好味啊，吃曬個飯都唔覺“濟”餐飲杯凍檸茶就一般般。。。有熊仔陪食飯而且都唔算太貴“姐”。下次叫同事一齊黎食先。

進餐時間在星期六的下午，餐廳價錢並不便宜，見openrice 的相片好像不錯，仲有熊仔那麼可愛，滿懷希望去試！怎知這餐廳只有環境、食物水準實在太差！那個焗薯...賣相竟然這樣，好像被人吃過似的，見到已經胃口大減，再吃一口...味道.....太咸；咖啡，不比連鎖快餐十多元的好，較淡口。48元再加一，五十多元吃這樣的下午茶，沒有下次了。

親子活動後，搵餐廳食飯。見佢係bear bear主題餐廳，環境ok, 最緊要係唔駛等位，所以坐低咗。我和朋友和囝仔，點咗1份Caesar salad, 蜜桃豬焗飯 和 一份有肉醬意粉嘅兒童餐。賣相ok得，不過 食物就唔多得。朋友嘅沙律，賣相ok, but芝士粉似乎放在雪櫃太耐，有啲「益」味。蜜桃焗豬飯，賣相ok,可惜，又係得個樣，個汁已經係唔得，得個色和咸字，個飯勁咸。係得個豬扒好林。不過，都唔知因為成個飯+汁咸到味覺失靈，還是真的連豬扒都勁咸。成個飯，在唔想浪費食物嘅大前提下，夾硬食晒啲肉，扒咗幾口冇汁嘅飯，最終都係頂唔順，食到3份1 就成個口咸到冇晒感覺了。個囝嘅兒童餐，食食吓⋯⋯個仔話好辣。自己和朋友即刻話：「無理由，兒童餐嚟㗎⋯⋯唔會整辣俾你㗎」夾硬叫個囝飲啖檸檬茶 吞咗。然後 兩個大人一試，就覺得係大人口味嘅肉醬意粉，所以香草味濃和有黑胡椒粉。試問小朋友個口味咁敏感，點可能食唔出有胡椒辣味呢！唉⋯最後，2大1細，全部都迫於無奈，做咗大嘥鬼，食唔晒就埋單走人。因為我和友人都決定唔會再嚟食（雖然阿囝仲好想再嚟探bear bear)，所以連印仔咭都唔要就走了。

第一次去食早餐。平時經過午餐和晚餐也不吸引我入去試，價錢也不算平。今天終於試下早餐，因早餐價錢可接受！買了坐下等叫 number自取，一說話便聽不到 number,令人很緊張！無 mon可睇 number.等了 20分鐘！太耐！沙嗲牛麵，非常失望！極少牛！加煎蛋，蛋黃比穿左既我！非常求其！不會再去！牆上 bear畫全部是不開心 bear.見到也不令人愉快！另不懂餐廳為何只收現金l

從商場廣告得知愉景新城，新開了間啤啤熊仔為主題的餐廳（熊小館）今日相約朋友到愉景新城（熊小館）食飯兼聚舊，晚上7:30到達店鋪，人客較為稀疏，還好我們可以靜靜o地聊天。餐廳裝飾別樹一格，很多大小不一的熊仔擺設，大人和小朋友一定會喜歡吧！看看餐牌食物款式眾多，最後要【海膽醬露筍牛肝菌伴扁麵】和【蜜桃豬肉眼扒焗飯】等了約15分鐘，有o野食啦！【海膽醬露筍牛肝菌伴扁麵】扁麵不硬不軟口感幾好，海膽醬混合一起食麵條中混合牛肝菌汁味道香和鮮【蜜桃豬肉眼扒焗飯】炒飯鑊氣夠，飯味軟硬口感做的不錯，豬肉眼扒唔“鞋”肉質鬆軟，汁味道也好好味。“熊小館”食飯有熊仔陪感覺也超正

星期日放假時間當然是家庭日帶家中的小伴子出街玩下食下，來到荃灣一定到愉景新城小朋友集中玩耍的地方，尤其是星期日商場到處聽見小朋友的歡笑聲和哭喊聲，聲音中也包括我家小孩的笑聲！哈哈！玩到累了，找地方食飯，看見新開張“熊小館”這間餐廳裝修很特別，帶來很舒服的感覺，小孩爭著要與啤啤熊影相。叫了：法式石燒大餐頭盆法式豬手蔬菜凍+藍青口+花瓶沙律這個頭盆擺設很心思，沙律菜青甜藍青口也帶有少許海水味道，正喔！主菜：煎西班牙橡果豬鞍熱燙的雲石板配上豬鞍扒香味十足，買相己滿分豬鞍肉質軟諗口感一流，薯角脆口，好味！很有特式的啤啤熊主題餐廳，小孩提議下星期再來，哈哈！

看見愉景新城內的很多新餐廳,就好試吓, 點知....中伏.和同事2人,我叫了一個 set lunch, 蘑姑飯跟多士,羅宋湯+熱檸茶 $58-,我同事叫鹽焗雞飯+熱咖啡 $48- 要加一. 鹽焗雞飯>>雞是凍的,沒有味道,飯也是凍的, 叫經理來換過,(經理全程黑面) 只是翻熱給我們,飯下面全是翻丁的水, ,羅宋湯也是凍, 蘑姑飯過重牛油味, 我地兩個食了兩口便食唔落去, 走人, 結帳時多謝都無一句.垃圾餐廳!   

早餐經過，唔駛等位，內部裝修唔錯，嘢食好麻麻，叫咗份雞扒公仔麵+餐肉+多士+凍奶茶=35蚊。奶茶好似即溶奶茶。公仔麵係攞熱湯淋落麵餅果啲，好乾。雞扒、餐肉普通，多士好薄一塊。服務-無。缺點：對面係大家樂，後面係麥記。優點：人少。

此店還在裝修時，門口有熊仔logo，已經好期待係咪有熊仔做生招牌，點知真係有好多熊仔呢忍唔住入去幫襯下，睇下有咩特別，每張枱都有一隻熊仔陪坐餐紙都印有好多熊仔架每一枱陪坐既熊仔都唔同架，而陪我坐既熊仔係佢，好有笑容架呢個時段係下午茶咖啡杯都有熊嘜頭叫左杯特飲－綠子奶茶（泡沫綠茶）奶茶味比較濃，好少綠茶味肉醬都係同意粉先至係絕配，配薯角淨太多肉醬，唔食埋又好浪費，淨係食肉醬又好膩，真係好想叫碟淨意粉撈埋D肉醬食腸仔都幾好食，不過就無乜特別，好普通下午茶既菜式麻麻地，唔太吸引，會再來試下午餐同飯餐，店員服務都不錯，環境都幾好