一樓咖啡室 (Closed)

從事餐飲業要不停更換新元素，因為被寵壞了的食客喜歡常常轉口味，就是本來食品種類已經琳瑯滿目的自助餐亦不例外，不時推出以龍蝦、蟹、和牛、朱古力等等主題招客，以款多及材料新鮮作口號，奈何今時今日，已經並非甚麼新鮮事！ 但生意人總有計，難得少遇上、今天到怡東酒店一樓咖啡廳吃自助午餐，主題是台菜，本以為只是綽頭，想不到酒店竟然從台北請來團隊，來自新北市的兄弟食堂是台菜的專家。 台灣菜，有著媽媽的味道，是台灣人味覺的原鄉，食在新鮮，食在原創，油、酒、蒽、糖、蒜等材料的採用非常嚴選，過江團隊因此自行攜帶調味材料，刻意烹調香港別處找不到的味道！ 本來自助餐的熟食，因為被模式及性質限制，難以做出精緻菜式來，真想知道廚師可以如何發揮！ 怡東酒店內，飽覽維多利亞港景的一樓咖啡廳，絕對是炎炎夏日中午好去處，空調下欣賞海景，份外懶洋洋！ 面積不算很大，反有不會有人山人海的擠迫感，舒適悠閒。 麻雀雖小，五臟俱全，百吃不厭的刺身壽司、冷凍海鮮、燒牛肉、沙律及堂煮粉麵及款式多多的甜點自然不乏。 但尋寶方才是我來的目的，那些菜式是古早台菜呢？ 要預先做好而又不會影響食味，過江大廚想得到，細處見心思，焦點盡在熟食

或者，你是不相信緣份的人，我相信，就夠了，而呢篇文章，想同你講，都係緣份。 當然，你話食自助餐講乜嘢緣份，全因今天的自助午餐，令我前所未有的滿意。 之前都曾來過excelsior 吃過星期六的下午茶自助餐，那個時候，我記得沒有什麼不好，食物選擇也多，因此，今天再來吃個business lunch ，選址此地絕對是上乘，不失禮又舒適，食物又不錯。 來到才知道，這裡原來做緊以台灣做主題的自助餐，你應該知道我幾鐘意台灣，今年去了台北四次，剛剛才在阿宗麵線的柔鄕裡，回來竟然又再碰上台灣的美食，你說我們不是有緣是什麼。 一坐下平常吃的是海鮮，今天，我一反常態，吃的是台式肉羹，那味道是完全在台北吃到實實在在的肉羹味。 午餐沒有驚天地的海鮮，只是優質的翡翠螺，青口，蝦，小龍蝦就夠美妙了，特別是青口是超肥美。 刺身雖然不多，有呑拿魚，玉子，三文魚，鮑片和蟹柳，全也不過不失。 壽司似乎沒有刺身咁好。 還有一碗碗的小魚生丼飯，壽司吃不夠不要錯過。 當然還有凍肉類，煙三文魚和最愛的火腿，沙律這些，又是必定會吃的選擇。 最驚喜是有勁美味的冷窩荀，咁炎熱食，透心涼。 然後熟吃的就會是魯肉飯

準時6點入場，見到海鮮好新鮮，立即衝呀！見到有蟹蓋食，令我好驚喜。因為平時都少地方有蟹蓋。仲要都多膏多涵，鮮味十足。另外必有的長腳蟹都好重海水味，仲有粗身的蟹腳肉亦好爽口。再黎係龍蝦仔，呢個就不過不失啦。再食剌身，我淨係中意食三文魚同帶子，三文魚唔夠肥，不過帶子就好鮮甜同都大粒。佢都有sushi 提供，不過飯會飽，所以無食到。跟住又食左生豪，不過每人每次只可取兩隻，因為得一個師傅即場開，自然排好耐，所以限定最多每次兩隻。其實都ok ge,唔差，係細隻左啲囉。自制沙津至於熟食，真心好少。不過都有鵝肝多士同燒和牛。不過和牛就唔算好肥。至於個燒帶子，太老了，煮過時，個醬係沙津。仲有啲咖哩，印度飯同湯粉，我只試過湯粉，清湯底係無味XD 可能要試下喇沙湯底先得。黎到甜品時間，我幾欣賞個waffle , 個皮係脆嫁，試過自助餐的waffle ，大多都係淋身，另外仲有自制pancake 機，正，個味好似熱香餅XD其他甜品不太吸引我了，例如心太軟，個皮係淋的最後以雪糕作為總結,哈哈

由於早前本人「520」生日嗰日食過覺得相當唔錯，因有我們一家最愛嘅阿拉斯加長腳蟹任食，所以本人諗著7月4號係爹哋媽咪結婚33週年紀念日嘅大日子，一家四口再嚟香港怡東酒店嘅「一樓咖啡室」食自助晚餐慶祝！所以本人特意早三個星期前訂位，點知訂位嗰陣店員話：「阿拉斯加長腳蟹要星期五、六，日先有得供應，7月4號係星期二會暫停供應！」但為咗唔想令到爹哋媽咪失望同可以有個意想不到嘅驚喜，所以本人特意同餐廳經理預訂咗一個特大海鮮拼盤，同埋寫上我同Oppa送畀爹哋媽咪嘅朱古力名牌！結果出嚟嘅效果都無令到我們失望，因大廚師傅好有心思咁將多款海鮮包括：阿拉斯加長腳蟹、開邊凍龍蝦、麵包蟹、凍蝦、青口同翡翠螺舖砌得相當整齊，令到賣相超精緻吸引，而且每款海鮮都非常新鮮，肉質好爽甜彈牙！除咗呢個特大海鮮拼盤係今晚嘅重頭戲之外，仲有他們今期做嘅主題即烤澳洲和牛同安格斯牛肉！我們除咗海鮮係鍾意食之外，牛肉係我們嘅另一至愛，而且仲有位廚師幫人客即叫即燒牛肉，而且仲會因應人客鍾意生熟程度嘅要求去燒！安格斯牛肉嘅肉質好嫩滑多汁，脂肪分佈亦好平均！而和牛嘅肉質好鬆軟，肉味更加濃郁，聽廚師話係用後腿內側肉，所以脂肪亦比較少！至於

今日「520」係本人正日生日嘅大日子，我們一家去咗銅鑼灣香港怡東酒店嘅「一樓咖啡室」食自助晚餐慶祝！一去到就開始我們嘅指定動作影相，呢度嘅款式種類相當多，除咗有新鮮即開生蠔、超多膏嘅開邊凍龍蝦、麵包蟹、凍蝦、翡翠螺等等等等⋯⋯但最令我們覺得開心同驚喜嘅係有我們一家最愛嘅阿拉斯加長腳蟹腳，相比之下普通嘅長腳蟹腳就失色咗，因幼身好多，我們比較鍾意非常粗壯食落啖啖肉嘅阿拉斯加長腳蟹腳，口感比較豐富，肉質超鮮味彈牙，而且仲將蟹腳剪開晒，人客完全唔需要自己落手剪，就可以食到好正嘅蟹肉，真係超正同好貼心呀！另外最值得一讚嘅係無限量咁供應，所以今晚我們一家都非常滿足！刺身壽司嘅選擇亦都幾多，當中比較特別嘅係兩款火炙壽司，分別係火炙三文魚壽司同火炙吞拿魚壽司，份量都幾大件，賣相好似一個迷你壽司蛋糕咁！至於甜品方面其中一款就咁睇表面以為係士多啤梨卷蛋糕，點知一食落就覺得好有驚喜，原來捲著嘅餡料唔係忌廉咁簡單，而係香甜軟滑嘅榴槤蓉，味道真係好芳香濃郁！另外仲有分幾個時段即場表演整嘅火焰雪山雪糕蛋糕，現場氣氛感覺都幾好！

今篇博文有點重口味皆因要介紹榴槤這味非人人能接受的美食，可幸我跟車爸爸也是榴槤粉絲(如果唔係應該做不成夫妻)，所以這夜滿帶期待到香港怡東酒店的一樓咖啡室 Cafe on the 1st大嘆{新鮮榴槤甜品，正宗馬來西亞自助晚餐}。首趟到訪一樓咖啡室感覺很溫暖，六時到達還陽光充沛很具活力，而且被安排靠近窗台很棒的位置。 這天酒店特意邀請吉隆坡文華東方酒店馬來西亞Din大廚作客席廚師，為客人帶來正宗的馬來西亞風味，更用上果皇榴槤製作美食真的太合我心意了！收費方面星期一至四成人＄538/位，小童＄338/位~星期五至日＄638/位，小童＄338/位。好講多無謂有美食最實際come come follow me，先為大家送上是日餐湯有肉骨茶及磨菇忌廉湯，自從上次在New York New York的自助餐第一次品嚐過肉骨茶後便一試愛上！這夜可重溫實在太好了。 繼續跟我行落去便有充滿亞洲風味的現成沙律區。左起分別有牛肉沙律，娘惹沙律以及印度烤雞沙律，全部鮮豔奪目味道還挺濃香。最特別是這個羅惹鮮果沙律，眼見內有菠蘿及青瓜吃下應該好清爽！到自助餐大家都最期待的凍海鮮區，先有麵包蟹，

等左好久了我終於見正到你們的改變了其實無論交通，環境，服務，怡東都可算是銅鑼灣的首選。當然有一定的改善空間。今晚的自助晚餐令我感受到你們的努力。希望以後還能享受到更多更好的出品

一直喜歡嘆周未午餐自助餐，因為可以瞓夠才搵食！今日介紹大家四星級酒店的午餐自助餐，不要以為靚酒店食一定好貴，在地鐵沿線如尖沙嘴、旺角，金鐘及中環都有不少出名的酒店自助餐;但在銅鑼灣商業購物中心，鄰近崇光及希慎等大型百貨公司，競爭雖然大，但怡東酒店咖啡室的自助餐，價錢穩定，食物質素卻有保證！環境好，而且食材新鮮衞生，海鮮、壽司刺身、中式點心值得推介，連中式湯都非常鮮甜，今次飲到椰子煲烏雞，我一連飲了兩碗進進補。最後提一提係用餐時間為下午十二時至下午兩時半，時間非常充足，可以慢慢食，食完再去行公司幫助消化，周末一大樂事。

今日是假日，同屋企人尼左怡東酒店食lunch buffet,今次都係第一次尼，三百幾蚊位，信用卡有85折，唔算貴，咁就尼試下食，咁去到見到食物選擇都算唔係話太多，又唔係少lo, 各式食物都有d, 咁全部食物都有食過下，食物質數就普普通通，無話邊樣特別好食，又唔算太難食，我覺得味道有點似酒樓質數咁，我就覺得炸薯餅同皮蛋瘦肉粥就較好味點，熱食款其他款式都係普通野，甜品就無乜特別，有紅豆沙既，算ok! 咁呢間就，食一次都算lo~!

是日北京同事作客，捨棄自助餐，選擇晚餐。服務有待改進，因為枱上 menu 部分仍是下午茶 set...pepper 瓶內無 pepper...其中兩位外籍同事因為聖誕節狂食狂飲，所以點了雞肉沙律及 sparkling water...佢地話外國人十二月狂食，一月便食沙律及戒酒以作平衡。佢地的沙律居然係最遲上我點了栗子，薯菜伴火雞卷。被外籍同事取笑仲食聖誕餐。火雞卷頗嫩滑，棷菜仔OK，栗子因為醃過，不是我杯茶。環境不錯，因為不逼。

帶著幼兒，最重要是甚麼？答案是放電、放電再放電！剛過去的週六，我們一家就先帶兩兄妹上跆拳道，然後一起前往參加「美國冒險樂園 都市小農夫 X JPGarden」體驗，最後再到銅鑼灣怡東酒店的 Cafe on the 1st 品嚐自助晚餐，挺累但也超滿足！看過影片就會知道，當日行程十分緊湊又豐富；兩兄妹比較幸福，玩完樂園就睡倒車上，又餓又累的兩口子則慢慢推著他們來 Cafe on the 1st，幸好餐廳內新增的 Kid's Corner 大大幫了我們一把！ 抵達時囝囝還在睡，妹妹就醒了馬上跑去 Kid's Corner，媽媽可以慢慢拍照：這次海鮮比上次到訪豐富了很多，包括爆膏開邊龍蝦、藍貝、熟蝦、翡翠螺、長腳蟹爪、法國麵包蟹、鱈場蟹腳，之後還有兩款即開生蠔，分別是來自Irish及Scotland的出品，太豐富了！ 其中粗壯的鱈場蟹腳幾乎可媲Chloe手臂，比起一般的長腳蟹啖啖肉滿足很多，必食；至於麵包蟹，蟹蓋的膏不多，因為不少都轉去了蟹粥那裡！ 生蠔每次限取兩隻，但由於負責即開生蠔的人員十分熟手爽手，即使週末也沒有大排長龍的情況，我們常常取完又取～ 接著看看其他頭盤、沙律、湯品，場

話咁快聖誕節已經過去，中國人最期待既農曆新年又快到，喜慶日子真係一個接一個，團年飯當然不能少，一餐飯要大魚大肉，有無想過以Buffet做節？ 月前一家人到訪過怡東酒店，已經覺得食物質素提升了不少，近日見囝囝考完試，忍不住再走一轉，想不到，餐廳不單在海鮮上再加強陣容，更寧願犧牲部份可以做生意的地方，在大堂一角開闢了兒童天地，小朋友可以有玩具玩，又有廸士尼卡通片播放，家人在訂位時，不妨預訂旁邊長檯，就可以一邊品嚐美食，邊睇住小朋友。 生蠔 有Irish及Scotland兩款，而且是即開的，品質有保證，肉質有少許爽口，前者蠔味會較重，不錯，如果可以配上一杯白酒就更好。 Seafood Station 今日的海鮮陣容，可以話到訪以來最強的一次。 波士頓龍蝦 半開波士頓龍蝦，隻隻都充滿了蝦膏，入口豐腴甘香，而且食到最後，依然可以任取，夠晒回本。 鱈場蟹腳 大隻粗壯近乎小朋友的手臂，實在誘張到一個點，雖然檯面有鉸剪，但蟹殼大硬，吃起來有點難度，講真，食完一隻已經飽幾成。 法國麵包蟹 蟹肉鮮甜，但蟹蓋充實的蟹羔卻完全消失了，原來是取去作蟹粥用，或者保留部分蟹羔，給客人品嚐原味。 至