Video
6-min walk from Exit A2, Tin Hau MTR Station
continue reading
Opening Hours
Mon - Fri
08:00 - 19:00
Sat - Sun
10:00 - 19:00
Public Holiday
10:00 - 19:00
Above information is for reference only. Please check details with the restaurant.
Recommended Dishes
為處於一條四線行車嘅繁忙歌頓道，但係入邊嘅裝修絕對可以令你放鬆到心情，一早嚟到食一個豐富既早餐，滿滿嘅牛油果係呢期健康嘅代名詞，佢既牛油果係比較有草青味，但感覺更fresh，另外配上炒蛋，再飲多一杯咖啡，一個滿足嘅早上。
continue reading
同朋友去跑馬地忙完，下午五點半～～時間過咗下午茶又未到晚飯，行行逛逛經過這咖啡小店，少少文青味，從門外看到裏面收銀處有廚櫃有甜品、餅食，走入去就試下啦。入店鋪後感覺好寧靜，好舒服， 可以將自己急速嘅步伐放慢，時間早啲嘅話甚至可以喺度hea上一小時多。我一向支持小店，香港集團式經營的食肆太多啦。今晚點了～～煙鴨胸沙律配蜜糖黑醋牛油果炒蛋多士蒜香雜菌炒意粉薰衣草伯爵奶茶朱古力咖啡宇治抹茶窩夫配雪糕配北海道紅豆朱古力心太軟配雪糕整體來說樣樣都好啱我，最難得嘅係連男性朋友都讚，意粉好香蒜味、雜菌又多， 如果加少少松露油/鹽炒，應該更好。我自己個人就好鍾意個牛油果炒蛋多士，因為啲醬鋪滿麥包麵，店主一點也不吝嗇🤭。 至於煙鴨胸沙律～鴨胸也不少，蜜糖黑醋比例剛剛好，味道剛剛好不會太甜也不會被黑醋蓋過，麵包粒吸曬啲黑醋，我一粒都唔放過。😂😂薰衣草伯爵奶茶呢個有驚喜，出面少有呢個配搭，入口有啲感覺淡，但係諗諗下又覺得好有伯爵茶嘅茶味， 可能浸耐咗薰衣草嘅香味亦都隨之而來，幽香充滿口腔😚。估唔到男友人竟然話要點甜品，佢知道我鍾意食心太軟，呢個係MUST ITEM，再加上見到有宇治抹茶，唔使諗啦😂宇治抹茶窩夫～～好green 呀😍，即叫即做，窩夫外脆內軟，加埋北海道紅豆(多返啲就好喇😂) 我倆好食到冇嘢講😜朱古力心太軟好著重朱古力嘅香濃，配上我杯清香嘅薰衣草伯爵奶茶，濃淡相宜。仲有一樣嘢要讚嘅！一間小店竟然會主動做換餐碟食甜品分呢個動作！店主為顧客的細💞度極直101分！我超級LIKE👍👍👍👍👍最後，疫情關係， 小店同樣設有量體溫同提供酒精搓手液。但我個人則重視另一個角落～～洗手間😅呢個地方嘅潔淨度好緊要雖然接近打烊時間，但我都覺得好乾淨，有潔雅兒抗菌洗手液，有toilet paper，有抹手紙👍👍👍👍👍洗手間咁乾淨，證明店主對衛生的堅持，對客人負責任亦是另一份堅持。好舒服嘅一間小店，可以畀自己放鬆寧靜一刻，我一定會再嚟。🤗🍰🍮☕🍵🍝
continue reading
位於天后歌頓道的小店，白色的小店不是很起眼，如果不是友人介紹，也不會認識。小店環境舒適也很cozy，牆上掛著畫，我留意到，場上的畫是會定期更換的，別具藝術感。小店亦有關於咖啡的書可借閱，如果不趕時間的話，坐幾個鐘頭看書喝咖啡很不錯。是日到小店吃午餐，點了全日早餐，我轉了做素食，小店也可以配合，沒有肉的全日早餐，換上了我最喜愛的蕃茄，感覺很健康清新呢。今日跟餐點的是熱檸茶，之前試過他們的咖啡也是很不錯的，是咖啡師調配的，拉花每次也有點不同。友人點的是辣肉腸意粉，由於是即點即做，所以通常需要等5-10分鐘，我們最滿意的是那份熱騰騰的味道，很有家的那份親切感。店主有時候還會為大家送上自家製曲奇餅給試食，試過幾款，味道也是不錯的。附上早前的照片
continue reading
之前路過時發現咗呢間cafe, 見個名幾特別，已經諗住搵日試吓，咁啱要去銅鑼灣果邊做嘢，突然諗起佢，就決左呢日去試，由於佢實際位置喺天后，其實由銅鑼灣行過去都要幾個字。可能剛過咗繁忙時間，去到唔駛等位就入得，入面嘅裝修擺設都有種簡約文青嘅風格。隨意點咗一個香辣腸意粉，一杯凍咖啡，呢度嘅意粉整得幾好食，唔會太乾身，香辣腸嘅份量都算幾多，鋪滿意粉上面，辣辣地幾開胃。慢慢地品嘗食物，邊飲著咖啡，就喺呢個咁舒適嘅環境入面渡過咗一個下午。
continue reading
星期六放工，想搵個地方靜靜地食個lunch，輕鬆一下，輾轉喺網上搵到呢間cafe。十分喜歡它的名字「夢旅人」，cafe屬於小店形式經營，座位唔算太多，角落放咗一個書櫃，整體環境俾人一種舒適寫意嘅感覺。呢度屬於半自助形式，要自己去counter落單，之後會俾個號碼牌你放喺枱上，店員再送餐上枱。今次點咗個All Day Breakfast，另外加咗$9要杯熱比利時朱古力。整體嚟講，味道尚算不錯，all day breakfast有兩款唔同嘅麵包，比較少見，腸仔亦都好好味。唔知係咪因為節日附近，親切嘅店員於用餐途中送了塊曲奇，感覺十分窩心
continue reading