夢旅人 Cafe (Closed)

之前路過時發現咗呢間cafe, 見個名幾特別，已經諗住搵日試吓，咁啱要去銅鑼灣果邊做嘢，突然諗起佢，就決左呢日去試，由於佢實際位置喺天后，其實由銅鑼灣行過去都要幾個字。可能剛過咗繁忙時間，去到唔駛等位就入得，入面嘅裝修擺設都有種簡約文青嘅風格。隨意點咗一個香辣腸意粉，一杯凍咖啡，呢度嘅意粉整得幾好食，唔會太乾身，香辣腸嘅份量都算幾多，鋪滿意粉上面，辣辣地幾開胃。慢慢地品嘗食物，邊飲著咖啡，就喺呢個咁舒適嘅環境入面渡過咗一個下午。