Cafe Paradise (Closed)

好少會嬲到要寫出黎，今次都可以話係頭一次。。。首先讚左先，啲食物真心好食既，叫左三樣野，辣芝麻炸雞翼好脆口好入味，黑松露薯條唔洗講啦個味道係perfect match，煙三文魚峴肉天使麵都好味！ 今次想講既係佢地員工既態度同服務質素。。。一開始侍應推薦我地食套餐會抵啲，有埋餐湯、茶/咖啡、甜品。我中意到每間餐廳都試下佢地既特式飲料，所以加15蚊點左杯凍既chocolate@paradise。大概等左一個鐘左右野食都到齊，食剩一半既時候，杯特飲仲未到，男朋友提議我要唔要催下。我見旁邊比地我地早到既客人都係啱啱上野飲，一心諗住人地或者好忙出唔切野飲，決定等多一陣再唔黎先催單。 十零分鐘又過去，一問侍應之下原來係落漏單，咁算啦，唯有怨自己唔好彩冇早啲叫佢地跟下單。又等左十零分鐘，枱上既野食都食完了，啱啱到既客人杯野飲都上了，再問侍應，原來我杯野飲仲未沖！ 漏左單唔係應該快啲出返我個杯先嫁咩。。。我真係憤怒到就黎要爆粗，但見個侍應一個人要serve哂全場，忙到踢哂腳我都唔忍心爆佢，只係叫佢取消杯特飲，改做凍檸茶，凍檸茶唔洗沖好耐啦掛？（取消特飲之後係完全冇人問過我原本跟餐送既咖啡/茶想揀返咩飲

喺長沙灣同客開完會之後，順便等埋家姐放工，一齊食dinner，我地去咗一間cafe，店子小小，很快就坐滿客人！Menu有好多食物選擇，對於有選擇困難嘅我，都係選set dinner，不過set dinner都有好多款！我地揀咗一個280克美國頂級肉眼牛扒配燒汁，另一個係香脆豬手配燒汁，一齊share嚟食！set dinner有齊沙律、main、餐飲和是日甜品。$15可以轉特飲，我點咗杯黑朱古力沙冰，唔會好甜，有濃濃朱古力味，啱晒我口味！沙律幾新鮮，用黑醋調味夠健康！美國頂級肉眼牛扒五成熟，好大塊，有一點點脂坊，牛味濃啖啖肉，煎得啱啱好，唔鞋口又嫩！點燒汁好惹味！薯角好香脆！我推介香脆豬手配燒汁，外皮超級香脆，好似食薯片咁，豬手肉好嫩好稔，又唔會好鹹，一試難忘！重點是價錢絕對合理！一班人gathering最啱！最後食埋是日甜品木槺蛋糕，就好滿足！

見到openrice有很多好評，就去試試看。叫了一個花茶($48)，一個煙三文魚凱撒沙撒沙律($73)，一個Paradise Vegetarian(素菜All Day Breakfast $78)。花茶沒問題。素菜All Day Breakfast，味道普通，茄汁豆很乾，像是放了很久。煙三文魚凱撒沙撒沙律，因為我妹對蛋敏感，我又在控制飲食，所以沙律醬想分開上。落單時候清楚說明要沙律醬另上，待應也有覆我一次沙律醬另上的。等了20分鐘，朋友叫的素菜All Day Breakfast也快要吃完了，我催了一次待應沙律未到，再15分鐘後，沙律終於到了，但是並沒有幫我沙律醬另上。我跟待應說我要沙律醬另上的，待應又把沙律拿回廚房一會，又拿出來，說“已經撈埋左，無得另上“，我心諗你現在“撈埋左“，當然無得另上！但我又因為不想浪費食物，所以沒有跟他爭論下去。照吃那個沙律，只是越吃越生氣，才上來給我在openrice的第一個劣評！他們出錯，又不承認，還辯說沙律是“一早撈好“。首先，沙律“一早撈好“是會出水的。第二，你沙律是“一早撈好“的，你就應該在我下單時通知我醬不能另上，我就不會叫，因為我妹是蛋敏感，不

最近又打風又落雨， 晚餐都不願外出吃， 簡簡單單叫外賣吃了便算！ 吃了一星期， 條脷都鞋曬！ 難得今日無落雨，一於要出去吃番餐好的！ 這間價格公道，食物質素又ok， 最正是氣氛唔錯，最啱我們倆小口來鋸下扒當拍下拖！ 這間西式晚餐以意粉或扒類為主打， 除了有set dinner可以選擇之外，基本上其他主食都可以加錢轉餐， 例如一碟78蚊的意粉轉成套餐大概128元， 都ok抵食~ 晚餐包括是日餐湯、田園沙律、一份主菜、還可以有甜品和咖啡或茶配埋。 是日餐湯是三文魚粟米忌廉湯，口感夠曬creamy~而且我最意它質地較杰身，配上三文魚更顯鮮味！ 田園沙律方面，亦都夠曬大碟很有誠意， 而且由多款蔬菜混合而成，加上上等的橄欖油黑醋， 食來不但好fresh好清新，覺得好健康添！ 主菜我們選擇了5成熟的280克美國頂級肉眼牛扒配燒汁和巴黎的紅酒慢煮紐西蘭羊膝開心share食！ 280克美國頂級肉眼牛扒果然夠曬份量！成塊面貢大塊！肉眼兩邊煎香，而內心還保持住淡淡的粉紅色，看見都食指大動！由於是肉眼位置所以肉質會比較有咬口， 正好應該切細細件斯文啲食， 更能體會當中豐富的肉汁！ 紅酒慢煮紐西蘭羊膝一

今天朋友約我慶生晚餐她訂檯時沒有講明有人生日但店員聽到我們的對話竟把甜品砌成生日蛋糕仲要為我杯薄荷朱古力拉個靚花唔止行動窩心 服務亦非常一流我們每味菜都有要求一些醬汁店員不厭煩的送上而且食物的美味情度都有好驚喜 正啊

同朋友聚一聚，因為有小朋友，見依間餐廳坐位比較闊落，可以坐得舒服d。午餐果震去，好彩早少少到，5洗等位。而且好快就安排座位。我就揀左個西冷牛扒配意粉，午餐就包餐湯，餐包同餐飲，上餐速度都快，好快就俾左餐湯同餐包，而餐湯味道都濃郁，所以配埋餐包就一流。另外，西冷牛扒配意粉既意粉就一般啦，因為意粉味道比較重口味，雖然意粉好有心用蒜蓉炒過，但蒜蓉分量過多導致味道過重，好彩西冷牛扒味道都正既下次可以試試薯菜，我諗咁樣個味會夾d。飲埋杯凍檸茶整個晏晝就啱啱好啦，又充滿力量同小朋友去玩啦！整體來說，環境舒服，服務態度都5錯！值得再試。

話說早掛排係長沙灣跑運動場步,，先知原來附近有間小cafe，所以搵日就去左試～睇完menu，我地決定叫一個dinner set同一份all day breakfast。 先講dinner set，包左餐湯，沙律，主菜，甜品和飲品，我地就揀左烤美國豬鞍配蜜糖燒烤汁 $188。 餐湯係薯仔忌廉湯，口感幾綿密架～ 沙律我地加左$10，由田園沙律改做凱撤沙律。凱撤沙律既精華就係個沙律醬，變得特別開胃。主菜係美國豬鞍，好厚切，食完都幾飽～ 肉味豐富，但肉質有待改善，豬鞍有D韌~ 我地將原本既是日甜品（芝麻蛋糕）+$25 轉左其他甜品，因為朋友一聽到可以加錢轉心太軟，即刻心心眼呀～ 心太軟比我預期出色得多，朱古力味濃，比同區某間既甜品鋪好得多！ 心太軟一切即流，配埋旁邊既雪糕(我估應該係用movenpick雪糕)，食完好幸福呀～飲品我地加左+$15轉特飲，點左杯野莓沙冰，都幾大杯架～ Paradise Full $98 +$5多士轉窩夫覺得眼前既all day breakfast好吸引呀，有炒蛋，煙火腿，煙三文魚，煙肉，法蘭克福腸，漢堡扒，茄汁豆，烤蕃茄，炒雜菌，粟米，沙律同窩夫，真係好豐

Cafe Paradise嘅本店係晌太子，上年就晌長沙灣開咗分店，一直都好想試，呢日終於扚起心肝嚟食喇！門口擺咗塊黑板，上面嘅手繪貓咪好得意。走入去之後，仲有兩隻特大熊公仔迎接。餐廳嘅面積唔大，幾乎可以一眼睇晒，不過都幾舒適嘅。水吧旁邊擺咗唔同圖案嘅陶瓷杯，仲有旋轉木馬音樂盒同食客嘅即影即有相。呢日嚟到除咗有午餐，仲有下午茶餐，不過都係決定叫佢哋嘅All Day Breakfast。All Day Breakfast包橙汁一杯，亦都可以加錢轉其他嘢飲，我就揀咗玫瑰花茶。入口有淡淡甘甜花香，既清新又養顏。另外再叫多杯玫瑰鮮奶咖啡，拉花幼細，味道甜甜哋，仲有啲玫瑰花香，感覺唔錯。Paradise Full，碟上放滿炒蛋、煙火腿、煙三文魚、煙肉、漢堡扒、法蘭克福腸、茄汁豆、薯餅、烤番茄、炒雜菌、粟米、田園沙律，我仲將多士轉做窩夫，非常豐富。薯餅炸得香脆可口，煙肉煎得焦香。漢堡扒細細件不過幾厚身，似係自家手打。窩夫中間就夾住吉士醬，都幾得意。其他嘅食材都唔錯，食得出係即叫即煮嘅，睇落簡單但唔馬虎。芒果拿破崙，就咁睇個名以為係酥皮夾住餡料嗰種，實際係海綿蛋糕嚟嘅。芒果粒熟透香甜，海綿蛋糕之間夾住

之前同朋友食過佢既太子店覺得唔錯，今晚咁arm見到原來長沙灣都有分店，諗都冇諗就走入去。餐廳係係長沙灣道，香港科技專上書院隔離，係地鐵站行黎都係5分鐘度，地點方便易搵。餐廳既裝修同太子店一樣，都係以白色同簡約為主。Menu呢度同一般cafe一樣都食西餐，不過佢仲有埋all day breakfast添香脆豬手配燒汁$148呢個晚餐係有飲品，餐湯，沙律，主菜同甜品。飲品我就揀左青檸蘋果梳打，呢杯係特飲黎既，所以需要加$15。蘋果味夠，而且fresh，不過奇怪既係青檸上面都仲要加片檸檬餐湯就係吞拿魚忌廉湯，好濃吞拿魚味，至於個沙律，d菜係好fresh，不過我嫌佢加得太多黑醋，搞到個沙律勁酸主菜就係個豬手，賣相麻麻，但係佢就做到豬手皮脆內嫩，但係本身味道唔夠，所以必定要點番個燒汁同個蜜糖芥末醬。伴碟既薯條ok，不過份量可以多番d咁就更加好。而個甜品就係特濃朱古力蛋糕，朱古力味真係好濃，食落蛋糕香滑，又唔會過份甜，唔錯。成個set dinner都ok，價錢合理西蘭花雞肉意大利粉$63呢個意粉望落都覺得好健康，食落意粉煙韌，西蘭花爽口，不過d雞肉就略嫌佢有d鞋，味道就唔錯瑞士雞翼$58呢個瑞士雞

友人最近搬左黎呢頭, 上去新屋參觀完畢, 當然食埋晚飯先散水啦, 係果頭行下行下就經過呢間西餐廳門口, 見佢門口既餐牌推介都OK, 咁就一於拉門內進!餐廳環境面積都幾精緻, 以水晶燈作裝飾, 近水吧位置貼滿客人用餐後既相片, 數量之多可見呢間餐廳應該都幾受歡迎侍應送上餐牌, 提供頭盤, 小食, 蛋糕, 意大利粉及意大利飯仲有晚市套餐, 有肉類菜式選擇, 價錢最貴既都只係$208, 包餐湯, 沙律, 主菜, 餐飲及甜品, 超抵食喎!飲品選擇亦相當多, 有各式特色咖啡, 花茶, 沙冰等等既然係咁, 我地都選餐晚市套餐, 由餐湯開始........................是日餐湯為吞拿魚忌廉湯, 忌廉湯中有吞拿魚碎, 飲落味道OK, 若然可配埋件脆多士伴食就仲好!由原本既田園沙律, 另加$10轉為呢客凱撒沙律, 份量頗對眼, 爽口沙律菜, 配以多汁車厘茄, 脆口多士粒及咸香芝士片, 撈勻醒胃沙律汁一齊食, 口感相當清新! 幾款主菜入面, 點左呢客美國頂級肉眼扒 ($208), 件肉眼扒都幾大件, 配以薯條, 份量十足! 上枱時已聞到好香燒烤肉味, 令人流口水tim落左要七成熟, 切開

是日預早知道要去荔枝角出差，當然唔少得搵定晚餐食咩😜 OpenRice 了一下，發現太子小店Cafe Paradise 居然在荔枝角開新分店～一向支持用心經濟小店既我馬上拎起電話Book位～呢間店生意超級好，一定要Book位～店面細細，不過坐位好舒服～都幾有特色～對成班朋友一齊黎食飯好岩，有特色位置～Menu 價格中等，唔會太貴，所有意粉、飯都可以加錢轉set, 有餐湯、沙律、主菜、甜品和餐飲～認真豐富～是日餐湯-椰菜忌廉湯，很creamy，味道很濃郁～黑醋沙律，沙律菜很新鮮～配黑醋很健康！主菜：美國頂級肉眼配燒汁～5成熟既肉眼岩岩好，切開唔會血淋淋，配燒汁味道一流～最重要係有個薯蓉好好味！烤美國豬鞍配蜜糖燒汁～超厚身豬鞍，切開勁Juicy,超有口感！配上蜜糖汁非常特別～薯蓉都係唔少得！👍🏻👍🏻👍🏻最後唔少得食埋甜品先走～跟餐有小蛋糕，味道都唔錯，自家製～但亦可加錢要好點，是日切餅-紐約芝士～芝士味濃、滑！認真唔錯！非常滿意既一餐～認真無黎錯～

位置比較淺窄，但乾淨雅緻，服務態度也有禮貌。我們叫了兩個 dinner set 。田園沙律，普通正常。但如果份量再多啲會比較好。職員落單宜再注意一點，因為我一早已經強調不要沙律醬不要醋，但他還是送來有醋的沙律 (扶額)。是日餐湯是薯仔忌廉湯，薯仔煮得很稔軟，忌廉味都夠，口感濃稠。主菜：煙三文魚海蝦黑松露天使面黑松露味夠出，唔會完全被忌廉蓋著。黑松露和忌廉很均勻地沾上每一條天使面，好吃 ! 朋友也說我點的天使面比她點的墨魚汁飯好吃。XD 主菜：墨魚汁意大利飯這個墨魚汁意大利飯很特別，不像外面般咸得要命，而是甜甜酸酸又帶點微辣，幾開胃，令人感到驚喜。魷魚煮得夠稔軟得來又有小小彈牙。是日甜品是芝麻慕絲蛋糕濃濃的芝麻味 =3= 上面那層慕絲有點像啫哩的口感，涼浸浸的，很好吃，連埋底層的蛋糕一起吃，會嚐到兩種不同的口感。我們加 $15 轉了特飲。我叫了 Hazelnut Latte (其實我原本是想要熱的，但他給了凍的我。。。要注意一下喔 >< 但凍的也幾好喝我就算了 xp ) 咖啡味很濃郁，餘香在舌尖上揮灑不去，因為有奶的關係，咖啡喝起來不會澀，很易入口。朋友則叫了朱古力沙冰。

早咗幾日喺Openrice訂枱食生日飯見到之前有啲評價話有慶祝生日嘅甜品所以訂位嗰陣都有剔選慶祝生日叫咗1個all day breakfast嘅Paradise Energy$88 算大份 而且包一杯細橙汁感覺都幾清新除咗個漢堡有啲似肉餅 唔太啱我哋口味其餘成個餐都真係唔錯 特別係薯餅同火腿炒雜菌好好食叫咗一個Set dinner牛扒$208 包一杯普通飲品 叫咗凍Latte就朋友唔係太食生嘅關係 嗌咗5成但我哋都覺得有啲韌 老咗少少嗰個汁唔濃味 點同唔點都唔係太大分別但個薯角好好食甜品係最後上但都幾驚喜職員好搞笑 同埋都好好人主動話幫我哋影相哈哈生日飯嚟講都幾開心嘅 我哋覺得就甜咗少少 不過影相係唔錯嘅整體服務都幾好 會事前打畀你confirm時間咁

晚上同朋友去唱K, 但又不想吃唱K BUFFET那些垃圾食物, 見到附近有間不錯的CAFE, 一於去吃完個早晚餐先再去唱, 還可以節省時間多唱一會呢!好多選擇, 大概都是百多元的, 如果只叫意粉就更便宜, 只要7-80左右, 扒餐最貴, 200元以上, 但還是可接受的範疇先上來一個熱辣辣的多士, 口感鬆軟, 其實麵包重要的事不多, 只要不下太多糖, 上桌之前熱一熱就已很好了, 像這餐廳一樣全日早餐的炒蛋比那什麼"澳牛"好吃很多好嗎? 保持7成熟的蛋而且不會有炒蛋不均勻的感覺, 熱力還滿平衡的而且服務比那好多了薯餅就令我想起麥記了, 味道也是不錯~炒蘑菇炒得乾身又JUICY, 好好吃!粟米很甜, 不是糖漿那種甜, 所以是粟米本身的味道啦! 正喔!

長沙灣工廠區。無意發現太子人龍店「Cafe Paradise」。心癢癢入去試下先。餐廳門外擺放著一個小小嘅麼天輪。吸引咗唔少路人目光。👀👀晚餐六選一。有湯。沙律。主菜。咖啡/茶。價錢$128-$208。睇落都好似幾吸引。咖啡/茶可以加$$轉其他飲品～加咗$15轉杯沙冰～熱情果沙杯野莓沙冰兩杯都係酸酸甜甜。飲兩啖已經透心涼爽呀。。。忌廉湯～質地都算杰身。唔算得上滑。沙侓～份量小小的。味道酸酸的幾開胃。煙三文魚海蝦黑松露天使麵~天使麵比較濕身的。啖啖黑松露嘅油香。香脆豬手配燒汁～睇落以為dry dry 地。食落又唔會。仲有薯蓉伴碟大滿足。