Cafe Paradise (Closed)

芝士焗免治雞肉棒($48)雞肉棒有軟骨係入面幾有口感，面頭有一大pat芝士，不過略嫌雞肉棒比較乾。香脆豬手配燒汁($168)脆炸豬手即叫即焗，等候時間較長，皮超脆一d油都冇，不過就鹹左d；驚喜配菜有紫薯蓉同燴雜菜！Rose Chocolate （+$15）玫瑰味岀，同朱古力相得益彰，又唔會太甜，而且有好靚既拉花，推介👍🏻心太軟跟餐+$25幾抵食，朱古力心太軟流心度算高，不過甜了點。Affogato ($48)熱騰騰既咖啡倒落凍冰冰既雪糕，冰熱交溶🤤！除左咖啡，仲配有bailey，好特別阿！

昨晚與好友在太子cafe paradise 共進晚餐， 我哋選擇了share 一齊分享美食, 順道可以食多啲嘢。我哋叫了一個set dinner, 晚餐選擇都多有7款，心多多搞到有選擇困難了。到最後我哋order了香辣鮮蝦意大利飯的set dinner 再加多一個芥末火腿長通粉。先來是日餐湯，餐湯是西蘭花忌廉湯，忌廉味比較香濃，夠熱好暖胃。沙律是田園沙律，沙律菜份量都ok，新鮮配上醋汁後更醒神。主菜來了， 香辣鮮蝦意大利飯，惹味香口，入口辛辣味即時衝出，炸蝦香而不油膩，炸粉也不算多，都ok不錯的。至於芥末火腿長通粉，好香好滑口，長通粉煙煙韌韌，夠味火腿都算多。是日甜品係雪糕，有綠茶及blueberry 口味，我哋選擇了blueberry 味的雪糕，裡面有粒粒新鮮生果肉及皮，好fresh。餐飲是熱檸檬茶，檸檬新鮮，茶味清淡，好合適晚間飲用。

今日出開太子做野，所以放工約左朋友係附近食野順便聚舊！由於我地2個都放早，所以未到6點就已經黎到cafe paradise。講下個門面先，雖然鋪位唔算大，但佈置一啲都唔隨便，外層既白磚再配合精美既擺設，睇得出店員既心思，亦都令人好想入去坐一下！我地2個人最後叫左一個set dinner 同黑松露配薯條，都已經捧住個肚走嚕Set dinner 跟餐湯同沙律🥗今晚既餐湯係西蘭花🥦忌廉湯，好特別wo原來西蘭花煮湯都得！當然唔係一大舊一大舊西蘭飯，而係西蘭花融入湯當中，但飲既時候又感受到西蘭慈既質感，好清新，感覺好似幾健康！沙律係田園沙律，不過不失，沒有驚喜 跟餐仲有野飲，我地就加錢轉做花茶，揀左水蜜桃🍑茶，水蜜桃味重，唔錯！主角出場喇！香脆豬手配燒汁！真係名副其實，豬手脆到一個點，仲要大大舊，熱辣辣，對於好中意食豬手既我，真心覺得有驚喜！除左豬手外，仲配紫薯蓉，無獨有偶，紫薯都係我好中意食既，一擺入口，成個口腔都有淡淡既紫薯味，好正！其實仲有啲脆肉瓜同茄子🍆，感覺係同豬手做返個平衡，減少食完豬手既罪惡感我地仲叫左個黑松露配薯條，薯條外脆內軟，點埋黑松露沙律醬，好夾播！忍唔住食完一條又一條丫！

今日去開太子附近見到宜間小店，門口已經佈置左聖誕裝飾，d木馬裝飾幾靚，於是入左去試下。我地兩個人叫左一個套餐，另外再叫左一個意大利麵。套餐有沙律菜，西蘭花湯，我地選擇左煎羊架。跟餐仲有個甜品同飲品。個湯好creamy，不過沙律菜略為普通 個羊架都煎得幾香，配燒汁同薄荷醬，仲有紫薯薯蓉，非常特別。餐飲加錢轉左做玫瑰朱古力，玫瑰花味都幾出。另外散叫既係黑松露闊條面，黑松露味勁香，意粉都彈牙算係唔錯。甜品係藍莓味既雪芭，食落好fresh。聽講豬手都唔錯，下次再去食

今日同朋友去左太子行街，行行下見有啲肚餓，正當我想搵下邊到有野食既時候，就見到對面馬路有間氣氛幾好又舒服既café，就諗都唔諗就入左去啦。一入到去，就覺得呢間野好舒服，間野入面已經打扮得好有聖誕節🎄既氣氛，完全唔覺得自己係太子。MENU:我就同朋友各自叫左Set Dinner。咁得今次既餐湯係吞拿魚忌廉湯，佢啲忌廉好濃好香，加埋佢啲胡椒粉令到成碗湯更加有層次。沙律🥗方面，我好鍾意佢啲沙律，因為佢唔似出面啲沙律咁，狂落沙律醬，令到沙唔似沙律。佢成碗沙律落左少少沙律姐，最啱我呢啲怕肥，但食野又怕「寡」既人😋。我主菜就叫左炸魚薯條配刁草醬，佢一黎個時我「嘩」😧左一聲，塊炸魚薯條大塊到不得了，唔好講點食，我連點切都唔知邊到落手呀🙈，佢塊炸魚同薯條都熱辣辣，好新鮮。仲有用之前好hit既紫薯榕做配菜，好驚喜😍😍。呢個dinner set仲有埋甜品，佢個甜品係黑加倫子雪糕，雪糕入面我食到一粒粒黑加倫子肉係入面，令到成個雪糕好fresh😋😋，雪糕唔會太甜，又唔會好奶，啱哂我口味👍🏿。最後飲品我朋友叫左凍檸茶，大大杯咁上，而且佢啲糖漿另上，好貼心😍😍。已我呢就叫左Baileys yakult，唔好睇佢普

同朋友喺旺角行完街見到呢間幾靚嘅Cafe就入咗去試吓喇入到去感覺上好warm，非常之適合一班朋友聚會，門口仲放咗幾隻公仔可以拎住黎影相，而且店入邊嘅氣氛都好好，牆上面仲鋪滿晒好多之前顧客嘅相，感覺唔錯嘢食方面我哋食叫咗兩個set dinner首先有餐湯同沙律，個湯都幾好飲 好creamy沙律都幾新鮮 配埋我最愛嘅芝麻醬主菜就叫咗個肉眼扒配燒汁，個扒煎得啱啱好，啖啖肉好香好好味價錢亦都唔算貴，100幾至$200都有，而且幾多選擇食完主菜仲有甜品同野飲，店員主動問我地想唔想加錢試下個心太軟，就叫咗一個試吓，心太軟嘅味道唔洗形容都知 岩岩焗好陪埋雪糕真係好夾呢$15係好值得加食完飲番杯杯餐茶就岩岩好呢度氣氛好好，可以傾好耐計都得，下次約朋友都會再黎度呀~~

最近經常在旺角做完工作, 放工想找美食, 旺角實在太多人, 所以稍移玉步去左太子發掘下.Cafe Paradise 位於太子站附近, 步行約4分鐘. 小店門口有一個旋轉木馬裝飾, 好吸引起眼. 店 內空間少少, 但是有很多不同裝飾, 牆壁上有好多食客的相片, 加上臨近Christmas, 有好多聖誕 裝飾, 氣氛唔錯, 感覺好cozy.我們入座時是晚飯時段, 是full house, 好在有book枱. 晚餐set有主菜七選一,另外配餐湯+沙律+餐飲+甜品.西湯係西蘭花忌廉湯, 好足料, 有好重西蘭花及雞湯味. 田園沙拉蔬菜新鮮.我點左炸魚薯條配刁草醬. 小店給食客一整條炸魚, size 有大過我隻手掌, 食落唔覺有雪藏味, 魚上加左香草及七味粉, 好特別.配料豐富, 有好多剛炸好的薯條, 加埋紫薯蓉, 及一些蔬菜.份量好多, 好足料.我的朋友點左, 香煎澳洲羊架配燒汁, 七成熟, 共3件.羊架没有羶味, 多肉汁, 配薄荷醬超正.配料唔少, 有紫薯蓉, 及一些蔬菜. 另外要讚個gravy 汁, 味道調得啱啱好, 給個like. Gravy 汁 唔太郎啱啱好甜品 送抺茶雪糕, 結束完滿

放假晏左起身，但係又想食早餐😂😂就去食all day breakfast就最啱！同女朋友叫左個all day breakfast full 開心share。呢個係加左啲錢轉窩夫，個窩夫入面有料架！好好食，入面啲料好似奶黃包咁。外脆內軟，食落去有好幸福嘅感覺。詞窮，唔識講😂😂不過因爲係甜，我會留到比較後先食。另外漢堡扒都好有誠意。唔係快餐店食落去好似泥咁嘅口感，係真係有肉感係到，咬落去有汁出黎😭😭好感動可惜炒菌已經凍左，始終都係差咁啲。🙁其他野都冇乜特別🤔🤔整體好評

今晚同朋友仔呢左呢間CAFÉ DINNER!! 都係係OPOENRICE度SEARCH見到多笑笑口所以黎, 離地鐵站幾分鐘路程, 唔算好遠, 餐廳唔算好多, 而且都頗多人流經過, 所以一定要做BOOKING!!我地一坐低隔離就有隻蒼鼠公仔同我一齊坐啦! SO CUTE!!雖然未到12月, 已經開始有聖誕既裝飾, 節日氣氛濃濃的!!我地好單咁叫左2個DINNER SET! DINNER SET有前菜沙律同埋忌廉南瓜湯，南瓜湯唔錯啊!!! CREAMY得黎又唔會太濟, 一個餐湯已經可以訐價一間CAFÉ之後主食既質數，我相信MAIN一定都會唔錯!!!好多人都點既 香脆豬手配燒汁 $168, 我地都點左個!! 豬手唔係巨型, SIZE正常, 但已經見到個皮好脆, 而且個燒汁都幾香, 側邊伴菜又同出面既德國豬手有別, 佢唔係用左酸菜, 而係有2款唔同既伴菜, 第一款係紫薯蓉, 我既大愛, 第二款係翠肉瓜同埋茄子再加南瓜汁, 呢個有小小格格不入, 不過味道係唔錯既, 講返豬手, 一啲都唔咸, 味道適中, 滿滿既骨膠原!! HAHA!!YUMMY!!另外叫左個正常不過既 煙三文魚蜆肉天使麵 $123

經開太子見到哩間餐廳幾靚，門面以磚牆做裝修，又可以扮文青去呃下like，入去睇下有咩食先11月都仲係咁熱，叫杯熱情果沙冰飲，清涼解渴，熱情果味幾濃，唔會太甜，上面有支紅色既飲唔出係乜煙三文魚蜆肉天使麵，三文魚煙得好夠味，唔會過鹹，天使麵煮得唔錯，吸左海鮮味再加上自家醬一齊炒其實沙律同餐湯都係一早就上左枱，不過我怕食完會有d飽，所以留左最尾先食/飲餐湯係忌廉湯，煲得唔錯，唔會太”杰”或太稀，而且都足料有我至愛既綠茶雪糕做甜品，哩餐真係好滿足

上次已經食過一次確實唔錯，今晚見有d清閒時間，再次享受一下我個晚餐先。估唔到相隔左唔係好耐，就已經佈置成聖誕節。餐湯&前菜沙律，今次試下將d沙律菜浸入湯到，d菜葉吸左湯汁又幾好味。美國10安士頂級肉眼扒($228)，10安士原來可以有咁大塊，而且仲好厚，見到都流口水，切開冇血水滲出，肉質好腍，點埋個醬汁好惹味，旁邊仲有香芋蓉，哩個配搭幾特別。薄荷朱古力($15)，拉埋花咁靚，好香濃薄荷味。甜品同上次一樣綠茶雪糕，一樣係極力推薦。

呢日既晚上特登約左阿媽黎食晚飯 約好左黎太子既cafe paradise 不過原來太子係有兩間分店嘅 搞到我地都揾左陣先黎到店門口既旋轉木馬真係好吸睛 有唔少路人行過都望左陣主菜餐牌內所有意大利飯同意粉都可以轉換成套餐 選擇好多 但要留意番晚餐時段設最低消費每人$100套餐包括是日餐湯同田園沙津 今晚係粟米忌廉蜆肉湯 有勁多蜆肉同粟米 超足料 真係好少飲餐湯都可以咁豐富煙三文魚蜆肉天使麵 ($73)天使麵整得好香滑好creamy 口感唔錯 之前試過其他分店既意粉都好好食 不過如果我早知個餐湯都已經有咁多蜆肉 我就叫其他配料啦香脆豬手配燒汁 ($168)豬手都幾大舊 塊皮好香脆 但食落去就唔太入味 豬手配上紫薯上碟 呢個搭配真係比較少見 但係感覺都唔差套餐 +$25 可以換甜品 揀左個心太軟 問左侍應姐姐可唔可以寫字上去 佢話可以 但係無諗到佢地咁有心思 仲灑左d食用花係上面 整到咁靚 仲幫我地影即相即有 氹到阿媽不知幾開心影完一輪相 切落去都仲係超流心 兩個人share就岩岩好 好好味最後都係三百蚊埋單 真係幾抵食 下次會再黎

今日行完花墟，就係附近亂行，見到呢間cafe門面已經佈置好聖誕裝飾，幾靚咁，咁啱我都開始肚餓，就入去八下。Cafe地方唔大，牆上貼咗好多即影即有相，應該係老友聚會嘅熱門地。我叫咗一份Set dinner: 餐湯蜆肉粟米忌廉湯 - 蜆肉提升咗忌廉湯嘅鮮甜，最重要係d蜆肉大粒又冇沙，我最怕食蜆肉有沙。田園沙律 - 沙律醬用芝麻醬，配新鮮沙律菜，夠清新。主菜要香煎澳洲羊架配燒汁 - wow~ 份量足，有三件羊架，面頭有少少香草碎。配菜都不馬虎，有翠玉瓜件、矮瓜，仲有好靚顏色嘅紫薯蓉，見到賣相都已經吸引。我叫咗7成熟，羊肉切開有少少粉紅色，剛好。甜品係雪糕 - 藍莓雪糕一球，唔係普通淨味雪糕嚟架，佢有果肉係裡面。仲有餐茶，因為都飽啦，所以我叫咗杯普通嘅熱檸茶，消除食3隻羊架嘅罪疚感。埋單時才發現，原來佢地係拎過開飯熱店嘅獎架，比我誤打誤撞，撞到間好野。哈哈!

是日叫左三個set dinner, 環境迫迫地，食物尚可，但需時等候，叫左杯玫瑰朱古力，哈哈，是普通暖的朱古力，少少失望。魚柳比想像中大份，豬手肉不太多，味道尚可，不用燒汁更好。辣蝦飯份量較少，很辣。

今日在太子search下有咩cafe試下，search左呢間paradise ,就好個朋友一齊入去試下食，兩點鐘未夠鐘叫tea set ,唯有叫lunch set ,叫左個Parma ham Caesar salad 同埋豬扒薯菜，lunch set有餐廳，好重菇味，但係結tat tat，一般熱。主菜個豬扒好一般不過不失，Caesar salad 都係一般無特別，最後餐飲叫左杯mocha ,無咩咖啡味🤦🏼‍♀️，我個fd就叫左杯americano. 最後兩個人埋單$14x! Service 馬馬地，比較失望。