Cafe Paradise (Closed)

今日行完花墟，就係附近亂行，見到呢間cafe門面已經佈置好聖誕裝飾，幾靚咁，咁啱我都開始肚餓，就入去八下。Cafe地方唔大，牆上貼咗好多即影即有相，應該係老友聚會嘅熱門地。我叫咗一份Set dinner: 餐湯蜆肉粟米忌廉湯 - 蜆肉提升咗忌廉湯嘅鮮甜，最重要係d蜆肉大粒又冇沙，我最怕食蜆肉有沙。田園沙律 - 沙律醬用芝麻醬，配新鮮沙律菜，夠清新。主菜要香煎澳洲羊架配燒汁 - wow~ 份量足，有三件羊架，面頭有少少香草碎。配菜都不馬虎，有翠玉瓜件、矮瓜，仲有好靚顏色嘅紫薯蓉，見到賣相都已經吸引。我叫咗7成熟，羊肉切開有少少粉紅色，剛好。甜品係雪糕 - 藍莓雪糕一球，唔係普通淨味雪糕嚟架，佢有果肉係裡面。仲有餐茶，因為都飽啦，所以我叫咗杯普通嘅熱檸茶，消除食3隻羊架嘅罪疚感。埋單時才發現，原來佢地係拎過開飯熱店嘅獎架，比我誤打誤撞，撞到間好野。哈哈!