Cafe Pho 1975 (Closed)

唔好幫襯，冇良心，食死你佢都唔會理架 ！叫咗個漢堡包，落單有走芝士，但出到黎個包有芝士。然後同店員講，對芝士敏感唔可以食芝士，結果攞入去整走d芝士，2分鐘就攞番出黎。一揭開d肉同番茄，見到番茄上重有芝士，試咗啖肉都食到芝士味。。。於是同店員講，亦多次重申對芝士敏感，但佢就堅持已經換咗，呢個係冇芝士。。。未試過遇到咁樣嘅鋪頭🤬食咁多間burger 都遇唔少唔記得走芝士，但第一次遇到唔肯走嘅舖頭。最後成個冇食，打包比屋企人食，唔想攞命同佢搏！

今日「里想煮意」放工趕住要去大本型買吸塵機，所以一出油塘地鐵站，見到有乜就食咗先，第一間就係依見到呢間餐廳，所以即刻入去。呢間餐廳採用自助點餐，但係點餐過程覺得有啲奇怪，因為一定要提供電郵地址或者電話號碼先至可以點餐，所以大家要有呢個心理準備。同埋有時QR code點餐嘅餐牌俾咗錢之後原來係冇，又要等現金退款 （因為我原本想叫芋圓，用電話俾咗錢之後，店員話冇貨）最後我哋叫咗兩碗火車頭，兩個小食，分別係越式炸春卷同鳳爪，食物味道OK，都算大份，呢方面真係值得一讚，最後埋單$168，價錢合理呀👍🏻

咁叫做邪惡芝士撈公仔麵？！！問職員，佢話啲芝士溶哂落個汁度 🤬🤬🤬What??? 個汁好似奶水咁。超難飲越南咖啡都唔知自己飲緊咩，咖啡唔似咖啡，似煙灰水🤮🤮🤮個鍋夫我諗係全香港最難食，好乾，以為食緊油炸鬼，咁都比佢整到真係堅，失敗👎👎👎👎食完真係好嬲！！！

中午約咗朋友，由於時間尚早，一個人自己嘆個早餐。一入商場就見到呢間西式風格嘅餐廳，都幾多人，費事周圍行就揀咗呢間入去食嘢。餐廳環境好嘈，啲員工講嘢都好大聲同冇乜禮貌，聽到佢哋係咁叫人入嚟入嚟，用手機落單，不斷重複，會有少少煩😂 講完佢哋就會走開唔理你😂早餐選擇有好多，有傳統早餐同埋有好多款嘅All day Breakfast set，我揀咗比較豐富嘅All day Breakfast，因為一個粉紅色嘅donut我就揀咗佢😂 早餐份量足夠，顏色鮮艷都好靚，雖然餐廳環境同職員都麻麻，不過見到份早餐都開心晒！😂 個早餐的確味道唔錯，咁就獨自享受一個粉紅色的早上！😂

越南河粉吃過很多，但這家價格很便宜 分分量很足 58一份牛肉河粉 牛肉多到滿出來 全部厚切 有口感 有牛肉味 不追求高級牛肉 只求新鮮分量足 加28元便有小食牛展 味道越式風味 酸酸甜甜 口感一流 28元真心抵食 牛油果炒蛋沙律分量很足 食材新鮮 炒蛋有水準 加配的炸蝦餅香脆爽口 鮮美多汁 重點要推薦這家越式的咖啡 咖啡用心製作 無論是歐式的咖啡還是越式的滴滴咖啡，試過後都覺得對得起價位 在這個商場的中庭位置十分優越 是經過喝杯咖啡吃點午飯的很好選擇

叫左心太軟都知等得耐，過咗20分鐘都未有就問下佢仲有幾耐，佢走去bar枱講完，無覆我，又過5分鐘，我再問佢，你漏單定咩呢，要等幾耐呢，你漏既我唔要喇，退返錢俾我，佢又走去bar枱，然後都係唔應我。過多一陣，佢pat心太軟到喇，睇張相都知失敗（上菜就係甘樣樣）。個匙又崩。我仔仔吃完後肚痛，嘔左很多次。（雪糕俾我仔食，所以覺得係雪糕出事）扒同牛腩河味道還可以，個米紙皮厚好難食

未試過呢間餐廳嘅下午茶，路過有少少肚餓，自己入到去搵位，原本走去叫電源下單，發覺係要自己QR落單或者去門口俾錢買飛。揀咗一個安格斯牛肉湯粉（細），下午茶餐$47，凍檸檬茶凍飲加$3 ，埋單$50。見到人哋食大碗都幾大，慶幸自己叫咗一碗細，因為粉都好多。QR自助下單，方便。抵食 ，味道可以，幾十蚊冇咩要求。

員工態度極惡劣叫左食物要等左30分鐘未有，問職員職員叫我等下，我話等左半個冇鐘，職員話趕時間就去食麥當勞。。。最後野食未到就離開了。職員話坐低就要有低銷，我問佢邊度有講，職員答唔到我就離開了。

今朝返工前諗住去食個早餐，醒起大本型Ｇ/F有間Cafe Pho 1975，於是就過去試試佢，叫左一份雞扒煎蛋公仔麵凍Ｔ，普通茶餐廳野食，結果有驚喜，雞扒煎蛋分開上，雞扒外皮香脆，不過奶茶就正正常常，比起出面既舊款茶餐廳遜色。另外除左中式早餐外，仲有好多西式既早餐可以選擇。

全日早餐唔包飲品唔預早寫明，人唔多都要等22分鐘先上菜，中伏之選。叫左個法國全日早餐 All Day Breakfast $68, 2038落單，餐牌寫明包飲品，轉其他飲品正價6折，落單時竟然話晚上唔包飲品，但又唔一早寫明，食客已經唔多，得幾個人，但都要等22分鐘先上菜，無下次。自助落單，但app無全日早餐叫，只好去再去櫃位叫過….收銀職員態度麻麻，問係咪可以消費券比錢都唔想答。食完飯職員都換好晒衫等收工。

晚上8點多，order 咗個all day breakfast，餐牌寫包飲品，但俾錢時職員表示晚上不包飲品，結果冇飲品或要另外order。原來要最少寫夠80字才可發表意見。

冇睇openrice，後悔一世！行過盲買一杯凍竹炭latte，所有餐牌都係寫$36，但埋單是$38，收銀阿姐話唔知點解，總之撳掣就係咁多，已經一肚氣，加價唔轉價錢牌擺明唔老實，唔係$2問題，係原則問題。谷住度氣等緊，期間已經有不少堂食同外賣都追單，心感不妙，啲國語阿姐好似錄音機咁不停話好多單做唔切，但手腳勁慢，同佢講唔要cut單refund係扮聽唔到。最後水吧9沖奶水畀我，仲係我自己拎嘢同拎飲筒，見我拎住仲好意思恍然 「哦原來呢杯係你嘅」至於味道，呢杯加價奶水，真係奶水咁味，6成奶4成水，天時暑熱濕下口囉。嬲到專登寫文鬧都係第一次，下次行過見有人落踏都要阻止佢地...

六年前在這位置，食完行茅湖廢堡，嗰時嗰間all day breakfast 是好味轉了呢間唔掂，等了好耐，食物是凍。唯一法包是好味，檸茶茶底夠滑。掃code 落單，可惜要用信用卡付款才能成功。只會去一次 無興趣入信用卡資料。咁煩，又無得連結wechat pay, alipay, payme.唯有自己行去櫃位落單

夜晚去食個all day breakfast，見個餐牌大大個寫住話有得跟埋熱飲，咪問埋有冇。呀女店員話晚市無。我就同側邊個fd講個餐牌無咩。女店員聽倒就話，下午茶餐牌黎架你睇清楚啲喇。我真係唔係好明，晚市我係邊倒可以見倒有個下午茶餐牌😅個餐牌係你放係counter😅出面個廣告牌都寫有啦😅即使客人唔知道下午茶先包熱飲嘅係咪可以用一種唔友好甚至係無禮質疑嘅態度去話佢，同佢講你自己睇清楚啲😅無下次快啲執咗去

喺油塘唔知食咩好， 朋友話想食撈檬， 所以就入咗呢間嘢試下佢的撈檬， 幾十蚊一份唔算太貴， 仲好大份， 豬扒有好多，扎肉同埋春捲都好多，55蚊一碗嚟講真係好夠飽👍🏼👍🏼枱面有撈檬嘅醬料比你食倒唔嬲，味道就不過不失~豬扒覺得佢香茅味唔夠重，未算好出色，勝在夠大份，塞飽你個口👍🏼扎肉都比較特別，入面會有啲冬菇同其他野，味道唔算話好好食，只可以話特別囉....我覺得平時普通嘅扎肉好食啲😰春卷好大嚿，不過咬落去入面空氣為主，但係又幾好食🤭🤭🤭另外，佢all day breakfast 都係幾十蚊一份，老實講，食一份就唔係好夠飽，不過勝在ADB款式多，而且個麵包甜甜地好香肉桂味，佢配埋蜜糖真係好食😏如果你係諗住為咗好好食而過來，就應該會失望😂不過勝在價錢同分量都好抵，呢個係加分位， 都可能係咁多人入去食嘅原因👍🏼#alldaybreakfast #adb #全日早餐 #油塘美食 #大本型 #香港特色 #觀塘美食 #黃怪獸 #黃怪獸覓食 #正 #yum #yummy #cafe #食好d食平d #食好西 #食好d