Cafe Pho 1975 (Closed)

見呢間cafe有西餐越南嘢又有鐵板，價錢又唔貴就決定試下🤔…嗌咗個生熟牛河，晚市嚟講五十幾蚊真係幾抵食嘅，不過啲牛真係老咗啲🥲牛油雞翼嗌咗牛油雞翼做小食，廿幾蚊有四隻。係幾脆嘅不過冇乜味🥲整體來講，如果想食平嘅越南dinner都可以試嘅，唔係嘅話真係好一般，唔推薦😩

公司活動，外岀午餐。天氣不錯，都好多人食。我地人多（5人），所以要等下，等侍應去安排座位。地方窄，枱太細，但無其他枱，只能照坐下。芒果沙冰，$19已覺得大杯了。士多啤梨乳酪沙冰，$20太多大粒冰栗子綠茶雪紗，$22，如果鐘意栗子嘅朋友，呢杯你地可能覺得意外幾好飲生熟牛肉河粉，$59 一般蕃茄牛腩河粉，$54，蕃茄味道太淡，令人失望炸軟殼蟹漢堡配薯條野菜沙律，軟殼蟹偏鹹越式綜合越南麵包，$47,材料豐富：有扎肉，豬頸肉，肉鬆，菜安南炸春卷(兩件)，$18，抵食涼伴越式牛腱，$25,入味，墨魚餅$30炸蝦餅$30失望，味道一般，唔太彈牙

等左一個鐘有多先有得食個挪威all day breakfast, 隔離枱問幾時有得食，個侍應話廚房做唔切，唔好追。一個鐘後追經理，經理先話整緊🤬🤬🤬🤬, 碟嘢嚟到冇一樣係熱既，貼錢買難受，唔會再去。

諗住好耐冇食過越南嘢，咁就嗌咗牛爽腩湯河，火車頭湯河，雞絲扎肉撈檬，外賣拎翻屋企食啦。一開始食都覺得冇咩嘢，味道一般，正常普通越南嘢。點知食食下碗撈檬，竟然有舊發泡膠喺入面，仲要舊發泡膠啡啡黃黃咁。即刻當堂覺得反胃，入廁所嘔返曬啲嘢出嚟🤮🤮🤮。返出嚟都冇曬任何食慾，叫屋企人連埋兩碗湯河全部倒曬佢。食物嘅處理竟然咁兒戲，尤其係撈檬呢啲冷盤，大部分食材已經冇用高溫去處理過，容易有細菌，而家仲要有垃圾喺入面，食物衛生十分惡劣。以後經過呢間餐廳都只會諗起碗發泡膠撈檬，以後都唔會再幫襯。

今日叫咗兩份早餐，一個係雞絲餐肉越式蕃茄濃湯通粉，勉勉強強，但係一啲都唔可以叫做濃湯，清到不得了，另外杯熱奶茶不過不失，另外一個就係鮮牛肉牛尾蕃茄濃湯通粉，又係一d味都冇嘅湯底，啲牛肉硬到好似柴皮，而牛尾只係得一粒，重有蒜蓉牛油多士，又唔燶，又冇蒜蓉味，唔知點樣點解可以叫做多士，下次一定唔會再幫襯

近近地返工食個早餐，地鐵站上大本營幾分鐘就到，舖頭係大堂，位置方便，環境開揚望到油塘海景，坐位闊落，可以對住個海飲杯咖啡，嘆一個相當吾錯既早晨。到門口收銀點完餐再入內坐，早上客人吾多，較多位可簡，點左份綜合越南麵包再配熱焦糖卡布奇諾。焦糖卡布奇諾焦糖味好香，早上聞到為之一振，飲落本身帶微甜吾洗再加糖，咖啡味配奶比例剛好。綜合越南麵夠熱有脆口，本身個包比較乾身，裡面有青瓜、豬頸肉、同小小配菜加沙律醬，食落好飽肚，另一番風味，係一個較異國風情既早餐。

入到餐廳，張枱貼住要scan QR code落單，比錢時，淨係可以選擇“VISA”之外，完全冇其他比錢方法。我過完數，佢個網壞鬼咗，等咗好耐張單仲係“SENDING.....”。唯有同呀姐講，呀姐態度超級差話入黎咪講咗個網壞咗囉， 但我係好肯定佢冇講過，淨係擺低咗餐牌走咗。咁我哋行番出去同收銀呀姐講，收銀呀姐話佢收到我哋張單，只係佢部機印唔到出黎。跟住我哋等咗20分鐘都冇嘢食，落單呀姐同我哋講冇我哋張單，幫我哋落多次手寫單，我哋心諗再落單又等多20分鐘，加上趕時間，問佢可唔可以退錢唔食，佢話ok出去同收銀呀姐講就得。然後收銀呀姐黎料喇：“咁我宜家幫你哋落番囉”，我哋堅持唔食退錢走，佢話：“我唔知你落咗咩order架喎”。 20分鐘前話收到，20分鐘後話唔知，佢好似覺得宜家冇record退唔到錢比我哋，亦都唔想退錢咁。😡 咁我唯有比番我個落單畫面佢睇囉，佢先死死哋氣退番錢。之前淨係試過外賣都覺得佢哋態度麻麻，今次第一次試下堂食發覺呢間嘢啲態度真係其差，唔會再幫襯。明明餐廳自己問題，佢會怪係啲客嘅問題。

1. 竟然西餅櫃內的西餅會與其他器皿雜物放置一齊，見到都唔想買。2. 早更女收銀長期黑口黑面服務極差每日唔夠鐘7:30開舖都唔去洗手間，而且每次到收銀處落單往往無人一等就要等好耐次次都要叫，如果好彩有其他人落單就唔使叫。3. 廚師水準不穩定因而影響食物質素。4. 更可笑地方現在每張枱上面的意見服務電話竟然已經轉左其他人用，而餐廳負責人又沒有更改。*整體來說店員服務態度差，一個紮馬尾染頭髮早更7:30收銀員及另一個身材瘦削穿黑色西服鄧經理經常大聲說話及粗口脾氣又暴躁，而其他員工態度一般*我差不多每天都到此店食早餐，光顧已經超過二年多，看不到他們有改善。

話說係呢度叫左兩個餐，叫左一個三文魚意粉同沙律餐。黎左一沙律餐諗住慢慢食等埋個意粉，點知可以等足7個字有多!期間叫阿姐侍應可否催下碟意粉，點第一個侍應即時回應話意粉要焗!!??焗!?大佬我個意粉唔係焗架wow，算當佢新黎問第二個，點知第二個話件三文魚要等解凍!!??出面即叫即煮都唔會用呢個理由啦？「第一個理由重9唔答8」....所以呢間野可一不可再!!!!

11月1日晚在油塘大本型食晚飯，叫咗一個薄牛扒鐵板餐配飯；鐵板送到枱時，已沒有炸炸聲，淋上燒汁都沒有炸炸聲，鐵板唔夠熱，連放在鐵板上的飯都沒有癡底，鐵板好似用嚟將食物保溫，好失望。不如用碟上菜，唔好叫鐵板…食完同服務員講希望下次改善，但冇反應。連鯉魚門中心銀龍鐵板餐都好食過佢。我跟枱面個WhatsApp 比意見，但冇回應，好似冇收客戶意見訊息😤

由港鐵站一路行過去，經過扶手電梯上去大本型，都常常忽略一間餐廳。假日偶然經過，幾個人咁啱想搵個地方Hea下，就入去tea 一 tea。入坐後發現，原來又係一間自助點餐既店鋪。掃完QR code後進入點餐版面，點完後比埋錢就有個姐姐送餐，放就走。呢個模式越來越多餐廳去做，感覺就好似用緊啲外賣apps，分別就坐係餐廳，比起以前街坊茶餐廳，好似快捷乾淨，不過就冇咗以前嘅人情味。講返食物，外觀味道都唔錯下午茶來講價錢比較高少少，而且份量充足，尤其食粉麵檬粉類，比較抵食，而我比較欣賞就係個雪糕吐司。佢吐司少少甜味，麵包有焦糖香而且半軟硬，雪糕就正常香味。而佢嘅薯條唔係一般薯仔做而係用番薯做，食落有甘香甜味，不過沙律就差啲，似伴碟，燒豬骨不過不失，有肉又有骨。餐廳內都有啲特色飲品，不過多數要加錢，所以我叫個最簡單嘅凍奶茶。奶茶就唔係個皮，唔知佢主打果個越南咖啡係咪好飲啲呢。

仲記得呢一間餐廳一開業嘅時候我就已經嚟食過一次～不過嗰陣時真係覺得好失望，因為佢哋食物嘅味道真係唔算太好🙈不過既然已經隔咗一段時間，就俾多次機會佢啦🙈-今次我就叫返之前食過嘅生牛肉越南河粉，點知真係好失望。。。因為佢嘅湯河同上次一樣，湯嘅味道好似水咁，好淡味🙈好彩嘅係佢嘅越南春卷都整得幾好食，起碼炸得夠脆，同埋每一舊春卷入邊嘅餡料亦都好多，配埋佢哋嘅酸辣汁又真係幾好食嘅🙈-希望佢哋可以再改善一下啲湯底啦😂

越式牛坑腩湯河，牛坑腩咬唔入…. 湯底同水一樣…. 盛惠$54蚊….跟餐凍咖啡反而尚可，起碼有越南咖啡嘅風味，明顯飲出咖啡香味，Cafe Pho 1975反正餐牌咁多精品咖啡同甜品，不如專心做咖啡同甜品啦…… d湯河真係好差….

今日放假又再同爸爸去大本型行下街🛒 但要食左飯醫醫肚先😆行過見到有間食越南嘢既餐廳，又幾多人係門口排隊，所以一於就決定午餐食呢間☺️Menu:1️⃣ 順化香茅豬扒河粉（$52）呢個豬扒煮得比想像中鬆軟，食得出係即叫即煎😌 爸爸話好啱佢口味🙂2️⃣ 越式特濃蕃茄牛肋條河粉（$52）而我呢碗轉左要越式河粉，雖然餐牌上話呢一種越式河粉比傳統河粉薄身，食落會較為煙韌，但我同媽媽嗰碗傳統河粉食落又覺得無乜分別，只有厚薄稍微有些不同🤔 可惜個牛肋條比較「鞋」，可能係煮得太耐嘅關係，有啲似湯渣🥲 而杯咖啡就不過不失☕️😌

因為油塘無pho食，要去呢間餐廳食lunch或下午茶通常都要排隊10至15分鐘。而且必須做好心理準備，員工全部都係西太后，我只係一個入去食野嘅太監，就唔會有hard feeling😎🍲 越式火車頭檬粉(細)$52碗粉等非常多料，一堆雞肉，三塊肥牛，一片紮肉，豬肉丸一粒，魚蛋一粒，一片牛𦟌，配菜有芽菜洋蔥蘿蔔辣椒青檸同香茅葉。唔會話d肉好有鮮味，水準平平，唔難食，女士食一碗細pho已經好飽。環境黎講係幾好坐，師奶仔傾計天地。