Cafe Polanka

Open Now

Now Closed

今天親親大自然後, 乘坐小巴來到傳說中的大埔超級城, 其實就是几個商場以天穚連接起來, 變成<堅離地城>. 由於大家十分肚餓, 在這角落有三家餐廳, 此店最快可入座. 就座下單後, 先著小米到洗手間清潔雙手.    西多士     在2點半入座, 可以選擇價格更便宜的下午茶. 剛好看到隔離枱的客人所享用的<金黃色西多>十分吸引; 而且西多是使用真牛油, 並非增加壞膽固醇風險的勁邪惡人造牛油margarine. 於是自己要來一份!   真身: 原盅糖漿 + 真牛油 + 金黃西多     金黃西多士表面漲卜卜, 顏色偏黃, 無炸燶.   先切開一排, 西多橫切面:   黃+白+啡    外層只一層黃色LAYER, 中間白色包包, 還有西多之中, 難得一見的花生醬     真幸運, 白色包包部份依然雪白, 没有吸到油份!    黃色layer是包包沾上蛋漿再略煎一下, 少油之餘又不會熱氣, 可以保持西多軟綿綿口感, 我喜歡. 小時候, 家人就是用這個方法製作西多士呢! 原因: 慳油!    先把真牛油塗在西多上, 再淋上邪惡糖漿.  金黃西多, 我來也! 消滅

呢間餐廳都算係大埔超級城商場既老字號，相信好多住係大埔既居民都應該有食過。餐廳環境雖然幾大，不過都好逼夾下，因為啲餐枱密麻麻 😂 精選午餐超級抵食，所以爆哂場。餐包幾軟熟。粟米忌廉湯足料，餐湯除咗有羅宋湯同粟米忌廉湯外，原來重有中湯，係隱藏餐牌裏面，你要問先有 😂 其他地方好少有中湯你飲。西冷牛扒 : 雖然唔係鐵板上，不過都算係咁，$53 蚊就有塊扒過你鋸，而且薯菜份量都幾多，牛扒肉味唔太濃郁，不過肉質都軟腍。

大埔超級城轉角位呢間好似真係由細食到大由以前吉之島年代食到而家變左一田都仲食緊架。咁多年都仲係度當然係有原因架啦。我都有分析過第一：位置好，人流多，都可以話係必經位置第二：價錢親民，晌商場的餐廳來說算係平，下午荼40幾都有交易，仲要係食得飽既第三：食物選擇多，粉麵飯都有，又有排食，一家大細都適合第三：一半都係卡位，坐得都舒服講番今次去左咩先，首先係串燒，仲有炒麵個炒麵真係多油左少少個串燒就幾好，配個汁都幾好味食肉獸會好鐘意的。

今日自己一個人食下午茶餐，咁經過大埔呢間餐廳到試下，因為其實都好開咗好耐，咁我就叫咗個乾炒牛河，其實都都唔差，不過就油又多咗啲，牛肉就凍嘅，但係河粉就熱嘅好奇怪，不過點都好，overall唔差嘅 ，但唔係話好平。

初三赤口在大埔商場,街邊的食店都排滿人龍,只能選一間不用排隊的西式茶餐廳,誤打誤撞走進了這間中西合壁的食店,價錢略高於平均水平,而且有加一服務費,但座位方面會比較舒服,門面亦較潔淨,不失為新年的選擇。午餐: 焗墨西哥豬扒飯+餐包+熱飲+湯  (4/5分)- 羅宋湯夠濃,但有點咸- 餐包都夠軟,牛油不硬,還可以- 凍檸茶(+4元)夠大杯,正常味道,不過有點過甜- 豬扒飯 - 兩塊豬扒好大,一個人吃不完,而茄汁超多,明顯是焗後才加上去,蛋飯則普通散叫: 咖哩牛腩飯 (4/5分)- 咖哩傾向是馬來西亞的口味,牛腩夠軟夠入味,份量亦十足,不俗總結: 上菜速度極高,味道可以,服務亦快,價錢高於平均水平是可以接受。

係好大份，但意粉一pat, 蒜蓉汁怪怪紅湯好"傑" 搞唔掂成餐最正常係個奶茶同牛油餐包成餐51蚊，係抵食但好睇你接唔接受到如果只求食飽可以，但味道不要抱期望無食過中餐，希望正常啦

一直都聽聞大埔街坊講開依間食店～係出左名好味既扒餐，今日聞名不如一試，叫左佢地既鐵板扒餐❤️💙❤️💙雜扒。依個dinner set 有豬排雞排火腿腸仔一隻雞翼，仲有薯菜，都只係$80幾蚊，有餐湯有熱既餐包，抵食啊！（依到紅湯比白湯出色，白湯有d咸）我朋友就整係叫西冷牛排（無鐵板）🤗但其實都幾好味，鐵板就可以熱住d肉，但順帶一提大家一定要邊切邊食，先可以緊緊鎖住肉汁架～依到既黑椒汁比蒜蓉汁出色🥰

黎過2次，都因為行商場bb展，餐廳方便就腳，上一層就到餐牌選擇很多，而且座位也多，等位也不用很久。但食物上枱時間甚長，簡單的飲品也等一段時間才有，質素也一般，但等侯過長，一到就醫肚先，爭點忘了拍啊但食物也不是好吃的呢... 西多士常出現在我食單， 但炸得太乾了，而且花生醬也不多呢，更不是鮮油，比你自己加的雞扒腸仔烏冬湯的味道本身沒特別，可以再選的話，一定不會再點呢檸檬利賓納不能走冰，味道也不濃，有點淡吧雞翅薯條有圖有真相，比較乾比較燶，還是我要求太高呢

同家人專程入大埔睇跌圢睇完都已經接近3pm飲茶又唔係最後決定試下呢間餐廳由一個大埔友推薦的話呢間焗飯和鐵板餐不錯我睇隔離枱大部份都叫呢兩種食物所以我地叫左焗咖哩雞排飯和焗鮮茄豬扒飯講左焗咖哩雞排飯先食物質素真心普通而且咖哩唔夠辣冇一種令人想不停食的感覺焗鮮茄豬扒飯原先我諗住有鮮茄wo唔會差得去邊點知佢用只係茶餐廳普通的茄醬食得出唔係一間有心思的餐廳總結，期望太大了不過不失的餐廳份量係足的，但質素真心普通

去開大埔探朋友，匆匆忙忙之下食個午餐，你都超級城呢間餐廳，都算多人等位，見價錢唔係好貴，入去填飽個肚先午餐餐牌午餐有扒餐，亦都有意粉麵飯同焗飯，連餐包餐湯同熱飲，凍飲都幾貴下，要加$6 ，午餐要比加一服務費餐包餐包都叫返熱過，微暖，但係幾乾身羅宋湯同忌廉湯兩個湯都煮得比較稀身，忌廉湯內有幾粒粟米德國鹹豬手配意粉呢個豬手嘅煮法比較特別，絕對唔係得德國嘅鹹豬手煮法，似中式嘅炆/烚煮法，但竟然咁樣煮出嚟嘅豬手肉，仍然係比較乾身同埋「鞋」口意粉同薯條都非常「淋」身，但是茶餐廳質素，無謂強求雞扒意粉雞扒有兩大塊，份量毋庸置疑，而呢塊嘅雞扒，算有肉汁，肉質比較嫩滑。叫了蒜蓉汁，醬汁嘅調味啱啱好，唔會過鹹，亦有豐富嘅蒜蓉香熱檸茶凍飲要加$6 ，要杯最普通嘅熱檸茶算了分量十足，但食物質素普通，睇你想食飽，抑或想食好西

今日收早未行行下見到佢冇人就入左去食，好有新年氣氛。由於我時間晏左。所以有下午茶。下午茶都幾抵。餐廳冇乜特別既裝修。坐窗邊好多人會望你係緊咩。感覺唔太良好。首先佢咖啡冇黃糖，其次佢咖啡更難飲黎唔好叫咖啡飲秘制貴刁。同行話唔好食雪菜肉絲炆米，我覺得佢不過不失，冇乜味道。但佢有比辣醬有得少少分。不過以佢個咁既價錢就真係抵食。因為佢份量都好多下！由於佢今次咖啡實在太難飲，所以比差評。下次試左有好再比過評語～我第一次係餐廳食野，飲一啖野飲之後就冇再飲。所以點都係差評

唔知幾時開始哩間鋪頭就改咗名，以前細個都幾多同屋企人嚟食，今次再食都覺得唔錯，而且仲覺得幾抵食添由於同老人家食晚餐，需要早啲食，我哋好醒目咁樣六點前入座，就可以叫到下午茶啦！佢下午茶都幾多款，而且都算係平，我叫咗一個豬扒炒公仔面，老公就叫左喇沙湯豬扒烏冬，黎到都唔算細份，當晚餐係飽嘅，而且我嗰個味道都幾香脆可口，不過老公就話佢個喇沙湯唔夠味，比較淡，麻麻哋好食不過整體來講，呢間野都算係咁，可以一試

這類"西餐廳"在大埔中心一帶買少見少，紅蜻蜓結業後，又便又好食的下午茶就所剩無幾，以前都食過晚餐，麻麻地。今次試下午茶，兩點去到，門外已很多人等位，要自己攞飛，不過touch screen唔係好work(佢寫明要用指甲按)，前面的客撳唔到飛，後面便要等，無侍應出來理你。等了15分鐘才有位，全店滿座，驟看真的似食堂，人聲、杯碟聲加起來很嘈，很多推著行李喼，大包細包，環境坐得不舒服。侍應只有三幾個，所以要靠運氣才可以快快落單。女侍應講野很大聲，在這環境工作，人手不足，又多客人，都見怪不怪。點了星洲炒米，米粉份量很多，配料就較少；味道有點辣，炒得爽口，而不油膩！奶茶就欠茶味！焗豬扒飯，三塊豬扒和鮮蕃茄舖滿碟，豬扒和蕃茄味道不錯，可惜飯就唔合格啦，飯無炒過，而且好似岩岩煮好，太淋太濕，食落去飯的質感怪怪的。

雞扒配意粉 ($41 包熱飲) - 有黑椒/洋蔥/蒜茸/燒汁揀 可以配飯/意粉/薯菜 雖然好多人話劣食乜乜乜 但真係好睇你食乜 高質好好食一定不了。 但大份 價錢平 味道又唔差 真係算係咁上下！ 係大埔中心無乜特別想食 就會食佢😆 📍 Cafe Polanka 大埔安邦路9號大埔超級城B區281-286, 287A & 288A舖

lunch time 系大埔超級城附近，路經呢間餐廳就打算入去試下我叫左個 雞排飯配蒜蓉汁，佢隔離果個系薯條，個薯條上黎時已經凍曬淋曬...個雞排五嫩亦有部分煎到黑曬，不過果陣肚餓，飯撈汁甘樣食都食曬既附送埋 羅宋湯同餐包