森美餐廳

Open Now

Now Closed

難得到荃灣逛街，當然要趁機到跟森美大哥無關，但就跟他一樣有良心的食肆「森美餐廳」享用晚餐。晚上六點幾，無須訂座立即有位。由於時間尚早，未太餓，所以我們二人簡單點了森美沙律（$158）、芝士蟹肉焗大啡菇（$88）和海膽帶子忌廉汁意大利粉（$148）。吃正餐前，侍應先送上餐包，再奉上森美沙律。當我看到那大到嚇死寶寶的份量時，真的「嘩」了一聲。沙律有大蝦、西班牙火腿、蟹籽薯仔等，選料勁豐富。沙律汁分開上，怕肥的你可自行加減，非常體貼。第二道菜是Starter芝士蟹肉焗大啡菇。起初都擔心會否芝士多、蟹肉少，點知原來是一半一半，拉絲芝士下面釀滿了蟹肉，好抵食！最後，當然到main course海膽帶子忌廉汁意大利粉上場。想不到$148價錢，竟然有四顆如五元硬幣般巨大的帶子；吃著吃著，怎麼還不見海膽呢？原來在意粉下面，那麼你就可以先後品嚐兩種鮮味。店內放滿了蒙面figure，對香港人而言，箇中意義盡在不言中。另外，店內設有捐款箱捐款予同區另一黃店「串燒保」之餘，幫襯當晚亦有九折優惠，因為店主想多做生意再捐出$5000予「串燒保」老闆娘，共渡時艱。很有愛的良心食肆，抵我多給你們貼士，加油！

食過啲厚切豬扒勁多筋，咬極都咬唔開，仲要有一陣味，真係諗起都覺得噁心。仲要好貴午餐又係貴，一個扒餐要168元，相對其他好食的餐廳貴成一倍，試過叫到會，四盤食物，包括一盤沙律，一盤串燒，一盤白汁意粉，一盤牛扒，已經成千幾元，15個人食完一啲都唔夠飽，貴夾唔飽如果大家有選擇，可以去其他餐廳，日本嘢又得，餃子屋又得，或者去食食得喜都得，行過去綠楊或者荃豐中心都多好多選擇，仲要平好多，真係唔明點解仲有人去食

荃灣友絕對不會陌生，餐廳由一家小店，慢慢進步經營至今，又開了一家像cafe的地舖.     Weekend 依然很多人光顧！ 這間餐廳，weekend既lunch 是去到3:30的，有很多不同的選擇，一份午餐還包一份餐湯、餐包及一杯飲品，價錢也合理由$60多-$100多不等！魚柳芝士漢堡魚柳漢堡份量不少,配料比較簡單只有新鮮生菜，一片芝士及剛炸起的的魚柳. 魚柳是熱辣辣的，不過炸得有點過左火候. 另外炸薯條的份量也很多，一個人肯定是吃不完的～和風雞翼配薯條 雞翼三大隻，雞翼上帶有一點蜜糖，上面鋪滿了很多紫菜碎，其實味道不是很夾而且雞翼也沒有什麼味道呢～跟餐要左杯凍西柚茶，好FRESH～ 幾好飲～呢間餐廳同朋友黎食野傾下計吹下水都唔錯既

荃豐呢邊都有唔少餐廳選擇，第1次試左呢間，環境都算不錯既餐廳，食物算是唔錯，可以間唔中都黎食下既餐廳吧。點了： 香煎牛肉眼扒意粉，雜菌湯配餐包，凍檸樂。雜菌湯白湯，味道都算濃，有好多菌類係湯內，有材有料。香煎牛肉眼扒意粉，扒既肉質同口感唔錯，煎得生熟都岩岩好食落口自然唔難咀爵啦，不錯既。意粉口感唔林，所以我自己覺得係唔錯既。呢一類餐包味道不錯，凍檸樂就正常，會比一罐可樂你加。環境方面，比較寬敞，而且格調都算特別，算是舒服既環境。服務就正常，沒有特別好壞吧。總結味道不錯，環境舒服。

成日揸車時都會經過呢間cafe，但平時係呢幾個商場唧地鋪嘅食店表現都一般，所以一直都無食。今晚又再經過，咁岩想搵個地方坐下，就入左去。首先，入到佢之後，佢嘅裝飾係幾簡約工業風，老闆放哂自己儲嘅figure做裝飾，睇得出佢放左好多心機係間舖。之後叫左杯Latte、一件伯爵奶茶蛋糕、同埋一件牛奶蛋糕；三樣野都好好味！杯Latte好味過一般連鎖cafe嘅咖啡，好滑，而老實講佢個牛奶蛋糕係好食左伯爵奶茶蛋糕，係有驚喜感覺嘅好味。望下𠴱離枱嘅野食，碟碟都超大份，d食材睇落都好似幾正，性價比好高！d野真係好大份(除左蛋糕)，一兩個人食會食唔哂，建議一大班人去食。店員態度都幾好，有笑容，見我周圍望就主動問係咪冷氣大洗唔洗轉位(但我其實係望緊佢d裝修)。我見佢有得order一整個木糠蛋糕，但要pre-order。佢唔收加一，蛋糕$20左右，咖啡$28，價錢合理。真心介紹大家去試下。有驚喜唔錯唔錯。😋

It's weekend again! Time for me to explore Tsuen Wan restaurants with my mumToday we went to the rather old side of Tsuen Wan and saw this little restaurant.There are plenty options in their menu including all day breakfast,  lunch set and even dishes like fish and chips!So I picked a Black pepper beef risotto and my mum got Rib eye steak with rice.P.S. I saw the fish and chips ordered by the next table and they are massive! really want to try that next time too.The risotto arrived very fast. Th

呢間隱世西餐，真係要誤打誤撞先會黎到😂平時唔會特別經過，但佢啲野食質素又幾好 都幾多人黎食嫁All day breakfast 🍳- 好大份呀！個大啡菇唔會有陣好草既味👏🏻塊薯餅炸到脆脆的😍😍一個人食其實都夠飽！豬鞍 - 不過不失啦，唔會好鞋！海苔蜜糖雞翼 - 幾特別 熱騰騰咁出黎牛油果蟹肉沙津 - 唔錯呀 佢啲牛油果唔會太林又唔會好硬加上佢啲蟹肉好鮮～餐包 - 其實個餐包好好食嫁，脆脆地咁！間餐廳個景都好好，放左好多玩具係到 好舒服，服務都好好。

有一段時間冇去森美餐廳，今日再嚟呢度食lunch。呢間餐廳有好多裝飾，🤖🤡🤠尤其是係得意有趣嘅公仔，令你忍唔住望多兩眼。👀睇Menu嘅時候，發現之前食開嘅扒餐，已經由原本嘅$60加價加到$65。個lunch set有跟餐包🍞🥐🥖，餐包外脆內暖，外皮煙煙韌韌，上面仲有nuts碎粒，算係幾有誠意。個湯係蘑菇🍄湯，蘑菇🍄切到好細粒，有香濃嘅蘑菇🍄味。呢個係牛肉眼扒🥩配薯菜，一般嘅扒餐都可以選擇配飯、意粉或者薯菜。牛扒🥩比之前好食咗，淋左、少左筋，有進步。👍🏻個份量OK架，對於我來講啱啱好，仲食淨左少少薯條。☺️總結：環境、食物質素、服務，都唔錯。👍🏻👍🏻$65仲要免收加一黎講，算係咁啦。

今日同女朋友出咗去食lunch ,女朋友話想食西餐，所以係荃灣四圍行下睇下有咩好食。突然醒起朋友推介過呢間餐廳，或啲嘢幾好食同埋啲裝飾幾靚，所以就特登過嚟試吓。我哋2:30左右嚟到，因為我哋未食午餐，所以我哋就照叫午餐食，但係等多半個鐘其實就已經可以叫下午茶，但係我哋俾佢個餐牌吸引左，午餐可以叫全日早餐同埋炸魚薯條，我哋諗都冇諗就叫咗。因為太肚餓嘅關係，個全日早餐我哋冇影到，但係想特別推介呢個炸魚薯條，薯條就冇乜特別，但係個炸魚真係好好食，份量好大份，二個炸魚食得出係用新鮮魚炸，味道好新鮮，完全冇雪藏未，另外佢個皮好薄， $98真係好抵。

呢間餐廳係第一次試！見OpenRice介紹便試下，星期六 星期日 下午茶3點開始 我地2:50pm 去到！在落單時 員工話要跟機時間 要3點先落單 （現在只可以叫午餐）足足慢左10分鐘！員工話 食焗飯 焗意粉 仲要等多20分鐘，但我們叫餐飲是熱咖啡，叫完唔夠3分鐘 即出兩杯咖啡！（好似逼你無得走咁，因為己嚟左兩杯咖啡）乜唔係要搭正三點後才可落單咩！最好笑就是，員工不停叫我地跟改餐單、叫我地轉食牛角包，會快D！仲有呢間餐廳 (女)員工唔友善 仲面黑黑！😡😡

剛剛經過荃灣附近，發現森美餐廳原來都有做早餐，之前喺樓上嗰間分店同埋呢一間都經常食飯，但早餐都係第一次但早餐都係第一次個價錢其實都係荃灣來講算係貴，好在質素同埋賣相都唔錯，環境都好舒服，最好係一路食嘢一路睇住架車唔使驚抄牌！

今日係公眾假期 下午2點10入到餐廳，坐低諗住落單大概係2點11，叫一個午餐同一個下午茶 職員話:今日紅日 3點先有下午茶 3點會幫我落 我話完好,就一直等到3點20分 開始覺得唔對路 揾返落單個位職員 佢望一望電腦 話:得架啦 雞翼好，之後我繼續等到3點30分 我終於忍唔住 。等左30分鐘都未有 而其他枱既下午茶食物都有 我就問另一位女職員):已經過左半小時 點解仲未有？個職員伸個頭入廚房 話:哦 電腦壞左囉 呢家整返比你囉 之後不停碎碎念話 :電腦廢既全程態度惡劣 其實由一開始我地懷疑漏單已經應該去check廚房有無出錯 而唔係最後要客人白等45分鐘 無直接同客人解釋返 點解其他人既單無呢個問題 要用藉口去掩飾自己既錯失？而且 由於我坐廚房旁邊睇住係廚房既女士係到食煙 衛生問題非常差以前成日去呢到食飯 自此 以後都唔會再去光顧！

森美餐廳，在荃昌打隱多年，從前只是一間角落小店，那時候筆者久不久都會去吃晚餐，當年真是大件夾抵食⋯⋯幾十蚊有交易。這已是十年八年前的事了⋯⋯之後看見他們由細舖搬上二樓舖，後來更開多一間有格調的地舖，看得出小店的一直默默耕耘。星期日早上，愛人說地舖那間森美，我們好像從未試過早餐，如此一來，就決定試試。假日，食店門外那張枱很受歡迎，因為很多駕駛者，泊在路邊，吃著早餐望著車，當然久不久會聽到大叫抄牌的走鬼情況。早餐由7:00am-11:00am門外大大個餐牌分為四大部分:麵餐、扒餐、意式饀餅和牛角包餐⋯⋯一進入食店，就知食店老闆是一位童心未泯的玩具發燒友，很多可愛的玩具擺設。肥佬打瞌睡孖條停不了⋯⋯最可愛是那中央部分那條綠茶紅豆雪條，成班孖條，單是綠茶不是孖條，好像被受到冷漠對待⋯⋯來吃早餐，看著這些擺設，心情也輕鬆一點。星期日9:30am，坐滿七成食客。天婦羅魚柳餐$50~配上薯餅、茄汁焗豆，沙律菜和滑蛋。老實說，魚柳不太像天婦羅做法，愛人覺得未見突出。意式芝士火腿餡餅$35~驟眼一看，份量太少怎夠吃？先吃沙律菜，有濃厚苦澀味，就算加了沙律醋也吃得到那苦澀味。芝士饀餅，有濃濃的芝士香味，切

星期日佣工例假，乜都唔願做唯有出街食，記憶中荃灣三棟屋對面也有一些新cafe進駐，勝在位置靜中帶旺，與荃灣另一邊相比，這裡是個不錯的歇腳點。在華都中心見到有間名叫 Cafe Sammi 森美餐廳，大門採用沉實黑玻璃摺門設計，整體風格時尚引人注目，午飯時間門外排著人龍，看看有什麼咁吸引，大約輪候了15分鐘後安排入座，店內走新派風格，牆上掛著不同款式潮流玩具。餐牌上有十幾款午餐選擇，午餐包餐湯、麵飽、主菜及飲品。餐湯: 蘑菇忌廉湯/羅宋湯(兩款餐湯略嫌太鹹)主菜: 香煎羊髀扒及雞扒意粉(港式豉油餐- 雪藏味肉配軟身意粉)餐飲: 熱咖啡(還奉上一小杯熱奶及啡糖，可惜我只愛黑啡）總括來說: 一試無妨 再試投降

聽聞呢間餐廳唔錯已經好耐，今日係荃灣有野做就順便黎試下，黎到已經1點鬆啲，可能lunch peak time已過，唔太多人，坐底叫左2個餐，一個係肉眼加意粉，另一個係扒三文魚跟飯，其實6，70蚊一個套餐既期待都唔太高，但唔好太差就ok。我習慣食野前會抹一抹餐具，點知一拎起匙羹就發現佢有發過霉既痕迹，咁我叫左陣waitress，見佢地唔得閒，我就起身自己去換啦，點知個好「忙」既waitress，見我開櫃拎餐具就終於肯過黎問我做咩，話叫佢地幫手拎，好啦，叫你地又冇反應，自己去拎諗住唔洗煩到你地，你又又唔like，其實都好小事。咁我就食我份肉眼意粉，60蚊既肉眼果然不能有任何期待，唔會好食，但未去到差，不過都關個成本事，60蚊佢俾唔到太太塊或厚既牛扒，就好難控制到好好既火喉，唔韌唔乾哂已經ok ，但意粉就over cook,，煮得太「林」，我自己煮仲好過佢果下慘🤦‍♂️，最大鑊係個意粉份量好似下午茶咁，少得可憐，仲要有人話呢度既份量好多😮。到最後我地先點餐飲，點左杯Earl grey 同 Latte ，但足足等左差不多10分鐘，杯earl grey只係茶包加熱水沖完就搞掂，我見佢差不多10分鐘