咖啡灣 (Closed)

這間 Cafe 相當就脚, 在寶琳地鐵B出口, 上行人電梯後轉左, 甫入新都城二期商場, 推開玻璃門, 行兩步便看見藍白色為主色的装修, 悦目! 四周放滿小擺設，看得出微絲絲的心機啊！一早已鎖定目標, order 我超超超愛的＂軟殼蟹＂凱撒沙律， Source 還有芝麻和黑醋攔的, 此店主打"軟殼蟹＂, 各適其適的...尚有飯和意粉類挑選, 花多眼亂呢! 我的天喔! 真係同 menu 張相片一樣甘大只! 吃"軟殼蟹＂, 就是吃那個殼的脆感, 然后肉身的甜味, 還有＂蟹膏＂ , 簡直是 Bonus 再來＂秘製醬汁鹅肝和牛巨人堡" ~ 煎得香口脆軟的鵝肝， 配合和牛 及 秘製酱汁，張開大口咬吧， 要夾埋肥嘟嘟麵包呀！果然非同凡嚮 哎喲， 薯條薯條， 這家伙, 要把你們狠狠吃光, 好有薯仔味呀!顧名思義， ''咖啡灣"，出名的是咖啡，只可惜小妹不能中午過後喝， 否則今晚眼光光呢 甘留番下次有借口再來光顧了！ 還有 Waffles 窩夫.甜點都十分吸晴今次先喝下夏天特飲 ~ 青蘋果蜜桃梳打 和 曲奇沙冰, 清涼甜入心!

今日難得好友放假，相約朋友到將軍澳寶琳行街，有好多大型連鎖店。行左陣有點餓就搵東西食啦，經過這間cafe就入去嘆番個下午茶☕環境都好寬闊舒適，好適合一班朋友傾計😊又夠光亮舒服朋友點左個午餐明太子忌廉魚柳飯 $48 首先黎左個餐湯，午餐包埋的。明太子忌廉魚柳飯味道都唔錯，賣相都很吸引，粉紅色的明太子忌廉好靚！朋友餐飲點了美式咖啡，好香濃的咖啡☕玫瑰水果茶 $24我就點了甜甜酸酸嘅水果茶，好醒胃清新，油膩嘅感覺。而且賣相好靚！

好耐無去行將軍澳的新都城商場, 放工約了同事去行街食飯。地點選了。餐廳位置直情係港鐵站上蓋, 寶林站一出行1-2分鐘就到, 落雨都唔怕。餐廳裝修好有夢幻感覺, 每一處也可以拍照打卡。餐牌色彩豐富, 多圖片, 價錢又不貴, 尤係時特飲, 價錢多數$30以上, 最貴的熱帶水果茶也只是$42, 價錢十分親民。我地點了以下食物 :-         香草忌廉汁大蝦義大利麵  $83-         黑松露蜆肉蘑菇忌廉義大利麵 $86-         棉花糖朱古力 $35-         美綠恐龍 (半價優惠) $18-         紫薯雪糕窩夫 $88飲品先上~ 棉花糖朱古力好吸引, 最初以為只有2-3粒棉花糖, 點知係整杯朱古力表面也充滿粒粒棉花糖, 而整個玻璃杯邊亦沾朱古力醬, 視覺享受一流。細心的附上小匙給你盛棉花糖。朱古力味道不太甜, 不錯呀 !美綠恐龍第二杯係半價, 咁抵當然要叫啦 ! 雖然叫美綠恐龍, 其實無恐龍呀 ! 係用美綠沖出黎的, 表面亦有一層美綠粉末…..天氣咁熱, 飲杯凍野確實好涼。香草忌廉汁大蝦義大利麵有4隻鮮蝦, 好入味。意粉和忌廉汁份量很多, 淡淡充滿醬

聽聞”Cafe Swan”已經進駐新都城，臨睇「死侍2」前，去試下先Cafe嘅裝修十分別緻，收銀處特別擺放咗摩天輪Lego，店內亦掛上唔少得意小裝飾，感覺猶如進入童夢世界一樣！Menu內嘅嘢食款式多多，鹹甜美味一應俱全，梗有一款啱心水。提提大家，每碟嘢食嘅份量都幾多吓，人多會較著數，起碼可以試多啲款式吖！我倆揀咗兩款主食，認真飽到上心口！1. 軟殻蟹咖哩飯：一整隻軟殼蟹，皮薄酥脆，口感鮮美！可惜咖哩一啲辣味都無，爭啲囉，如果啲飯用上珍珠米，口感會好好多！2. 挪威煙三文魚黑松露野菌忌廉悥大利麵：煙三文魚略帶煙燻味，口感嫩滑肥美，加埋魚籽，煙韌得嚟，鮮美濃郁！黑松露醬好多，香滑惹味，完全係齒頰留香嘅意粉餐!兩碟正餐嘅份量都好大，今次食唔到至愛嘅甜品了⋯⋯

這是去年底的事……常經過新開業不久的咖啡灣，都見到很多客人。 今天決定來試試， 預早與友人慶祝 Christmas !飢寒交逼，坐下來時邊看餐牌邊搓手取暖。 侍應很細心，看見此情境給我們送上兩杯熱水， 真感動!叫了挪威煙三文魚凱撒沙律，配黑醋沙律醬.第一次吃這麼濃的黑醋沙律醬，好酸呢! 沙律份量足，黑醋醬若稀些會好些。香草忌廉汁大蝦義大利麵,蝦大隻、爽口。 意粉軟硬度適中。 忌廉汁香濃。來這裏當然不少得甜品窩夫! 眼前一亮! 很豐富! 有士多啤梨、粟米片、小粒棉花糖、珍珠、雲呢拿雪糕，不同口感很滿足! 厚身窩夫份量足，很飽足! 慢慢細嚐很滋味。最後試他們的飲品，友人要焦糖鮮奶咖啡，味道不錯。我要薄荷朱古力奶，甜窩夫再配甜朱古力奶， 其實喝不出什麼味道。不過就欣賞他們的拉花。人不太多，坐得舒適，食物好味，享受了一個中午。 開業不久只收現金，對喜歡用信用卡的我就不太方便。 現在可以用八達通付款就方便得多。

難得平日放假，接過小女生後就帶她去吃午餐及shopping。小女生看見這間餐廳，被放近門口的LEGO 吸引著，再看看餐牌，食物也啱口味，所以我們就決定在這裡吃頓午餐。來到已經兩點鐘，剛過了午膳時間，不用等位。餐廳裝修讓人感到置身童話世界中，令人心境舒暢。我點了一客set lunch,$78 頭盤選了凱撒沙律。這是一份很足料的沙律，有很多芝士麵包粒和bacon 碎，十分開胃。接著上來的就是黑松露磨菇意大利粉。即叫即制，入口是熱燙燙的。入口有陣陣的松露幽香，意粉煮得恰到好處，爽口彈牙，忌廉汁不會太杰，味道適中，整體算不錯吧！小女生選了手作特級和牛漢堡$98。厚厚的漢堡扒，十分juicy，肉質嫩滑，配上洋蔥來吃，更添美味。薯條是厚切的，啖啖薯仔肉，炸得金黃香脆，份量很大，兩個人一起吃就是最好吧！三十幾度高溫，選了兩杯沙冰，十分消暑及解喝，喝下實在是透心涼呢！

之前系荃灣去過咖啡灣呢間餐廳，發現系新都城都開了分店，以後唔使去到咁遠都可以食到了。今日經過新都城見到餐廳冇咁多人就進去。卡邦尼珍珠麵幾特別的一款麵，將麵卷成一粒粒好似珍珠咁，珍珠麵好有咬口又彈牙，每一粒都沾上醬汁，味道又濃郁又香噴噴。軟殼蟹玉子咖喱飯，有一隻大大隻的軟殼蟹，炸到好香口內里又軟熟，軟殼蟹里面又有膏，飯被玉子包住咖喱又輕微的辣，咖喱汁好香味又濃。益力多沙冰，好香益力多味又不會太甜，飲落涼浸浸又有少少咬口。士多啤梨沙冰不會太甜。紫薯雪糕窩夫，紫薯味道的雪糕幾香又不會太甜，蕃薯仔甜甜地，窩夫幾軟熟又香，又有七彩迷你棉花糖作裝飾和淋上朱古力醬

將軍澳有咩好食？今次食間幾舒服既餐廳 綠茶鮮奶，賣相可愛，十分吸睛！三眼仔既造型so cute!! 綠茶味都幾重，唔會淡 黑魔王雪糕曲奇窩夫 $86 造型不錯，大大份！窩夫夠脆，內亦夠軟身，富蛋香，整體不錯～另有2球雪糕及曲奇 香辣蒜香大蝦意大利麵 $83 蒜味重d會更好，食落辣辣地，幾刺激~~意粉口感岩我，偏硬身一點 香草白酒忌廉煮蜆 $64 蜆肉都大隻，白酒忌廉醬汁幾重味，但整體有少許腥味 整體黎講都係不錯好去處

依間餐廳都已經開左幾個月，一直都想試，但又同朋友夾唔岩時間，今日終於都約左可以試下。 不過我朋友都係遲左小小收工，係等佢既時候又周圍影下相 佢係門口放左最受歡迎產品既list，咁岩啦，一陣就試佢推介既野食啦 打開佢份menu，其實都幾多野可以揀，不過第一次食都係試下佢D推介野先啦 小食叫左個山賊雞翼 整到好香，有D 蒜香味 叫左個軟殻蟹黑松露忌廉意大利粉 一黎已經聞到好香既黑松露，意大利面煮到岩岩好，唔會太濕，都幾乾身。個軟殻蟹炸到好香口。 另外就叫左個卡邦尼意大利粉 D蛋黃醬撈埋D 面身度，好香好好味 而且意大利面份量都好多，感覺物超所值。 最後叫左兩個飲品 榛子朱古力 個拉花好得意，睇得出好有心機 草苺沙冰都好有草苺味，而且好大杯。 埋單一人都係唔使二百，下次會試埋其他美食

新都城最近開咗依間咖啡灣，成日都經過但一直都冇去食過。每次經過都見到啲裝潢十分清緻，好有樂園嘅感覺。就咁樣吸引咗我入去試下。一入到去就見到依間餐廳啲佈置都幾別致，有人手繪畫嘅畫板，同好多唔同嘅裝飾，好有café嘅感覺。餐牌種類都好豐富，有漢堡、意粉、沙律仲有甜品。因為係晏就嘅關係，我就選擇咗軟殼蟹黑松露忌廉意大利麵，而友人就選擇咗手作特級和牛漢堡。首先嚟到嘅就係軟殼蟹黑松露忌廉意大利麵，一嚟到就見到大大隻軟殼蟹喺意粉上面，好震撼。食落十分香口，加埋有少少調味辣辣地咁，食落好惹味又唔會好油膩。而個醬汁方面就夠creamy唔會太稀又唔會太稠，食落有淡淡嘅黑松露味，配會個意粉煮得啱啱好夠咬口，每樣嘢都配搭得好好。手作特級和牛漢堡看似無咩特別，但其實入面都好有心思，手作嘅和牛漢堡肉身夠曬厚，煮得啱啱好唔會過軟或者硬，保留到肉汁口感亦都十足漢堡亦都能夠完全保留和牛嗰種肉味，配搭埋芝士茄汁等等，最基本嘅款式都做到出色嘅水準，值得一試！飲品方面揀咗杯檸檬藍蝶花，望落十分夢幻，飲落就係檸檬梳打水，入面仲有啲椰果，幾有心思！小食方面就叫咗芝士肉醬美國瘋薯條，個薯條係同漢堡個薯條係一樣嘅，食落一啲都唔會油

今晚來到將軍澳新都城， 藉著時間還早找地方吃晚飯，否則晏D會好多人。行到去近二期天橋看見Cafe Swan. 聽同事講 在荃灣都很受歡迎。 原來 上幾個月前 分店開到將軍澳新都城 商場，。裝修佈局很有童話feel， 光猛潔淨。門口有招牌式的lego模型。餐牌非常精美很吸引。 當然最終味道勝過一切。櫻花蝦烤熱上， 濃香的蝦亁味立刻撲鼻而至， 加上木魚絲的跳動， 令人食指大動。明太子混合在忌廉意粉內， 味道融和。 忌廉汁做得濃香細滑， 並非普通的白汁味， 還配上煎得鹹香的 煙肉，忌廉汁很杰身掛在每條意大利麵上，喜愛 full cream 的朋友不要錯過。 意粉煮得彈牙，煙韌度是啱啱好， 只要意粉沒有煑過腍，已經是成功了一半。Cream嘅嘢繼續唔好畀佢停。 再來是軟殼蟹卡邦尼意粉。 軟殼蟹是完整的成隻上， 是換殼的時候做成嗎? 很特別。 蟹身雖不算大，但蟹肉juicy。 炸得 外脆內軟， 平平平無奇的卡邦尼意粉生色不少。 卡邦尼意粉汁醬帶一點蛋汁的香味， 唔算太濃味， 味道調教得唔錯。  忙了一整天晚飯時間已經透支疲勞， 決定order一杯咖啡，希望今晚唔會失眠。 唔好誤會裏面係冇燉蛋這不是

同老公去將軍澳朋友家housewarming，去之前先醫肚。對上一次去將軍澳已是5、6年前，今非昔比，現在將軍澳食肆林立，開了很多熱門餐廳，其中「咖啡灣」便是一例。呢間餐廳口碑不錯，早已擠身熱門餐廳行列，將軍澳店是它第4間分店了。我即刻book定位同老公去試下。黑板畫了招牌菜式，但我太肚餓了，點菜後先見到。「挪威煙三文魚凱撒沙律」份量十足，煙三文魚新鮮厚肉，沙律菜鮮甜爽脆，上面灑了魚子、芝士碎及脆脆麵包粒，令人食指大動。「鐵板芝士雞扒漢堡」有雞扒、煙肉、蕃茄、芝士、生菜絲等，配上千島醬汁，雞肉嫩滑入味又香口，伴碟的巨形薯條份量亦很多，嗒嗒薯仔，好味！「大蝦番茄醬意粉」是我的最愛。酸甜的蕃茄汁包裹住意粉，十分滋味，大蝦爽脆鮮美，這道意粉極有水準。「焦糖山賊雞翼」令人食唔停口，雞翼外皮掃上蜜糖，烤得焦脆，送上時雞翼還在冒煙，想必是即叫即製。超愛薯條的我又點了「芝士肉醬薯條」，肉醬和芝士毫不吝嗇，愛芝士的朋友不容錯過。餐廳不但好味又抵食，服務也是一級棒。店員和食客有傾有講，又會細心的留意我們各種需要，優質的服務，為客人留下美好回憶。

「將軍澳有D咩好野食呀？」作為一個將軍澳居民, 經常會聽到身邊朋友所發問的問題。其實將軍澳區, 值得推介而且性價比高的餐廳並不多。今天卻找到一間。晚餐時間, 等位是常識吧！餐廳內外的裝修擺設, 充滿童畫故事特色。黑松露香菇忌廉湯 $35忌廉湯上淋上黑松露醬。黑松露香味非常濃郁, 混和入忌廉湯內, 突顯了整個湯品的鮮味。口感細滑, 味道充斥整個口腔。軟殻蟹黑松露忌廉意大利麵 $108原隻軟殻蟹, 肉連殼一併於入口內, 蟹肉和外殼在嘴內交融, 滋味特別濃厚。挪威煙三文魚黑松露野菌忌廉義大利麵 $86蟹籽滿佈著煙三文魚上, 令口感鮮上加鮮。三文魚魚油和黑松露醬一同滲入義大利麵內, 先來是蟹籽鮮味、隨即是黑松露濃味侵襲、僅隨其後是義大利麵的彈牙口感。層次非常明確。綠茶鮮奶 $36主要被賣相所吸引, 卡通人物造型非常吸睛。LEGO迷必到, 擺設於收銀處旁。一座座大型電動的LEGO陳列, 令人目不轉睛。

聽聞呢間喺荃灣好出名，見寶林有分店，近近地可以去試下。晚飯時間keep 住好多人，結果一直都無機會去。有日收工夜左，見到人唔多大把位，就即刻入去食。入到去坐低環境唔錯，衛生都ok。第一次食，點左3樣都係餐廳推介，諗住無伏，點知可能期望過高。軟殼蟹沙律 - 軟殼蟹太油，沙律正常卡邦尼意粉 - 自問食d 野都慣左好濃味，但呢個真係太鹹，邊食邊飲水蜜糖芥末漢堡 - d 茄汁係獨立包裝另上，我唧完先記得影相。漢堡ok, d 味道都好夾，但薯條又係勁鹹d 野食麻麻，不過值得一提既係上菜好快，員工態度幾好，亦有禮貌。

將軍澳集團式嘅食肆林立，有時都好想搵間小店食下，今日無意中去寶琳新都城行街嘅時候見到間café！餐廳裝修頗有心思，顏色清新仲有種好童話式嘅感覺。食物方面，有意粉、飯、漢堡包、仲有唔同種類小食同埋甜品窩夫😍每個季節都有唔同限定嘅新菜式，保持新鮮感軟殼蟹卡邦尼蛋汁意大利粉：一黎到軟殼蟹好大隻，差唔多仲大過隻碟，卡邦尼意粉有滿滿嘅汁，每條意粉都掛到醬汁墨汁帶子意大麵：帶子大粒夠足料，而墨汁帶陣陣蒜味同洋蔥配料，顯得十分香口Oreo 窩夫: 好少係見到有用oreo做主題既窩夫，鍾意食Oreo既我未食主菜已經叫定先！黎到見到好靚好吸引，窩夫鬆脆，配埋oreo曲奇雪糕同咁多oreo餅，十分滿足👏🏻