cafe TOO

今次有緣到金鐘香格里拉酒店品嘗中午自助餐皆因有位朋友在十月份生日，而我們提早為他慶祝呢！識逢期会，酒店在九月份有八折優惠令整件事更加美滿喔！當我們一進酒店大門就隨即有兩位靚女開門，特别感覺窩心啊！不僅如此：剛踏入大堂門囗，我們被一隻超巨大的「啤啤」吸引了自己的眼球；那隻「大東西」坐在大椅子上，不但神氣還挺可愛呢！心裡想起吃完自助餐後，必定要跟這超級「大可愛」打卡打卡一下。正當我們準備撘電梯上 Cafe Too 7字樓，有位美女疑似是高層人仕給我們按掣，煞時非常感動的。服務一流喔！到達 Cafe Too 門口時，已有幾位客人排隊等入座。我經過門囗走廊位已被一排排五顏六色破璃樽及一排排不同款色的「糖糖」吸引著👉很美呢！心亦想定要再打卡一翻。哪天只不過是平日，大堂已差不多爆滿，真厲害。今次我覺得自助餐增添了多款菜式，很干淨又爽脆，我也吃了不少！至於海鮮方面：有蟹腳，青口，東風螺及蝦，非常新鮮又美味，不可不試。它們的魚生有兩款：三文鱼及八爪魚，味道不錯。不得又提是它們即煮的「湯東西」，配料有非常新鮮魚片，有墨魚丸，豬肉丸，蝦丸等等... 也有幾種款式的中菜葉，超爽喔！一点到的時候，「鈴鈴聲」便

絕期望越失望😮‍💨一直以來都覺得Cafe two又多嘢食又好食，水準保持得好好！點解嘅？行咗兩個圈，不時聽到身邊嘅食客們，一直喺度講點解少咗咁多嘢食嘅！海鮮只有蟹腳、蝦、螺（生蠔欠奉）刺身只有三文魚、吞拿魚、八爪魚、幾款壽司（角色天婦羅欠奉）全場最好食應該係鐵板龍蝦，每次排隊取半隻。燒牛肉、火腿一般。中式結婚大約有四至五類（冇咩好食）中式粉面檔，只有三種丸類及一種魚，望落去相當之悶😂泰國嘢有少少，印度野有少少。最精彩！最多種類，應該算係甜品啦！

整體是不錯，用餐悠閑，待應服務ok海鮮新鮮，有蟹腳，青口，蝦，螺刺身有大路的三文魚/ 八爪魚熟食比想像中少款，不太吸引，牛肉有點鞋唔夠嫩，自己肚量又少，就冇乜點試，串燒好吃，即煎餃子看落不錯（食落卻不及街邊小點野味又冇肉汁），中湯好飲甜品款式比較少，幸而味道撘救，差不多試哂，有幾款很清新好味，如芒果椰子口味的蛋糕。媽媽比較喜歡吃雪糕，但款式少，同一時間只供應4 款口味，剛好出去時冇左佢鐘意的雪尼拿口味😂

港島香格里拉酒店， 好耐都冇去過， 記得對上一次去應該都係幾年前， 今日突然好想食buffet， 朋友就安排咗黎呢度。雖然咁耐歷史嘅酒店， 但係環境方面 唔太唔覺得可以咁耐歷史， 一排嘅酒櫃影相出嚟都好靚， 座位之間空間咁都有嘅， 坐得都幾舒服。入正題睇下啲食物先， 海鮮方面其實選擇都可以既， 有麵包蟹 龍蝦 凍鮑魚， 不過就冇我最鍾意嘅長腳蟹，都有少少失望。 不過海鮮嘅質素都幾新鮮嘅， 食得出有鮮甜嘅味道。刺身種類都係唔多， 基本嘅三文魚吞拿魚甜蝦， 都係一樣新鮮 ，好食嘅， 但係硬係覺得唔夠過癮， 因為真係唔太多選擇。又一個區域係蒸海鮮， D蜆都好鮮甜嘅， 不過細隻咗啲。總括 食物質素我覺得係唔錯嘅， 但係款式真係唔太多， 當然係可以食得好飽， 不過又好似爭D咁， 可能係因為冇咗我最愛嘅長腳蟹啦

地點：港島香格里拉酒店餐廳：Cafe Too時段：Dinner buffet5月生日食過一次，今次嚟Staycation 都要再食多一次😋今次最好食的就一定係鐵板燒龍蝦🦞，每次都要排隊先拎到，因為大廚密密燒，所以都唔洗等好耐，味道當然出色，肉質亦相當彈牙👍🏻19:30 聽到鐘聲🔔 原來燉湯新鮮出爐，海底椰燉豬展 ，好飲👍🏻大蘢蒸各式海鮮，所有海鮮都食得出鮮味十足👍🏻👍🏻凍海鮮都有幾款，今次我主打蟹鉗，大隻得黎又唔會太鹹，加少少沙律醬又再好食左😂😂仲有好多款熱食，冷盤，泰式食物，刺身等等……甜品試左幾款我都覺得唔錯，最緊要係唔會甜到食唔哂😋今次唔知係咪平日關係，一隻生蠔都無得食😩，上次係星期六食都有每人三隻生蠔🦪都叫好過冇整體：非常出色，暫時我的buffet類排第一位

今次的早餐buffet是staycation 包括的。地方都大，位於港島香格里拉的Cafe Too. 為了控制人流，早餐分了三個時段。Check-in 時我們選擇了最後的 9:15am - 10:15am。到達後要等5分鐘左右先可以入坐。食物款式都是一般自助早餐供應的食物，例如粥粉面飯、點心、西式早餐、酥皮、麵包，他們還有印度料理。我們選擇了巴東牛肉和roti, 但覺得個汁太鹹。試了個粥滾生牛肉片、雞肉等，都是一般貨識。我本人喜歡他們的番茄菠菜麵包（無影相）和apricot tart. 麵檔豬骨湯都比較咸，雞湯清些。肉丸普通質素。食幼麵時發生了小插曲。坐在隔離枱的先生係短時間內擤鼻涕三次，第一次我們已經忍耐，冇理會，但眼見他隨意將用過的紙巾在枱面上放着。在這個非常時期，注重一下個人衛生是很困難的嗎？去到第三次忍無可忍，另一半request 要轉枱。當時的幾位服務員都即刻聆聽我們的要求，搵過另一張枱給我們。唔多唔少都被這件事影響了心情，雖然都繼續盡情地食嘢，但沒有再拍照了～

原本想訂JW cafe, 但係最後快要等3個星期，結果用咗信用卡優惠去試吓Cafe Too。原本訂12:15， 早到咗就12:00入場，招呼唔錯，係令客人舒服嘅。海鮮區有青口、蝦、長腳蟹腳同面包蟹，啲quality麻麻地。魚生有四款，都係一般。沙律區ok多嘢食，不過我冇幫襯。熱盤區都多嘢食，燒牛肉同羊架有驚喜。其他菜式味道都ok, 食完補充得算快。Noodle區sorry我都係冇幫趁。然後係甜品，大概有8款餅，造型靚味道好，另外有芝士撻，brownie，macaroons，不過冇大大個蛋糕，有小小冇咁開心，雪糕約莫有8款，正常嘢。總括係如果有discount，人頭lunch buffet 約＄370，多嘢食、好service係一個食得開心嘅lunch experience 。

sᴛᴀʏᴄᴀᴛɪᴏɴ ᴛɪᴍᴇ今次就去咗港島香格里拉酒店staycationPackage 仲包埋早餐buffet, 嘢食種類都有好多😋而且當日係星期一，冇分時段，早起身嘅人可以食好耐🤣自助早餐一入到去就見到好多cereal 同麵包，麵包有成十幾款🥰蜜桃都幾好味，只係牛角包凍咗，冇咁脆🥲yogurt 除咗有杯裝，仲有喺街買到嘅枝裝！連益力多都有🤪西式早餐常見嘅炒蛋、蕃茄、雞肉腸、薯餅等等都有！特別係egg station🍳有好多種類揀，奄列有八款配料，連egg benedict都有！ 中式早餐就有點心，生滾粥同麵檔🤩燒賣都幾好食，皮幾薄，餡料又多🤤仲有炸雲吞添！生滾粥可以自己揀配料，而且一直都係用同一個鑊去煮，所以好夠味😆

sᴛᴀʏᴄᴀᴛɪᴏɴ ᴛɪᴍᴇ今次就去咗港島香格里拉酒店staycation係Klook book既呢個package好抵😆$2750兩個人，有海景房，30小時入住，自助早晚餐同外賣下午茶set😚 今次就先講下佢既自助晚餐先！自助晚餐涷海鮮方面都幾多選擇，有龍蝦、麵包蟹、青口、蜆、蟹腳🦞🦐🦀龍蝦都幾好味，第一次拎冇拎到有蟹，第二次就拎咗！記住要拎有蟹，因為佢已經折好哂肉，啖啖肉🤤蟹腳都唔錯，幾新鮮！壽司剌身都幾多選擇，三文魚甜蝦都唔錯，但係壽司就冇試到🤪沙律吧既位置都幾特別，仲有幾款溝好左既沙律都幾好食😋熱食方面，有燉湯係限時食物，不過都有好多！另外，中菜仲有蒸海鮮，鮑魚、賴尿蝦、東風螺、蜆同蟹都有！燒味都有，乳鴿味道唔錯🥰另外特別推薦黑松露意大利雲吞，好好味！牛扒唔太推薦，但係羊都唔錯，唔騷！仲有一個泰式同印度區，吵嗲串燒都幾好味，仲有四款咖喱🍛泰式食物前菜做得唔錯，熟食就不過不失😚生菜包豬肉都唔錯！最後就係甜品，款式都幾多，每樣細細件！仲有馬卡龍同haägen Dazs 雪糕🍦最推薦係朱古力同芝士撻，朱古力唔會太甜，好rich 朱古力味，至於芝士撻入邊係好似半熟芝士咁(⁎⁍̴̛ᴗ⁍̴̛⁎)

很期待的自助午餐,6月3日終於可以品嚐到,準時12點到達並且入座了,首先吃沙律,加了芝士,配三文魚,味道不錯,今天的主題是環球海鮮美食,當然要品嚐青口、翡翠螺、長腳蟹、蝦可惜吃青口時,感覺雪藏得太耐、表面有冰、肉質硬,再吃翡翠螺,肉質也是很硬,用义也要用力才插得入,長腳蟹有海水咸味,夠軟身,仲以為肉質霉了,只有蝦比較好吃,這就是海鮮美食,很失望,之後投訴給女經理,她解釋翡翠螺要揀細隻,然後她找了職員拿了4隻青口、4隻翡翠螺給我,我即時用义插下,青口很乾、翡翠螺依然很硬,最後沒有吃刺身有北寄貝、吞拿魚、三文魚、八爪魚、肥美可口,值得一試準時一點鐘,拿了准山杞子瘦肉燉雞湯、味道一般之後吃燒牛肉、燒羊肉、香腸,肉質也是比較硬身,很難切開,香腸很堅實,肯定不是脆皮香腸冷盤有風乾火腿、意大利腸,味道可口天婦羅包括芋頭、茄子、番薯、蝦,味道也可以,水準只是一般吃了兩小時,麻煩事發生了,肚子開始痛,需要到樓下廁所,因為7樓男廁維修,自己以為是吃得太飽,怎料又肚痛,再去廁所,而且痾水,我朋友沒有吃沙律、青口、翡翠螺、長腳蟹,只吃蝦,他沒有肚瀉總括來說,從未吃過這麼差的5星級自助餐

五月頭去左九龍香格里拉大酒店Staycation，等我地五月尾黎返個港島香格里拉大酒店Staycation先！呢個酒店Staycation package包24小時住宿體驗（適用於周五至日及公眾假期之退房）加二人早餐同$1000酒店消費額，總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客，不過Staycation都係第一次，所以今次係第一次係Cafe TOO食自助早餐。Check in 嘅時候已經見到早餐係要預約，而用餐只得一個小時，真係晴天霹靂！約左8－9點，遲左少少入場佢哋都真係計足一個鐘就叫你交枱，老實講真係唔多夠時間食，可能要好似Conrad咁分三個場俾人食會好啲。講返食物，一齊睇下有咩食啦！一入門口就見到自助午餐嘅沙律吧變咗生果區。同自助午餐一樣，生果分好一杯杯切粒，主要係火龍果，西瓜同哈蜜瓜。見到少有既雜果加黑莓，係限量架，質素正常！我地食左好多杯！生果區隔離就係果汁牛奶自由斟，有西柚汁，橙汁同西瓜汁。牛奶就得一種，唔似Cafe Kool熱奶同凍奶都有。果汁牛奶隔離就係卷物，芝士拼盤同蕎麥麵。芝士有四款，分別係Comte Ao

五月頭去左九龍香格里拉大酒店Staycation，等我地五月尾黎返個港島香格里拉大酒店Staycation先！呢個酒店Staycation package包24小時住宿體驗（適用於周五至日及公眾假期之退房）加二人早餐同$1000酒店消費額，總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客，不過Staycation都係第一次。Cafe TOO係過去十年我最常黎既酒店自助餐餐廳之一，真係見證住呢度越做越退步。不過今次帶住小朋友，都係食自助餐好d，所以都係黎呢度食個lunch先check-in！一齊睇下有咩食啦！呢度d野食分好幾區。一入門口就見到呢個色彩繽紛既沙律吧。開頭仲以爲係display，之後先發現原來係食得既！不過上面個行真係display，下面個行先食得。沙律吧有好多唔同種類既新鮮沙律菜，亦有粟米，車厘茄，西蘭花，椰菜花，意式黃瓜等等，新鮮健康。沙律吧隔離都有d溝好左既沙律，例如烤南瓜沙律，豆角等。沙律醬有三款。仲有凱撒沙律。沙律區轉角就係魚生區。魚生只有四款，即北寄貝，金槍魚，三文魚，八爪魚，要等師傅切或者攞俾你。Cafe Kool

已經好耐冇嚟呢度食buffet喇，因為疫情啲人吾能夠外遊，造就咗本地staycation 風，睇啲食評話呢度因為staycation包晚餐，質素將價就貨，吾掂……但我啲朋友都話半信半疑，所以我哋都照book dinner buffet ……我6點9去到，都係同以前一樣好多款食物選擇，如有蝦餃、片皮鴨、燒牛肉、燒雞翼、义燒、天婦羅、湯粉麵、咖哩嘢、凍盤有蟹腳、螺、凍蝦、刺身有三文魚、吞拿魚、八爪魚、，先飲個老火湯，好飲，之後7點半就出燉雞湯，呢個都好好飲，蟹腳、藍青口好鮮甜，冇咩海水鹹味、凍蝦都好食，刺身鮮味肥美，之後攞咗蝦天婦羅、蕃薯、秋葵天婦羅，d食評話必食，但我覺得天婦羅個脆漿炸得吾夠薄、脆，麻麻地......甜品都有好多款，但我都係揀左3款同雪糕，因為都已經飽了9成，我對甜品都冇咩特別喜好，揀左CHEESE CAKE、啫喱同埋似鳥結糖的東西，不過個鳥結糖好硬，吾太好吃....呢度坐得好舒服，3個人坐4人枱，張枱好闊落，枱與枱之間的隔板實淨做得吾錯，固定的stand都印有酒店名，吾會搖搖慾墜，好穩陣，5星即係5星....服務都吾錯....

港島香格里拉staycation既自助早餐餐廳係七樓坐LIFT或者係大堂搭扶手電梯都可以到達咁話晒都唔係去旅行當然唔會好似去浸溫泉咁落到游個早水啦不過我地都差唔多九點落左去食早餐但因為復活節關係已經排晒隊都有職員遊說排隊既客人可以上56樓食入lounge定petrus食我就唔清楚但我唔想今日食兩餐都同一間餐廳當然係繼續等其實都係等左大約十分鐘左右就入得都去過唔少自助餐餐廳但港香呢間真係有d唔同淨係個門口都已經有台形如果淨係計自助早餐黎講我覺得呢間cafe too真係好高質食物種類多味道唔差尤其係張二人檯大到好到張四人檯咁可以坐得舒舒服服真係無得輸早餐仲有益力多而且仲有用冰黎凍住沙律麵包蛋糕選擇都唔少亦都因為疫情關係有位姐姐係專人派碟好過好多餐廳成日無晒碟唔知去邊搵熟食種類都多仲有蒸爐都有四五樣點心揀有廚師即場煮蛋拎個牌番去就會有侍應送過黎唔洗企係度等麵檔雖然選擇少但唔似九香果邊9流流粥檔係有師傅即場煮而唔係就咁擺兜粥係度睇得出呢個場都算係有心做呢張就係我見過最大張既二人檯如果係其他酒店真係放多兩張凳坐四個人都仲得而且檯面仲有盒紙巾都無幾多餐廳有咁鬆手一樣有單點coffee or tea

十年前食過晚餐後回味無窮，燉盅湯、中西甜品，其他雖然不太記得但印象良好，今年母親節總動員全家去食中午自助餐，價錢已經變成以前晚餐價錢，首先講湯，冬陰功得個辣字，少少椰奶都無，辣椒溝水，我留下泰國鋪都好飲過佢，酸辣湯酸到阿媽唔認得，飲唔過3啖，蘑菇湯天然蘑菇但唔記得放鹽感覺，主打燉湯，失望到極點，水同肉粒，味道好明顯水多肉少煲出黎架味，淡而無味，數到熱盤，叉燒睇落好鬆軟，第二啖我已經咬唔到，我覺得最奇怪係日式豬扒三文治，感覺下午茶，其他熱盤失控好咸，咸到要勁飲水，鐵板即炒龍蝦又霉，數到甜品，無一樣中式都幾失望，每件細cake睇落多款，但味道好似一致咁，只有布朗尼最好食，唯一要贊麵包，麵包最好食，我比咁多錢食麵包真係奢侈，今次會係我最後一次食香格里拉CafeTOO.