Cafe Wellcome x BBQ Place (Closed)

今日係弟弟生日，佢好想再黎一次呢度食住玩😆不過可能大家小朋友都考完試，今日勁多大個小朋友🥲好熱鬧食物水果咦😂呢個好搞笑，我哋一見到就估係咪火龍果，但唔係😆佢好jelly狀，有洋蔥，生嘅，但好甜😲餐前包磨菇忌廉湯超香磨菇味❤️好飲！吉烈魚柳包配薯條超多醬💪🏻魚柳好脆❤️配個包外脆內軟！健康之選 - 水果+忌廉芝士醬煙三文魚+意大利包哥哥話想知咩叫意大利包，😆其實我都唔知，人生總有好多未知嘅事，所以就決定嗌黎試！好食！個包勁軟熟❤️❤️❤️本身啲煙三文魚忌廉芝士醬就係半邊包上面，一啖食落去真係好正！啲水果有超甜菠蘿🍍多汁西瓜🍉爽甜哈密瓜🍈同火龍果健康之選 - 水果+蛋沙律雞胸+牛角包嘩！呢個不得了，個牛角包鬆脆到😂玩緊嘅弟弟見到有野食，跑返黎食咗半個包蛋沙律雞胸加青瓜超正！個雞胸應該係有烤過，好香呢個份量對一個女仔黎講，真係好夠飽甜品 - 芒果蛋糕🍰超好食！個cream好輕，食一啖好似上咗天堂咁😂個蛋糕唔甜，甜在個芒果…食完好似冇乜罪惡感😂甜品 - movenpick其他天公造美☀️琴日狂風暴雨，今日下午已經乾晒人哋啲朋友仔一齊黎晒玩，我哋2個仔睇哥哥玩遊戲睇到好開心😂就算熱都唔捨得走

今日經過九龍灣E-MAX，呢度有間全港最大空中花園餐廳，仲可以帶寵物一起。中午過來爆滿，我哋拿籌等陣才有位。套餐有是日餐湯+餐包+甜品+飲品，價錢好抵。嗌左泡菜豚肉意大利粉，我覺得係中辣，呢個辣度我鍾意，意大利粉軟硬適中，估唔到配泡菜咁搭。另一份西班牙辣肉腸番茄意大利飯，米粒粒粒分明被番茄汁包著，每啖蕃茄味濃郁。兩款甜品不僅顏值高，味道都好，芝士蛋糕裡面有柚子粒，好清香。焦糖布丁不會太甜。餐廳宜家推出健康之選套餐，主推有機食品，下次都可以試下。

【九龍灣•Cafe Wellcome x BBQ Place】✨@cafe_wellcome.bbq_place————————————————————————位置喺九龍灣國際展貿中心4樓 食物選擇大眾化 普遍一百蚊以下有交易 價格親民 係一間寵物餐廳 餐廳環境闊落有氣氛係聚腳嘅好地方🍯｜西班牙辣肉腸蕃茄 意大利飯｜HKD 75賣相精緻 粒粒豐滿嘅米飯 配搭菇菌、青椒粒、紅椒粒、芝士粉、香草 整體口感豐富 岩曬我呢個飯桶妹🤣🍯｜香草烤香雞半隻配薯菜｜HKD 85大大隻香烤雞 肉質嫩 薯條稍為有點林 配上菇菌及節瓜粒 食物質素與價錢成正比

Cafe Wellcome X BBQ Place係一間寵物友善既餐廳，歡迎寵物內進。餐廳設有室內同室外空間，擁有全港最大型空中花園，各位可以帶小寵物黎享受一個愉快既假期。本身諗住帶小朋友去玩下，可惜當日落雨。唯有留喺室內用膳。七吋辣肉腸pizza Pizza表面佈滿芝士，另有辣肉腸同蘑菇。餅底脆脆的，味道不錯芒果沙沙配蟹肉沙律開配酸種多士芒果沙沙同蟹肉沙律好夾，食落好開胃，有驚喜！仲配有凱撒沙律、餐包、餐湯，其實都幾飽。最後上埋甜品，係tiramisu,味道唔錯播。

平時過黎睇室內設計/演唱會都見過呢到，見地方幾大，座位寬敞。餐廳位於九龍灣展貿徑1號國際展貿中心E-MAX 4樓421至425號舖。晚市有套餐，包是日餐湯、精選麵包、沙律、主食、飲品、甜品。價錢$62-$108不等。Cp值超高。南瓜忌廉湯配薯仔沙律淡淡南瓜味薯仔沙律充滿層次口感，薯蓉軟綿，配薯仔粒粒，另有香草碎增加香味海鮮忌廉湯意粉鍋仔上好特別，而且可以保持溫度意粉煮得彈牙有咬口，海鮮亦好豐富，有青口，蝦仁，蜆肉，魷魚等等配上好多菇菇，做出蘑菇忌廉海鮮湯既味道龍蝦汁長通粉用上長通粉，可以掛起更多龍蝦汁，通粉都係好多菇做配料，畢竟龍蝦汁先係主角，可以一試。

無意之間搵到呢間餐廳食晏，食飯時間喺九展度度都要等位，主要嘅餐廳係地下同一樓都係好多人。見到海報號稱全港最大空中花園餐係4樓就上去睇吓。佢係最入嗰度，所以唔係好多人知，餐牌唔貴基本都唔過百，有沙律、餐湯、餐包，冷熱飲品，仲有甜品，其實都幾抵。最貴嗰個肉眼扒都係$128。燒春雞唔係度度都會有，就叫咗呢個試一次，半隻嘅份量都唔細，好重香料味，隻雞唔會好肥，而且做到皮脆肉嫩。甜品可以揀是日甜品或者Movenpick 雪糕。我就揀咗是日甜品黑森林蛋糕，估唔到係好好食。佢哋原來五六日會做戶外燒烤，再望一望原來出邊有個大空地，仲可以帶埋啲寵物一齊食。市區想搵個咁嘅位都唔係咁容易呢度的確係幾好。

係九展睇完戲就去左4樓呢間餐廳食晚餐🍽️餐廳佔地面積成過萬呎，有戶外同室內空間戶外嘅空中花園更設有遊樂設施🛝係用餐嘅同時 小朋友更可以放下電晚市都仲有套餐，包餐湯、餐包、沙律、主食、甜品、飲品，價錢都係$62-$108🤩超級抵食😝本身想食烤春雞，但可惜賣晒😫轉左食芝士安格斯漢堡配薯菜🍔餐湯係蘑菇湯，蘑菇湯味道濃郁好飲沙律係薯仔沙律，仲加左黑松露令味道更香漢堡嘅材料有安格斯牛肉、洋蔥、酸青瓜、芝士安格斯漢堡食落非常juicy，咬落滿滿肉汁，而且又唔會韌，味道唔錯🍔🍔薯角炸到好酥脆同熱辣辣🤩甜品可以揀homemade dessert 或者movenpick/haagen-dazs雪糕😍

放咗工第一時間衝咗去IKEA買想買嘅嘢，跟住同咗阿妹去咗E-Max搵哩間野食。因為太肚餓嗱嗱聲嗌咗嘢食就開餐🤣今次搵咗包怪嘅細妹，話說我妹真係超級鍾意食麵包，所以第一時間上咗麵包之後佢就品嘗。係咁話好食，個包熱辣辣真係有驚喜，唔知係咪因為我太肚餓，所以我覺得個包同某間餐廳嘅黑糖麵包有得揮🤭🤭🤭餐前嘢食有一粒細細粒嘅黑松露薯蓉，幾好味。（薯怪上）我妹叫咗小豬脾，我就嗌咗燒雞，味道唔錯，價錢合理。咁咪估唔到個甜品係Häagen-Dazs嘅雪糕🍦😍😍間嘢真係超大㗎，唔驚搵唔到位，食完仲可以去樓下勁大間嘅759買嘢🫢

九龍灣美食攻略20235月美食記錄九龍灣國際展貿中心4樓有間大型既CAFE,仲有戶外空間,而且歡迎帶寵物入場,呢度有午餐下午茶晚市主打都係西餐為主,之前仲有自助餐食而家單點餐牌最平幾十蚊一個人,可以坐得好舒適,而且唔會趕人走一人一個餐湯沙律加主菜甜品飲品預返100蚊左右一個人晚市牛扒配薯條,份量巨量,超豐富牛扒無問熟度,一律七成左右,偏熟,可以生返D會軟嫩D,口感味濃肉牛肉脂肪少,配埋醬汁食岩岩好另一份係半份焗雞,近似炸雞既脆皮香草味濃郁,入口雞肉嫩滑可口雞油豐富,同樣配薯條,服務非常好食物水準中上,勝在環境服務一流仲有甜品食評分8/10消費$250九龍灣展貿徑1號國際展貿中心E-MAX 4樓421至425號舖Shop 421-425, 4/F, E-MAX, KITEC, 1 Trademart Drive, Kowloon BayCafe Wellcome x BBQ Place@Cafe Wellcome x BBQ Place #CafeWellcome 

Cafe Wellcome x BBQ Place地址:九龍灣展貿徑1號國際展貿中心E-MAX 4樓421至425號舖唔講咁多同大家分享咗先～松露野菌pizza (蒜容包十餐湯十沙律＋手工甜品+可樂) $64Pizza餅底唔太乾，上面啲松露野菌餡好足料，睇落同個餅底厚度差唔多有一比一，芝士口感十分之濃郁，可惜成個Pizza味道較為鹹咗少少，如果唔係整體上都叫抵食。明太子蟹將意粉 (蒜蓉包＋餐湯十沙律＋手正甜品†陽光檸檬茶)$74意粉份量大，賣相睇落簡單，但明太子醬忌廉味好足味道好濃好香，唔會太鹹；意粉麵質煮得啱啱好，口感厚身帶點彈性，不錯。拿破崙意粉(陽光檸檬茶)$42其實份量係幾大份，但味道都係覺得一般般，冇乜太大特別，而且啲意粉較為好乾好淋，啲汁又唔夠多，真係失望了少少。#nicefoodie九龍灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlove

私心推介既隱世平民餐廳今日有event黎到EMAX，喺4樓行行下見到間餐廳見平平地就入去食，點知都幾有驚喜！叫左晚餐2個，砵酒牛脷焗飯，半隻烤春雞，仲有頭盤同甜品先7,80蚊一位，真係抵到爛！頭盤係羅送湯，包同蘋果沙律（有啲似飛機餐🤣）但食落唔錯，包好軟熟。先講牛脷飯，牛脷勁林勁入味，焗飯唔錯，啲汁啱啱好唔太咸。烤雞配薯條好好味，烤雞個皮勁脆，薯條係鮮炸，女朋友勁中意！甜品係自家製既士多啤梨木糠布甸，唔太甜非常好，非常用心。總括嚟講，7,80蚊食到咁嘅質素，有頭盤，主菜，甜品，包埋嘢飲先係咁嘅價錢，絕對係抵到飛起！值得一提嘅係，原來依度係有個戶外既空間，有10零張枱，仲有個小型遊樂場！好啱小朋友黎邊食邊玩。戶外部份仲可以燒野食，星期六日夜晚仲有live band music，平日好似仲有70蚊lunch buffet，真係勁多花款！勁中意呢間餐廳！私心推介！

同朋友喺EMAX搵餐廳食lunch，就見到有個廣告牌寫住Cafe Wellcome全港最大空中花園，所以一於即管去睇吓餐廳樓面非常闊落，平時應該有做開自助餐，不過佢午市都有提供一啲套餐我同朋友叫咗兩個套餐，分別係: 午市套餐 F. 西京燒比目魚配飯 98每個套餐都會送一碗餐湯餐包同埋沙律。餐湯係羅宋湯，有別於一般港式茶記嘅茄膏味羅宋湯，飲得出個湯係真材實料，用咗好多款蔬菜，同埋有陣陣嘅牛骨味。至於西京燒比目魚焗得啱啱好，一啲都唔乾身入口非常嫩滑。而且個味道甜甜地之餘又焗得好香，非常好食午市套餐 G.BBQ豬仔脾配薯菜108BBQ豬仔脾煮得好稔，配埋類似蜜糖燒汁嘅醬料真係好夾，一啲都唔乾身，而且份量嚟講係有三條咁多薯條都係新鮮整嘅熱辣辣，而菜方面有翠玉瓜同雞髀菇，味道都唔錯套餐仲送飲品同甜品我哋叫咗熱檸檬水、熱菜蜜同埋兩杯木糠布甸，個布甸係出乎意料嘅好味，餅碎同忌廉嘅份量比例啱啱好，唔會太膩。成個套餐真係非常豐富。

👧🏻😋👅🍽✨🐶 👦🏻⚡️😋-Cafe Wellcome x BBQ Place🇭🇰 九龍灣展貿徑1號國際展貿中心E-MAX 4樓421至425號舖 🇭🇰-🐶Pet friendly既餐廳, 門口有好多客人狗狗既相, 老闆娘見我有帶狗都有同我地傾下計, 仲請左佢食零食😌🐶戶外有遮蔭, 夏天都OK唔算熱, 仲有滑梯等小朋友遊樂放電設施; 重點係地方超大, 公司成Team人20個lunch都得😆🐶餐牌每星期都會換, 如果喺附近返工可以做飯堂, 中西東南亞都有😙-🐑 🍟 香草烤羊架配薯菜 $128💯羊架好大隻同埋幾厚切😍 肉嫩多汁少少肥, 唔點燒汁都夠味; 配菜有翠玉瓜同菇粒-🐠 🍚 香煎比目魚配飯 $108✨份量真心多, 魚油爆晒出黎, 個他他醬輕輕解左魚既油膩感, 仲好香香草味-🍧前菜, 甜品, 飲品 套餐包括💯前菜有忌廉湯, 熱辣辣超軟熟既餐包, 紅菜頭沙律💯甜品揀左一個紅豆抹茶忌廉卷, 一杯haagendazs雪糕, 高質!💯茶底清澈完全唔澀, 檸茶奶茶都正-🍉精選水果 $15/份✨抵食!! 夏日熱辣辣食凍冰冰生果就岩了! 全部新鮮生果仲可以請狗仔食☺️ 菠蘿超甜!-

成日覺得九龍灣展貿無咩野食，原來而家開左好多餐廳，今次發現呢間環境舒適，出面有BBQ 同小朋友玩既遊樂場比小朋友放電，仲pet friendly! 食物份量足夠，味道都唔錯~西班牙海鮮飯用鑊仔裝位住上檯，好啱打卡！有材料有大蝦，青口，魚柳。除咗喺面有2隻大青口，每啖飯都有d細隻既青口，真係啖啖海鮮，飯入面仲混合左磨菇粒，口感十足。黑松露雜菌意大利粉黑松露好香，意大利粉唔會太林，軟硬剛好。除咗黑松露，配料有好多菇，雖然係無肉，都唔覺得太寡。鍾意黑松露既朋友唔好錯過

某日發現九龍灣國際展貿中心E-MAX 4樓的Cafe Wellcome x BBQ Place 可以帶寵物去，於是昨天同阿仔帶埋佢隻鬆獅狗去chill吓。餐廳設有室內和室外。室外大平台有露天座位，大約有廿令張8-10人枱，同時有大帳幕提供。中間通道十分寛闊，就算大狗嚟到都唔會感到逼夾。另外還有一個小型遊樂場可供小朋友玩耍，真係吃喝玩樂共冶一爐。餐廳的精選套餐非常抵食，套餐包含是日餐湯，餐包，沙律，還有甜品（可選手工甜品／movenpick /Häagen-Dazs雪糕）和飲品，包埋加－，人均都唔使$100，真係平靚正。前菜有忌廉湯，餐包，沙律是非一般的沙律，是紫薯蓉沙律，紫薯蓉香濃幼滑，甜度適中，食落啖啖粉糯香甜。主菜明太子蟹籽意粉$75軟硬適中的意粉混埋有獨特鹹香味的明太子和清脆的蟹籽，口感豐富。BBQ豬仔髀配薯菜$98豬仔髀外層燒得香脆，內裏肉嫩又juicy，再點埋餐廳秘製的醬汁，非常惹味。薯條熱辣辣的，非常鬆脆。甜品選了喜愛的Häagen-Dazs雪糕