Caffe Milani (荃新天地) (Closed)

Caffe Milani全落地大玻璃，採光度高，走進餐廳，佈置優雅舒適，充滿歐式風格。氣泡水晶吊燈影照在精緻甜點，是說不出的意式風情。全隻香草燒春雞 $98春雞外皮油潤亮澤，雞皮微微焦脆，帶甜美蜜糖香氣。內裡肉質嫰滑，每一吋雞肉充滿香草味道，濕潤多汁，十分滋味。蟹肉扁意粉 $98 (Combo set配湯)每條意粉都掛滿蟹肉絲，口感稠密，加上金黃的炸蒜片點綴，鮮中帶惹味。能品嚐到鮮味蟹肉，卻不用動手拆肉，鮮味升華，令人回味。全日早餐 $98 (Combo set配湯)全日早餐材料豐富，麵包鬆化，充滿麵粉香，夾入焦脆的煙肉，簡單滋味。滑溜的黑松露炒蛋，帶濃濃的松露幽香，配上甜醋沙律菜，特別清新。烤肉腸肥厚、飽滿，口感油潤，加上烤蕃茄，滋味平衡。蟹肉南瓜忌廉湯 南瓜湯香甜、綿稠，飲到一絲絲蟹肉，拌勻奶滑忌廉，南瓜蜜甜香滑，十分開胃。 開心果櫻桃慕絲 Set +$25慕絲蛋糕入口柔滑，開心果慕絲味道天然清甜，內有櫻桃肉，散發濃郁莓果香氣，吃起來酸甜平衡。細緻的慕絲，加上脆餅底，開心果作點綴，口感豐富。玫瑰牛奶咖啡 Set +$25表面鋪上鮮豔玫瑰花瓣，充滿少女心，呷一口豐盈泡沫，厚滑順喉，加

在荃灣大型商場地下新開了一間食肆，餐廳簇新的裝修 ，店內簡潔明亮令紫色的椅子更搶眼😍😍。 門口餐牌上，湯/沙律 + 即叫即製三文治 /意粉 /薄餅($98) ，再加是日蛋糕/經典米蘭咖啡($25)，價錢都合理喔！揀啱就去購票，然後坐下等侍應送餐。 我哋都揀意大利麵雜菜湯， 健康蔬菜， 多飲有益，增加維他命C， 💪💪💪！ 經典卡邦尼意粉 ， 鍾意意粉質地， 食落有彈性帶點煙韌 ， 而醬汁剛好掛在每條意粉上，而切小片的煙肉比一般的厚，真係掂！ 雞肉香草醬薄餅， 餡料有橄欖，芝士， 雞肉， 而放在薄餅上的雞肉用上香草醬混成更添色彩， 夠特別！ 椰香朱古力蛋糕，淡淡椰香夾朱古力香，入口軟綿綿， 甜度低，真係食多件都得 ，一於買多件帶走✌✌✌！ 食完晚餐嘆番杯經典米蘭咖啡，真棒！.

喺荃灣想坐低飲杯靚咖啡，路過呢度，見到光猛乾淨企理，食物種類亦合乎我呢日嘅胃口，咁就決定入去試吓😆叫咗 $88嘅「蟹肉扁意粉」、$48嘅「意大利雜菜湯」、$43嘅 Latte Tall + Ginger😋「意大利雜菜湯」味道濃郁，好飲😋。「蟹肉扁意粉」上邊有頗多蟹肉，食一啖先，嘩！出奇地好味😋，見到有蒜片、新鮮小蕃茄🍅，仲見到有 Sun Dried Tomatoes，肯加 乾蕃茄 證明餐廳好認真👍，之後我再睇餐牌，原來仲落咗Anchovies, 需知道 Anchovies 煮完之後基本上會溶晒睇唔到，但係會令意粉加添鹹香同更加惹味😋，香港餐廳願意加 Anchovies 煮意粉，估計唔多，唔怪得呢度嘅意粉咁味美😋Ginger Latte 有濃濃嘅薑味，好正😋。食完已經飽飽，但係「蟹肉扁意粉」實在有驚喜，所以又想試吓佢嘅蛋糕🍰，咁就外賣咗$52嘅「米蘭芝士蛋糕」同埋$18嘅「意式經典牛角包」😋

今天到了荃灣荃新天地附近一間與朋友享用下午茶。餐廳裝潢很簡約而座位也很寬闊，在哪裏享用下午茶相當不錯。看看餐牌上也有不同選擇，下午有米蘭套餐，價錢性價比高，頭盤有沙律或沙律二選一、主菜可選擇意粉、三文治或者pizza。我們揀了 拿玻里pizza - 用了新鮮蕃茄材料，鯷魚味香濃配有濃濃的芝士醬料，適中的批邊，風味濃厚。另外一個主菜了蟹肉扁意粉- 蟹肉碎煮得濃郁香惹，面質軟彈煙韌，再配以一杯經典紫色咖啡，咖啡入口香濃撲鼻。另外也叫了他們自家出了很多精美甜點蛋糕還有意大利雪糕。多款麵包蛋糕選擇目不暇給。在雲雲眾多的蛋糕中選擇了椰香朱古力蛋糕，椰子香味濃郁，蛋糕做得很綿綿鬆軟，朱古力味香濃，甜而不膩 。最後也抵不住誘惑，還多點了一款議息牛肉醬牛角包🥐。牛肉醬，外皮鬆脆，肉汁豐富。最後也點了一壺香茅薑茶作為這頓豐富下午茶的句號。

餐廳位於荃灣，距離荃灣地鐵站路程需要十分鐘左右，地理上還算可以接受， 但其實餐廳最為近的鐵路站就是荃灣西站，喜歡的朋友可以從另一途徑過嚟，餐廳主打的食物也就是意大利菜，食物方面選擇也有很多， 而我最喜歡的就是他的咖啡意大利咖啡， 味道濃厚，真的不錯，但最令我驚喜的也就是餐廳居然可以提供外賣的蛋糕甜點 ，這樣 令整個美味更加昇華， 全因為可以分享與家人一同 品嚐， 反正我就是因為這樣被他吸引住了， 味道方面， 適合香港人口味， 也就是為我們設想的一個味道， 最重要吃起來不太甜，味道真不錯。

去完意大利旅行之後愛上當地咖啡，係香港少有飲到意大利味道，今次試吓佢既house coffee ～ 米蘭咖啡，呢間咖啡竟然令我飲得返意大利既味道，咖啡細滑，回甘，好好飲，下次會再試下佢既cake P.S 米蘭咖啡～店員會問你加咩奶，要揀加咖啡奶✌🏻✌🏻✌🏻

今次荃灣人有口福啦，荃新天地開咗間好靚嘅Cafe店，Cafe樓底超高，仲有靚靚嘅紫色櫈坐添點餐過程就係先去收銀俾錢，然後食物就會送到黎你嘅座位，呢度仲有唔少好精緻嘅蛋糕同麵包，例如有色彩繽紛嘅孖寶蛋糕同牛角包當然仲有咁少件裝蛋糕，可以買返屋企慢慢嘆，但我難得嚟到梗係要坐底試吓啦香茅薑茶都夠晒睇頭，用左一個白色既陶瓷茶壺，高貴典雅依家仲有個set嘅餐，一碗雜菜湯跟意粉或者pizza都係$98，雜菜湯果然好足料，有好多唔同嘅蔬菜粒蟹肉意粉就夠晒鮮味無窮鍾意食Pizza 既話就可以試吓呢個四色芝士pizza，仲有個蜜糖漿可以點添最後仲加$25叫咗件原本價值$52既蛋糕，濃郁既開心果味道，配上軟滑既質感，令人食極唔停

晚上跟太太來到荃新天地，想找個地方吃晚飯，太太卻表示想吃甜點，我們會來到這家咖啡店位置：荃新天地中央入口位置環境：燈光明亮的咖啡店，讓人舒適服務：店員細心給了每人一杯熱水，亦主動送上意大利粉食物：蛋糕選擇多亦很好看，而正餐份量大經典卡邦尼（$88）咖啡店的正餐選擇也不少，而這款卡邦尼意粉忌廉芝士味濃厚，因此意粉很入味加上配菜的煙肉煎香而份量頗多，既美味亦讓人滿足米蘭芝士蛋糕（$52）芝士蛋糕質地厚實，芝士味香，算是不錯意式蘋果批（$52）太太最愛吃蘋果批，而這家的批底香脆，蘋果肉多而香，可惜是蘋果不是季節有點酸，相信以後能有更佳口味紅絲絨蛋糕（$42）蛋糕非常新鮮而且軟滑，由於有吃得出的可可香氣及甜味，相信是花青素跟酸性形成的紅色天然色素，顏色美味道好藍莓孖芬蛋糕（$22）這裡的孖芬堂食會爐上一小段時間才上，所以一切開孖芬，內裡的藍莓醬會緩緩流出，使軟綿綿的孖芬蛋糕增添額外藍莓醬香氣及味道，令人回味無窮呢總括而言，這家咖啡店正餐豐富味美，蛋糕特別是孖芬頗為出色，雖因本人不喝咖啡試不了此店有名的咖啡，但已經挺滿足了

從雜誌上得知意大利著名咖啡品牌 Caffe Milani 落戶荃灣，特地和朋友前來享受休閒時光。🥳餐廳位於荃新天地，位置方便就腳，櫥窗擺滿琳瑯滿目的意式蛋糕，讓人垂涎欲滴，特別是意式蘋果批和榛子朱古力慕絲， 非常吸引眼球。午餐時份，我和朋友各點了一款意粉品嚐～蟹肉扁意粉由於是即叫即煮，上枱香氣迷人，蟹肉入口鮮甜，加上蒜片，忌廉，整體香鮮味美， 蟹迷定會喜歡。經典卡邦尼朋友到那裡食飯， 也愛點卡邦尼，意粉軟硬適中，混合了蛋黃醬，口感綿密軟滑， 煙肉量多，增加香脆口感。意猶未盡，飯後甜品是必須的，尤其在店內的意式氛圍中。鹽味焦糖孖芬蛋糕外表平平無奇， 內裏卻香軟綿密，非常濕潤， 上枱前，店員會把蛋糕焗熱，切開有焦糖流心效果，很久沒食過這般美味的蛋糕了。開心果櫻桃慕絲果仁味道濃烈，口感似食雪糕，入口即溶，很有趣的體驗。

在這邊逛街，看見這間新開的咖啡店，便來一試一。這兒的環境闊落，落地玻璃看荃新天地的內庭，非常開揚， 很有露天茶座的感覺。 侍應非常有禮貌，感覺良好。我點了一個蟹肉南瓜忌廉湯。南瓜配忌廉，非常惹味。能吃到粒粒南瓜和洋蔥，而且滿碗湯都是蟹肉，才料十足。不是所有餐廳都有意大利雲吞，所以我就點了松露醬意大利雲吞一試。意大利雲吞是蟹肉餡， 蟹肉已經完全磨成蓉，松露醬很多，故松露味非常突出，也有碎洋蔥粒釀在餡內，令松露味提升。 餛飩大小適中，一啖一粒雲吞，很適合女士，吃的時候不失儀態。吃完午膳，見這兒的蛋糕很精美，就決定外賣給家人吃。藍莓孖芬蛋糕藍莓味非常重， 蛋糕本身比較濕， 吃起來不會感到很乾。 入面有很多藍莓乾。開心果櫻桃慕絲很有驚喜，非常重開心果和杏仁味，入口軟棉棉，大讚！意式蘋果批可以見到有一層層蘋果和餅交錯疊上，口感豐富，味道非常天然。

之前同哥哥經過Caffe Milani已經俾佢d蛋糕吸引住😍好啦！今日一齊食蛋糕啦😚荃灣街坊一定會去楊屋道街市買餸.早幾日同哥哥經過見到啲蛋糕佢已經好想食😆今日終於抽倒時間坐低一齊嘆番件蛋糕😁雖然話我哋主菜係蛋糕🍰最終我哋都叫埋意粉同湯再加多杯飲品！黎返個全餐🤣佢地個蟹肉扁意粉🦀絕對有驚喜！因為啲蟹肉份量十足😍佢仲俾埋個檸檬仔俾我哋吱啲汁上去！加埋落去真係好醒胃😚啲意大利粉煮到啱啱好非常有彈性又有咬口👍🏻蟹肉南瓜忌廉湯同樣地蟹肉味道非常濃郁🦀啲南瓜蓉打到非常creamy！入口即溶😚諗起都想再飲！蛋糕我哋一人揀咗一件！哥哥要意式薩赫蛋糕！香濃嘅朱古力食到哥哥停唔到口😍我就揀咗米蘭芝士蛋糕🍰雖然外表平凡！但係食落去真係非常滿足！芝士味道好濃郁好creamy！最後我哋揀咗杯洋甘菊茶一齊share💗中和返蛋糕嘅罪疚感！飲番杯茶即刻覺得冇咁邪惡😌佢哋嘅蛋糕仲可以外賣添！哥哥話下次陪我買餸嘅時候再買多幾件返去同家姐一齊分享喎😆

行經荃灣V city竟然發現意大利老牌店的平民版。午餐並沒有套餐，要散點，其實計起上嚟同K11 Musea那間高級版差不多。蟹肉扁意粉一絲一絲蟹肉，非常鮮甜，不過間中有碎殻。扁意粉軟硬度適中，入味十足。楱子朱古力慕絲這個比較甜膩。Tiramisu 質感和味道不錯，軟綿綿口感。有咖啡香味。Cappuccino 意大利品牌當然不需質疑，味中回甘，份量也不少。

荃新天地開咗一間韓式咖啡廳，已經一段時間，每每經過都想嘗試一下，今日適逢其會老公Work from Home就走咗過嚟試一試！餐廳內裏寬敞，餐桌與餐桌之間有很多空間，給予人很舒服嘅感覺，而且而家疫情還未收到控制，適當的空間給人一定的安全感！同一般的韓式咖啡聽一樣，點完餐後會給一個通知器，可以攞餐時便會震動通知你可以去取餐！餐廳的選擇不多，飲品方面，主要是咖啡朱古力及茶；食品方面，有意粉、三文治及麵包；甜品方面，有蛋糕、gelato！我哋點左一客蟹肉扁意粉及all day breakfast, 都是$88 ！另外叫咗杯凍薄荷朱古力！🌀蟹肉扁意粉($88)蟹肉分量10分充足，意粉也煮到恰到好處，不會太淋，有少咬口，蒜片吸乾蕃茄也美味！🌀All Day Breakfast ($88)黑松露炒蛋、腸仔、半塊麵包、煙肉、沙律菜、煎蕃茄，另外有牛油及果醬！🌀凍薄荷朱古力($43)冰太多，不太甜，岩岩好

蟹肉意粉一蟹肉味濃，最值錢嘅地方係加乾蕃茄因為價錢比新鮮蕃茄貴好多倍，作用係令到成個意粉蕃茄味香濃。意粉質地好柔嫩食落去滑口。咖啡味突出左北邊意大利咖啡嘅風味。你會飲到香嘅奶油香味加上woody 嘅咖啡味。就會知道個分別。其實南邊同北邊嘅咖啡味道大不同，有機會下次搵嗰local高人解釋吓。（不是我，我自己沒有資格）。職員禮貌好好，幫我沖咖啡杯由紙杯轉左玻璃杯，更加保持咖啡嘅鮮味（響意大利local平民一向好抗拒用紙杯飲咖啡）。我都比意大利文化影響左成日要用玻璃杯。而家疫情嚴重，冇計。捱紙杯。甜品方面冇乜意見 因為一向好少食甜品。因為平時係食南邊拿玻里嘅Cannoli. 呢間暫時未有。可能係因為主打北邊嘅菜式。不想隨意寫。利益申報：絕對係路人甲一個，和這公司的職員／老闆沒有任何關係 （除咗自己係一名食客之外）。見到咁難得正宗意大利cafe喺香港開店，疫情下想飛都難。忍唔住支持下。 自己好好珍惜。不在香港的時候 平時出沒嘅地點多數都係紐約 。最愛 Saint Ambreous （1000 Madison Avenue), Bottega Del Vino (蘋果店總行對面) and Via

Was quite disappointed when I came last Saturday , thought that it was supposedly the cafe in Italy , but it turned out that the service was actually quite bad. I ordered mocha and latte, but the manager who served them to me doesn't even know which is which, and even took quite a while to get back to me. The pastry I had was apple pie. It was super hard. They provided me with knife and fork but I couldn't even cut into them after 10 minutes of trying.