小肥牛蒸氣石鍋火鍋專門店 (Closed)

上星期五晚同朋友慶祝生日一行十人去咗小肥牛試吓,點知非常之失望,晚上7:45已經話無哂手切牛,真係離譜,佢叫小肥牛但係無肥牛....差啦.叫咗個番茄薯仔牛腩湯底,嘩!簡直無Heart到飛起,完全無茄味無牛腩,同另外一個豆腐清湯底無分別,但係價錢就貴一個double, D嘢食一碟一碟上,又慢,人手又唔夠,樓底又矮又嘈,冷氣機又滴水.一句講哂

(11/6)經過了家人的提議，決定去此北角店嘗試，心想那個名字已經有些折扣。雞翅湯底，鯊魚嘴，這兩味不是我意思，獵鯊的過程殘忍非常，不想吃它們，還是叫了。個湯底是頗清甜，當然有半只雞於裡面及那有味清湯，不清甜也難。怎料，墨魚刺身也叫？雖則不算太差，但火鍋店何會有刺身，繼續折扣。黑柏葉－是加工品，沒有味道可言，只是湯底及豉油改變；竹笙－同上，反而有些不太潔淨，沒有吃；鱔片－沒有鱔味，只有一大片肉；墨魚及金菇－也是沒有味道，再繼續折扣；炸腐皮－意料之外的食品，即炸後放入湯灼後入口，外軟內脆，香口非常，值得叫；鵝肝墨丸－墨魚屬鮮打貨，內有的鵝肝釀入，很有鵝膻味，中規中距；新鮮手切鮮牛，樣子討好，但牛味欠奉；蠔－可以接受，有鮮蠔味，但有上調空間。而Asahi二十元三支，經濟實惠，而場內有線繼續播放，和局。大約六佰多，四人吃，合理，但力奇比它更優勝，味道技術性擊倒。

North Point BranchPlace - a little bit crowd and dirtySoup - tried 火焰醉蟹牛柳粒湯底, very good,有蟹, 有蜆,又有牛柳粒, 所以個湯好好味after 9:30pm, many special price itemswill go to try the 翅郡湯底, 9:30 $68 only

一家五口叫了個人參雞鍋+20餘碟火煱料+$128鮮魚刺身(唔記得魚名), 埋單$757.我覺得個魚刺身最好味,因為好鬼新鮮,仲要份量好多,個魚頭足足動了成半個鐘有多,不過我家姐就有d驚另外d美國肥牛,花雕牛肉,手切牛,都勁好食,好正,必試;印象中我比較喜歡的仲有:黃喉,魚唇,炸腐竹,生蠔,炸魚皮,蟹子墨魚滑...都各有特色,不錯不錯服務方面簡直好到不得了,即叫即到,仲好好禮貌+笑容,因為太好,感覺怪怪的.

TO EDITOR: 請加北角分店。我去的是北角分店，14/3晚，9點幾同姑媽一家，仲有姑姐黎食。湯底：巨魚頭枝竹豆腐湯同鴛鴦湯底。叫左蝦子墨魚滑、蟹子蝦丸、蟮片、生菜、花雕浸肥牛、黃喉、炸腐皮等等。野食有d幾特色，未食過嘛。送左個活鱆紅刺身，都OK，不過唔係好鮮味，好似無咩味咁，如果自己叫就唔抵。不過坐得好迫，成日撞到檯腳，同隔離張檯又好近，唔係咁舒服。有D野食好快賣哂。招呼唔係咁好，有D仲好唔熟手，有D地方仲好滑下，差D跌倒。服務同環境有待改善，因為真係坐得幾迫下，可能因為係坐大檯啦。因為價錢都中上架，唔係平，所以有D野0既水準都應該要提高番。

幾個人山長水遠來這裡試試。此店在2樓，要訂位，不然要等位。地區比較舊，但室內裝修尚算ok，廁所比想象中乾淨。這裡多人點刺身，主要是魚及魚生，一般100元以下，新鮮抵食(象拔、龍蝦這裡沒有)。極品牛肉標榜是牛頸$100，問D waiter根本唔知乜部位，叫了2碟都是牛脊，都ok。另試一碟28手切牛肉，好鞋。墨魚滑、鯪魚滑都新鮮，但略為味道不夠。其他火鍋配料都很新鮮。啤酒10/支，9:30後仲平D。

本人曾一行7人在Jan 26, 2006 惠顧此店，是次埋單$1,200，都十分滿意食物還覺得物有所值，所以6日前(27 Jan) 已訂了於今日(Feb 01 - 7.00pm) 帶同12位朋友再惠顧，點不知當取時就頜交到它們的不知所謂服務質素；勞氣事件係當我6.35pm 去取時個服務員話沒有大，叫我坐一張8人或兩張4人，你可以想像到根本係坐不落無可能接受，當時我係見到有張大空著，所以問她點解唔比張我，佢話有人訂了而此人還比我早訂，我聽了就火都，既然你一早知道無大比我，點解我訂時唔講比我知，你覺得有人會鍾意分坐來打邊爐嗎? 對一班想一齊食飯朋友會有人高興、還有意義嗎? 所以我氣好不滿意咁走唔食。哩咁服務就算食物好食到識飛、價錢再低都無用，亦都唔會再打算惠顧。祝佢生意可以興隆啦!

1-18-2006今天友人為我慶祝，當然要揀令我回味無窮的小肥牛，但今次好像有點不同不知是否選錯湯底(但又想試試其他嘛!)。叫了蕃茄薯仔牛腩煱、手切肥牛2碟、竹笙1碟、芝士牛丸1碟、蟹籽墨魚丸1碟、炸腐皮2碟、鯇魚片2碟、西洋菜。湯底方面-- 有蕃茄、薯仔、白蘿蔔、香芹蒜、牛腩，個湯底都幾清，如果蕃茄落多些會更濃味，現在就比較清，湯都頗鮮甜，但用來配合炸腐皮不太夾會顯得較油，其他的一樣美味。

第一次聽小肥牛覺得佢係抄小肥羊諗住都唔會好得去邊la去到第一個感覺係好up dum咁4 個人叫左芝士牛丸,炸腐皮,牛肉刺身,手切牛,手打墨魚滑,麵,仲有一個唔知咩樣樣都唔錯,尤其係炸腐皮同芝士牛丸真係好值得食下ga再叫左3枝可樂total都係3百幾4百蚊到抵食!!

這處除了打邊爐,還可以吃魚生.,他們的魚生不是普通雪藏海產，而是將日式活魚生擋成魚生。都係講返打邊爐先,呢度叫得"小肥牛"，當然要試佢的牛肉啦.,呢度最貴的牛肉反而吾係外國雪花肥牛(28元).,生牛肉剌身($19)，而本地精選手切牛肉就最貴要(68元)。就試下本地手切睇下有乜咁好食。真係無叫錯,非常好食,雪花肥花大家就食得多,雪花肥牛若然滾得太久,肉是會較硬的。但這處的本地手切牛肉滾得時間耐反而越淋越好食.,真係百思不得其解.,就問呢度的侍應係乜野牛同牛邊部份.,佢地就講佢地點解本地牛肉反而貴過其他雪花肥牛,就係佢地祗會用牛頸那部,而牛頸肉較嫩滑的部份才能用來做火煱，特式就係滾得耐反而越淋越有口感。佢地話成隻牛都可能得幾斤靚的牛頸肉架咋。佢地話外面火渦店一碟要220至180架。仲話吾係間間有添。佢講呢的我就吾識啦.,不過真係越滾越淋越好食就真。又叫左一碟雜菇(45元),真係好大碟.,裏面有好多不同菇類(如瘦珍菇,朱肚菇,金菇.,仙冬菇.,etc..)打邊爐食得肉多.,實應該食返的茹類中和下。一碟加拿大超大隻生蠔(80元).,一碟有8隻巨型生蠔.,其他地方(如日本珍朱蠔)滾得耐會收縮而變

未呢間打邊爐前覺得間間都差唔多, 試過呢間之後原來真係有分別! 以後我都呢間打邊爐! 火鍋料夠新鮮又夠大碟同埋佢每次都係加清湯唔係加水! 不過我叫碟白鱔就細碟(得5片咋!) 手打蟹子蝦丸, 花雕牛肉, 炸腐皮係我必食(由其係炸腐皮超好味)!員工都算有禮貌, 環境方面就比較嘈雜, 但係用食搭夠啦!

呢家店每次朋友話去打邊爐我首選盲係呢間首先佢d牛肉真係好新鮮!! 最好食我覺得係佢既花鵰牛肉同埋生牛肉(一定要試)好食到好好食花鵰牛肉冇俾酒味蓋左牛肉既鮮咪生牛肉溥得黎好好食真係好好食呀同埋佢既芝士牛丸一定要試呀~~

23-6-2005今晚去了常聽好友說好食的小肥牛，吓小肥牛乜唔係小肥羊咩! 因要打波所以去到已經10:05p.m.嘩都幾夜喎不過算吧一次咁多啦! (係值得架)去到已經接近滿座都幾多人，一入去見很多木枱擺放著日式的碗碟筷，在角處那邊有一個細細的位置是用來製作剌身的。坐下看看餐牌有很多選擇，有些還很抵食。飲品要了小麥草蘆薈汁與紅蘿蔔馬蹄竹庶水，原來這裏除了竹庶水外其他都是現成的飲品。我們首先叫了一鍋鴛鴦湯底(沙爹與清湯)，之後叫了一客甜蝦剌身可惜已售罊就轉了北寄貝剌身，這剌身大片厚肉又鮮甜，估不到在這裏也可食到如此新鮮。跟著有白菜水餃、炸腐皮、黑柏葉、肥牛肉、枝竹、瑞士芝士牛丸、菠菜。其中有兩款都可算是有特色，炸腐皮可以即食或浸落湯，但不要放太耐一放下去浸一浸即刻撈上來，如果不是就會變腍。瑞士芝士牛丸12粒($50)是用陳皮刴成牛肉球裏面再釀入一小塊瑞士芝士，又可稱”漿爆牛丸”，一咬入去一陣陣陳皮的清香再滲入芝士的濃香，雖然第一啖有些少羶味但再食下去又很好食，其中有個朋友因芝士過濃而皮膚敏感，但也讚好食，我更覺得是必食。另外其他都好新鮮，所以不錯。再叫了一客生牛肉剌身($19)，這是很薄薄

不過就係地點唔就腳.屋企人見到報紙介紹,佢o地又嫌小肥羊太貴(係香港食要成三百蚊一個人),有人就提議試呢到.最唔得就係地點. 係葵涌地鐵A出口,經過晒葵涌村,佢個招牌係大大個,但係寫住"骨烋大王",鬼知就係小肥牛咩.起初以為佢o地滔人光,改個咁o既名,吸引o下人啦. 辜勿論係咩原因,佢o地o既食物質素同價錢,係抵你山長水又遠咁o黎試!(5分為滿分)4.5分系列:雜菜牛尾骨湯底,沙爹湯底,手打芝士牛丸,鵝肝墨魚丸,手打四寶,手打蟹子蝦丸,花雕牛肉,白鱔片,脆骨"南",椒鹽雞軟骨小吃.4分系列:竹笙,鮮雞件,生蝦刺身小吃,水餃,手切牛肉.一般系列:豆腐清湯底,黑柏葉,牛肉刺身,芋絲,羊肉.有飲有食,每人都係百幾蚊,得!