小肥牛蒸氣石鍋火鍋專門店 (Closed)

次次都係一大班人唔知食咩好就去打邊爐，今次試下蒸氣火煱，係半放題式既半放題形式即係點呢，呢度就係海鮮拼盤同埋肥牛拼盤只有一round, 其他食物就係任食嘅，飲品都係任飲嘅，而呢一盤海鮮拼盤係即劏既，非常新鮮，抵讚；咁新鮮嘅海鮮梗係蒸啦而呢一盤肥牛我就覺得普普通通，但係就好鬼大碟，當然火鍋一定要有大量肥牛，所以我哋最後都加錢任食肥牛；其他食物都叫做正常，不是好出眾，選擇都多既，唔係伏已經好好；呢啲墨魚刺身係送嘅，但係太細碟了

葵涌小肥牛，久不久會過來蒸一蒸，烚一烚，尤其三兩個人，卡位舒適，只要單點散叫項目，是不限時段的。另外他們也有海鮮火鍋放題套餐，每位$248, 但只限2.5 小時，由於朋友們大多數喜歡舉杯暢飲，故此筆者每次都選單點項目，不限時段。店舖在葵興禾塘咀街，不是地舖，而是一樓，在光輝圍附近。喜歡這裡其中一個原因，有自成一閣的卡位，每每倆口子，或四位朋友過來，傾吓講吓，烚下烚吓，嘻嘻哈哈又一晚。由於他們是用蒸氣石鍋，所以可以首先選了海鮮蒸一蒸，之後才選烚一烚。早陣子蒸氣火鍋大行其道，但筆者始終覺得雖然有店員從旁協助，但香港哋，永遠都是人手短缺，店員每每行來行去，每樣海鮮，蒸來蒸去，計時器啫啫咁響，一來阻礙朋友們傾密計，二來店員快速地蒸蒸蒸，蒸完食完，趕趕急急又再蒸蒸蒸，三兩個戰步，急急吃飽完事，所以個人覺得，在這裡自助攪掂，嘆慢板，來得格外舒𣈱。由於葵興區也屬街坊地域，所以想吃海鮮的話，必須預訂一下，因為食店不會入太多海鮮作存貨。醬料每位$16。海鮮只要新鮮，其質素有番咁上下，完全沒有煮功可言。預訂的加拿大象拔蚌$980~這隻Size 自己到街市買也要$500-600左右吧！所以在這裡吃，也算是合

正！正！正！重要嘅嘢要講3次屋邨價，大酒店質素，7條友都係食咗$2560，蒸海鮮 + 打邊爐，龍蝦足秤，海鮮堅新鮮，嚟到時仲郁緊架，粥底勁鮮味，我哋之前未試過食光個粥底，後續打邊爐又可以任食，啲蔗汁真係有蔗架，並唔係一般有蔗味嘅水，而上菜嘅姐姐都好專業，一個人對4枱，但都唔使我哋等，今晚好滿足，如果哩間嘢喺旺角就發達啦，不過哩度都算方便，葵興地鉄站出行8分鐘，隔離又有停車場……而家都仲回味緊隻龍蝦 & 鮑魚…我覺得比六公館仲要正。如果鍾意蒸海鮮 + 後續打邊爐，我個人推介嚟喇度試吓。佢有個菊花杞子茶好正，食飽飽飲佢冇得輸。註：小弟並唔係佢嘅打手，只係一個比較鍾意食平民好嘢嘅香港人……

收到d 半折coupon 先黎到呢間餐廳試下呢間連銷火鍋。仲記得好耐之前開嘅時候都幾出名，可惜呢幾年太多新餐廳興起，好似唔太多人幫襯。有個咁嘅機會，就黎試下。叫咗蝦，菜，丸，肥牛平時食開果堆。份量偏小，都無話特別新鮮。湯底係咩都唔太記得，證明係無咩特別。埋單折完都每人200,左右。我心諗，無coupon 我一定唔會再黎。。。。。。

朋友女兒去英國留學，放假回港約飯聚，問少女想食咩，回覆想打邊爐！哈哈，啱啱好，天氣又變冷，訂枱上小肥牛火鍋去！$78好抵呀！手切肥牛都不錯叫左清酒蜆牛肉粒湯底鮮蠔夠大隻，好肥美

係香港食海鮮打邊爐一向都貴，今次全靠友人贈送左d現金卷coupon比我，令我可以用差不多半價既價錢去食，所以真係好抵安格斯肥牛，份量都算多，好食，但如果可以切厚d就好。桂花蚌新鮮好吃，食到停唔到口手打墨魚滑 勁大個 彈牙好吃出面有個海鮮區域比你揀海鮮價錢寫曬出黎，想食邊款就同侍應講低，非常方便。叫左蜆 貴妃蚌同象拔蚌仔，三款海鮮都非常新鮮，而且無沙。牛舌見隔離台叫左牛舌，我又試下第一次牛舌打邊爐，爽口牛味好重，可以一試，同燒既感覺完全不同。最後叫多個普通肥牛，滿足！

久違了這食店，重整內部後第一次光顧。多了卡座，但明顯冷氣不足，未開爐已出汗😓😓改了任食蒸鍋為主打，這不是我想火鍋的原意。是晚還是散叫火鍋料，上菜的先後是這樣的，莞茜皮蛋湯底、蟮片、羊肉片、枝竹、皇帝菜、雲吞..............................還有追了3次還要説明再不來就取消的BB象拔蚌刺身，暈了，不明白都有8吋長的小型象拔蚌切埋只有12塊薄片要搞成個鐘😶食物還算可以，但這個位置及價錢很不值得了。加埋$30/2支的大籃妹啤酒總數$549/2位，絶對有更好的選擇。不會再光顧了☹️

驚喜的午餐耶😍❣️😍原本見到火鍋店門口竟然有餐牌寫上午餐任選3餸湯飯 送菜送飲品 覺得可以一試 怎知一試就萬分驚喜了🤤🤓😮飯不但用瓦煲裝著 吃時感覺很像煲仔飯 再看看餐牌 才發現原來是用黑毛豬油所煲之煲仔飯底 而那3餸呢 則是由無味精之清湯生滾出來🎊🎉🎊飲品的選擇更有健保的竹庶茅根水、洛神花茶等重點係 買3個餐送1個餐且無加一😂😂😂即是整餐飯只須49元😵😵🤤😱😱以後番工又多了一個選擇了😁😁😁😁😁

中上之選你會問點解...小肥牛之麻..！沒錯我當初都係咁諗旦原來佢轉左形式是晚7人-$320位招呼滿意有轉人幫你蒸野食👍🏻有介紹有講解👍🏻飲品都多選擇。汽水。蔗水。紫貝天葵。鉗吉檸水...等等啤酒白威$10打邊爐湯底可選粥底或湯底是晚要左個雞蟹鍋...半隻雞一隻蟹。雞係原半隻上煮完幫你斬件再食👍🏻海鮮拼盤有龍蝦半隻蒸果時仲識郁😍😍😍細象拔蚌😍😍😍蜆..無沙好甜👍🏻👍🏻👍🏻蝦肉彈牙👍🏻👍🏻👍🏻元貝😋😋😋7個人送左個原條魚刺身唯獨軟雪糕22:00已無晒了眼見係少少硬身果隻下次一定要食

同朋友一齊想試下佢個$198一人餐，前菜想食拖羅啦話賣哂。。。個陣先八點左右。。然後想叫花夾湯底，都冇，個呀姐仲串我地話我地遲落單，o哂咀...好啦，好期待d海膽，唔新鮮嘅😑公平d講句,朋友話蠔同龍蝦刺身係新鮮嘅，都好好食嘅😂但我地6個人嘅量真係小到爆炸。。。菜係任叫嘅，食菜食飽☺☺☺完全冇滿足感，d牛小到一個點!得個8片左右。。6個人喎大佬😠落左魚皮同叫佢送響鈴啦，留意返係叫佢送佢先送，唔講佢唔會自動比你，服務好差😣等左成差唔多半個鐘hahahahaha，叫個呀姐跟下單，佢話“幫你落個個漏左單”，但我地全部都認得幫我地落單個個就係佢😂 一句講哂，唔會再去🤗

睇到某youtuber 介紹呢間"高質"火鍋，都忍唔住book 黎試下，人頭$1981)前菜有海膽/生蠔/吞拿魚腩/龍蝦刺身 (4揀1)2)豬/牛/海鮮 (3揀1)3)配菜揀5款4)菜或麵任食，雪糕機任裝5)送響鈴喇喇喇，就咁睇都覺得係少既，而實際上到枱呢，係更少我地3個人，揀左1份吞拿魚腩，薄到呢。2份海膽，麻麻地，有1，2舊係臭的揀左激情麻辣，睇個樣好勁，但其實一d 都唔辣，連唔太食得辣的朋友都話冇料到下圖已經係3人份量的肉類+海鮮併盤+配菜會唔會太少呀大佬，感覺好飲大家樂果d 1人火鍋咁的份量囉菜係任食。。。如果打邊爐中意食菜呢，我諗，都會開心o既因為真係唔太夠食，再點多左個正常份量的牛肉，皮蛋，同埋飲品。埋單3個人都要成千蚊，每人都要成3百幾蚊，講真真係唔使山長水遠入去食，因為冇車都幾難去🤢又貴又唔係特別好食，呢個價已經可以去大x袍，豪x 啦！

已經多次來吃這裡的蒸鷄，今次同樣沒有失望！雞件鮮甜嫩滑，配搭上鮮橙色新鮮的蟲草花，真係無得輸呀！！另外十分值得推介的是這裡的海鮮！今次我地點了海鮮蒸鍋拼盤$298，有蜆，4隻蝦，1隻蟹，2隻北寄貝，2隻扇貝，半條馬鮪魚，2隻，上枱果陣見到蝦同蟹都活生生咁郁，待應都十分主動協助將各種食物分別放上蒸盤，並調較合適的時間！各式海鮮味道鮮甜！另外我地分別點了鮮准山肉碎粥，梅菜娃娃菜，冬菇釀蝦膠，食材都十分新鮮，超讚！最後埋單後待應重比左一張下次用可以半價既優惠券！！驚喜！！

情人節好彩有book位如果唔係去到都有排等環境唔錯 嘢食唔錯 服務態度幾好不過呢就唔知係咪太忙啲嘢食要等好耐好彩啲職員服務態度都幾好 忙都即刻去跟繁忙時間啲職員服務態度都幾好況且幾抵食既

間舖新裝修完之後第一次去 之前舊果陣就唔講啦平時都冇乜好感 上次經過見到一班人著住制服樓下影相 雖然唔知為乜但係吸引到我注意所以決定再去試多次一入去就有人帶位環境唔錯 坐卡位依家調味要自己出去拎 以前就擺埋係面前員工同我講分兩種打邊爐同蒸嘢食 仲有個套餐 先頭考慮個套餐 但係唔知點解有啲伏感 所以決定散叫先 下次先叫套餐如果好味是次決定蒸嘢食 開頭唔知有咩特別個職員推薦我地食海鮮 見幾新鮮就叫左之後有人幫我蒸 拆 分服務態度真好（有啲特別要求都做到）黎之前都上過open rice 都諗過會唔會再中伏不過唔知係咪比較早黎7:00有牛食而且最驚喜既係百威先20蚊就有3支仲可以坐好耐 比起以前我真係唔會再黎 貴得黎野食冇特別 員工態度唔係太好總之依家值得一試 👍👍下次食其他

frd約食飯去僻僻小肥牛感想：刺身算係平又新鮮 第一次蒸嘢食 南瓜排骨粥做底 揀左竹串蝦 沙蜆 馬刀貝 蒜蓉粉絲元貝 聖子馬侑 芝士牛肉丸 仲有個咩咩四寶 有紫蕃薯 淮山條魚超好味 乜都唔洗點 就甘食已經好鮮甜好滑其他海鮮都okay 就係個沙蜆唔好味 多沙又細粒最後係啲粥 啲海鮮汁流曬落去啲粥到 啲粥變橙色好鮮味 但係要問拎鹽加入去先得 啲人服務態度唔錯 起碼有三個侍應經過都講:爐既大細擰入面 😂 同埋今次蒸嘢食有專人服務 分埋落碗到 還左一次骨碟 粥都幫我分好埋重點果句係藍妹$25/2支 抵在呢度但係見到打邊爐類好似好少不過今次食海鮮都夠總括 下次帶屋企人食 值得一試