小肥牛蒸氣石鍋火鍋專門店 (Closed)

好失望1)環境:好舊,又迫又少位2)服務:要等好耐,待應叫了好幾次先幫我跟進．好似客人黎食一定要等．我們一到已經叫了3碟牛肉．．．等到叫第二轉野食都未黎．咪追下啦．．．叫左經理他"唔"左一聲，又等，叫第三轉野食都黎都未到，你話你激唔激氣，之後叫個大D經理，他好入去睇下出黎話D牛肉要解雪，又等．．．．你話好食又唔係，普通同其他火鍋店差不多．3)晚上9:15已經無哂野食，邊有一間火鍋店無野叫．．魚腩(無），水餃(無），菜(只有3-4款)，總之一張火鍋食品紙已經唔多款又刪左大約6-7款，無野叫，你話有無可能呢？你地有無見過齋叫丸，麵，菜，魚頭，魚皮，茹．．．等於去雲吞麵店，駛唔駛去食打邊爐．．．？？？？總括黎講,又氣頂．d嘢麻麻地，以咁嘅價錢,就唔平．下次唔會再去．

琴晚因為天氣太凍又想約朋友食飯 (3人)....就去左呢度打邊爐 (住葵涌村)一去到就order 左皮蛋+ 沙嗲湯底 (皮蛋好多下)沙魚嘴: 呢個...$52 (大約10 舊...都幾爽)芝士牛丸: $52 好似有12 粒....似乎新鮮打出黎的...推介黃牛喉: 未試過可以試下...好似$32, 不過份量唔多炸腐皮 (似乎叫3 秒腐皮好d) :差不多必叫的其他牛同羊好似冇乜特別不過好就好在招呼唔錯...啤酒$20 3 枝都平最後碟豉油都冇乜點用過, 可能湯底d 味好濃可以再去既

平安夜好平安咁同家人打邊爐, 叫左 3 種牛, 本地手切極品, 澳洲雪花極品, $10特價美國牛, 唔... ok 喇. 又唔係好好牛味, 又唔算無味咁.....其他野, 總括, 都算新鮮, 服務反而好好喎. 反正係屋企樓下, 會再去既

今晚好想打邊爐，於是同兩位同事一起去，同事甲提意嚟呢到，其實我都覺得呢到食物不錯，所以讚成！成年冇嚟過，店舖裝修，尚算OK，整整潔潔，夠光猛，兩部大電視。三人ORDER咗鴛鴦湯底：湯底濃，但沙嗲越食越喊！碃魚刺身：好正！$38，好抵！一條唔記得咩魚刺身(贈券送)：新鮮，上碟時個魚頭仲「發吓發吓」！但肉質一般！炸腐皮卷：我嘅最愛，一浸落去即拎起，好味！四寶丸：手打丸，夠肉味，我仲食到一點點果皮味！西洋菜：同一般其他唔同，唔會夾雜左D爛菜！唐生菜：同一般其他唔同，唔會夾雜左D爛菜！粟米：夠甜！蟹籽墨魚滑：好足料，夠新鮮！三支大朝日BEER：$20三大支，抵到爆！埋單＄600，有點貴！

之前都以為有好多款式, 可能因為我係9點半後去到, 很多都已經沒有了湯底, 想要醉蟹鍋, 已經沒有了想要鵝肝丸, 也沒有了可以讚的,是牛肉的款式的確比較多, 嗜牛的人不妨一試另外, 環境都真的很迫, 坐得很不舒服...最最最不滿的, 是刺身, 他標名是活魚刺身來的我們ORDER了$198的活魚刺身併盤等了很久, 才上, 也的確見魚魚先生仍有動一動, 動一動的跡象,但, 我覺得他濫用了這個"卓"頭原本我們想要"立"魚刺身的, 但他說沒有, 只剩下一種, 名稱也只是很含糊的講講(不知是否香港音不準, 所以她讀了幾次, 我們幾個都聽不清楚)上枱的時候, 發現完全沒有味道, 口感很差,像是咬了沒有味道的檫子膠一樣...還有, 腥到不行的赤貝酸到會"必"眼水的醋青魚還有很不新鮮, 口感很差的螺肉...雖然, 不可以以壽司店內的刺身作比較,但是, 我覺得你標榜你有活魚刺身, 也是你的招牌菜之一,若水準如此, 倒不如誠誠實實的只做火鍋好了總括, 我應該不會再去了...

想試很久,但每次walk-in都要等, 終於有機會去。但好失望1)環境:好舊,又迫又少位2)食物:牛肉好似放咗好耐,有少少黑,炸腐皮ok,其他丸物...一般3)服務:要等好耐,待應叫了好幾次先幫我跟進。總括黎講,d嘢麻麻地,以咁嘅價錢,就唔低。下次唔會再去。

由開始就認識些家火煱店,開始時就用中底價錢買質素比較中間的貨色.由早段到中段我都覺得尚好, 人客很多.但上個星期去完以後,就再沒有吸引我再去的理由. 環境是底下格調,牛肉已經再沒有牛肉味, 義窩頭海鮮窩又不夠酒味,牛肉粒偷工減料,混合了少數好的牛肉及差的. 不知所為! 最好的一種安格絲牛頸脊98呅但只得薄薄的十四片,都無所謂啦, 但又牛肉味不足,去百佳買一大塊都係六七十元,味道比它還要好呢, 其它蝦圓又唔惦. 相信最好只有兩樣;一是炸腐皮, 二是啤酒妹. 又慨嘆,以後又少了一間我想去的火煱店啦.特別提醒各位小心魚生,因為鱆紅是人工飼養的, 所以不要生吃, 否則很易生蟲.還有抗生素.小心,小心!

星期日夜晚諗住去酒樓食任食火鍋．點知度度都冇位．最後就黎左呢度..環境呢度一定係唔好嫁喇.地方又細.不過依然都係好多人黎!我地叫左個豆腐清湯底．湯底真係幾清..d豆腐好好味.唔錯!蟹子墨魚滑: ok啦.都唔係好特別姐~同落食墨魚丸差唔多!不過就成$50幾蚊..鮮蝦雲吞: 好大舊..好足料.幾好食!肥牛: 叫左最平果款肥牛.不過我唔食牛既.聽佢地講好似話唔好食!我諗一分錢一分貨啦~蝦: 男朋友話呢d唔係白灼蝦果d蝦.係海蝦.所以冇咁好食!生蝦刺身叫左好耐先黎．一黎到見到d蝦頭竟然仲識郁..果然夠生呀!食落都唔錯既..另外仲有三寶丸..西洋菜..九菜餃..芝士腸..呢度正常野.唔會差得去邊!蘆薈汁($20一渣): 幾好飲.又有蘆薈粒係入面..不過呢個平時係超市都買到!最後佢會奉送果盤.有西瓜同橙．d西瓜切到簿到成張紙咁.不過佢有埋話梅粉俾你．可以整埋同d西瓜一齊食!埋單三個人：$490..

今日係Happy Friday，所以同同事去打邊爐，又係狂order嘢時候，揸fit同事叫左一條紅鱆魚刺身，都幾大條，都係268，身就做刺身。頭尾骨就椒鹽，刺身肉厚身，味道一般，其他火煱配料都好ok，推介蝦滑、炸腐竹，食物都好新鮮！雖然全場爆滿，但伙計都快手快腳，服務態度都幾好！

食物都叫ok,個炸腐皮都幾好味,牛肉都唔錯。可惜湯底無乜味,得味精味囉,超級口渴。其實都唔係食好多野,可能因為叫左碟安格斯牛片,成百蚊一碟,係比普通肥牛好d,但又唔覺值咁貴。佢d肥牛超細塊超薄,比出面好dd,但我覺得份量好唔夠。環境認真麻麻,所以更加覺得唔抵食。

第一次食小肥牛, 聽個名唔多中意, 不過之前聽過朋友commnent都唔差, 所以都試下.葵涌呢間店, 環境真係幾嚇人, 個鋪地磚的地下係~濕~嫁~~~ 好slippery, 感覺似走咗入街邊平價食店, 食食下有小強陪食果種. D櫈仲衰, 好污漕, 似足街邊大排檔成世唔洗仲要係爛爛地. 見咁格局, 唔敢叫魚生, 於是乖乖地食魚頭鍋(無咩特別), 手切特級肥牛(幾好), 十蚊特價手切肥牛(都唔差喎), 鴕魚肉(好心切細件D, 成件扒咁, 手掌咁長), 羊肉(都OK ge), 鵝肝墨魚丸(黑魚丸好味但鵝肝唔得又細粒, 不如食番普通墨魚丸), 貢丸(估唔到咁好味), 水餃(大大隻, 好味又爽口), 尤物菜(好新鮮).....以呢種質素, 會覺得係值一百樓下.

本來上到去覺得環境麻麻要左巨魚頭枝竹豆腐湯~唔錯丫食左個石蚌魚刺身~係幾新鮮既~但係\"un\"左d有d難咬開勁好食係個炸腐皮!~叫完再叫~索少少湯汁!正爆!但稍嫌油左dd蟹子墨魚滑，鵝肝墨魚丸，瑞士芝士牛丸，蝦滑全部都唔錯值得推介~有特式~材料新鮮加拿大生蠔大過我既掌心，味道都係一般啦，手切肥牛比雪花肥牛好食~另外澳洲雪花肥牛好貴但確實好味濃濃牛肉味夾住肥羔，食到牛肉既肉汁...特別滑埋單每人$166價錢尚算ok

食物比較特別,最鍾意食佢既生牛肉刺身,好味.另外仲有一種魚既刺身都幾好食(己忘了什麼名稱了).墨魚滑味道唔錯,但環境就麻麻,都算幾嘈.但佢哋會送贈光俾你下次再黎時再用的.以下係我既誠意推介:1/. 牛肉刺身2/. 精選手切牛肉3/. 蝦子墨魚滑4/. 炸腐皮5/. 蟹子墨魚滑

雞翅湯底- 有半隻雞o係入面, 幾多鯊魚唇, 仲有碟翅另上, 個湯好鮮甜(原價$138, 9點後入座只係$68, 如果分開叫雞件同鯊魚唇都唔只$68啦)牛肉刺身- $18, 好鮮甜, 我地每人叫左一碟(咁當然同日本料理o個d無得比啦, 但咁既價錢, 算幾抵食)本地精選手切牛肉- $68, 勁好味, 好重牛味(經常無貨, 我去過3次, 只得1次食到, 攪到要食$28 o個隻, 但味道差好遠, 真係奇怪, 又話係招牌貨, 但成日無貨)炸腐皮- $25, 超好味, 次次都要叫2碟先夠, 我最鍾意點一點湯就食, 貪佢仲有少少脆脆地, 正!黑柏葉- $20, 比出面既黑柏葉難食, 無味而且好硬!蟹子墨魚滑- $50, 幾好味, 真係食到入面有d墨魚粒o係度, 唔會係溝好多粉同肥肉o個d!石蠔- $30, 麻麻地, 太細隻!石蚌魚刺身- 送既, 係就係好新鮮, 因為係睇住佢捉, 上抬既時候仲識"動", 但係味道麻麻, 唔多甜!汽水$7支, 日本啤酒$20/3大支, 每人$140都算抵食, 但唔會有人主動加水, 而且一定要check單, 我地埋單既時候就發現佢無計我地9點後入座特價(除湯底特價之外,

兩個人共吃了接近四百元, 都未能食盡我心頭好.有以下意見:1. 唐蒿勁唔抵, 未見過咁細籃火鍋店0既菜2. 手切肥牛果然好味, 68元一碟, 都幾值3. 38元一碟鱔片, 有8片, 咁就唔多抵4. 炸腐皮太多油, 好漏, 冇四個人都無謂叫, 否則好似我地咁, 吃不完--浪費5. 我最不欣賞盤蒜泥, 辣椒, 所有人客都用果兩枝鐵匙, 隻手摸完又放番落個全盒度, 其實非常不衛生.6 食完超級口渴, 不過, 出街食飯, 預咗喇.