California Pizza Kitchen (Closed)

喺將軍澳住咗咁耐，大部份嘅餐廳都已經試過。California係其中一間食過好多次都會繼續食既餐廳。今日係平日嘅夜晚，所以餐廳會提供套餐選擇。今次我哋就叫左一個二人套餐。頭盤揀咗特色焗春卷，入面係地中海風味素菜及泰國風味雞肉。呢個特色春卷同中式嘅春卷有非常大嘅分別，春卷皮係較厚，焗至脆身。個人認為泰國風味雞肉嘅春卷比較好食，因為當中嘅醬同雞肉十分配撘。而素菜春卷就比較淡。另外我哋叫咗煙肉芝士忌廉意大利粉，煙肉食落非常香口，而意粉嘅汁亦算濃。但略嫌意粉比較清，只有煙肉及青豆作配菜。最後我哋叫咗夏威夷風味pizza，Pizza一黎到就聞到好香嘅菠蘿味，以新鮮菠蘿配煙肉，食落酸酸甜甜非常醒胃。

一黎到食個下午茶 都好低 五十幾蚊有野飲 叫汽水仲可以冇限添飲 侍應都好nice 地方都好大 我坐正係近窗個邊 好舒服 環境都好靚 樓低夠過 再有陽光射入黎感覺好爽我叫左個波菜雞飲濶條麵 佢既麵好彈牙 煙煙unun咁 好好食 波菜味都好出 食落口一d都唔膩 雞肉就真係太冇味 香烚咁 同埋有小小硬 份量佢都寫明係下午茶份量 所以一個女仔都岩岩好夠食 至在個環境唔差

對這裡的沙律甜品一向有好感加上環境不錯所以睇完戲就黎食個晚飯烤雞沙律 呢個很不錯，有蔬菜之餘還有脆脆，芝士，豆，蕃茄，口感加在一起很有趣，味道十分夾 沙律醬可要求另上，食之前要加上檸檬汁，更加開胃，喜歡牛油果的朋友更可加錢配上。瑪格利特pizza 本想叫個較清的pizza 所以選了這個只有蕃茄和數種芝士的pizza 很期待但食落失望了，餅底太脆太乾了，感覺有點烤過頭了，芝士蕃茄味道其實很好，不過乾得滯，食一塊已經想停下來了。最後，甜品! 呢個蘋果批，還是很好吃，大大球雪糕，配上熱辣辣的批，冷熱之間，要速戰速決呢，蘋果金寶味道很好，金寶甜脆的咬落很有口感，還有點肉桂味，為這個批點綴不少。呢個價錢還行吧，只是今晚的pizza失望了。

嘩澱粉質好硬餅硬春卷硬上咗年紀千祈唔好食pizza上嘅沙律好新鮮肉丸好鞋囗醬汁反而幾好但朋友個女話有啲似嘔味最離譜係坐左咁耐都冇人加水上完菜就完全唔理啲客但very kids friendly

一個人午餐吃什麼？由於家在將軍澳，樓下pop corn引入大量新開張的餐廳，除了我經常去的荳子外，還有環境不錯的California薄餅店。沿著餐廳長長的走廊行入去，內裡環境又大又光，有落地大玻璃影照著外面的樹木花園。 午餐套餐分開三種價錢，選擇頗多。我選了我最愛的Carbonara💛 青豆薏米蓉湯。湯身黏稠Creamy，並非水汪汪的狀態。青豆和薏米份量很多，每一啖都非常有咬口。青豆味道香濃突出，味道香口豐富👍🏻熱湯入口，一解冰凍的感覺😉 煙肉青豆卡邦尼意大利粉。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻非常喜愛卡邦尼的醬汁，味道調較得剛剛好。忌廉入口黏口香滑，不會水汪汪。忌廉味道濃香突出，但又不會太膩。煙肉煎香再炒，入口咸香味種有咬口，青豆點綴了整碟的味道，賣相綠綠十分吸引☺️午餐有餐湯、主菜、汽水無限添飲，價錢實惠，味道也很好😉一個人吃得飽又可以享受一個氣氛很好的午餐，的確不錯。

同朋友係popcorn行完街肚餓，就隨意入左呢間餐廳。裝修都唔錯，環境幾舒服，成個進餐過程很滿足。首先，講下個pizza，我地揀左呢個pizza味道微辣，朋友唔食得辣，食左少少就放棄左😂，而我覺得辣度還可以，但下次會揀個吾辣嘅😂另外，個肉丸比想像嘅好食，本來以為會好乾身，但係食落都幾juicy ，有埋芝士陪襯，加分！最後，個蝦卷味道冇賣相咁吸引，味道略淡，吾會再叫🙈總體黎講都吾錯。

連鎖餐廳食物水平不會差得去邊，今次想講的係Service。最近因事經常到Popcorn食飯，而喜愛澱粉質食物的我最常光顧的就係California Pizza Kitchen。今晚跟父母三人5點幾就等入座，等待的時間唔算長，15分鐘到就可以入座。一個三十餘歲的男侍應為我地帶位，當走近張枱的時候，好顯眼的侍應同我都見到枱面上殘留著上一個客人的飯粒。本來都唔算係咩，你抹返張枱乾淨就冇事啦！點知個侍應就咁用手指想掃走佢算，但又掃唔走。我心情就隨之沉左一下，即刻出聲問佢係咪會幫我抹下張枱，佢應一聲就走拎抹布。拎緊果陣有另一個較年長的侍應為我地送上餐牌，當然佢亦都望到果粒非常顯眼的飯粒。而佢作為一個有資歷的侍應，佢所做的亦係想順手趁我地唔覺得時候掃走粒飯！但亦都係掃唔走！我實在唔明白，將心比己，作為顧客去到大型連鎖餐廳見到枱面有飯粒，好自然就覺得張枱唔乾淨吧！？作為侍應，點解就唔可以禮貌地講聲﹕『唔好意思，我而家去拎布幫你抹返乾淨張枱，你先請坐。』不就處理好了嗎？如果係茶餐廳我都仲可以忍受呢種服務質素，但California Pizza Kitchen唔應該係咁囉！好失望！後黎侍應持有黎抹都只係

哩間餐廳例牌假日都要排長龍不過如果喜歡食下意粉同pizza哩間都算唔錯的選擇雖則我已經一早被哩道的意粉吸引了沙律哩間的沙律真係超大碟個沙律本身已經落左D醬汁連埋D菜一齊食都已經好夠味煙肉芝士忌廉汁意大意粉哩個意粉係我最愛醬汁沾滿了每條意粉食落超Creamy同Cheesy的味道一個字唔好同我爭我一定自已食得哂我相信哩碟意粉話係鎮店之寶都應該無人反對蘑菇湯賣相不好一pat野咁味道都係一般肉丸有香濃蕃茄醬肉丸啖啖肉好大粒好juicy青檸忌廉批有人一齊食的真係唔錯青檸味在口中慢慢散發而餅底則是比較鬆軟的餅底因為我們一起食所以份量還可以接受因為如果一個人食可能就會酸得制

有兩個鐘空檔，食個tea休息下先！之前都食過佢個tea，價錢合理，食物品質都幾好呢個BBQ salad因為個醬生色不少，而且好多唔同料，牛油果、蕃茄、粟米、脆脆、紅腰豆、蘋果條... 口感豐富，啲菜都好新鮮，值得推介！芝士同辣肉腸都好多好足料，不過係油佐少少，個皮有少少硬，但味道真係幾好。一定要加青檸，因為真係令成個汁個提好多，東南及風味出晒嚟！個菠菜麵味道唔出，麵條質感比較軟身，雞肉好多。總括嚟講食物都幾好，環境亦都唔錯，座位之間都幾大，所以好有私人空間，即使一個人食tea都係一個唔錯嘅選擇

親身體會員工以如何為你倒米！事源一行四人中午12:00左右行到門口，無人接待，好似未開門咁，搵左好耐個營業時間牌，係11:30開門喎，望入面又好似有人做緊野，佢地望出黎見到我地又唔理喎，心諗唔通未開門？結果咪行入去睇下問下囉諗住。其實呢個時候已經諗，入面啲人頭先望出黎我地係外面都唔理，就算有位啲服務睇黎都唔會好啦。一路行入去都無乜人理，但已見到有其他食客，唔多人，大把位，仲諗唔通自己搵位嘅？終於有員工開聲問幾位呀，答佢我地4位，跟住佢就講：＂以後係外面等安排吖，唔好自己走入黎！＂ 火都黎埋，我即話我地走啦，唔入，係你地出面一個人都冇，望到又唔理，我地走入黎搵位仲話我地唔跟安排？！乜態度呀家陣，去第二度食唔好？！跟住我地就一齊走返出去，個員工仲係度講話乜外面得一個人，人都無呀，當我地盲呀？！最後道歉都無句，我地轉去食金滿庭了。

星期日，去到下午3點先叫外賣，等了約45分鐘，外賣到。二人套餐$168墨西哥雞肉烤餅4件烤餅邊脆，內圍軟，內雞肉粒入味，烤餅本身冇味，配雞肉帶出烤餅香味，正田園雜菜沙律菜夠新鮮，份量足，甜合桃脆脆的，不俗意大利辣肉腸簿餅辣肉腸多，薄餅好咽靭，口感超好，肉腸本身野味，令到好開胃

周六來店，跟以往一樣點了以下有質素的食物BBQ雞肉牛油果沙律：味道很好，不可不叫橄欖油蝦肉意粉（可選雞肉或蝦肉加雞肉）：意粉炒得乾身香口，蝦肉份量夠，亳不吝嗇蓄茄蝦肉扁意粉：安全牌，好吃不推介食物：黑椒蝦肉薄餅單看食物名以為是烤得乾身的可口薄餅，有蝦肉和黑椒粒灑在上面。錯了！上面是塗滿了極度極度重口味的海鮮醬，深啡色濕淋淋，再放上切碎了的蝦肉粒，遜色於雞肋。其實也試過這間店其他PIZZA，都未遇到不可不吃的PIZZA，為什麼Pizza’s Kitchen的Pizza卻未能讓人留下深刻的好印象，相比之下意粉和沙律就做得更出色了

除了Pizza Express，California Pizza Kitchen 其實也是吃沙律和薄餅的好地方。PopCorn 的分店我是第一次來，沒想到這個商場又大又寬敞，商店又多，裝修布置亦美輪美奐，新鴻基地產管理的商場果然有水準。由於訂枱的額已滿，所以我們要在餐廳門外等候，大概等二十分鐘便有位。餐廳的接待處在商場內，但進入餐廳範圍便看到一列落地大玻璃，能看見戶外景色，如果在晴朗的日子，定會感到很舒服。摩洛哥風味雞肉沙律（全份$138）是我的必然選擇，尤其喜愛其配料，包括焗南瓜、牛油果、紅菜頭和杏仁，而秘製的香檳油醋汁味道相當清新，與沙律的配料也很夾，相信有不少人都喜歡這道沙律。另外我們還叫了四季薄餅（$128），但它並不像意大利的把薄餅畫分成四份，每份上面只放一種配料，而是把各種配料隨意放在薄餅上。四季薄餅的配料很豐富，有沙樂美腸、磨菇、雅枝竹、洋蔥和芝士，薄餅當然焗得香脆又可口！如果多些人來吃，就可以多試幾款了。

去pop corn基本上都係選擇CPK, 因為餐廳坐位多, 等位一般唔太耐, 而且員工服務態度良好, 唔駛好似對面問小籠包店咁未食已經把幾火. 今次點左焗春卷, 意式辣肉腸pizza, 再加一個三文魚配意粉; 焗春卷配番茄醬同芝麻醬, 芝麻醬非常之香, 值得推介; 意式辣肉腸pizza正常水準, 不過個人覺得如果有厚批選擇就更好; 三文魚比較乾身, 如果能保留多D汁就更好.

上次爸爸話想食pizza~返正返去拎野夜晚順便同佢地去"California Pizza Kitchen"食晚餐同爸爸一人點杯"Stella"叫個"Wild Mushroom Soup"比媽咪"Mediterranean Salad"Pizza.."Pepperoni Supremo"Pasta.."Jambalaya"整體食店環境好舒服~sofa座好寬敞服務都ok~專長既Pizza就真係一般但整體食物比旺角分店還要好呢^^