Camden Town

Open Now

Now Closed

今日原本上午都落大雨，下午好天番就出發去西貢海邊行下，睇下狗仔，唔好晒左個假期。上黎睇過食評做過功課，好多人都食炸魚薯條，就叫呢個。難得放假就俾自自已嘆番杯啦。唔係講笑，呢個蘑菇湯真係不得了，又大碗又好足料，啖啖新鮮菇菌味，飲落仲有粹粒粒口感，我覺得呢個反而係必嗌。主菜炸魚薯條，有我鐘意食既粗薯條，脆。主角炸魚都炸得好脆。魚係厚肉個隻，無雪味，夠晒味，加埋他他醬酸酸地好好食。原本想叫白酒忌廉汁藍青口，點知賣晒。。最後叫左牛肉飽。無乜驚喜。包有d似嘉頓，牛肉都叫juicy，水準ok 啦，不過下次都係食第二d。

Fish and chips係這裡的招牌菜，基本上每一檯都有order，全部都係即叫即整好新鮮，客人可以按自己需要選擇small(2塊魚塊+薯條) 或者large portion(3塊魚塊+薯條)。薯條係粗扁形狀，食落唔會覺得好油，唔錯。魚塊有少少讓人喜出望外，可能係因為係西貢的關係，海鮮會比較新鮮，所以魚塊咬落去好嫩滑，唔會好似大部分餐廳炸到過乾。而且外層的炸粉唔會好厚，所以放入口中都唔會覺得太油。不過炸物始終都係少食多滋味，越食油味的感覺會越嚟越重。

以前係加拿大住的時候都有食過fish n chips，雖然已經算整得好好食，但係可能我對炸的食物要求比較高，所以對呢道菜式都係好感度一般。返到香港之後其實都冇再食過，今次見到呢間餐廳賣點係fish n chips，就決定同朋友order試下。魚塊都算幾大塊，咬落去唔會有一堆油想要湧出來的感覺，算係水準唔錯，但係價錢略貴。另外我地點左燒魷魚🦑，雖然整得幾好食唔會韌，但係以呢個價錢來說份量有點少。可能因為餐廳主要做遊客生意，所以整體價錢比較貴。

店內到處都有很多明星的試食介紹，全部的介紹都有一個共通點，就是全部都介紹他們的炸魚樓及薯條。還看到其中一個寫着是被譽為全香港最好食的炸魚柳，當然我被這個介紹吸引了。就連我朋友本身不喜歡吃魚的都說要試一試。魚柳真的10分好吃🤤，我不是吃過很多炸魚柳，但是也能感受到廚師真的用心選材及製作，因為那個魚跟一般的魚柳很不同。一般吃炸物的時候都會10分討厭很厚粉，因為吃到的只會是滿口油，而不會有什麼感覺🤣🤣🤣。

講起西貢，通常都諗到去係放狗/溜小孩，但係可能最近天氣實在太熱啦🌞，今日去到竟然發覺無咩狗狗🐕因為上一次來呢間餐廳已經食過他們的招牌菜fish n chips，今次決定試下beef burger。漢堡裡面有牛肉同煮熟的洋蔥，如果想加芝士的話就需要加$5。既然食得漢堡，又點可以少咗芝士呢，所以我地決定加錢要埋芝士。牛肉口感好嫩滑好juicy，而且都幾厚幾大塊🐂。雖然幾好食，不過如果以$85一個漢堡來說，有其他更好嘅選擇。另外燒魷魚都唔錯，口感好爽好彈牙，唔會咬極都咬唔斷🤣

最近日日都天朗氣清，藍天白雲，非常適合郊遊🏝 但係住係香港呢個咁擠迫的城市，想要親親大自然真係唔係一件容易的事。趁放假決定去西貢行下，貪佢都算接近市區，唔需要好似南丫島咁搭船先去到，夠晒方便。上網搵到呢間食fish and chips好出名的餐廳。餐廳位於海邊一排海鮮酒家之間，雖然唔難搵，但係都好容易走漏眼👀 同男朋友點左fish n chips同beef burger。食炸物最怕炸粉太厚或者會有油膩的感覺。炸魚係即點即做，熱辣辣上枱而且唔會好油👍🏻 男朋友的漢堡都唔錯，牛肉夠juicy唔會整過龍。

週末，約左一班朋友去西貢chok墨魚。西貢咁多好野食，上船前當然要開餐！之前已經做過research，聽聞呢間炸魚薯條比英國的還好味！果然名不虛傳，真係好食過英國既炸魚薯條！係倫敦食過既覺得炸得太過火，有點太乾。而呢度既炸魚好新鮮，冇雪味而且好有魚味又滑溜，粗薯條都係好出色！我覺得以後每次去西貢都要食一次先對得住自己！呢個burger就好細個而且冇乜特別，可以唔試，只係驚唔夠飽先叫黎充飢。總結：極度推介炸魚薯條

Went to Sai Kung for a relaxed weekend and found this famous fish & chips place call the Camden Town. The fish & chips they offered was actually as good as the comments I read online. Large portion, crispy crust and juicy fillet sided with tasty fries. Definitely a nice place to have fish & chips with a seaview.

Fish and Chips, 即炸魚薯條。炸魚薯條源於英國, 屬於街邊常見的外賣小食, 與此同時亦帶起了「速食文化」。炸魚薯條 $80 / 燒魷魚 $110炸魚做法非常簡單, 把魚肉加上預先調配好的奶油麵糊, 經高溫油炸而成。入口鮮味濃郁、油而不膩, 肉質結實且非常嫩滑。燒魷魚, 食材十分新鮮, 以簡單方法燒制再配上秘製醬汁。肉質彈牙爽滑、鮮味、有咬口。白酒忌廉煮青口 $110海鮮鮮味豐湧而至, 口感清新、肉質細嫩, 鮮味同時亦有淡淡的白酒香味。必食推介！

假日到西貢下午茶，人潮異常興旺。正藉農曆新年，龍虎舞獅整裝待發，逐家逐戶地向商舖拜年祝賀。喜氣洋洋之中當然暗藏魔鬼細節，舞獅團隊敲鑼打鼓地為商舖帶來祝賀，利是這意頭自然是少不得的了，幸好大大封利是包著的金額無人知曉，尚可隨心而為。 Camden Town是一家專吃炸魚薯條的西式餐廳，下午茶時段舖頭仍其門如市，咱們在太陽幕蓬底下的露天茶座自行等位，幸而縱是人多，其流轉量卻甚是迅速。老闆貨如輪轉，應當賺個滿盤滿砵。 友人表示Camden Town原本只有小小的一個舖，後因生意愈做愈佳，把隔鄰的舖子也吃下來，變成一個相連的大店。位子多了同時擴充營業，除炸魚薯條外另加漢堡意粉等各式西餐美食。大概是食物質素的關係，人流更是有增無減。 Apple Cider以今期流行的方式呈顯，在一個碩大的圓酒杯上倒豎著一支Apple Cider的啤酒，杯中滿佈冰塊。只要稍稍地將Apple Cider的瓶樽抽起，蘋果酒便隨著空氣的流轉與地深吸力之原理下徐徐溢出。為普通不過的一支蘋果酒添上觀感的新趣味。然而餐廳無水供應，只售賣飲品，對於小的這水怪而言著實杯水車薪。故而小的揀了一罐500毫升大罐裝的蜜糖

特登黎試下馳名炸魚薯條，點知老闆今晚有野做要早收，咁外賣都好啦，老闆都肯即刻炸一份比我地。今晚西貢特別大風，我地揾左個細風小小既位坐低，趕係大風吹凍晒d野食前食晒佢地，如果係坐室內，我先唔捨得食得咁快。點左一份細炸魚薯條 ($80)，兩大塊魚，接近廿條粗薯條，條條都兩隻食指貼埋咁粗，我地兩個人share都食飽左7成。炸魚真係名不虚傳，係我食過第二好既fish’n chips，(第一係前年英國文化節入面，英國過黎既pop-up fish’n chips檔，都唔知叫咩名，所以西貢呢度算係全港最好之一喇。) 好食在於外皮又薄又少少鬆脆，有好濃郁既牛油味，魚肉味道好淡，但係充滿肉汁，熱辣辣既魚肉汁同牛油結合，係好窩心既味道。魚塊質地軟熟，好易吉爛，用手成塊拎住就食得乾淨利落好多。魚肉味道淡，他他醬係好好既補充，主要味道係好強勁既蒜蓉味，又有小小檸檬味中和一下，無咁漏，下次要加$10要多份。薯條就比較普通，無乜炸過，唔係太香口，似係長條形既焗薯，味道温和暖胃。咁高質素既炸魚薯條，下次一定要係餐廳入面慢慢歎，唔好食得咁急。

週末的西貢絶對是放狗和遛娃的不二之處。中午十二點多來到，碰上本地旅行團，人山人海加狗山狗海🤣值得庆幸的是吃海鮮的佔絶大多數，這對於我們這幾個來吃西餐的人來說實在是個好消息。徑直來到餐廳，天氣溫暖如春，所以餐廳的室外坐了不少食客。我們帶了小孩，所以还是选择室內的座位。菜單的選擇不多，炸魚薯條是必點。可惜沒了魷魚🦑，於是點了蒜蓉麵包，牛肉漢堡和香草意粉，再加一個蘑菇飯。上菜之前，我們發現餐廳還凖備了紅白游戲機給食客免費玩，令我們重拾儿時的回憶。大份的炸魚薯條有三大塊炸魚，皮脆肉嫩。薯條也是手工切的，不會太咸。蒜蓉包有浓郁蒜蓉香味，麵包皮也焗得相當松脆。香草大虾意粉的虾不算大，但新鮮弹牙，香草的味道令人食慾大增。牛肉漢堡的肉汁鮮美，味道一流。蘑菇飯比較多黑椒，小朋友覺得太辣，大人能夠接受。埋單512元，两大两小雖說不便宜，但確實物有所值。

初初回港，以為要搵到一間好食嘅炸魚🐟薯條🍟係 mission impossible，直到我遇到佢。沿住西貢海旁街一路行，你就會搵到。無華麗嘅裝修，堅持簡約風格；無浮誇嘅廣告，堅持即叫堅炸。蘑菇湯🥣：忌廉配上粒粒蘑菇蓉同黑胡椒，比例恰到好處，口感綿密又不失蘑菇🍄嘅𡁻口。白汁忌廉煮青口：今日青口煮得有少許過火，口感太韌，加上唔夠新鮮，有腥味。😥不過汁煮得非常香濃，最後比我點左薯條食🤤炸魚🐟薯條🍟。細：細嘅會有2件炸魚。炸魚全部即點即炸，等候時間相對上比較長，但為左好西，等下又何妨？炸漿好簿，食落非常酥脆，加上魚油慢慢流出，魚嘅鮮甜味充滿整個口腔，魚肉爽滑，口感一流。薯條選用粗扁身嘅，咬落口感十足。兩者入口完全無油膩感，配上清爽微酸嘅 Tartar sauce，簡直係 perfect match！💘燒魷魚🦑：我每次黎嘅必食！魷魚🦑燒得好有光澤，加上濃郁嘅海水鮮味，肉質嫩滑，重有一口咬落去爆出黎嘅鮮甜嘅肉汁，稱佢為我至愛真係當之無愧！💖總結：假日一向比較多人去，建議早少少去當食個晏，因為佢地食材每日新鮮運到，賣哂就無。記住，為左食好西，一定要耐心等候，因為所有野都係即叫即整，等候時間相對上會較

Fish & Chips 好多地方都有做。平到茶餐廳二十幾蚊一個茶餐，貴到酒店百幾二百蚊一份都有。但又有幾多間好食又值得食呢？西貢真係為食貓既揾食地方，千真萬確。呢間係其中一間。環境：乾淨企理。行入D, 居然提供紅白機任玩，真係估佢唔到。服務：店內由老闆和老闆娘打理。2個都好健談。食物：睇餐牌見 Fish & Chips 要過百蚊，雖然係咁，唔緊要，好食就無所謂。一食發覺……嘩！無得輸！粉漿厚薄適中，非常脆，絕不油膩，魚肉雖然只係 Sole, 但非常厚身，調味剛剛好。配埋他他醬，真係無得輸。專程入西貢食都值得。諗起都想食！

秋意濃西貢遊 拖拖手海傍逛下午茶時間 店鋪outdoor差不多滿坐感覺餐廳干淨 似是家庭式餐廳很寫意的一個下午 輕輕鬆鬆鄧子峰白酒 2杯白酒很容易入口 味道淡淡的 炸魚薯條有分二個大細 細有2件炸魚 大就3件炸魚 魚肉厚有肉汁 很滑 炸粉不會太多配上他他醬 推介 對比曾在國外食既炸魚薯條 更有青出於藍既感覺 好味道！如愛醬之人 另加一個他他醬 需加$10薯條厚切 正正常常牛肉漢堡 另加芝士看似很普通 味道真不錯牛肉味濃有肉汁 炒洋蔥放底芝士很香 一口咬下 層次豐富