迦南美食

Open Now

Now Closed

本人閑時幫襯小店，皆因食物種類很多，而且食材新鮮，烹調手法很高，如蠔仔肉碎泡飯、肉骨茶和各種東南亞口味的海鮮麵都是其出色的菜色。可是，美中不足的地方，就是在於環境的舒適度。餐廳面積較小，但是廚房內的員工嘈雜聲很吵，間中可聽到突然澎湃的歡笑聲。另外，下單方面。有員工為加快效率，縱使客人身處餐廳最遠處一角，他/她仍然會選擇站在收銀處大聲詢問你要點甚麼菜下什麼單，或大聲問你是否照舊要XXX飯，令乘客有感尷尬。望餐廳改善環境舒適度

係openrice 見到每個食評都大讚料足。放假有時間，專登由青衣城搭小巴入去拜訪拜訪。估唔到真係出乎意料之外 佢真係十分足料 有蜆有蝦 而且蜆呢真係真係十分足料。 個湯我係叫咗喇沙湯底佢都幾似之前係新加坡食過既喇沙。

好多年前黎過深井一次，當時係黎食最出名嘅x記燒鵝。今日再入黎，發現多左個燒鵝形嘅「welcome to sham tseng」雕像，好好笑😂黎左呢間細細地，家庭式嘅迦南美食食晚飯。叫左兩個炸魚餐同一個湯縲絲粉。一條係炸荀殼，一條係炸盲曹，兩個都配左魚湯泡飯。兩條都炸得超脆，但我比較中意盲曹，因為少啲碎骨，冇咁易哽死😂 魚湯泡飯都做得好，冇味精味，反而好清甜，飯嘅份量都夠。相反，個蕃茄湯縲絲粉真係完美唔得。個湯稀到爆，仲要得咸味，一啲蕃茄味都冇，好難食！

今日星期二，好多間餐廳無開，今日就去左食迦南，叫左漁湯海鮮米線同清酒海鮮烏冬，漁湯米線跟野飲，我叫左熱柚子茶。魚湯海鮮米線，有青口，蜆同蝦，個湯好線，好好飲，啲蜆好好味。仲有幾條菜。至於青酒海鮮烏冬，有清酒味，有蜆同蝦，啲蜆好新鮮，所以個湯好好飲。價錢略為貴左少少，都成六十幾蚊一個lunch，唔算平，服務態度尚可，今日好多間餐廳冇開所以比較多人，我見到有個茄子炒豬頸肉好似幾好食，下次會去試吓。可以再去。

入到深井探朋友，突然諗起好耐冇幫襯嘅迦南魚湯米線，但係覺得個魚湯底冇以前咁濃郁，有少少失望。但係好彩啲蜆好新鮮，補返數。下次都會再去幫襯既！忘記咗走芫荽添可能下次試番茄湯底會好啲

今晚二人在店內叫了一個炸魚配魚湯泡飯和一個金不換茄子炒豬頸肉配白飯，上菜時我見白飯內有一粒芝麻大少的黑色東西，簡單夾開它便繼續吃， 2分鐘後再見到有另外一粒黑色的東西，仔細看下發現是穀牛，於是要求女侍應將白飯更換為湯淨烏冬或湯淨麵，後來一位男侍應拒絕我的要求，說茄子炒豬頸肉是配白飯的，只可以換成米線但不會有湯！從頭到尾沒有半句道歉，只說可以取消我的order，究竟店方是否明白是自己的產品有問題，出錯在先？我本著不想浪費餸菜之心，只要求將飯換成湯烏冬/麵，但竟然被拒絕，這樣不懂轉彎的辦事手法，真不可思議！最後我唯有取消order，亦沒有將餘下的餸菜吃掉...

自從住深井既朋友帶我食過呢間迦南, 每次去佢屋企, 我地都會落去幫襯! 因為自己鐘意食海鮮! 其實位置都幾偏僻, 如果唔係住附近應該都發現唔到! 今日我地叫左喇沙海鮮烏冬, 蠔仔肉碎泡飯，叫了兩款魚分別是清煮魚及酥脆原條炸魚配米線! 海鮮烏冬好足料, 有大蝦/蜆/沙白等等, 湯底好甜好味! 朋友話有時會有青口! 朋友叫的蠔仔肉碎泡飯, 好多蠔仔, 一D都唔腥, 可以問佢拎胡椒粉, 份量都好夠! 我覺得最好食, 就是酥脆原條炸魚, 炸到脆卜卜, 連魚鰭都好香脆, 好新鮮, 跟埋豉油或辣椒豉油, 每次都有唔同魚揀, 睇返當時情況, 我個人推介筍殼或盲鰽, 因為對於我唔叻食魚既人來講, 無咁多骨就啱，而且魚肉好滑! YUMMY! 希望佢一直保持水準, 下次黎再試其他美食!

好少黎呢頭，諗住搵間平平地既餐廳食下，見到呢間食評唔錯價錢又ok 就試下。星期六晚上到，岩岩有位唔洗等，試左個海鮮喇沙麵，真心不錯，估唔到咁多海鮮，個湯底夠晒野味。再叫左個炸魚餐，可以選擇咩魚，我唔係好識試左盲曹魚配米線，個魚湯幾清，鍾意清既可以試下，條魚真心好食。整體好滿意

上星期六同GF去完黃金海岸再去深井食野!但由於GF晤中意食鵝，所以我地無去食燒鵝，咁我上網搵到嚟間食店，因為有la沙麵食，我女朋友最中意食，又有出名嘅炸魚，所以便去試試，由於未開門，我地喺附近坐底上openrice睇下d食評先，睇完食評大至上都晤錯，所以一夠鐘開門我地便入去，我地叫左一個炸魚魚湯泡飯套餐 ，另外叫左個海鮮la沙麵，一個清酒煮沙白(佢係有得選擇煮蜆，沙白或花甲的)，一杯青檸梳打利賓立。首先好快嚟左杯野飲先，從未試過青檸梳打溝利賓立飲，飲落味道又幾特別，酸酸地好提神開胃。之後送上嘅係清酒沙白，沙白份量較少，味道ok但偏啖！然後嚟埋個魚湯泡飯，但條魚仍炸緊未上，個泡飯嘅份量都算大碗，魚湯味夠濃，好有魚味。條魚未到，碗海鮮la沙麵都嚟埋，真係好驚喜，因為估晤到d海鮮晤算少又晤算拿西，晤似平時果d食店是旦整幾舊雪藏蝦仁，假蟹柳(即魚旦)就算，佢嚟碗真係有青口有蜆又有蝦，比想像好好多，食落味道辣辣地又好濃，d湯好好飲！海鮮好鮮甜，晤似雪藏野！如果係就真係比佢握到了。最後嚟埋個炸魚，又再一次令我驚喜，因為成條魚都幾大條，而且炸到好靚，成條魚好似企喺個碟咁上菜，賣相已相當美觀！個女侍應

深井雖然地方細細，但都有唔少好野食架。呢度就係其中之一，因為佢嘅魚湯飯好吸睛，所以我地就齊齊叫左黎食，每人一條。聽講呢度嘅鮮魚日日都唔同，今日有荀殻同石蚌，可以揀清蒸或者油炸。而湯飯就可揀魚湯或蕃茄（個人推薦：炸魚配蕃茄湯好味啲，清蒸就一定要攞佢個辣椒䜴油）。因為係即炸關係，等待係需要的。大約十分鐘就會陸續上枱，條魚炸得啱啱好，乾身得黎無咩多餘油分，啲魚肉仲好嫩。不過湯飯嘅飯量就多了，起碼有兩碗，有兩個飯腳挑戰唔成功😂。埋單每人88蚊，午餐黎講貴就貴左啲，但為左條魚係可以一試的。

清酒煮蜆 好食到暈! 魚湯米線中上 應該要米粉好d  米線太淋, service wise ok wor, not as bad as I read in OP, a little bit hard to locate though, a little tip is simple on the back of "moon kee" desertHighly recommend!Definitely will go again for it 

提到深井，大家或者會聯想起燒鵝，第二個應該係打邊爐，第三個那就一定是魚湯麵!當日有售的魚，愛魚的人，可要留意一下家父點了個海南雞飯，除左雞翼，雞肉都起了骨，吃起來也好方便，還有個魚湯時菜（這個魚湯就淡了點）lahris就鍾情這個喇沙海觧烏冬，海鮮夠晒足料，蝦仔雖然細細隻，但夠晒甜，蜆仔都好鮮，喇沙其實可以再濃一點，其實lahris都幾重口味，哈哈至於上面+10蚊果隻觸，都有少少肉既! 試一次就夠P.S. 這裡服務的確一般，店員就好似漫不經心，不太在意生意好唔好咁

迦南美食是一間小店，坐位非常有限，主打鮮魚湯飯，有荀殼、石蚌和盲鰽等:鮮魚湯加番茄湯底，感覺很健康:蠔仔肉碎湯飯，啲蠔仔都算幾飽滿:啲魚炸得好靚:蒸魚方面吃了石蚌和盲鰽，個人口味喜歡盲鰽多一點，較有魚肉香味。湯底好，清酒煮蜆都寧舍好味:可能炸魚太出色，顯得炸雞翼很普通:鮮魚湯底味鮮湯濃，我確信他們標榜不落味精，對於擁有漁民子弟基因的我們，這是一餐實而不華，非常滿足的一餐。

說起深井，一定一定只會想到頭吃燒鵝。其實大小姐覺得這裡的燒鵝沒有什麼大不了，現在到處都能吃到不錯的了。相反，這一篇是想要介紹比較獨特的，在其他地方很難找到的，它就是迦南美食。在外面看，有點像吃日本拉麵的地方，還以為裡面可點像居酒屋的小食，鹽燒魚之類的。怎料我猜錯了。其實是一家帶東亞風味的食店。上至小炒下至湯麵，日式中式馬來亞，樣樣都有。小炒我倒未試過，最欣賞亦最想推介的是它的海鮮。牆上有一個小黑板，寫着當天有什麼新鮮魚，客人可以點魚餐，選一種自己愛吃的，浸熟炸熟都可，配飯或麵，才幾十塊。而且可選的都是當天新鮮之選，不用到街市便有新鮮靚魚吃，多好。而大小姐最愛的，是海鮮麵。因為外麵吃，大部份都是用冰鮮，混合了蝦肉蜆肉墨魚圈，名叫海鮮但只有雪味，一點也不鮮呀！ 但這邊的海鮮，我叫它做"真正"的海鮮，因為真是活生生剛被煮熟的呀。通常會有兩隻蝦，兩款蜆，小青口，小聖子。每次組合都很隨意，不鮮不賣，大小姐真的非常喜歡這個賣點呀！而且湯底選擇有很多，試過的有牛油清酒，福建參末及冬陰功。每一個都很好吃！超推介呀。下次有機會到深井，一定一定要試！

街坊街里食咗無數次. 由一開頭好抵好正, 到疑似轉手之後每下愈況, 又貴又保持唔到水準服務麻麻欠效率等勁耐先有得食. 但由於區內選擇不多, 同時其他食肆都齊齊價升質跌, 有時都要死死氣嚟呢到開餐. 嚟一次後悔一次, 上次有幸目睹有外賣客專程落大雨都落嚟發曬火外賣漏單, 電話唔聽, 仲串串貢的態度. 勢估唔到, 呢次會係最後一次.二人叫咗平時飛佛"喇沙海鮮". 以前試過食參末海鮮中過伏, 從此就改叫喇沙.飲啖湯, 嘩, 賴野! 苦到難頂, 唔知係咪過鹽, 食唔到落去.急急向店方反映, 換來一碗魚湯嚟溝淡喇沙. 我落咗唔少魚湯, 但點溝都係苦. 細心一聞, 湯匙有朕漂白水味, 唔知係咪咁影響味道? 我再比次機會, 唔用隻湯匙. 再夾多注粉絲, 不得了, 濃烈的漂白水味. 我唔敢再食落去, 口都苦埋咩食慾都無曬.(左上果碗係我點食都係苦嘅喇沙, 投降. 左下係店方作為"補償"嘅魚湯)再次向店方反映, 只係話幫我轉過其他野, 完全唔覺得自己有錯. 講真我已經唔想食佢任何野. 我話唔要. 埋單果時當然係要我比足數啦. 為免店方以為我專登投訴食物來食霸王餐, 我照比. 已black list呢間野