迦南美食

Open Now

Now Closed

遲了出發去深井午飯，小朋友不喜歡中式食肆，唯有找其他的，睇完openrice食評後，首次嘗試。15:00才到達，心想︰定必說『夠鐘落場』竟然回答︰仍可以，但廚房15:30收工嘻嘻，立刻埋位落order。（小朋友太餓了，還不快快嗎！）由於心急怕阻廚師收工，亦因沒有特別心水，就隨意在set lunch上點了。四個餐上檯，只感到「好普通，平平無奇」…椰香咖哩飯（選了豬） ︰    好香，掂！白汁芝士雞肉飯（小朋友到哪都是「白汁xxx」，唉！）︰    亞仔話「竟然好味喎！」，的確不是一般餐廳的白汁，真的有芝士味！福建xx海鮮麵︰    有點辣，麵壓得有少許實了，但麵質好ok；是海蝦不是養蝦，讚！蜆︰超正，又多又好肉，意外驚喜，讚讚讚！洋蔥肉片飯（本想叫泰式濕炒河，可惜河粉售罄）︰    醬汁是酸酸甜甜，不是「行貨出品」，so far so good！咖啡好ok，因一般港式茶餐廳的咖啡，我受不了的，這個竟然ok！侍應沒甚麼表情，但不是態度有問題，後來廚師落場也出來用膳，很友善健談，good！原來海鮮、泰菜等是他們的拿手，一定會再來。後來見鄰檯的炸筍殼超超超正，好想即刻order！！！總括︰茶餐

唔怕老實講本身係深井居民 加上自己曾經係到part time,可能唔多唔少有點偏心哈哈因為好耐無去了所以想去食返久違的味道由於識人的關係我唔洗排隊就入到去 既開心當然都唔好意思La入到去有幾樣野我係一定會叫同想食好耐鮮魚套餐+魚湯米線干炒豬頸肉河泰式炒雜菜鮮魚可以選擇浸或炸而我地選左浸 老闊娘對我好好俾左條大盲鰽成條魚岩岩離骨好好食 加埋清清地的魚湯$78蚊即使加左價都仲係好抵豬頸肉河係我必食之選超好味超重豆板醬味加埋關係的幫手 有好多豬頸肉 又易咬口又好味真係好好食泰式雜菜都以豆板醬炒為主唔會太咸味道剛剛好 而且有菜心苗 生菜 等等幾樣咁岩岩岩有個人客見到我地碟野係咩佢又即刻叫左碟炒雜菜我地一位女性朋友食 完全食唔哂但真係好好食 友人都讚好不論偏心又好，以普通人客入去都好雖然環境係細左點 始終主要街坊生意都真係老闆同老闆娘都好好人野食好多本身都老闆佢地兩個諗完創作出黎所以可能有一些特別的做法令成個餸都好好食到最後哈哈哈 老闆娘唔收我錢請我食的真係希望大家好好支持小店吧

搬左出深井差不多2年了，今曰重遊舊农地，去返我們以前常常去的住家飯堂，7:30去到一如以往已經有大約10人在等位，於是我便上前攞位，第一感動位出現，招待我的侍應姐姐立刻向全部在等位的客人說，可否下一張枱就给我們先，(因我是一名孕婦及同行有一位4歲小孩)，我非常之吾好意思及十分感動，不過3分鐘我們一家三囗就安排入座了！ 第二個感動位又再次出現，我們一坐底，親切的老闆娘就過來，他問我的仔仔是否要一杯暖的利賓納，我很以外，没想過差不多2年冇來，老闆娘仍記得我們！ 是日晚餐，當然是點了我既至愛，清酒海鮮烏冬，水準不變，海鮮新鮮，湯底濃郁，我食到乾乾淨淨，所有湯都飲埋，老公就點了他的至愛炸魚套餐，一條炸荀殼魚+魚湯泡飯，仍然是滋味無窮，而我就幫仔仔點了海南雞飯，無骨的雞+白色的雞油飯，看似白飯般的油飯，可能是保持天然没有落黄薑粉去增添颜色，但食落就食到很鮮的雞香味,雞很滑，飯很軟，值得一提的，就是這飯店仍然是堅持没有加任何味精，因我老公對味精敏感的，一食到有味精的食物皮膚就會痕,所以真的很值得一讚.差不多吃完時，老闆娘送上一碟炸湯丸給我們

進駐深井已兩年, 最近才無意得知此店的存在. 在OP看見口碑不錯, 趁周日兩口子過來試一下.二人點了這裡signature 的清酒海鮮烏冬, 及豬頸肉魚湯泡飯.清酒海鮮烏冬的湯底是對味的, 硯肉夾雜了平價蜆及日本蜆, 當中日本蜆很creamy 食味不俗, 蝦略為不夠新鮮, 整體是合格的, 但一上桌是感覺有點不對辦, 覺得這碗東西賣相很淍零.... 到最後才知原因....豬頸肉魚湯泡飯: 豬頸肉本身就不該拿去炸, 炸過後肉質只會越來越乾, 魚湯亦非常一般, 比起路德圍的鱻差之千里.服務: 結賬時, 看到牆上面寫著清酒海鮮烏冬是跟飲品的, 立刻問收銀, 他一臉茫然的說: 是細SIZE 才跟餐, 但他沒有花一秒看下手上的單子, 我們就是叫細SIZE的...然後他們幾個員工就這樣站在這裡不出聲, 最後那位疑似老闆娘才說"俾番杯野飲你地", 也沒有人道歉. 我們不是很志在那杯飲品, 但覺得既然是跟餐的, 也沒有不要的道理, 就多坐一會吧.此時鄰枱的情侶的清酒海鮮烏冬到了, 我們一看, 為什麼我們的就沒有青口呢? 召來侍應問一下是不是每客清酒海鮮烏冬都應該有青口, 她說是. 然後我告訴她我們的沒有

星期日去左青龍頭探男朋友啊，到左晚飯時間問佢有咩野好食，佢諗都唔諗就帶左我去深井既迦南美食到食，佢話呢一頭最好食就係呢間啦！我完全唔熟呢頭既，梗係信佢啦！果然去到就已經見到排哂長龍啦，小小一間店仔就已經要等差唔多二十張枱，不過好彩當中有Ｄ係外賣黎既原來，咁我地等左半個鍾多小小就有得入去食啦。係我男朋友既極力推薦之下，我叫左一個青酒海鮮烏冬，唔好講笑，我真係覺得堅係好味的！第一，佢個湯好香，有好濃既牛油味之餘仲有淡淡既青酒香，一Ｄ都會有酒既苦澀味，仲好香甜！第二就係個Ｄ海鮮啦，我本身唔係海鮮既愛好者，但係呢酊既海鮮真係極度的鮮甜，完全冇果Ｄ冰鮮味！Ｄ蝦好彈牙啦！另外最鍾意就係Ｄ蜆啦！好CREAMY呀真係，食到我完全停唔到口！男朋友叫左個牛肉湯烏冬，我冇試食呀，但係都聞到好香呀Ｄ味！不過我下次唔會試住，我應該點都會叫返呢個青酒海鮮烏冬好好回味下！因為我真係愛上了！！！！！！！

係深井住咗都有 10 年，但都無去食過呢間餐廳，今日見有時間，就去試試。叫咗客”海南雞飯”。係香港食海南雞飯來說，算不錯。啲雞油飯幾好食，啲雞除咗雞翼之外，全部去晒骨，一讚！啲醬都好好食。跟飯仲有一碟魚湯菜飯！好好食，啲菜就平時菜心咁，但個魚湯一流，好甜，好新鮮！正

呢日 lunch 由同事揸車, 一行 4 人殺入迦南, 吼吼!!一坐低就梗係睇下是日推介先啦~最後...我都係比條魚吸住左, 哈!!我 - 炸黃花 配 魚湯粉絲同事仔 - 大海鮮啦沙 x2個同事仔 - 炸xx(個名好古怪, 所以唔記得左) 配 魚湯米線呢之已經唔係第 1 次食迦南啦 =)真係幾好味, 碗粉真係好大, 湯又多....but 次次我都飲清食清, YummY~~ ^o^魚魚夠新鮮, 炸得超脆的說...脆到....成條魚可以當薯片食 XD

聽d朋友講好好味, 所以就突登同家人來食....我叫左個清酒海鮮烏冬, 真係超好味囉...我仲飲晒成個湯底...另外我爸爸就叫左個大既海鮮泡飯, d海鮮同我既烏冬其實係一樣, 只係多個隻好"un" 既蟹, 不太值得叫大的仲有冬陰公米線, 不過就好一般喇...都係叫海鮮野正好多....整體真係好好味...... 依家諗起都想食.....

午市叫了例牌喇沙海鮮油麵，平日都會叫!最愛吃這裡的海鮮，我是拉麵迷，更是海鮮迷。這裡的海鮮比一般出面街的冰鮮海鮮，差十萬九千里。愛吃海鮮都知，冰鮮是完全沒有味的。這裡的迦沙湯底剛好合我口味，有一向的鮮味，又不太SPICY，鮮味可能是來知這店的魚湯湯底，配以迦沙和海鮮鮮味。實在剛剛好。<食海鮮風險>我已打了甲乙型肝炎預防針.......不是講這些XXXX食了這喇沙海鮮油麵數以十次，每次也有點兒風險這裡的蜆很新鮮，但比較CREAMY, 因為剛好熟吧! 有陣時有沙，撞手神。有時試過鮮蝦好靚，但有時鮮蝦好燜，可能是死蝦，又是撞手神。但整體而言，有新鮮海鮮，收42蚊，算是很好了。支持

星期日第2次試食，之前試咖哩飯系統，可以要求辣d，真係做到，正。今次選清酒海鮮烏冬 - 湯底有清酒同牛油味，蜆很鮮味，正。 魚湯飯，魚算大條又新鮮2樣都食到好滿足。很想再試！價值貴小小，但份量唔細，所以都係超值的。

深井不多連鎖餐廳，而迦南美食絕對一致獨秀，非常美味。百吃不厭！我和朋友幾乎每個周末，都會去吃午餐。尤其是清酒海鮮系列，包括花甲等，都非常惹味。小食都很有心思，豬頸肉以及雞翼，絕對是很有水準。最難得，食物水準一直保持的很好。不過，部分waitor態度一般，似乎不多投入工作。但老闆好好人。

四月搬了出荃灣的我們,終於今天放假便有時間番回深井吃飯,首選一定是我們從前的飯堂迦南美食啦,因我們兩公婆是無飯夫婦,所以以前一星期至少幫襯四天,鍾意距無味精和夠新鮮,食完一定吾會囗渴,而我太太就最愛那個鮮魚套餐,$55任選一條是日鮮魚及一碗魚湯泡飯,真是鮮味十足,魚湯浸魚浸得剛剛熟,時問控制得很好,很滑,那碗魚湯真的很濃,飲得出是真材實料,那晚還點了清酒海鮮烏冬$44,碗內有很多料,有幾隻蝦,花甲,蜆,青口,聖子,芋絲.....,真係超值,很新鮮而且蜆沒有沙,加埋份小食$18蝦春卷,兩個人真的食得很滿足,唯獨是店子不是太大,有時要等位一陣,不過食到超水凖的食物,等一陣都值得的,還有那些㗎喱系列都值得一試,因為是即叫即煮很香,再加入肉類,也是我的至愛之一.

上年搬黎深井時開始食過,覺得好正,冇味精,魚湯又鮮味....跟住就做左長期食客,過年前有朋友探我,就同朋友落去食啦~叫左個鮮魚套餐,同一個茄子豬扒飯.唔知食咪因為人太多,員工太少,我差唔多等左半個鐘至有野食,同埋有d人都唔同左樣,冇咁好禮貌,(以前d人笑容好D),嘩~D魚用魚湯煮熟,好香,好靚呀!!不過一開始食,裡面重好生呀~血林林,一換就換多15分鐘...(我睇唔切電視大結局),茄子豬扒就ok.豬扒就一讚,真係好好食呀!,不過d野始終太油.點解我話換左老闆呢~?因為朋友食完個身吻感,佢話有少少對味精吻感,不過真係好似唔同晒.面目全非...

今日老婆提起深井有間野食魚湯泡飯, 佢大哥話好食, 咁我地今晚就一於去試下啦! 果度地方唔算大, 只可以坐30人左右. 我地未夠7點去到, 可以坐得好鬆動, 4人位我地兩個打橫平排坐. 不過晏D就開始多人, 我地後來自己都搬番埋一邊坐, 讓出個位俾其他人. 講番野食, 我地一人叫一個魚湯泡飯餐, 即一個泡飯(可以係魚湯泡飯或蕃茄湯泡飯) + 一條魚, 條魚就任揀當日供應其中一款(都好多款揀), 可以揀魚湯浸熟或炸. 老婆揀左蕃茄湯泡飯+浸石蚌, 我揀魚湯泡飯+浸荀殼. 個蕃茄湯泡飯都唔錯, 不過老婆試過我個魚湯泡飯, 佢話下次都要魚湯泡飯. 兩條魚都唔錯, 石蚌肉身比較實, 荀殼比較滑&散, 唔知係咪老闆既人介紹話食荀殼比較多人選擇炸, 因為D肉比較散, 佢話我下次可以試下. 不過我食魚鍾意原汁原味, 炸左就冇晒魚味, 所以就算再食, 我都會選擇浸.兩款泡飯裡面都有肉碎, 味道唔錯, 魚湯泡飯就算食到尾凍左, 都唔腥, 值得一讚! 我覺得抵食, 成條魚 + 一大碗泡飯, 會再去! 鍾意食魚既朋友可以一試!

e間野其實都唔差 只不過係地方細左d 開係後巷 d人唔講真係唔知係邊 我住左深井十幾年 睇食評 先知有間咁既野 好!二話不說走落去食 一入到去2點幾都ok 多人呀 不過地方真係好細 好4人同行 叫左4個餐 我阿媽同阿姨 唔記得左佢地食d咩~ 我就叫左個加喱牛腩飯 唔~好正 d加喱汁好香 又多 配飯一流 我再加多個簿餅正呀~ 我細佬就叫左個白汁雞王飯 嘩~賣相好靚 聞到都覺得好食 跟住我就叉佢d雞黎食 正~仲正個肯得kd雞王飯 又大碟 攪到我想同佢換 d愛務態度 普普通通啦~ 正體黎講都算 好!!!