Canadian Pizza (H.A.N.D.S) (Closed)

買四件pizza 外賣，拎貨話俾我知無翻熱服務？仲要個暖爐都無溫度可言，問店務員係咩原因，夠膽講係因為忙，所以無翻熱服務…如果我要食凍嘅pizza,我去急凍鋪買急凍pizza啦，反正都係自己整翻熱。調轉黎諗食外賣都唔會想食凍架啦，忙唔係藉口，幾忙都要留位俾外賣啦，一係就唔好做外賣，淨係做堂食啦…堂食個啲你同佢講忙呀唔會整熱架，睇下你仲有無生意。我唔介意等，你可以講等15分鐘至20分鐘冇問題我等，但係你第一句同我因為好忙，所以冇翻熱服務，我屋企實有咁大個爐翻返熱啲Pizza啦

加拿大人pizza辣肉腸加上滿滿既三色椒同洋蔥碎，有少量牛肉條，賣相尚算吸引。餅底厚度適中，岩岩出爐既芝士香氣撲鼻，食慾大增。味道滿滿既芝士咸香，足夠濃郁同邪惡。D24榴槤pizza上桌就已經聞到濃烈既榴槤味，本身唔食榴槤所以冇試。據朋友所講pizza榴槤味唔算重，算一般水平。焗芝士肉醬意大利麵用牛肉碎作肉醬，味道鹹鹹地，意粉普通，冇焗得太過乾硬，也可一試。煙三文魚白汁意大利麵呢個就比較遜色，感覺上配料偏少，而且意粉有黏埋一舊舊既感覺，意粉較難一條條拆散。味道還行，忌廉味足夠。炸雞翼十分推薦既小食，炸得十分酥脆，雞肉嫩滑，買多幾碟當正餐都得。

今日仔仔想食pizza，唔駛諗，即刻去 Canadian pizza 到買，佢揀咗個啖啖肉pizza，材料有香濃茄醬、沙樂美腸、意式豬肉粒、煙肉和辣肉腸。食落去真係啖啖肉，好好味。😋😋😋

食Pizza 🍕 最鐘就係食菠蘿餡料，酸酸地豬肋骨條好juice😍炸雞翼好夠味😋 肉醬意粉亦係食pizza 必叫的主食，蕃茄醬汁足夠多，拌勻意粉好好味整體而言，平時想食pizza 時，除左叫pizza hut 都不妨試一試佢😆

今天經過樓下Canadian Pizza,我們在那兒 order了一個 煙三文魚白汁意大利麵$62,另外亦order了一個白汁芝士焗西蘭花$57。特別想介紹他的白汁芝士焗西蘭花，不單有豐富的白汁，而且加了少許洋蔥和黑椒粉 ，完全闢了菜的草腥味，好吃又健康🥦😃

昨晚放工後，忽然好想吃味道較濃的食物(pizza和🍕意大利粉,於是想起屋企附近的加拿大人店。股務:有堂食，有幾張四人枱，亦有外賣服務。食物: 白汁芝士焗西蘭花$57芝士肉醬焗西蘭花蒜蓉$57濃濃的芝士再配上肉醬，半拌上薯蓉，真的十分飽肚煙三文魚白汁意大利麵$62很欣賞它的白汁， 每一口麵也有香濃的白汁掛在每條麵條上，真是十分好味。蒜蓉芝士焗青口$55 打開一看，只有幾隻不太肥美的青口。值得欣賞的地方是該店的外賣盒，有的是用錫紙 包装，十分保溫 ，有的是用纸盒包装， 十分環保。

聖誕日，下午4點幾，屯市，人山人海，插針唔入，幾家人都唔想出去迫餐廳喪等位，寧願去安定邨附近加拿大人訂外賣自取算喇。當中有人聲稱異常地肚餓，能鯨吞，於是買2個大批，分別係芝士四重奏，同比較另類味嘅D24榴槤菠蘿，外加爆谷雞粒，炸雞翼八件。芝士四重奏混合4種芝士，四味紛陳，再加茄醬，蜜糖為佐，如非芝士控，舌頭大概只能分得出車打，水牛芝士。比較適合會再嗌其他肉類小食選擇，唔駛全部肉肉肉。個人比較鍾意榴槤菠蘿個批，每件都有榴槤蓉的濃香，既然用到D24級數，口感就更滑順綿密，香甜中帶有奶油味，太霸氣，菠蘿無奈地淪為陪襯。爆谷雞件非預期中有爆谷味或有爆谷黐住件雞，諗多咗，反而似韓式炸雞。雞翼外層沾咗麵包糠炸，攤凍咗半個鐘都仲有脆感，兩款雞本身冇乜鹹味，必定靠盒入面防油紙冚住嘅蛋黃醬或炸雞醬調味。見好多人喺旁邊買奶蓋買得好過癮，下次一定要試試！

一試難忘超級大pizza ,足足比一塊面更大！冇諗過佢餡料真心多，一口咬落去啖啖都好Juicy，今次試左卡邦尼蛋口味，有一種甜甜既感覺，做得都好似啊！如果唔想煮飯，＄40係一個唔錯既選擇。

點了兩件pizza (HKD 40 x 2)口味分別是加拿大人和煙三文魚店員知道是二人同行 已幫忙一開二所以上圖只有兩件pizza餡料和醬汁都份量十足加拿大人酸微微的配以本菇煙三文魚厚厚的芝士配搭椒粒可以改善的地方是要顧及堂食的客戶原本想點海鮮和啖啖肉都暫時未有如有早點知道 就不用花時間一選再選另外還點了兩款飲料莫吉托水果茶(HKD 28)和霸氣芭樂(HKD 29)水果甜度和茶澀味比例剛好麵包類食品配大大杯飲料飯後還有水果茶中的飯後果

這間薄餅店我之前已經外賣過幾次，分別試了三款口味的薄餅，分別是 D24榴槤、芝士四重奏以及夏威夷，今天晚上我和老公決定再來這間餐廳吃晚餐，今次我們點了 $190的二人套餐，跟餐小食選了炸雞翼，而薄餅味道則選了啖啖肉和泰式烤雞No.1【炸雞翼】套餐包括由於雞翼是即叫即炸，所以外皮十分香脆可口，而內裡的肉質則非常柔軟嫩滑，鮮美多汁，細嚼慢嚥的時候，鮮甜無比的雞汁更立即傾巢而出，在唇齒間留下一絲絲濃郁的雞肉氣息，香甜可口，肉汁四溢，口感豐富而飽滿，讓人陶醉其中，難以忘懷No.2【啖啖肉薄餅】額外加 $15啖啖肉的配料分別是辣肉腸、豬肉粒、煙肉腸和蕃茄醬，當中沒有任何蔬菜，完全符合我這個「食肉獸」的口味雖然薄餅只有厚批可以選擇，但是餅底依然十分酥脆香口，軟綿香糯，最後配上肉汁四溢的辣肉、煙肉腸以及豬肉粒，味道立即更上一層樓，簡直完美得無懈可擊，讓人吮指回味，鳳髓龍肝No.3【泰式烤雞薄餅】額外加 $30泰式烤雞除了極少量的雞肉外，還包含了多款蔬菜配料，分別是西蘭花、紅洋蔥、紅椒和菠蘿。由於薄餅含有多種蔬菜，所以味道比較清新一點，再配上酸酸辣辣的泰式辣醬，讓人立即垂涎欲滴，食指大動其實個人認為這

老公妹妹介紹了這間薄餅店，抵食又美味，老公一試愛上了，老爺奶奶也一齊分享，好正之前買過泰式辣雞薄餅，好多料又香口又辣辣香香，但老爺唔太食辣，所以今日買了加拿大薄餅我們打電話落單再自取，有9折優惠，抵食去到櫃檯對電話，之後俾錢，好方便！早早整好放在暖袋內，好快手取回家途中香噴噴，好肚餓（加拿大薄餅）番茄醬底好開胃，暖暖的溫度，足料的薄餅（紫洋蔥、辣肉腸、青椒、紅椒、磨菇、雜菌、煙肉）薄餅餅底厚薄適中，咬口有脆脆香香的味道，芝士配番茄醬正，喜歡唔乾身口感

早前知道安定開左間Canadian Pizza，今日專登行去買一件返屋企做晚餐。40蚊一件，好大件，有好多款選擇，我揀左件辣肉腸。店員問我洗唔洗翻熱，我話唔洗，因為我打算今晚用焗爐翻熱。佢又問我洗唔洗幫我cut開2 件，我話：好呀！佢地用個三角形盒裝住件pizza, 個盒好fit 件pizza！到左晚餐時間，用焗爐焗左幾分鐘，香味撲鼻，個批底食落去好脆口，d cheese多到拉絲，辣肉腸好味，我囝好鍾意食，可以返兜，下次試下其他味。

赤口情人節去諗住買外賣試下，18:44落單，話要等半個鐘，明白新年加上情人節係多生意，唔緊要啦，等下都得。19:15返去問有得拎未，話未有，唔緊要，因為都真係見好多人等，咁再等下。。。19:30再問，仲係未有，但有啲後過我哋嘅號碼已經有得拎。。。已經覺得奇怪，不過都唔緊要，因為佢有時又會叫返前啲嘅號碼，有職員解釋點解後啲嘅號碼咁快有得拎，係因為佢哋得1個批。19:40再問又係冇，但次次啲職員入完廚房出黎係冇話我哋知要等幾耐同張單做咗未。。。好啦，到19:45左右因為後過我哋10個號碼嘅3-4人餐都有得拎，就再問有得拎未，今次個職員入完廚房，再出返黎，佢印咗我哋張單比廚房，先知原來追咗3次，都冇人知原來成張單漏咗，真係好失望、好嬲，其實我哋都只係叫咗個加拿大人pizza +洋蔥圈。。。最後冇食到，因為真係好失望，原來追咗咁多次，啲職員都係敷衍緊我哋，冇人真係幫我哋睇下張單做咗未、仲要等幾耐。。。同埋落完單最好睇下價錢啱唔啱，聽到有位女士話叫咗個套餐，明明加小食係有優惠價，但職員無計到比佢，收多咗佢錢。

買咗一個2人套餐加多個小食拼盤，在外面等咗一個鐘，比人追就話即有就有，排我後面的都已取走咗我還在等，我追咗3次都要等多半個鐘😡，原來放埋一邊無人知😤，這間pizza店不會有下次，夏威夷pizza還可以，個意大利肉腸螺絲粉太多汁又酸，最好食就係個小食拼盤。

最近在家中附近的商場開了一間新的薄餅店，終於除了大型連鎖店外，又有新選擇。可惜的是菜單上的薄餅並不是都可以買到，要視乎當天有沒有製造此出品。環境：店舖分為兩部分，左右兩邊，右邊是收銀部和玻璃櫃，展示可供即日購買的薄餅，後面就是廚房。左邊則是堂食的座位，以白色為主打顏色，明亮簡潔。午市：由於最近吃了太多，需要減肥，決定不叫任何飲品，因為這類的茶飲通常高糖份，所以只是叫了最普通的一件裝薄餅。煙三文魚薄餅$40雖然是一件裝，其實有兩大塊，我只是別了一塊就飽了，可以想像份量是非常多，平均計算是＄20就可以吃飽了。薄餅餅底是薄的，上面除了煙三文魚，還帶紅椒、紅洋蔥、青椒和香濃茄醬。整個薄餅表面都舖滿煙三文魚，材料充足，每一口都吃到煙三文魚肉，帶有魚油香，味道很棒！這款薄餅的性價比高，是假日午餐的好選擇。