Candy Shake (Closed)

登打士街一帶既街頭小食選擇好多，仲成日有新野試，最近行過發現開左間Candy Shake，即時諗起Candy Crush既遊戲。Candy Shake主打糖果奶昔同埋芝士撻，今日趁天氣熱，同朋友入黎試下。入到門口時，各種味道既半熟芝士撻已經放左店舖門前，香氣真係吸引途人去望下。店鋪唔算大，座位都唔算多，好彩我地入去時仲有位，我地叫左一個朱古力撻，一個日本蘑菇批，同埋一杯麥提莎奶昔。奶昔方面選擇好多，佢地既賣點係以不同糖果混入奶昔到，呢種做法相當新穎，夏天飲就最適合不過架啦。麥提莎奶昔: 奶昔質地濃稠，仲好香滑，好重麥提莎既味道，感覺好新奇，從來無諗過麥提莎可以用黎整奶昔。朱古力撻: 朱古力好突出，可惜加左唔少芝士，唔多好芝士既我真係興趣唔大，但係朋友俾佢既流心芝士吸引住，覺得芝士好軟滑。日本蘑菇批: 唔食芝士既我真係無咩野可以揀，因為幾乎所有撻都有芝士，好彩佢地最近新出左個日本蘑菇批，蘑菇批好重白汁味，蘑菇份量都唔少，撻皮都夠香脆，唔錯。

登打士街行過，聞到好香的味道，原來芝士撻熱辣辣出爐。呢間同其他芝士撻唔同嘅地方係佢有好多唔同嘅口味，而且環境好靚，好多糖果嘅裝飾。口痕買咗一個綠茶味。一咬，唔係好流心，有啲失望。綠茶味雖然都濃，但係個味有啲假，我唔係好鍾意。曲奇餅底唔夠脆，比較淋身。同BAKE芝士撻差好遠。

登打士街可以話係一條小小既食街，黎到呢到一定會搵到好野食，唔怕餓親。今日咁岩行過，見到一間不一樣裝修既餐廳，大大個舖名 - Candy Shake，牆身仲掛左好多糖果，少女行過又點會唔俾佢吸引到。咁身為少女既我，又點可以唔試下呢榴槤半熟芝士撻呢期大熱既芝士撻，除左原味之外，佢仲有多款唔同既口味。黎到夏天，又係榴槤當造既季節，諗都唔諗就買左呢個榴槤味既撻。未食已經聞到陣陣既榴槤味，咬左第一啖，流心既芝士漿已經湧出黎，半熟既效果超勁。另外，外皮亦都焗得超鬆脆，食完簡直停不了口。金莎奶昔  $28行到熱熱地，順便叫埋杯金莎奶昔解下渴。用3.6牛乳 + 4-5粒金莎打成既金莎奶昔認真無得輸，金莎既味道好勁，試得出佢真係好足料，貨真價實。而且舖頭仲好細心地，用左支大飲管，咁飲既時候就唔會怕塞住，仲可以吸埋D脆珠珠！3.6牛乳芝士雪糕  $28呢個係朋友話想試食既，所以就買左個黎share。店員好有心機砌得好靚，每一樣配料都係有舖排過既，未食已經好滿足，將呢日夏雨天既屈悶一掃而空。淡淡既牛奶 + 超重既芝士味，特別既配搭，不錯

店舖環境舒適，價錢合理金莎奶昔外觀不賴，飲品有少量金莎味道，甜味適中紫薯撻紫薯味道不太足夠，被中層芝士覆蓋，但撻底值得一贊香芋撻香芋味道適中，中層為香芋蓉，口感一流，撻底值得一贊總體來說，味道不錯，值得一試

甫進入CANDY SHAKE，就覺得置身于童話中的糖果屋，到處都是色彩繽紛的糖果。牆上都是糖果樽，很吸引呢！小店其實主打糖果奶昔和蛋糕，但芝士撻吹不停，這間小店也兼售芝士撻。從店舖門外經過已經能夠嗅到陣陣芝士濃香，而且彩色繽紛，鮮艷奪目，推出了多款創新口味，例如：榴槤芝士撻，酥皮芝士撻，香芋芝士撻等等。碰巧3點3，下午茶時間，買了幾個芝士撻外賣回家。（店內地方不大，但也有位置堂食。）原味芝士撻($18)表面烘得金黃，賣相討好。芝士味香濃，滿口都是芝士本身微酸的味道，所以一點都不覺膩。撻皮方面，亦用上我喜愛的牛油曲奇餅底，入口鬆脆。半熟狀態，如果放在微波爐翻熱可以令流心效果更加突出。 店內還新推出了榴槤芝士撻($25)，身為榴槤狂迷的我立即買了一個。榴槤味豐富香濃，芝士味也同樣突出，我反而覺得兩者都太搶了，未有主次之分。如果芝士味輕一點，突出榴槤味多一點會更好。不過難得有榴槤口味，已經十分滿足了。抹茶芝士撻($18)同樣為我所愛。抹茶味濃郁香醇，絕不欺場。而抺茶的清新苦澀和芝士鹹香形成對比，也令到味道更有層次。不知遲些還會推出什麽口味呢？

去潮特買完野諗住早D返屋企休息下經過見到哩間芝士撻好似好正咁啱晒~~買返去做下午茶揀左原味同抺茶半熟芝士撻, 同埋薯仔批返到屋企仲係暖暖地的原味係非常之正, 聞到都仲係好香, 質感好CREAME, 滿滿既芝士咸香中夾雜輕輕既奶香, 而且個餅底夠晒脆, 又唔會太重牛油味以後唔洗排個幾鐘先有芝士撻食喇!!抺茶既層次就豐富左, 質感一樣幼滑, 我鍾意佢既抺茶味唔會太搶, 俾我仲可以感受到芝士果種獨特香味.食到薯仔批時雖然凍左, 但都仲聞到薯仔既甜香, 佢係一片片既薯仔片疊埋而成, 薯仔焗得啱啱好, 唔會太林, 仲有D咬口每層中間仲夾左D類似淡忌廉既CREAM, 令個質感更加幼滑凍食都咁正, 下次要一定試下熱辣辣咁食先另外仲買左杯3.6牛奶芝士奶昔, 飲落去覺得有D似乳酪果種微酸既甜香冇牛奶香本身有少少失望但飲多幾啖 開始融時, D芝士味出晒黎愈飲愈飲到淡芝士香同埋牛奶既幼滑下次經過一定會再買

Candy Shake絕對係一間無論由飲品到蛋糕再到撻既所有產品都一定圍繞住芝士呢個主題，你一行入去已經係聞到濃濃既芝士味。我今日下午茶特登試左幾款唔同口味既撻，試左酥皮、抹茶同朱古力三種。酥皮撻個皮非常脆，裏面包住暖暖既芝士醬，芝士香味好重，食落又冇太膩既感覺；抹茶撻我都好中意，有好香抹茶味，但冇茶既苦澀味，正；最後係朱古力口味，朱古力味好香濃，但我自己覺得甜左少少姐。我覺得係一種幾新鮮既口味，下次我會試埋其他幾種口味。

酥皮半熟芝士撻 ($20)雖熱潮已過，但酥皮夠哂新意，第一次食！酥皮好香脆，同芝士餡好夾。半熟芝士餡酸度適中！而且好豐富，食完都不會覺得太肥和漏。嘢飲我都試左…… 3.6牛乳芝士奶昔 ($28)芝士味幾濃，口感好creamy, 有很重的奶味不過…… 我覺得愈飲愈頸渴，同我覺得芝士用來食好似襯D!

旺角登打士街一帶愈開愈多餐廳,新奇小食雪糕也不少。幾次經過candy shake也沒有進去看過,這天和朋友再次經過,一於試試。牆上有很多糖果,看起來就開心,但原來牆上用糖果裝飾是有原因的!櫃裏的甜品看起來雖然吸引,但門口的芝士撻更吸引我們,點了一個穌皮芝士撻,皮超級鬆化,芝士味濃郁而不膩,流心效果一流,兩口被我吃完半個。之後就是這裏的糖果奶昔,選擇很多,有很多是小時候愛吃的糖果!我們點了荔枝味,味道好特別,在奶味中帶有荔枝香味,喝下去荔枝味不重,但明顯有糖果的甜味,好新奇!另外點了金莎芝士泡沫奶茶,金莎味道不大,但芝士味很濃,泡沫很厚實,奶茶微甜,有點像台式奶蓋,不過芝士味很出,喜歡芝士的人要點來試試。蓋上貼紙教不要用飲管直接喝,45角度喝就可同時喝到兩層。不過我比較喜歡拌勻後的味道呢。一次非常有趣的甜品享受,食物都很創新有心思。

呢排天氣真係好熱~女人除左行街就係食甜品上次行過己經見到呢條街有好多小食今次被芝士TART 吸引了,即使食左飯都忍唔到口買左個TART同兩杯雪糕3.6牛乳芝士雪糕$29雪糕就食得多,芝士雪糕就從未食過賣相好靚,有好多唔同7彩顏色既配料,棉花糖,朱古力碎等等食落淡淡既牛奶味,芝士味反而重好多,算係幾特別OREO芝士雪糕$29份量都大杯,OREO作為點綴就冇咁悶,賣相都吸引朋友都係話芝士味重,雪糕都夠幼滑同夠凍,佢都係未食過芝士味雪糕XD紫薯芝士TART $18呢排好興食乜都落芝士,芝士TART 周街都排晒長龍,間間都好似差唔多咁,唯獨呢到有唔同口味~於是就買左個紫薯芝士TART一咬開係紫薯餡同容,食落有紫薯同芝士味,口感唔錯批底較脆同重牛油味

飽嚐泰菜午餐後,與朋友到星際城市廣場去看電話配件;及後我建議在附近走走看看有沒有一些甜品可以作飯後點綴!之後在登打士街逛著,看到很多小食店都有新款食物,頗為吸引;其後看到一間蛋撻店子竟然有榴槤芝士撻,內心實在欣喜!立刻進內查看,原來此店叫Candy Shake,看食物牌子似乎是現時流行半熟蛋撻與甜品專門店!問了朋友後,每人都喜不同口味,於是就買了三款:榴槤芝士撻,抹茶芝士撻,原味半熟芝士撻!由朋友口中得知,此類蛋撻一定要趁新鮮熱辣食才試到其精髓;而當時店子的座位坐滿了食客,我們也就走出店子外,做了日式風情的動作--立食!也好,我選的這個榴槤撻在味覺上,上層的榴槤餡令人覺得聞起來有種較輕淡的果香,再加少少的焦香,忍不住即刻咬下去!吃與聞也一致,榴槤香味很中庸,配合著中間的流心芝士蓉,頓時產生化學作用;香滑細緻,透著絲滑質感,加上餅底外皮夠脆,而咬口覺非常酥軟鬆化;三種不同味道交織後,熱辣辣的榴槤芝士味在口腔中的回味一層疊一層,甜度很適中,而且份量也很足夠,飯後吃上一個真的很滿足!再問問朋友,原來另外兩款的質素也是很好很接近l,只是每人口味不同,都不約而同地讚賞此店的食物!

芝士撻升Lv成芝士撻酥啦☺️用左北海道芝士做餡，芝士味香濃仲有少少酸味酥皮好香脆，而且仲有淡淡嘅牛油味，咬落去中間嘅芝士漏出黎，味道比芝士撻更好味☺️ 外脆內軟，size又吾大，一啖就食完😹，所以唔會好膩！但價錢相比size就貴左小小啦~

糖果~一向是我從小到大都愛吃的早前經過就試過呢間主賣糖果奶昔的店單單其牆上的糖果裝潢已夠吸住我視線就是因它我喝下我第一杯的自選糖果奶昔今次再經過就發現新產品仲要係榴槤口味即時衡入去點了杯貓山皇芝士奶昔HKD32榴槤氣味極度濃烈微黃濃郁的芝士溝上奶昔口感豐盈一口喝下透心涼亦夠豐富口感甜度適中好好好味除了這款新推芝士奶昔多款口味芝士撻更是鎮店之選可惜榴槤怪的小妹亦是買了個榴槤半熟芝士撻HKD25外面烘得有得焦黑但不是'燶'未入口已聞到其濃濃榴槤芝士香一口咬下,榴槤半熟芝士漿隨即湧出口感滑溜香味縈繞口腔超正另外不得不提原來我買飲品都送我一張卡,獲蓋章一個儲夠印章有東東送看來我要多多幫襯了!

一個晚上，在附近吃過晚飯，想起這間有多款特別的糖果奶昔售賣的蛋糕甜品糖果店，便入內幫襯。雖然這店子有多達二十多款不同口味的糖果奶昔可喝，但最吸引自己的，始終還是「特選金莎奶昔」。一向喜歡吃金莎朱古力的我其實不太覺得這奶昔有金莎味，反而覺得它的味道極似麥精維他奶，只是口感濃稠一點而已，不過這味道我還是挺喜歡的。而且這奶昔面上有不少金屬色，閃閃亮的朱古力脆粒，也為這甜美的奶昔增加了口感和分數。見這兒的「半熟芝士撻」和「北海道芝士蛋糕」蠻吸引的，也各買了一件回家。雖然 Candy Shake的「半熟芝士撻」出了不少新口味，好像紫薯和朱古力味等，但原味的始終最得自己喜愛，買回家翻熱之後，撻皮脆，半熟芝士軟滑，又充滿芝士味和芝士香的「半熟芝士撻」，仍然讓自己相當滿意。「北海道芝士蛋糕」也不錯，雪白的芝士忌廉幼滑甜美，底層的蛋糕亦頗為軟熟，整體味道挺佳。這色彩繽紛豔麗的蛋糕甜品糖果店的出品，我都幾喜歡呢！

又熱又濕的天氣，令我逛街的意慾也大大減退，走在街上更令我產生一份喘氣不適感覺來，尤其五一黃金週，滿街人流甚多，唯有挑間甜品店，吃個甜點，喝杯消暑飲料，才能解開我心中的不快，最近網上廣傳旺角區這家CANDY SHAKE好像風靡一時，有點逢到旺角必到的食店景點之一，於五一假期出外逛逛也是理所當然，喜歡吃甜點的我又豈能錯過??開放式的門外，豎立了兩款一左一右的宣傳海報，只不過從店舖門外附近也能嗅到陣陣的芝士濃香，路經的途人也幾乎被那濃烈的芝士撻吸引著，勝在顏色鮮艷，味道款式夠多，按奈不住也想買來吃。店內地方不大，位子不多，客人多是外賣自取。牆上的裝潢以色彩繽紛的食材來點綴，款式很多，令我每款都想試的衝動。桌上擺放了餐牌供客人點選。我點了這款面層舖滿粉紅心及星形的可可碎 - OREO芝士奶昔，口感洁身，芝士味道濃郁，更有OREO的曲奇碎在奶昔內混和，美味呀~此外，我還點了兩款芝士撻作品嚐，榴槤芝士撻，很少會遇到以榴槤作餡料的芝士撻，混和芝士味道與別不同，外皮鬆脆，店員給我的時候兩款撻剛好新鮮出爐，另一款原味芝士撻，吃多也不會感覺膩，餡料芝士軟綿綿的，很好吃，正所謂美食必與家人分甘同味，我想下次