京都大酒樓

Open Now

Now Closed

對京都大酒樓極度失望，無論食物定服務質素都好很差。服務差下午茶時段，客人多，員工少。但點解話佢服務差呢... 總有啲經理就算繁忙時間都鍾意吹水，扮睇你唔到，重要只係企係一枱之隔。足足等咗10分鐘先有人嚟幫手。食物極差咸水角／黃金糕-上枱時已經涼哂，又硬。腐皮蝦卷-上枱時已經唔熱，呢啲半煎炸食物唔熱，放入口只感覺成口油膩感，一啖已經唔掂。鮑汁雞腳-上枱時只係微暖，啲汁開始凝固，入口時有啲黏口，伴隨既花生唔使咬都已經溶化。但味道ok既蝦餃燒賣-正常整體而言，都係差。唔會再光顧。

小編好耐都冇寫食評，但今次食完餐飯後 ，決定要寫返編食評。黃大仙豪苑嗰邊，其實都有另外一啲酒樓，但見到京都酒樓門外，十元隻飛天雞，加上兩百幾元個龍蝦伊麵，有點兒吸引，所以決定入去試吓。酒樓環境都OK，坐位唔會太迫，入到去見到有個超大屏幕。點咗龍蝦伊麵🦞、飛天雞🐤、兩個燉湯、粉絲海鮮什菜煲🥗。龍蝦伊麵冇加芝士，🦞龍蝦及伊麵都好夠味，伊麵唔算太乾，不過如果加芝士🧀會更惹味。飛天雞要非常讚賣相特別，酒樓有細心預先安排手套🖐🏻及剪刀✂️，熱辣辣用手撕開食，真係另有番風味。🐥雞皮非常脆口，雞肉嫩滑，特價10元隻非常超值，1-2人叫一隻，人數多可以叫兩隻。燉湯三十八元，有原隻鮮鮑魚(有殼)、淮山、雞腳、魚肚、杞子、豬肉，味道好鮮唔太咸。粉絲海鮮什菜煲睇相片，意為一般酒樓貨色，原來係一啲都唔差，88元非常值得，海鮮非常新鮮，完全唔會跟一般酒樓咁，得返粒仔啲黃色縮水帶子，🦑魷魚及蝦🦐非常彈牙新鮮，唔似用雪藏貨，有不同種類嘅菇菌，仲有菜心、西蘭花、白菜三款蔬菜🥦，加埋小朋友喜歡嘅蟹柳，味道鮮明唔太味精。職員服務都幾好，換骨碟都幾密🍽，查詢餐牌內容有細心講解。晚餐可以再來試其他菜式(掛住食冇影太多相片🤭)

成日都有嘢冇黎 搵服務員吹下 服務員仲要視而不見 見到就話等一陣等一陣等一陣 等到幾時 明明個點心就係推車上 都唔上 要個顧客自己睇到先至拎上黎比顧客 架推車推一堆出黎再推一堆返入去 跟著再推另外一大車出黎 已經好幾次都係咁。總結：服務差 服務人員差 真係等到火都黎 9:00等到10:30都未黎

黃大仙京都酒樓分店男经理服務超差勁，今天中午茶市因等鹌鹑蛋烧賣超過一個钟還未蒸好，而友人還未來，故埋單到茶餐廳再会合友人。叫酒樓男性经理減去烧賣及可否減去一人茶位，那经理竟放大喉嚨大聲質問: 哦！你開3個位就吾比人搭位，而家就要減位…………。講真大家飲多年茶都知酒樓有權吾減茶位，但不需態度惡劣，礼貌是服務必備的。況且等一個鐘点心才走應該是我們勞氣才对吧！

大約下午二時到達，屬下午茶時段。有燒味湯粉供應，燒味可選油雞、叉燒或燒鴨，粉可選河粉、米粉和檬粉。油雞和叉燒都不錯，燒鴨略肥，湯粉份量很大。另有擔擔面，不好吃，千萬不要點。另外還點了一些點心，有炸韭菜餃、錦鹵雲吞、蛋散、煎釀茄子、馬拉糕、桂花糕和紅棗糕等。最好吃的是馬拉糕，其他可以。這店環境不錯，酒樓的面積很大，座位很多，大廳有的座位在大型玻璃前，可看到外面的景觀。我們一行十多人，分成兩桌，坐在廂房內，環境更佳。服務方面就要改善，可能因為我們坐在廂房內，很難找到侍應。另外，有漏單的情形，請侍應跟進，態度不太好，結果要自行走出大廳兩三次找侍應才有人跟進。

佢地嘅枱冇陣1.5米之外 仲要同人搭枱事前亦都冇同我地講聲 之後就行埋黎話有其他人會搭枱 食物都到左 即係局我要被搭枱以前出去飲茶 有搭枱都會講聲啦 咩料子？可能你唔care呢啲一個半個街客嘅 但其他人睇到就自己衡量下仲要唔要幫襯

第一次剛開張時去飲茶 叫的點心全部沒有落單第二次想俾多次機會佢 以為當時是新開張才會有如此的甩漏 結果第二次去 叫四碟點心 兩小時只出了三碟點心 當中催單無數次 唔會再去！！！

今晚同家人提早團年，家人揀了衣間算新開的酒樓，因為近。雖然預訂了半圍菜，酒樓好似冇預番所需食材。乳豬同素鵝👌🏻龍蝦伊麵好似俾多左龍蝦，味道可以。炸子雞最好味，到鮑魚，唔知點解冇左花菇、魚由一斤變大左，但單張條魚是紅色，上的是黑色。叧金盞帶子螺片冇左帶子。炸鮮奶賣哂，變咗炸蝦條。平時一定會爭取，不過見等左咁耐同長輩們都想快D食完回家休息，所以就算。最後糥米飯都可以，兩個糕點都唔錯。不用兩仟元算係咁。服務算👌🏻有個女經理幫我地跟飯同甜品，值得👍🏻

又到團年飯時間， 同屋企人最方便就是中式圍餐， 第一次到黃大仙的京都大酒樓吃晚飯， 訂了一圍12人的晚餐， 菜式有黃金素鵝乳豬， 卡邦尼美國龍蝦伊麵， 奇妙醬富貴海螺片， 長崎島鮮奶卷， 紅燒鮑參燴魚翅， 欖角醬蒸金花龍躉， 果皮蒸大連鮑， 客家紅蔥醬油雞， 瑤柱蛋白炒飯， 紅棗粗糧鴛鴦糕。黃金素鵝乳豬～ 乳豬上枱的時候偏凍， 只有豬皮好少肉。卡邦尼美國龍蝦伊麵～ 龍蝦伊麵味道普通。奇妙醬富貴海螺片～ 口感非常硬的海螺片。長崎島鮮奶卷～ 菜式當中最好吃的就是鮮奶卷， 炸出外脆內軟的口感。紅燒鮑參燴魚翅～ 味道偏淡， 芡太傑了。欖角醬蒸金花龍躉～ 魚的質感新鮮， 肉質結實，算是不錯的。果皮蒸大連鮑～ 蒸得剛剛好， 果皮味香而鮑魚的質感軟腍。客家紅蔥醬油雞～凍冰冰的溫度。瑤柱蛋白炒飯～又是沒有味道的。紅棗粗糧鴛鴦糕～ 甜品算是好食， 起碼紅棗糕甜度適中口感煙韌， 粗糧糕有點似白糖糕。可能當日比較多人上菜的次序調亂曬， 食物質素非常普通， 當然服務質素也是普普通通。

場地佈局:位置是ok。新裝修。超大場地。但枱同枱之間都用到盡，有少少逼。食物:食物質素好普通，價錢不太平。雞好細隻炸魚塊有雪味紅腰豆菜式的創意實在不敢再試炸鮮魷無味魚肚羹太'傑'最大件事是多數食物到枱時都是暖的，比人有種不夠熱的感覺。服務:服務人員有盡力 但可以更好，例如回應多一點枱的要求，及多點反應。價錢:小菜價目不是平，再加上咁的質素，就不如去大牌檔。總結:整體都係稱不上是大酒樓級。相信大家不用特別走來食。

適逢齊人做節加上 長輩生日 去咗新開的茶樓吃晚飯， 有心理準備 節日時期餐牌加價， 其實除了個一斤16兩開邊蝦， $22/兩， 有19隻蝦， $352。其他都算合理， 但味道一般， 服務態度還好。上菜速度都也快。生炒糯米飯$98清炒白菜仔- 芡汁不錯， 菜身保持嫩綠。蒜蓉粉絲蒸扇貝 6隻 - 扇貝已開邊， 非常鞋口，粉絲未夠熟好硬。海參豆腐煲- 海參切條，淋身， 煎豆腐挺身。芥蘭炒牛肉- 芥蘭爽口，牛肉淋身。蒸魚- 魚肉嫩滑， 豉油好咸。生炒咕嚕肉- 配菜太多，無肉。白飯一個。結賬五大一小， $1259.

超級差！劣評！劣評！劣評！建議唔好去呢間酒樓食飯！雖然新開地方好新，但酒樓d 人完全無禮貌0反應!由8點鐘入座到9點，一個鐘⋯只係黎左隻雞！不停追！追！追！無人覆係咪跟進緊！去到9點15分嬲到話再唔黎就走！到而家9點35分都仲差兩個餸未到！野食方面，我地叫左個龍蝦既套餐。龍蝦伊麵淋到爆，荷葉飯既味道仲差過大家樂！其他菜、魚、馬拉糕只係正常，唔係特別好食！真係第一次食飯嬲到咁！仲要係老豆生日飯，真係好掃慶！

週日下午茶時段，叫了紅油抄手，粗糧糕及炸兩。三碟食物都十分難吃，毫不新鮮。紅油抄手的皮是重覆翻熱至熟爛，調味料很重口味，甚至帶酸味，酸味不知是否由不新鮮所致。粗糧糕的表皮是硬的，有可能是雪了很久，蒸不透所致，口感很差。擺放得像吃剩般。炸兩的皮是凍的，所包的油炸鬼是韌的。但其味道是三碟中最正常的了。所用的茶也很一般，沒到難喝的程度。服務員的態度也是一般。

原本打算去新開的茶樓一試，點了一籠點心拼盤。上菜極慢，二十分鐘才來點心，點心阿姨上菜時不小心將拼盤內一件糕點掃至下一籠，她發現之後就送回廚房再出一籠。我以為係等一陣，結果係等下一輪。重新等二十分鐘後，總共四十分鐘後，第二位點心阿姨跌了一件糕點落車上托盤，她用**出單紙把跌了的糕點放回籠裡**，還理所當然笑笑口當沒事發生一樣**遞上桌面給我**我做為客人當然沒辦法接受，馬上出面阻止，她的反應係攞入去再蒸過。於是我索性跟部長說取消該點心拼盤，以免又等二十分鐘，部長五分鐘後就攞一籠換比我。結果一食，果然出事，點心拼盤共5件，**菜苗餃酸的，粉果酸的**。我做為黃大仙的街坊，都是第一次食呢間新酒樓，我明白新餐廳可能有管理不善的地方，但我認為員工的處事方式和衛生常識的問題都不能令人接受，無論係要我等四十分鐘的第一位點心姨姨，還是第二位將**跌左的點心放回籠裡遞上桌的點心姨姨**都令人非常震驚和失望。名都呢間點心我以後不會再試，亦希望各位食客注意該酒樓的衛生問題，以免平白遭受等候時間過長的問題。

昨晚一家八口吃飯, 點了個八人餐费用是$1688, 另外加10%服務費。怎料此餐的食物份量少得可憐, 相信四個人吃都不夠, 味道賣相也不好, 食物上桌好似打仗, 混亂, 實在搵笨, 失望至極。以後都唔會再光顧😞