校長燒肉日韓料理 (大埔廣場)

Open Now

Now Closed

今日去開大埔超級城一田shopping，行到咁上下開始肚餓就去搵嘢食。唔知點解shopping完總係特別肚餓🤤會想食好多嘢，咁啱行到嚟校長燒肉，都成大半年無食過，五點入座又抵啲，一於就入去回味下啦雖然之前都食過校長燒肉，但大埔呢間都係第一次嚟。入到去條樓梯都裝飾得好靚，好多打卡位，帶細路或者女友嚟啱曬上到餐廳，空間感好大，唔會有壓迫感，用餐區同食物區劃分得好鮮明，同埋成間餐廳都非常乾淨企理，咁樣用餐個人都舒服啲😌校長燒肉食品種類繁多，除咗燒肉仲有火鍋。另外仲有好多唔同嘅飲品、小食、壽司刺身同甜品等等，滿足曬我呢啲大胃王首先嚟到梗係燒肉先，真係好多肉類選擇，雞牛豬都有唔同部位同埋唔同味道。放題餐廳嚟講，校長燒肉啲肉類一向都算唔錯。燒肉嗰陣仲好貼心有塊牛油紙墊住鐵板，咁就唔怕痴底啦，店員仲好頻繁咁幫手換紙，服務一流👍🏼燒肉嘅同時，順便試埋啲小食同熱食，呢個炒麵都幾好味，同埋啲壽司🍣都不俗跟住就梗係要試埋火鍋啦，主要係日式湯底，有得自助加湯，都幾方便客人😏最後試咗壽喜燒湯底，味道都唔錯，唔會好似出面嗰啲咁濃味😊最特別係火鍋配料竟然有蟲草花揀，好少地方有，仲要係放題餐廳添臨尾食埋個蜜瓜奶凍就走

對上一次食呢種港式好似細個食韓燒咁既燒烤都唔知係幾耐之前。宜家既價錢都唔係之前既價錢，不過當然宜家嘅野食亦都比以前食既豐富得多。同埋以前食呢啲燒烤一定要出市區，但宜家連大埔都有得食，方便我地呢d住新界大東北既人。同埋呢間校長燒肉都幾出名，但係一路都冇試過，今晚終於可以試下啦。佢既裝修都有d style，話明校長燒肉，都有少少好似學校咁既風格，同時又放左d等身大既卡通同Figure做裝飾品。餐廳座位都唔算少，同埋睇落地方都算乾淨。野食同埋飲品既選擇好多，而得意嘅係除咗可以燒肉，仲有日本野即係刺身壽司果d，另外仲有熟食，同埋仲有邊爐可以打。燒烤同邊爐料都各自有起碼廿款野食😆😆😆同一款肉類都有幾隻味，蒜蓉、咖喱、土匪同埋香草咖喱雞軟骨、咖喱雞排同香草魚柳都唔錯，唔辣但又香咖喱味。燒叉燒都幾得意，不過比較容易燶。香草腸望落係平野，但又比想像中好食。日本野都唔錯👍🏻👍🏻👍🏻除左刺身有三文魚、帶子、劍魚腩同希靈魚等等仲有火炙三文魚同玉子壽司果d，味道都幾好我自己最鐘意火炙三文魚壽司，好好食🤤食完日本嘢同埋燒肉之後已經好飽，同埋一路燒肉一路就想拎野飲，而佢地野飲既選擇亦都好多😍😍😍除左罐裝包裝，仲有

呢幾日落毛毛雨，搞到「減緊肥」嘅我又想食大餐。我今日揀咗喺大埔嘅校長燒肉食日韓放題，呢度嘅燒肉、刺身、打邊爐都係任食架！打頭陣嘅係頂級安格斯牛肉扒，佢肉質非常好，口感細膩，肉汁豐富。除此之外我都試咗多種不同燒烤口味同肉類，每一種都啖啖肉，我更加係度DIY，將啲肉夾住左啲沙律菜食🤪再講講刺身，呢度的刺身非常新鮮，口感鮮美，選擇都非常多，有劍魚、帶子、三文魚、希靈魚、吞拿魚、大大隻嘅赤蝦等等，每一片都入口即化，冇腥味，好滿足！打邊爐還有四款不同口味的湯底可供選擇，一定可以係這裡找到適合自己口味的湯底。打邊爐嚟講我就主要食菜，南瓜同蘿蔔都好鮮甜🙌🏻熱食都有很多選擇同有趣，例如有碗仔翅、燒賣等等，我就最鐘意辣酒煮花螺，超級入味。壽司都好多選擇！甜品佢哋都唔輸蝕，有勁多款雪糕同埋蛋糕簡😆種要提一提餐廳的飲品選擇了，他們有非常多的選擇，包括啤酒、梅酒、清酒等等，而且是任飲的哦！如果你鍾意喝酒，呢度絕對係一個不錯的選擇！除了食物之外，這裡的服務也非常好。服務員非常熱情，用餐環境也很舒適，成間餐廳都好打卡-able!

这家是我去大埔办事，路过看到餐牌被价格吸引（百多元就能吃放题），于是好奇尝试的！结果感觉性价比超级高~食物质素绝对超过这个价位~ 店铺装修很有创意，一楼到楼梯间超适合打卡的！二楼就是自助餐区域，很有日韩烧肉店的氛围！ 他家品类超级多，分区明确，各种肉类、火锅食材、寿司、刺身、炸物、甜品、海鲜、熟食、饮品等等，真的可以直接吃到爽！ 【烧肉区】种类应有尽有，超级多选择！黑椒牛扒、麻辣牛肉片、多春鱼、秋刀鱼、秘制叉烧、金沙骨、咖喱鸡翼、蒜香鸡扒、香蒜猪颈肉等等，鸡软骨粒甚至有冬阴功味、韩风、原味三种口味。而且每一种食材都用透明盖盖住，保持卫生，真的蛮很用心。 【火锅区】有三个汤底可选，冬阴功汤、寿喜烧汤、日式猪骨汤。其余的火锅食材自己选，各种丸类蔬菜和肉类。烤肉的间隙可以一边吃火锅，真的是完美的CP组合了~ 【沙律区】沙律吧有很多食材可选，中华沙律、泡菜、车厘茄、黑木耳、清新沙律菜等，很适合解腻。 【寿司刺身区】堪比日料店，刺身有蟹柳、赤虾、荣螺片、玉子、希灵鱼、八爪片、吞拿鱼、三文鱼等，每一样都很新鲜弹牙，而且不限量！寿司的种类也很多，你能想到的都可以吃到！ 【餐前小食区】有咖喱角、薯饼、

校長燒肉我唔係第一次去呢種燒肉放題既餐廳，最吸引我就係一個價錢任飲任食，唔洗再每一樣野計錢，咩都可以試下。今日黎左大埔超級城附近既校長燒肉，交通非常方便，坐火車、巴士、小巴都得。成間餐廳好大，有好多位置，唔會太迫，坐得舒服，地板冇油淋淋。另外裝修亦非常吸睛，整體感覺不錯。呢間餐廳既其他分店我有去過，但應該每一間都有少少分別，除左任食魚生，蒸籠點心，不同熟食盤，炸物區，大量燒肉及打邊爐配料任你揀之外，我見到一個幾新奇既區域，就係自己可以沖泡唔同既茶俾自己消脂解油膩，我就覺得非常出色，因為除左不同綠茶、紅茶、烏龍茶包外，你仲可以任加果D陳皮，紅棗，鉗銡呢D唔同味道落去，即刻覺得自己戰鬥力提升左好多。其實有得同時打邊爐同燒肉真係幾好玩又幾好食，一次過滿足晒全部願望，又時仲有驚喜，真心覺得值得推薦。除左呢D之後，都多左好多唔同既樽裝飲品，冇糖但味道唔錯。仲有甜品同雪糕都唔好錯過，真係有好多選擇，如果你想要試多幾款，咁我強烈建議你一定要留肚去食喇。總括而言，校長燒肉係性價比高，又係非常親民價錢既餐廳，希望下一次再去會再有新驚喜。

食這晚一餐，由頭批評到尾，只有這間餐廳，我可以比到咁差的食評之前係觀塘食過一次，已經覺得這店係難食，諗住以後都唔會再幫襯，點知......話説今晚想係大埔食韓餐，上open rice睇睇先就揀左呢間，去到先發現，原來係觀塘個間，（因為我忘記了名字，所以今晚又中伏）校長燒肉 日韓料理？校長燒肉，唔係應該主打燒肉咩？燒肉款式又少！日韓料理？醃肉請問是那個國家醃法呢？又不是韓國，又不是日本，醃肉口味又難食！🤮打邊爐豉油又難食！🤮牛油栗米：牛油又比得少，未熟下面D栗米就燶了！😵‍💫碗仔翅：難食！🤮諗住成晚無好野食，攞塊蝦片食下啦！諗住應該係成晚最好食既野，點知！🤮朋友食左條紅豆雪條，佢話難食到想成支插入湯鍋裡😂成晚最好食，本人覺得有菠蘿（夠甜），蝦，木瓜奶凍都ok!😋阿華田奶凍都可接受！服務又差，成晚職員只過來換張燒烤紙，無職員來過收碟，兩人位張枱已經唔夠位擺野，碟都唔收，唔知想點！盡要收服務費每人$70，不知所謂😡其他連所任食韓燒，價錢同呢間差不多，食野好味過呢間100倍以後都一定要記住呢間名，以後都唔會再來！

Happy weekend 食返嗰特別啲嘅。之前九龍東食過，今次係大埔呢邊，又心思思，想食燒烤🔥🍖、又想食火鍋🍲。食足兩個鐘都只係$228，抵食之選🤤🤤。小妹覺得行樓梯上去比較開心啲，成個樓梯有好多figure🥰，可以大人、小朋友呃like影下相。未食得嘢之前，梗係出去睇下有餐前小食填下肚先。有炸物、日式蒸蛋、中式蒸點心咁。其中呢兩款，日式蒸蛋+黃色蒸糕點，好好味架。好彩都係細細舊。有個area 寫：美顏養生花茶區🏵️🫖，好特別。小妹揀咗話梅+洛神花+山楂，清熱去有利減低罪惡感。想飲凍飲🧊🧃🧋，仲有大大個飲品櫃，可以慢慢諗飲咩。三文魚🐟任食唔嬲，color 一望都望到好新鮮。小妹最like 三文魚兩食🐟🐟，三文魚刺身+三文魚燒烤。同步絕對唔嘥時間，一邊燒嘢食🔥🍖，一邊打邊爐🍲。Ending 點會少得食下甜品🍧🍮呢，有個甜品櫃，都有十幾款式選擇。----------校長燒肉日韓料理 地址 : 大埔安泰路1號大埔廣場地下及1樓全層

說話呢間餐廳食物飲品種類真係好多，食完係會再次幫襯，因為唔洗諗乜都有🤣今次六點半去食，超級熱鬧，好彩有訂位咋。一嚟到梗係食啲刺身先，大大隻虾🦐好鮮甜，蝦頭仲一啲都唔苦，三文魚同八爪魚都夠新鮮😋除咗有三文魚、仲有吞拿魚、劍魚、希靈魚、玉子、帶子同蟹柳。呢度好似食街咁，兩邊食物可以自己拎。熟食好多花款，熱食有魚、煮花螺、炒蜆、南瓜湯等，仲有點心。打邊爐、燒肉配菜都好多，咩口味都有。可以一邊燒肉，一邊打邊爐，正！其中最特別係好多嘢飲，除咗罐裝嘢飲，仲有冷泡茶，唔鍾意飲凍嘢，仲有自製花茶，同埋有樽裝熱維他奶👍🏼我今次自製左檸檬陳皮蘋果花茶😆😆整體嚟講，真係好多款食物同飲品，又想韓燒又想食打邊爐就啱晒。

校長燒肉日韓料理 大埔安泰路1號大埔廣場地下及1樓全層講真 我成日都以為呢間野叫譚校長個logo又係戴黑色粗眼鏡 總係會將佢同譚永麟扯上關係 入番正題🤣平民都負擔到 食得起既燒肉＋打邊爐兩百蚊多D 有燒肉 打邊爐 壽司 刺身，雪糕 甜品，中式點心 炸物 糖水 飲品都多選擇 整到有D似自助餐形式 有唔同區域唔同種類刺身估唔到都OK 帶子 赤蝦 三文魚 八爪魚係幾盞鬼幾得意 由門口行入去再上樓梯一樓極似去左迪士尼甘 頂癮 鐵甲奇俠Marvel班底 米奇老鼠 復仇者聯盟成班友仔係齊到 仲有抱石場 好搞笑係幾抵食

由於本人住在大埔，幾年前難得在區內有放題吃就和媽媽吃過一次，結果畢生難忘。第一次吃火鍋放題的肉會未完全解凍，完全是夾不到的，第一次吃放題的牛肉是肥油佔了一半，第一次吃放題那些沙拉吧的玉米是全餐最好吃的食物。之後我就從來沒有吃過這間餐廳，現在在香港的旅行團會見到它的蹤影，水準可以想想。。。總之，我是不會再吃這家餐廳，寧願去附近的其他地方食一些簡單的食物，或者去油尖旺荃灣吃放題，至少不會付錢吃垃圾==

[ 校長燒肉日韓料理 ]放工去大埔搵舊同事食飯，嚟咗呢間日韓式🇯🇵🇰🇷燒肉🍖放題店，食足120分鐘！😍✿ 燒肉x火鍋 crossover雙重放題 $228（黃金時段）自助區有過百款食品及飲品選擇，除咗燒烤肉類&火鍋配料，另外有沙律吧、壽司、炸物、海鮮、飲品、甜品等。沙津吧🥗 有多款餐前小食。前菜冷盤🥗有放題常見嘅中華沙律、味付螺肉；冰鎮海鮮有青口、海蝦🦐；而壽司🍣有生有熟有卷物，全部任拎👍🏻燒烤肉類&火鍋配料肉類有雞🐔牛🐮豬🐷羊🐑魚🐠 ，大部分肉類都醃咗味，唔辣嘅有香蒜味，而辣🌶嘅有黑椒、麻辣、咖哩、韓式等，相當惹味😋另外有日式餃子🥟、瓜類、蔬菜🥬等，燒烤或火鍋都咁適合😄熟食🥘有炸物、熱盤等，特別款式有茶碗蒸、中式點心（蟲草花燒賣、馬拉盞等)。燒肉火鍋放題有點心食好過癮🤣飲品🍹🍺 自助區有個「美顏養生花茶區」，可按個人喜好自行配搭混合花茶🌸🫖 ，夠哂養生呀😋😋另外任飲飲品有自家製冷泡茶、清酒、梅酒、玻璃樽裝維他奶、包裝飲品等，選擇都幾多。甜品🍮🍨🧁 有奶凍、雪糕、雪條等，今餐好滿足呀😋總結🫦 呢間日韓式放題店有燒肉又有火鍋，款式多選擇，食足兩粒鐘先二百幾蚊價錢合理😋😋 ✿✿✿✿✿✿✿✿

任飲任食燒肉放題🤩🤩🤩仲有埋火鍋兩食，點會輸呀⋯⋯講一講燒肉先，牛、豬、雞就更架啦⋯⋯我鐘意食雞翼，所以燒左大量😂😂😂其實種類多到不得了，重點頂級安格斯肉眼扒。火鍋類有蔬菜、菇類、肥牛都有，煮個麵都得。日式有刺身、壽司種類多到呢…甜品有雪糕、糕點都好多款，連軟雪糕都有得食。熟食都好多款，炸物、蔬菜、連點心都有。飲品勁多選擇🤩罐裝、盒裝同支裝茶都有，如果鐘意飲茶嘅話，佢地有好多款茶葉供應。

呢間任食燒肉都幾抵食❣️除咗燒肉同甜品, 佢仲有火鍋, 刺身, 壽司同點心, 嘢食種類過百款, 飲品都40+款, 連熱維他奶都有, 三人或以上同行再送頂級安格斯肉眼扒❣️其中令我哋surprised嘅係啲壽司同刺身嘅質素都高, 完全係對得住個價錢👍🏻 佢仲有個美顏養生花茶區, 中間間開飲吓😂💛個人必食推介: 炸香蕉, 炸薯格, 鹽酥雞, 日式豬骨火鍋湯底, 牛五花, 一口牛, 蒜香雞扒, 麻辣牛肉片, 黑椒薄牛扒, 牛油粟米, 劍魚腩刺身, 赤蝦刺身, 花之戀壽司, 豆腐味大阪牛乳雪糕, 陳皮檸檬養生花茶, 自家製白桃烏龍茶返食指數: 🥑🥑🥑🥑 (5🥑滿分)#自選兩小時燒肉火鍋放題 ($248)@captain_bbq_tai_po ______________________________📍校長燒肉日韓料理 (大埔廣場) (大埔)大埔安泰路1號大埔廣場地下及1樓全層#instafood #instafoodie #foodiegram #drinkdrinkeateatuide #drinkdrinkeateatguy #安泰路 #大埔廣場 #大埔 #大埔美食 #食好西 #DE_新界篇

校長燒肉放題真係好抵食 假期晚市都係248一位 性價比真心高 燒肉 打邊爐 仲有大量刺身 壽司 熟食 甜品 飲品應有盡有門口勁大個Iron man超搶眼沿路樓梯仲有mickey mouse等等嘅大型擺設可以打卡添三位或以上就會送一塊頂級安格斯肉眼扒Size足足兩隻手板咁大 值得一讚呢度嘅烤盤上面仲會加埋牛油紙咁就唔怕燒到燶晒嘥左啲肉啦自取區足足有幾十款烤肉擺放整齊可以自己攞大部分都係醃過嘅 個人認為韓式同咖哩最好味入味得嚟又唔會過咸 自家製叉燒都好正燒肉食到滯滯地又可以打邊爐食啲蔬菜中和番刺身都有8款 其中最正一定係赤蝦啦大大隻好鮮味 前後食左半打 回本之選！熟食有幾款點心 全部一籠籠咁放好晒 熱辣辣另外仲有豉椒炒蜆 辣酒東風螺都係必食之選茶碗蒸都唔錯 蒸蛋好滑溜 熟食款式多到食唔晒甜品除左各款雪糕雪條 仲有多款自家製甜品飲品有啤酒汽水自家製冷泡茶等等另外仲有花茶區 有廿幾款俾你自己mix & match呢個價錢真係冇投訴 各位大胃王不妨一戰

今晚同老公2人世界去咗「校長燒肉」食晚餐，選擇好多，本來諗住每款都試下，但最後太飽，挑戰失敗😂！呢度有過百款食物 + 飲品選擇，包括小菜🧆、炸物🍤、刺身、壽司🍣、湯、火鍋及燒烤食物 — 種類真係好多！仲有「美顏養生花茶區」，可以按自己喜好配搭出自己鍾意嘅花茶香味，自己溝自己沖都幾有趣。我最鍾意係可以「燒烤」同「火鍋」同步進行。雪花肥牛片切到好薄，一邊燒到香香脆脆；另一邊就可以喺火鍋燙熟，入口好軟，同時間兩種享受。最鍾意食雞軟骨，有幾種口味選擇，燒到又香又脆，好正！一口豚肉亦係必試，醃得好惹味，燒到外脆肉軟，好好味！甜品🍮亦係好豐富，可惜我只係食到杏仁布丁和雪糕就好飽啦！來一次真係試唔哂，下次要再嚟食過！