嘉年華火鍋酒家 (Closed)

疫情期間一家大細唔知去邊度食飯好，唯有到樓下食開嘅酒樓食；晚餐3位埋單每位平均100，價錢優惠，服務快速，食物新鮮，又有做足防疫措施唔錯；食完仲買左隻貴妃雞外賣，酒樓近期做推廣外賣1隻貴妃雞只需要$68

上月到屯門食父親節飯，良景商場真的耳目一新，商場面積大，店舖選擇多，食店不少，老人家喜歡酒家就這間吧。加錢轉的真的更好食，魚肉非常嫩滑，無腥味，份量估計有兩斤，魚眼突出夠新鮮。每家客家豆腐都有點不一樣，鐵板上保留到溫度，豆腐嫩滑，但肉非常少，如果多點肉會更好食，老人家至愛。小炒王有大支蝦乾，鮮味，韮菜花、北寄貝、腰果爽口鮮甜，配啤酒一流。燒雞皮非常薄，油份不多，肉質嫩，惹香。叉燒好有驚喜，有蜜汁甜味，好嫩口。上湯焗龍蝦伊麵必食啦，肉唔多但爽口鮮甜，伊麵彈牙。屋邨酒家都唔差喎，雖然過節食物選擇較少，乾淨既

今日同屋企人食返小人既生日飯，同長輩食都係揀返酒樓中菜好啲。呢個係全家都鐘意飲既粟米羹，叫左個例牌係可以有6-7碗。一入門口個個枱上邊都有呢碟豆腐，膽粗粗叫黎試下，清淡得黎唔會無味，豆腐又岩長輩食唔錯啊因為想食個珊瑚蚌就叫左呢碟野，佢啲西蘭花係無味既，然後個雙蚌就好鹹，就算一齊食好係覺得好鹹...今日其實主要都係食呢個龍蝦伊麵 (小人最愛中菜)，佢嘅價錢唔係好貴所以就叫咗兩隻龍蝦，啲湯浸住咗啲伊麵，但係啲伊麵又無好淋，個汁味道唔錯，算係一個唔錯嘅選擇。呢餐仲有叫其他野，大概都係幾十至一百幾一個餸，價錢係幾合理既。

呢日入屯門同親戚食飯 長輩通常都係鍾意出去飲茶 所以我哋就去咗呢一間酒樓飲茶 我哋去到出邊勁多人等緊位 好彩長輩醒目已經攞位入咗去坐低嘆住茶等我哋我哋幾個大人都叫咗好多嘢食菠蘿雞粒炒飯味道尚可 唔算好多油驟眼所見都有幾粒雞粒同埋菠蘿🍍鳳爪係我必點 籠鳳爪爭啲比我食晒因為佢哋都唔食 有啲辣 幾入味叫個白灼生菜好似健康啲 專登走油蝦餃皮有啲厚長輩食嘅腸粉（我無食過）奶皇千層糕幾好味 甜甜地 細細舊 一人一啖五香牛展幾入味 有啲辣 如果同面一齊食就更好 就咁食有啲齋乳鴿 好細隻 無咩肉 下次唔會再點😅整體酒樓環境算乾淨 人山人海落餐時有啲亂 話廚房唔炒飯 過一分鍾又話有 然後又話無 來來回回幾次 最終落到單

8號風球下懶得煮餸落咗去樓下開餐。以為打風會好多人，點知拍烏蠅。叫咗幾個套餐，沙巴龍躉仔拼芝士大蝦伊麵。貴妃雞配蒜蓉蒸帶子，在嗌多個金菇牛肉煲同埋客家煎豆腐。可能冇人嘅關係10分鐘內已經全部菜都上晒。平時多數都係飲茶第一次食晚飯，估唔到有驚喜。龍躉仔蒸得好滑，食得出係新鮮魚。超堆介！蒜蓉粉絲蒸帶子都唔錯，好香蒜蓉味，不過粉絲煮得再淋啲金菇牛肉煲好嘢味，好適合配送飯客家煎豆腐同伊麵中規中矩下次可以唔使嗌。

為慶祝父親節，我們一家人又走到媽咪建議的 <嘉年華火鍋酒家>！平日夜晚都幾 full！比預期中多人！食物陸續送上，算是有效率！我們都覺得食物質素差了！好可能轉了師傅，手勢不同，烹調出來的食物質素每況月下！下次跟家人食飯，要另作他選！客家豆腐 (例) $88既香且滑，大大件的豆腐，顯得表面的豬肉餡少得可憐！晚飯孖寶 $168其中一款是通菜雞柳，以金屬鍋盛載，勝在食到尾，依然保持熱辣辣！通菜好入味而偏油，又要浸一浸水才食比較好！ 越食越鹹！黑椒鐵板牛仔骨 (例) $88份量十足！而且送上來時香噴噴！相當惹人垂涎欲滴！可是，當時，細佬突然肚痛，要趕回家去洗手間，因此，食剩打包給他！女侍應又幾醒目，提醒我們用食物盒要加錢，膠袋就不用！牛仔骨肉質好柔軟又夠入味，卻是重口味呢！我們也忍不住要加些少水沖一沖才食！紅豆沙上次嚐過落足料麥米粥，食到我「依牙鬆槓」！ 今次的紅豆沙，紅豆大粒，整體甜美，不過不失！

等位問題越來越嚴重不撘抬輪候最少1.5鍾，不設限飮茶時間來解決呢方面的問題，枱與枱就越來越越迫，重點係座得唔舒服亦對座輪椅的人造成不方便，員工態度差到不得了，希望你們能夠培訓下員工應有對客的態度，客人要求鐡叉你們的員工説睇下有無，我亦好直接同她講一定有只係你肯唔肯去做，呢種態度是不是令人反感！之後你們的推點心亞姐仲霸氣與客人爭路！明明見到客人行緊出來死都要硬爭路！死不讓路！希望你能對你們員工多加培訓。

茶友喜愛到這裡飲茶，原因是不貴但很美味。最出色的點心是紅棗糕，新鮮蒸出，紅棗香氣撲鼻而來，椰汁和紅棗層次分明，入口柔軟煙韌，高水準之作。另外咕嚕肉也是必點的，每夾起一塊肉，甜酸汁都有拉絲效果，讚。

當晚，我們一家四口走到屯門良景廣場的 <嘉年華酒家> 為爸爸慶祝69歲生日！由於，當日我一早已約好在中環工作的食友，把小禮物親手送到去中環給他，所以，我比預期遲了半小時返去！當晚菜式，由他們三人發辦！客家釀豆腐例 $88 一客8件，正好每人兩件，份量剛好！熱辣辣的釀豆腐，每件豆腐工整大磚，配上醬汁提升味道，簡單釀入 豬肉，未免太姑寒吧！比例上的確過份！幸好我們自己一家人無所謂，如果請客恐怕有失大體嘞！晚飯孖堡 $178可選擇其中兩款小菜，相對較為抵食！芝士蝦伊麵並非龍蝦伊麵，略嫌蝦肉質霉，未夾嚟食，個蝦頭已經想甩咁呀！清蒸沙巴仔一條這條魚的 size 正好夠我們一家四口享用！魚身鮮滑味美！淋上蒸魚豉油，為新鮮的魚口味上錦上添花！魚腐鮮淮山浸菜苗例 $78媽咪見鄰桌點了這款小菜， 以小鍋爐慶住 討她歡喜， 貪其由頭食到尾依然保持熱辣辣呀！起初，嚐到的淮山是微爽的，食到尾的淮山質感變得粉腍，好似煲湯的湯渣！ 魚腐很柔軟，蔬菜吸收湯汁精華，整體口味清新，清一清味蕾不錯的選擇！糖水有紅豆沙及麥米糖水，全家人只有我一個人點了麥米糖水！連媽咪也強調補充，之前她嚐過唔好飲，所以不會

今年暑假已讚揚此店晚餐餸菜有誠意，想不到數月後點心亦有起色。大集團茶樓的點心多是物流貨或快工快貨，此店是手工點心。點心紙三度列明，強調不是物流貨！是慢工細貨。分析上述點心紙，點心類有36款，不算多。聞說正因如此，舖細種類少，以往街坊會去屯門市中心覓食。現在街坊經常在此聚腳。手工點心代表作是蟹籽燒賣。潤澤彈牙，有嚼勁。其次，推薦食奶王千層糕，有蛋香，有古法風味。點心紙有專欄介紹11款大牌檔美食。聞說以往有美食檔提供煎灼食品，故有此類別。香煎蝦米腸水準一般，不是即煎即食。最差勁是煎蘿蔔糕，白色的，無烙印。廚部小食反而有驚喜，有類同晚餐提供的黑醋脆金薯。入口酥，醋香。沙律海鮮卷亦有水準。鴛鴦飯十分出色，色澤鮮明，份量充足。

屯門良景商場 <嘉年華火鍋酒家> 自從5年前開業，早前，媽咪跟爸爸及朋友們來過這裡飲茶，覺得質素改善了！因此，建議走到這裡慶祝爸爸68歲生日！供應的菜色琳瑯滿目，見到印刷精美的餐牌，總令我們花多眼亂！媽咪總會喜歡一、兩道必點的菜色！4/23: 爸爸68歲生日飯鹵水豬仔腳 $58媽咪喜歡食豬仔腳，點一碟試試！幸好，點這個 size，份量不算少！而且交足貨！豬仔腳大隻軟腍又入味！大家都食得滋味無窮！大海班兩味 $168碧綠韮黃班球碧綠是指翠綠而清爽的西蘭花，以簡單的烹調方式把魚肉本身的味道發揮出來， 軟滑鮮美！難免夾雜魚骨！脆皮炆大班頭腩 金黃色的炆大班頭腩及黃色粉腍的炸薯仔，整體黃與金色很得體！ 配料還加入燒肉！令整碟賣相更有睇頭！ 炆大班頭腩及燒肉兩者口味各不相讓，同樣是濃味的美食！金銀蒜粉絲蒸元貝 $79.2除了金銀蒜之外，還要加豆豉，這個無敵的組合；可大大提升鮮味，味道不會輸！元貝未至於大隻及肉質厚身，勝在鮮甜，一點韌也沒有！粉絲彈牙可口又吸汁！兩者口味夾得來！食得一口滿足！ 珍菌千層燴海蔘(例) $128包括：煙韌的雞脾菇，吸汁的冬菇，軟滑的千層鮮腐皮，柔軟有彈性

屯門在飲食版圖上的「食力」，遠勝沙田（如本文評論的明星屯門分店，遠勝明星畫舫店）。在此區漸發現很多店，比得上元朗。親友邀請在明星午飯，此店晚餐。有感而成文。明星集團頗為老派，與敍福樓集團類同。後者的繼承者已成功開設新線-牛角。前者的副線名為嘉年華，有3間分店。仍是那麼老氣，幸好食品水準則明顯超越主線。與幾個酒樓集團一樣，闖不出市區，只能在低租金地區生存。本店位於良景，與其他店一樣，都是位於屯門市中心北面。餐牌陳列的款式都有誠意，新意，如香葱老干媽滑雞煲，山東脆藕夾，四季滿園肉絲炒麵……另外如蒜蓉碎蒸大青班，較少食店有供應；金粟獻技龍躉球類近新斗記的招牌菜，價錢則便宜得多。單看餐牌的餸名，以為是高級粵菜館，不似是屋邨酒樓。親友點選了脆口黑醋咕嚕肉，說是街坊必讚名菜。原來半數是香脆薯塊，經油鑊炸，黑醋汁回鍋爆炒，薯塊比豬肉更好味。黑醋汁與菠蘿山渣汁不同，酸味是獨一無二，把咕嚕肉提升至2·0境界。從另一版餐單挑選了客家煎釀豆腐。此店引入很多各省地名菜，製法均有改良，現代化。用鐵板上已是破格，獻汁混入了豬肉末，令豆腐更濃味。很多街坊均有買入（238元）堂剪乳豬券，在本月兌換。這是此店吸引街坊來

嘉年華是明星的旗下品牌，所以多少還是有明星的影子在。是次還是兩老去完旅行回來吃的家庭飯，選擇價錢比較相宜的酒家。裝修一般傳統的格局，閒日比上次來人多了不少（可能是近日股市回升的關係？）服務員可以，會幫忙添茶水。片皮鴨＄68由於之前已買劵，早上時預定晚上還能吃到，皮脆，油算足。餅皮給很多，這點不錯，可以兩皮一我起包。醬跟香蔥，醬是普通的烤鴨醬，咸咸甜甜的，蔥比較少， 夾幾片就沒有了，這點扣分。西蘭花炒鮮魷＄78西蘭花走過油不錯，魷魚一般不夠爽脆，而且太大一片，老人家吃會不太好。士多啤梨黑醋咕嚕肉＄88黑醋夠香，外皮夠脆，咕嚕肉質普通，反而番薯有驚喜，趁熱吃一流。而且連伴碟的士多啤梨也是甜的。海鮮孖寶＄168－金銀蒜蒸中蝦 ，這家常菜不難弄，但價錢相宜，炸蒜加生蒜配合得剛好，搭上蝦的鮮淡，好吃，重口味者會愛。－清蒸沙巴，是次是新鮮的，眼珠突出，像也離骨，但蒸的時間短點會更好，肉不夠滑。啫啫通菜煲＄78除了肉一定要吃點菜，豬頸肉不算好吃，沒香氣，但醬炒通菜的味道怎也是好吃的。白飯需另外點，外型蠻有趣的，偏乾身，不過不失。汽水$25 ，3罐。晚餐連茶芥，烤鴨劵一起算，每人＄120左右算相宜，酒

星期六去飲茶，大家嫌市中心太多人, 所以找到這家比較近屋邨的，方便食完就回家，大概選了跟羊城同級的酒樓。 由於是假日的午市關係, 沒有特價, 最平的小點要$12.8. 點心的選擇不多, 只有最大路的蒸, 炸, 飽點等.。還有一個點心大排檔。一般點心比較淡口，此店注重食客健康，聽侍應提過廚師調理是少糖少油和少味。 我一家人共點了包括腸粉、馬拉糕、蓮蓉包、炒米粉、鹹水角等等的八個點心。基本上大部份都是平平無奇的貨色。最好的要算是炒米粉, 雖然配料不多, 但軟硬適中又不多油。最差的是腸粉, 餡料不多且有一陣雪藏味, 而且完全沒有軟嫩應有的口感。四個人連茶錢加一共$220, 在環境和服務都是一般的情況下, 如此收費是有點不合理了。

一段時間沒有來這間酒樓了, 今天再來, 又係唔使等位, 仲要仕應唔同晒人, 那黑面的部長已不在了. 食物依然是那些, 沒有甚麼變化.藥饍雞腳大碗左, 以為只有三隻四隻左右, 依家有八隻, 唔會好濃藥材味道, 雞腳都幾入味, 淋身的, OK. 叉燒飯好味喎, 叉燒好淋, 又入味, 又大件, 又唔肥. 又靚. 竟然有糯米雞食. 都幾大隻, 但料就唔多, 有雞肉, 一些豬肉, 冇啦, 糯米唔夠香又唔夠味. 所有鮫類都勁厚皮, 完全係白色, 唔係透明的, 睇唔到入面係咩嚟, 唔掂啊.馬拉糕以前六件的, 依家只有四件, 原來已經變左只售四件, 但係個籠又係同以前一樣, 好似俾人食左咁. 味道都依然的, 夠軟. 叉燒包好味, 入面的叉燒都OK, 唔會好多醬, 夠乾身, 幾好.甜品叫左一個南瓜西米露, 芒果布甸, 芒果布甸個樣好重奶味, 較白的. 南瓜西米露有好多南瓜的絲, 好怪的味道, 唔知食緊咩咁, 沒有好香的南瓜味. 唔似真正的南瓜露.