一茗堂 (南山商場) (Closed)

雖然間餐廳嘅位置有少少難搵,,. 但亦正正因為咁令到佢增添一份閑適嘅感覺, 位於南山村(石硤尾), 附近嘅屋好有六七十年代嘅感覺, 食完飯可以大家去附近散下步.間餐廳嘅設計好優雅, 座位設計得好舒服闊落, 燈光亦都好溫暖, 我覺得特別適合假日，可能食個早餐或者下午茶。 我試咗佢兩個甜品一個芒果撻一個蘋果撻。 芒果撻嘅未有 少少太濃烈， 好酸， 如果你鍾意食強烈口感嘅 芒果撻, 可能會係你鍾意嘅選擇. 蘋果撻好好食唔會太甜, 不過個餅底有少少霖, 如果可以脆啲硬啲更加正.

南山村雖然屬於老屋村, 但吸晴程度絕對不遜色於新式屋苑, 開放式大排檔, 舊式茶餐廳, 每個角落都散發出獨有既香港味道. 上星期經過南山村, 竟然有新發現:就係呢間新開位於南山村既西餐, 餐廳門面十分光鮮, 門外設有露天座位，讓鍾意享受戶外陽光既人能夠係一個寫意既環境內用餐. 而且餐廳內的格局亦十分整齊乾淨, 感覺十分舒適. MENU 上既食物選擇多, 有特色小食, 意粉, 意大利飯, PIZZA, 扒類, 等等, 甜品MENU 簡直令我目不暇給, 最令我驚喜係佢有好多法國特色甜品. 係眾多選擇當中, 我最後選擇左我至愛既冬陰功鮮蝦意粉, 而我朋友就選了西冷牛扒, 再加點了一個Parma ham 沙律. 首先要一讚個Parma ham 沙律, 賣相完全值滿分, 而且份量十足, 沙律菜同埋Parma Ham 味道十分夾另外我點既冬陰功鮮蝦意粉真係好好味!! 冬陰功味道好出, 配上意粉完全係完美配撘, 又香又野味,絕對適合愛辣之人,.至於朋友選擇既西冷牛扒簡直有高級餐廳既水準, 牛扒軟硬適中, 火候控制得好，牛扒外表煎得十分之香，口感亦十分juicy, 完全差不多有入口即溶既感覺. 總

就咁睇個主題一定會以為兔子唔熟香港，石硤尾點都無可能算係鬧市，我講既鬧市其實係講緊街市呀！其實讀大學既時候成日都去南山村食飯，食得最多既就係小菜，雖然唔差但真係無咩選擇。一開始都用左少少時間搵南山商場係邊，因為老實講真係唔算商場，不過由於佢係街市盡頭，感覺都好乾淨。餐廳整體裝修簡約清新，坐位空間足夠，似係啱啱開既。餐牌清晰易睇，食物種類唔算好多，不過要點野食絕對無難度。晚餐加$25就已經有湯餐包同埋飲品，咁當然唔駛考慮加埋啦！前菜係蕃茄湯同酸種麵包獨特嘅酸種麵包，煙韌鬆軟，配上味道濃郁嘅蕃茄湯，開胃醒神！食完前菜，好快就上小食。香草蜜糖燒雞翼香脆可口，配以清新沙律菜，絕對可以減低油膩感。再來個芝士肉醬薯條，份量好多好大碟，以為好細份，我唸如果一個人食應該唔駛食其他都飽！芝士肉醬好足料，唔會點完幾條就食齋薯條。我哋叫左兩道主菜，第一道係雙重芝士牛肉醬薄餅。濃濃嘅芝士同牛肉醬嘅味道非常配合，而且份量剛好，惟薄餅餅底略嫌不夠脆口。另一道主菜係扒露筍黑松露雜菌忌廉燴飯，意大利飯嘅軟硬度適中，配上香味濃郁嘅黑松露，份量十足！Like👍🏻最後跟餐叫左一杯海鹽榛子鮮奶朱古力☕ 為呢餐晚飯劃上完美句號

南山邨係大學時候經常去食飯嘅地方！今日重遊舊地，去試吓最近新開嘅Casa Kitchen!香煎三文魚 檸檬牛油汁 配香草燒新薯 $118擺盤非常精美，賣相一流！三文魚煎至金黃色，內裡肉質保持嫩滑！再加上少少檸檬牛油汁，更能提升三文魚嘅味道，好滋味！香煎慢煮豬扒 焦糖蘋果蓉 配香草燒新薯 $128擺盤係同餐牌一樣咁靚，製作認真！豬扒非常厚切，肉味香濃而且多汁！配上甜度適中又帶果香嘅焦糖蘋果蓉，令豬扒更美味，係好出色嘅配搭！正呀！套餐C $42我哋其中一個餐轉成套餐，加$42就有整以下4樣食品，好抵食！是日手打餐湯今日係羅宋湯，清新開口！酸種面包一份外層香脆，內裡軟熟，點少少羅宋湯一齊食，好味道！70%可可撻朱古力味香濃，甜度剛好，唔錯！凍檸檬可樂

今日嚟到石硤尾開會，見到呢間新開嘅餐廳，地方幾靚，價錢都OK，所以就試吓。要入呢間餐廳，要經過幾間茶記。穿過樓梯，就見到呢間有露天茶座嘅西餐。入到去，就會見到餐廳裝修10分精緻，好有心思，同其他附近嘅餐廳真係與眾不同。首先講吓個Menu先啦，負責人同我哋講午市套餐每兩星期轉一次。咁樣都幾好， keep住有新意，唔會食到悶。午市套餐選擇10分之多，但係我同我朋友都係食玉秀。所以就揀咗個招牌雞扒煎蛋同埋紐西蘭西蘭扒套餐。價錢十分之經濟，午市價錢包埋一碗餐湯或者沙律，加多少少錢仲可以試埋佢嘅sour dough。本身都好想試吓，但係見到套餐份量都唔算細，而且自己唔係太肚餓，就諗住留返下次先試呀。食物叫咗一陣，就好快已經嚟啦。首先講咗個餐湯，相信佢每日都唔同，今次我哋飲嘅係蘑菇忌廉湯。唔好以為係罐頭食開嘅蘑菇忌廉湯，呢碗湯飲到係好有手工同埋心思製造嘅，而且上菜嘅時候，即係熱辣辣，唔係就咁喺廚房度俾你就算。味道亦都比其他餐廳嘅濃郁，完全冇令人失望。至於雞扒同埋西冷，兩個套餐份量都好足夠。而且賣相仲好吸引添。我最鍾意嘅係，兩個套餐雖然係扒餐，但係半碟都會有一定份量嘅蔬菜，絕對係一個均衡飲食嘅套餐，

南山邨歷史悠久附近食肆一向都以茶餐廳居多從家人口中得知近來開左間西式咖啡廳襯星期六小編就拜訪一下「Casa Kitchen」離港鐵站約5分鐘路程到達街市平台後落一層就到達🙂燈牌霓虹燈搶眼明亮👏🏻點餐採取先付款落單後送餐形式斟水、調味料、額外餐具碗碟全部可以自助拎當日入座時間15:30 除下午茶餐外仍然可以點午餐😊無論早餐、午餐、下午茶餐都送一般咖啡奶茶轉意式咖啡 例如latte、mocha或者台式茶飲都只係半價😙全店免收加一 非常抵食 咁相宜嘅價錢 但擺盤見用心 食物質素有驚喜☺️碗碟餐具都唔係用塑膠真心整個用餐體驗感覺非常良好😚另一提 店家服務非常好親眼睇到佢地每一枱客人都問對方對食物滿唔滿意、歡迎客人再光臨等等呢種人情味真係好溫暖好有溫度😘現今社會相當少見紅酒燴牛肋條配白飯($64)∙∙∙∙∙∙牛肋條份量大方 夠淋😋配菜有茄子🍆、翠玉瓜、蘿蔔醬汁有淡淡酒味 味道較清淡😊餐湯蘑菇湯有大量蘑菇碎 唔錯😊黑松露雜菌薄餅($46)∙∙∙∙∙∙勁好食！即叫即造熱辣辣香噴噴😍餅底係類似flatbread 而非大型連鎖麵包感嘅pizza未放入口已經聞到好香黑松露味😛雜菌舖滿脆脆的pizza餅底 菇

好耐之前都成日去呢個商場，有一間好出名嘅中菜，今日原本都係唸住去呢度食，一入南山商場入口，經過樓梯旁邊，望到有間好新淨嘅西式餐廳，環境感覺不錯，咁就即刻行落去睇吓，真係唔錯禾，反正我都係鍾意周圍食嘢嘅人👏👏👏———————————————————入內環境不錯，店員好有禮貌，地方寬闊坐位，睇睇餐牌價錢仲好抵食⋯⋯見佢地既環境不錯，我相信他們的品質應該也是不錯，不仿又品嘗一下—————————————————-🔹紐西蘭牛肉眼扒配紅酒汁、炸薯條配飲品及沙律或手工湯🔺鮮芒果蟹肉什菜沙律配飲品及沙律或手工湯另外又可以用不同價錢加配小食或自家製西餅撻———————————————————飲品：凍🍋檸茶——-濃郁茶香😋凍奶茶———香濃奶滑，不錯的奶茶——————————————————-🔺紐西蘭牛肉眼扒——-牛肉，羊肉類我喜歡吃三成熟，當然我會看餐廳質素，材料上乘的我才會吃這個3成熟度，唔通去一D普通小食店嗰D，佢整三成熟我都未必敢食😂😂😂😂😂😂😂我都好相信自己的眼光，望見餐廳的格局，我就知道佢哋整既牛扒唔會令我失望，肉質鮮嫩又有肉汁，廚師👩‍🍳果然做得很好，當然食物材料也是一個很好的品質，以88元

穿過南山村嘅街市，有一間佈置寫意清新嘅cafe，叫做Casa Kitchen，價錢平，質素高，自然多人幫襯。週末嘅下午同囡囡嚟食個tea，套餐一份大約50至70蚊，免加一，每個餐仲跟沙律或餐湯，仲可以加20蚊有一個甜品。叫咗個芒果蟹肉沙律同魚柳漢堡，今日嘅餐湯係椰菜忌廉湯。蟹肉沙律好新鮮，魚柳漢堡夠大份，配粗薯條。麵包哄到脆卜卜，炸魚夠香脆。最後嘅熱情果芒果撻，非常推介。呢個配搭好有新鮮感，平時好少食到由熱情果同芒果製造嘅甜品。入口酸咪咪，一啲都唔會漏，好正❤️😋

餐廳位置於石硤尾的屋村商場內，旺中帶靜自成一格。食物為西餐為主包括有扒類、漢堡、意粉等等。雙層吉列炸魚柳漢堡配脆炸薯條 藍芝士汁 ($69)• 相當飽肚的漢堡包，夾著兩塊大大的吉列炸魚柳，表面淋有藍芝士醬，底下有生菜片。• 漢堡飽鬆軟綿、有空氣感，跟香脆的魚柳截然不同，咬下去口感豐富。• 芝士醬的咸香令整個漢堡包都變得十分惹味，如果醬汁份量再多一點會更滋味。紐西蘭牛肉眼扒配脆炸薯條 特製紅酒汁 ($88)• 牛扒肉汁豐富，肉質口感香嫩，我選擇了七成熟，咀嚼起來帶點咬口，十分滋味。• 紅酒汁的味道調配恰到好處，剛好為牛扒帶出更多鮮味，但又不會喧賓奪主。• 夾住旁邊的香蒜一齊食，味道更有層次。日式明太子雞翼 ($33)• 明太子醬釀入雞中翼之間，明太子獨特的咸香令雞翼很惹味同時有新鮮感，值得一試。熱情果芒果撻 (+$20)• 熱情果味非常突出，味道偏酸，作為餐後甜品亦不會有太大罪惡感。• 果撻口感濕潤、入口即溶；而舖在撻面上的是熱情果籽，咬下去脆卜卜。

平時係城大附近搵嘢食，但係都未見到靚靚的餐廳食飯，今日見到新開的餐廳都好期待～第一下印象幾好，環境好舒適寬闊，燈光都幾有feel，係外國家庭式西餐廳的感覺叫左兩個主菜，配餐C，有湯、包、飲品同甜品，我自己覺得係幾抵嘅番茄湯同酸種麵包真係好ok！熱辣辣，而且蕃茄湯係酸酸甜甜，唔係蕃茄膏個種，反而好自然的酸甜味，有埋蕃茄籽，真係好飲然後就叫左個煎三文魚配飯～三文魚好厚切，但係熟度係好均勻，唔會好鬆散，配上淡少少的白汁，食到三文魚的油香，好快食曬。ps我超鍾意佢地的配菜，筍同蕃茄仔熱啦啦好香口虎蝦加雞排都好正，雞扒的皮十分脆，而且肉厚多汁。呢個薯菜都好好食！小薯仔的熟度啱啱好，切口有少少脆口同焦香，真係幾好～甜品一上就知道自己無叫錯，呢個蘋果撻唔係平時好濃的肉桂味個種，反而佢無咩肉桂味。蘋果泥做個base，加上外脆內軟的蘋果片，食嘅時候，撻皮的牛油香味同奶味都仲有品嚐到的空間。食完就知道其他蘋果批的肉桂味真係多此一舉。

今日同朋友去食下午茶，南山邨真係一條好舊嘅屋邨，屋邨入面有間比較新派嘅cafe，餐廳嘅裝修同屋邨環境有好大嘅對比，而且佢係一間cafe，但都有個中文嘅餐廳名，幾特別 haha下午茶叫咗一個Pizza，menu show出嚟係蕃茄海鮮，但原來改咗係黑松露雜菌，本身都鍾意黑松露陣味，所以都照叫。仲叫咗個牛肋條飯跟湯，fish and chips，再加雞翼小食。套餐轉其他飲品係Menu半價，我地叫咗烤黑糖鮮奶咖啡同埋朱古力鮮奶咖啡。兩杯咖啡正常，烤黑糖鮮奶咖啡面應該係用火槍燒過，有小小脆。黑松露雜菌pizza用料十足，黑松露味非常突出，薄批餅底，十分香脆，食落熱辣辣。.牛肋條飯的牛炆到軟腍，不會太韌...配菜有翠肉瓜、茄子、菇同洋蔥.雞翼係正常蜜糖雞翼.Fish and Chips有誠意，薯條係粗薯條連薯皮。雖然魚手指嘅炸漿有小小厚，但魚肉係新鮮呈白色，沒有過份的醃，唯獨點魚手指嘅沙律醬...個人認為比較酸。除咗fish and chips外，仲有沙律菜配黑醋伴碟。總結嚟講，星期六日係度食個tea，hea吓都好。食物可能比南山邨其他餐廳略為貴小小，但食物款式選擇多，環境舒適。店員亦好親切，會

有時去完賽馬會創意藝術中心嘅手作市集， 都會喺石硤尾搵下有什麼隱世小店， 今次畀我係南山街巿內搵到一間有heart嘅西餐廳晚市主菜平均都是80蚊左右，加錢轉套餐都是一百上下，係鬧市很難用這個價錢吃到這質素的西餐小吃脆炸薯條($40)，粗身連皮，剛炸好還熱辣辣，很香口。是日餐湯是蕃茄忌廉湯， 是用真蕃茄打成， 吃到有粒粒的蕃茄肉瑪格麗特pizza ($76)，脆薄餅底， 有厚厚一層的芝士和車厘茄香煎帆立貝墨魚汁燴飯($88)，光是賣相已經很加分，墨魚汁本身沒有味道， 但燴飯有牛油的香味，質感creamy，加上兩粒大大的帆立貝和parmesan cheese， 整個燴飯都很香很滋味雞扒伴虎蝦($82)，雞扒厚身juicy， 虎蝦不過不失

在附近探一個做老師的朋友，佢經常嚟南山村食飯，佢話呢度有間新開嘅餐廳，未嚟過嘅都幾難搵到，因為喺濕街市最入嘅位置，嚟到呢度別有洞天，有戶外位食煙位，旁邊還有一棵古樹，好似私人花園咁。午餐有50幾蚊起，價錢大眾化，都見到好多街坊嚟幫襯，啲夥計全部都嗌到啲街坊嘅名。香煎慢煮美國黑豚，可能係慢煮嘅原因，豬扒幾瘦但好淋身好滑，又保持中間的肉汁。煙三文魚忌廉扁意粉，忌廉唔會太膩，幾淡口，意粉煮得好入味 ‘塑’ 晒啲忌廉汁。蜜糖香草雞翼跟餐加$28有3隻，皮脆肉汁豐富，好有水準。另外甜品再加$20，藍莓芝士餅撻及70%可可撻都幾正宗，70%可可有 dark chocolate 感覺，少少甘苦。

今日去南山邨是為了打卡，怎知打卡熱點因疫情而被封鎖，好傷心，唯有吃飽再去雀仔街買雀糧，亦去逛一逛。在南山村除了品香樓，亦有便宜份量足的cafe，是最近才開門，很適合大學生在空堂時間來chilling!午市套餐（跟餐湯或沙律）：牛肉芝士漢堡（配粗薯條和沙律）$74⭐️⭐️⭐️⭐️手打牛肉漢堡較厚，不出油，煎得剛好，一切開仍可見嫩粉紅色，雖然不多汁，但不會吃到油膩膩，但我得漢堡配菜太普通了，只是傳統的蕃茄和沙律菜！其實可以配一些水果片，例如蘋果、芒果、牛油果可能更好！綿綿鮮奶朱古力（跟餐$16）⭐️⭐️⭐️⭐️我很喜歡朱古力奶是用黑朱古力來沖，不會甜，但有濃濃的朱古力香，再加上燒焦的棉花糖，一流！紐西蘭牛肉眼扒（配粗薯條和沙律）$88⭐️⭐️⭐️⭐️這是妹妹叫的牛扒，有驚喜，超大塊而煎得表皮微焦，雖然口感有點帶韌，但整體肉質嫩而香口，再加上煎過的蒜頭，是我妹妹的大愛！值得一提是跟湯是蘑菇湯，有質素，不是給顧客普通的罐頭湯，而是經過磨碎的蘑菇粒，好後悔沒有叫兩個，而是叫了一個普通的沙律。餐廳環境夠寬敞，外面亦有桌椅，可惜位置在街市內，有點偏僻，所以只是見到街坊來吃，比較少學生和遊客。

去開石硤尾就係附近搵間鋪頭食吓嘢, 係南山商場搵到間新開嘅意式餐廳, 就同朋友去試試。店鋪地方都大, 位同位之間唔會太迫。 餐牌上面有埋食物圖片參考, 好方便叫嘢食 (好多時都要自己imagine 食物係咩樣)。最後叫咗 煙三文魚牛油果沙律, fish and chips (英式炸魚手指配粗薯條), 蜜糖香草雞翼, 蜆肉羅勒意粉, 同兩杯花茶 -玫瑰茶 & 洋甘菊茶煙三文魚牛油果沙律 份量都多, 牛油同菜都新鮮, 煙三文魚唔會太大salty, 幾易入口, 同沙律味道好夾。英式炸魚手指配粗薯條, 炸魚唔會太油, 有sauces for fish and chips, 仲有沙律菜伴碟, balance下。蜜糖香草雞翼 整得幾香, 蜜糖唔會太多, 份量適中。蜆肉羅勒意粉, 辣辣地, 加上蜆肉同羅勒, 又香又野味, 意粉硬度亦控制得好, 幾有咬口。 (好怕辣嘅人要注意)跟餐仲會送埋 湯同飲品, 我地就用半價補錢加咗兩杯花茶 (其實每人都只係加$12) (無糖的)係南山村附近呢間都真係鋪真係吸引, 如果下次去開附近會再去試下其他嘢。