古味坊 (Closed)

因為自己為食又鍾意食台灣古早蛋糕，又知道元朗有一間都幾出名就特登走去試。因為唔係住元朗個關係，所以一次過買咗三個同屋企人分享，分別係原味、抹茶味、同埋芝士味。原味就好食到本身嘅味道，好濃嘅蛋味同埋咬落去軟綿綿，最啱d鍾意pure口味嘅人士。抹茶味入面就有好濃嘅綠茶味道，對於綠茶控嘅我黎講最啱。芝士味就中間夾住一層濃濃嘅芝士就最啱小朋友食。總括嚟講古早台灣蛋糕都比普通蛋糕質感比較厚，而且蛋香味比較濃，最緊要係冇咁多糖精，食落去冇咁甜所以連續食兩三件都唔會覺得膩，如果下次有機會再嚟我一定會買佢嘅黑糖味同食多次抹茶味。

成日行過呢間鋪都見到好多人買 上次放工經過 終於都無人龍 就決定一試! 本身想食綠茶味 但個日淨係得返原味同咸蛋黃芝士 咁就買哂兩個試下啦🤣流心咸蛋芝士蛋糕 ($75)呢個真係好好味!!😍😍雖然咸蛋黃唔係好健康 但係呢D咁邪惡既野食真係女好食🤪間唔中食一次半次都無事既! hehe 買既時候係岩岩出爐 好香 好想即刻食 但都係忍住返到屋企先食🤣 返到去都仲暖暖地! 咸蛋黃同芝士好配 而佢地又同古早味蛋糕好配 蛋糕好鬆軟🤣 第2日試左凍食 都好好食! 凍熱食都得 依家咁熱 當然凍食吸引d🤣🤣 而原味就$50 抵好食 但我都係中意食有餡多d 🤪

疫情下六點後只能外賣，除了買左幾個熟餸外，是晚阿姨仲帶了兩個古早味蛋糕大家食。元朗開了好幾間古早味蛋糕，是晚試試古味坊。打開後香味撲鼻，拎上手十分重手，感覺不錯。原味，滿滿的蛋香。顏色黃黃的，而且好大件喎。切下挺鬆軟的。拎上手軟綿綿，咬落幾厚實，豐厚質感係飽肚型蛋糕。另一款是綠茶味，同樣沉澱澱好重手。綠茶味深綠色，顏色唔假喎。食落有驚喜，超香綠茶味，微苦濃茶香，係真茶味黎，好正喎。份量意外地大份，一家十二口都食唔晒兩件，淨返聽日再食先。

心大心細，唔知買邊隻好就買晒三隻！係咪女仔都係咁🙈唔係買名牌包包，係買「古早味蛋糕」AHAHA最近想整麵包/貝果多， 見到古早味蛋糕就心癢癢🌝雙色配蛋糕（原味配抹茶）原味又帶啲抹茶味，啱晒唔鍾意食抹茶味既小朋友😂濃濃蛋香味，好綿綿！抹茶蛋糕清香茶香，蛋糕棉密，好彈彈！流心咸蛋芝士蛋糕一切開滿滿流沙咸蛋，濃郁芝士味，咸香清甜，食多一件不太膩！睇嚟每次都要叫返件留心鹹蛋芝士蛋糕先得！#食在元朗 #元朗美食 #古早味蛋糕#古味坊

心大心細，唔知買邊隻好就買晒三隻！係咪女仔都係咁🙈唔係買名牌包包，係買「古早味蛋糕」AHAHA最近想整麵包/貝果多， 見到古早味蛋糕就心癢癢🌝雙色配蛋糕（原味配抹茶）原味又帶啲抹茶味，啱晒唔鍾意食抹茶味既小朋友😂濃濃蛋香味，好綿綿！抹茶蛋糕清香茶香，蛋糕棉密，好彈彈！流心咸蛋芝士蛋糕一切開滿滿流沙咸蛋，濃郁芝士味，咸香清甜，食多一件不太膩！咁多款我比較鍾意食留心鹹蛋芝士蛋糕#食在元朗 #元朗美食 #古早味蛋糕#古早坊

去到已經三點幾，剩得兩款蛋糕😭 離下次出爐要六點鐘🤦‍♀️ 抹茶、流心鹹蛋芝士今次無緣食ing~日日新鮮出爐，有四款口味蛋糕，另外有雙色配搭👍共六款🤗原味蛋糕💰50黑糖蛋糕💰60蛋糕食落細膩鬆軟， 一啲都唔會鬆散， 老土啲講句，真係好海綿呀🤭原味蛋香好誘人😚 黑糖啖啖甜味😋就咁食都好好味，雪凍嚟食，就更加好😋( 個人口味) 🤔唔知係咪錯覺，覺得雪凍咗，味道更加突出😆比起西式，明顯少糖、少油、少奶， 食落冇咁heavy、健康啲✌ps~ 依家做緊買一盒送一件😚

🔸原味古早味蛋糕🔸黑糖味古早味蛋糕-因為疫情緣故少咗出街食嘢，放假都少咗戶外嘅活動，今日星期六就去咗住元朗嘅朋友屋企玩。佢知道我鍾意食古早味蛋糕，就帶我去附近新開嘅一間古早味蛋糕店買上屋企一齊食。因為太受歡迎，我哋去到淨返好少量，而排到我時已經剩返最後兩件，仲有我哋最想食嘅芝士咸蛋黃味都賣晒，最後只係買咗原味同黑糖。排我哋後面嘅食客都已經買唔到了。果然蛋糕非常鬆軟，又好重蛋味，雖然大大件，但係開心share好快就清晒！想食嘅朋友記得留意蛋糕出爐時間啦！

醎蛋芝士古早cake超好味😋千色匯後面嘅街坊小店有間古早蛋糕!! 見到裡面剩幾盒就過去8下, 原來啱啱出爐, 我話好香, 個阿姨話佢地用最靚個隻雞蛋所以好香的, 趁啱啱出, 一次過食有嗰兩款先.🥚醎蛋芝士 (HKD75)自重有黃金炸魚皮出現, 醎蛋配咩都會令味道level UP, HKD75係for一盒又大, 又厚嘅古早味蛋糕, 成層係醎蛋x芝士, 我雪左所以食時叮暖左又流返心, 今晚食完飯已經俾屋企人秒殺.🥚原味 (HKD50)屋企人比較LIKE 原味, 雖然感覺無咁甜, 但口感真係非常之綿密, 好有蛋香, 睇睇盒上嘅材料原來材料簡單(係用勁多雞蛋) 超好味.

古早味蛋糕近日賣得成行成市，間間都排長龍，元朗的古味坊也不例外，因為他們的選擇較多，而且非常耐放，我放了在雪櫃整整三天都還沒有塌，外表依舊色彩亮麗！那蛋糕款式最吹引的當然是流心咸蛋芝士啦！除了咸蛋芝士，因為家裡多人，所以還要了兩個原味比較一下原味$60一個的重量也絕對不小，減去盒子約［５５０克］。也不像海綿蛋糕鬆軟，反而是彈牙有重量，非常綿密，蛋味非常濃郁，原味通常少人點對吧？但這裡的原味絕對不輸其他口味！流心咸蛋芝士$75比原味多了一份鹹香，而且更重一點！減去盒子約［６００克］除了鹹蛋黃味道，本來真的芝士醬也發揮很好的效果，口感結實之餘又有一些creamy，超正！實在令人想一吃再吃題外話： 點了兩個原味，是因為其他全部售罄，有心買記得早一點來啊

依家古早味蛋糕盛行，賣古早味蛋糕嘅舖頭愈開愈多，而且每次經過都會被一批批嘅蛋糕同香氣吸引住，今次去元朗千色廣場，發現係廣場對面又開咗間新嘅小店，一口氣買咗3款口味試下。環境小店一間，光線充足，同依家普遍賣古早味蛋糕嘅店面相若。餐牌流心咸蛋芝士蛋糕 $75呢款最吸引我！又有咸蛋，又有芝士，食落都果然係最啱我口味，蛋糕幾重蛋香，中間一層咸蛋同芝士，唔會太鹹，味道剛好，咸蛋芝士令蛋糕口感濕潤咗，食落無咁乾身，不過蛋糕偏實，食落去真係好足麵粉，再加上有芝士，食完一小片都真係好飽！黑糖蛋糕 $60本身怕會好甜，可能係將平時整蛋糕嘅白砂糖改用為黑糖，所以食落唔覺得甜，不過黑糖味較淡。抹茶蛋糕 $60最後一款試抹茶，同樣唔甜，有少少茶香。總括依然，蛋糕厚實，絕對唔係空氣感蛋糕，但依我個人口味而言，可以鬆軟返少少。

📍古味坊(元朗）識我既都知我係古早味蛋糕迷，今日又黎試試位於元朗古味坊鋪，聽聞好多人排隊的，一早就已經想試！排左一陣就買到，不過實在太多人食啦，得番既味道唔多，所以一次買左3隻味黎試下，分別有原味$50，黑糖味$60、抹茶配原味$65 ，依間店既蛋糕SIZE大件好，外形整齊。.首先要抹茶配原味蛋糕😍有茶香得黎又有蛋香味，食完仲有陣陣茶香留左係個口度，不太甜。個人推介！好好食！.原味蛋糕：濃濃既蛋香，咬落軟綿綿，又唔會有空氣感，午後茶點一流.黑糖蛋糕：開頭以為黑糖蛋糕會好甜，點知又唔會，淡淡既黑糖味，真係好岩大人細佬總括而言，抹茶原味蛋糕我覺得最好既，一次有兩種味道，由其佢淡淡既茶香，有機會一定要再食過。.

元朗呢間古味坊🍰🧁，就喺千色隔離，成日經過都見好多人排隊得出爐👯👯‍♂️，可見質素應該唔錯。隔住玻璃窗見到啲蛋糕動L動L，我都忍唔住排啦😋🙌🏻！📍共有6種口味，原味$50，其他口味$60-$75我叫左：📍抹茶蛋糕🍵（$60）📍黑糖蛋糕🖤（$60）📍流心鹹蛋芝士蛋糕🧀（$75）蛋糕超級大件，可以存放三天，啱晒我呢啲大胃王！蛋糕非常柔潤鬆軟😋，綿密濕潤 👍🏻，蛋味香濃😋抹茶🍵同黑糖🍬味都十分濃郁，但都不及流心鹹蛋芝士震撼！流心鹹蛋芝士味🧀🧀，一切開便拉絲拉絲，配合濃郁蛋黃，鹹鹹香香，濕潤Q彈 ，口感多層次，滿口幸福🥰🥰！熱食凍食都好正😋😋👍🏻👍🏻！Ps. 店員話個蛋糕擺足三日都唔會塌落去，同埋將會推出下午茶套餐😋👍🏻好期待

之前每次經過都排晒長龍，等佢嘅出爐時間，難得見到佢今次冇乜人排，仲要有幾隻味揀即刻一次過買咗三隻味黎試， 分別係原味，抹茶同流心芝士鹹蛋黃味__________________________🔹原味蛋糕 $50👰🏻:🌕🌕🌕🌕🌗🤵🏻:🌕🌕🌕🌕🌕磚頭咁大個好軟綿綿，好夠蛋香味又夠濕潤無論熱辣辣即刻食，同凍咗放入雪櫃再食，一樣咁好味好高質既既蛋糕.🔹抹茶🍵蛋糕 $60👰🏻:🌕🌕🌕🌑🌑🤵🏻:🌕🌕🌕🌗🌑聞落幾有抹茶味，食落無聞落咁重味，係偏甜既抹茶，個人偏好有茶甘果種，同樣都幾鬆軟，邊位無咁軟好食既不過唔算好驚喜.🔹流心芝士咸蛋黃蛋糕 $75👰🏻:🌕🌕🌕🌗🌑🤵🏻:🌕🌕🌕🌗🌑啲餡多到爆晒出黎雖然只係中間一層，但佢個芝士同咸蛋香餘韻係完全足夠食埋啲清蛋糕都仲有😻

今日嫲嫲生日，去探下佢順便同佢食餐生日飯，行開呢頭買嘢，見到有呢間賣古早味蛋糕嘅舖頭，諗住買幾件返屋企送俾嫲嫲做生日蛋糕，同屋企人一齊食🤪🤪佢嘅蛋糕係每日新鮮出爐整嘅，不含防腐劑，好適合注重健康嘅人士，特別係老人家👨🏾‍🦳👵🏾每日整嘅蛋糕款式都會有少少唔同，今日就有原味、黑糖、綠茶呢三款口味，全部都好想食，揀唔到買邊隻味，所以一次過買晒三款口味返屋企試😂😂😂因為佢嘅蛋糕係冇任何防腐劑，所以買到返屋企最好盡快放入雪櫃，同埋最好三日內就要食晒佢，如果唔放入雪櫃嘅話，就要一日內食晒佢喇～～～～～呢三款蛋糕都好有厚度😱😱😱好高又大件！！好抵食🤣🤣雖然件蛋糕好大好厚，但係切落去一啲都唔硬骨骨，好鬆軟好易切開，件蛋糕軟林林得來又好有彈性，切開嘅時候唔會容易撳扁左，外觀一流👍🏾👍🏾👍🏾👍🏾👍🏾而咬落去亦好鬆軟😱😱😱😱有種QQ彈彈既感覺😍😍😍禁落去會有回彈力😛😛😛😛😛😛好神奇🤩🤩原味既蛋糕好重蛋味，好香滑，比一般既海綿蛋糕，蛋漿味更香濃得黎，又少啲麵粉既鬆散質感😂😂好有咬口～～而黑糖味一啲都唔甜！！完全無額外添加糖精黎調味🤩🤩有陣微微既苦味，同平時台灣飲到既正宗黑糖茶一樣，有種淡淡既苦咖啡味道，正呀😍

跟谷友搵食，近排勁hit古早味蛋糕又點可以吾試呢😆😆行完千色，對面新開左一間古味坊 一於買幾件試下先🙂見到招牌全部100%新鮮出爐，仲有幾款唔同口味添 🤤🤤第一次是當然要揀下原味啦，另外我屋企人唔鍾意食黑糖味，又見到原味加抹茶，又好想試喎🤣🤣一於試埋啦😀可以做早餐又可以做宵夜下午茶☕️果然非常鬆軟 ，店員做特登畀咗個邊位我添，特別香呀 😍😍蛋味非常之香 ，當場已經流口水 🤤黑糖味呢，小朋友就最愛喇🥰🥰唔會太濃 黑糖香味加蛋香效果唔錯👍👍鍾意食抺茶嘅就唔好錯過啦 質地比較 紮實，抺茶就好香口，三款都好味 😋個人就最喜歡抺茶加原味，今次買得有啲多，因為真係唔知原來份量咁鬼大份 😬😬應該可以食兩三日，哈哈 擺返雪櫃最多可以食三日架仲諗住返屋企試下用微波爐叮嚟試下添🤭🤭