阿貓地攤

Open Now

Now Closed

愛🐱之人必到之選，店內有好多可愛嘅🐱🐱，佢地吾怕人，四圍甘行，客人可以同佢地影相。店內有好多🐱🐱玩具同物品可供購買。食物質素一般，但咖啡上有🐱🐱腳印圖案，非常可爱

第一次去貓Cafe得兩三隻貓貓 可能夜左去 有少少失望 不過嘢食都OK 叫咗個好得意嘅飯 上面個形狀係貓嚟嘅 唔捨得食添 嘢飲係抹茶latte 啲cream多咗少少 不過大致上都OK好食😋

以前細個，一聽到有貓貓Cafe，就一定會衝過去。呢間就係港島最早期既貓Cafe，當年真係好多人食，好多人黎，中學生一放學就去呢到叫杯野飲閒聊😆。當日上到去，雖然係星期一晚，但係都無客人，我果刻覺得好唏噓🙁一上到去就見到店員係玩玩貓，真係心都融埋，啲貓貓勁嗲店員老闆😂見到你會好奇但會驚你摸佢😂但我都有啲比佢地嚇親，會無啦啦係你身邊好快咁經過😂😂😂😂嚇死我。仲會無啦啦係你隔肋底下跳上張枱，再枱上牆邊跳板，我果下嚇到叫左出聲😂😂😂😂😂😂食物大部分以貓既樣作為特色XD，係幾Cute既。以一間有得任坐，玩貓，背景音樂好聽舒服既黃色樓上cafe，佢呢個價錢可以接受啊😀。1. oreo朱古力奶 有得叫脫脂奶！大讚呢個貼心選擇！以家成日好多舖頭堅持要味道行先，唔比轉做脫脂奶。我明白佢地既堅持，但作為消費者我係想可以滿足到我所需既野， 用咗脫脂奶佢都係好飲嘅！ 上面仲有Movenpick雪糕，好味。我要大讚呢間舖頭用環保飲管！ 喺早年好流行嘅時候， 都仲有一啲舖頭會用。 但近呢幾年已經好少見到舖頭用環保餐具， 真係有啲sad。 但當呢間舖頭用環保飲管嘅時候， 我真係對呢間鋪頭嘅分數加好多分！！2.

估唔到男朋友會帶我去貓cafe！真係萬萬都估唔到。佢仲要係第一次去！XDd飯真係好Cute！好鍾意個擺盤。黑色繪線係 黑芝麻味！味道十分濃郁！d雞有少少乾身。不過d汁撈飯就剛剛好。我第一下就食個頭先😂店主話好多人唔捨得食，d飯最後得番個頭😂hmm，都係食左開心d 杯朱古力都好好飲。我幾鍾意。場地有好多貓貓，不過唔係好痴人。都係自己行出去摸下。有board game 可以比人玩。整體黎講，都好適合比學生hea XD

好耐好耐無來過阿貓地攤，經歷過佢兩代唔同嘅儲分卡同積分卡，最後都因為份量太少好少來(係外子同我偏大食)。今日因為食咗啲下午茶點，晚餐就唔洗正常食噉多。一開門就有兩隻貓走過來，正當我感到受寵若驚之際，發現佢哋原來係去揾放咗喺門口嘅玩具，自作多情了。講返食物，味道還可以，肉唔靭，雞扒微香又唔覺熱氣，飯對我來講係太少，但個樣真係•超•可•愛。怕唔夠飽，另外叫做件pizza，味道無咩特別，勝在•很•可•愛。想有貓陪你食嘢，最好揀果啲有貓床嘅枱。

銅鑼灣舊式大廈既樓上貓cafe～ 鬧市中既貓咪動物餐廳，而且仲係黃店💛 只不過食物、環境、貓貓互動率等都略為比預期失望🙊 見到店主對食物既伴碟裝飾係有放左心思，以各種貓咪圖案、形狀為主題，不過食物味道就一般，而且份量亦相對少～ 成間貓cafe空間算大，坐得都舒服，但燈光、裝修就比較殘舊，而且貓貓比較少周圍走，幾難可以同佢哋玩到😮 見到比較多係以往既熟客黎探貓，建議住港島區既朋友可以一試，專程去就未必需要～

餐廳門口佈置精美，慕貓而來既我好想知入邊有幾多隻貓🐈🐈🐈🐈🥰。餐廳嘅佈置好特別，一啲都唔似香港只有乏味既商業文化嘅餐廳。我自己覺得偏向似台灣嘅文化，設計好隨心、好溫暖好似屋企，好鍾意！第一隻貓出現了！就係個貓樣飯。喺呢度你係唔會專心食到飯，尤其鍾意貓嘅你，會不斷比啲貓吸引住。店主好好人，會主動教我哋點樣同啲貓玩。⬇️聽講呢隻係老貓，佢成晚都係瞓咗係度，個樣好蠢好治癒，笑死我地🤣🤣🤣。簡直係鎮店之貓！🐱差唔多成10隻貓😻，每隻都有自己特色！年紀都唔同，咁多隻，影相都影唔晒。⬇️呢隻貓好好客，直情跳埋上嚟我哋張枱度撩我哋玩，仲瞓埋喺我哋隔離，好可愛呀救命💕💕💕💕。

知道銅鑼灣有呢一間Cafe，已經係好耐之前嘅事。不過一直都冇機會試。今日機會終於黎啦！作為一個出色既貓奴，又點可以放過呢？🌈環境餐廳主題係貓，餐廳嘅裝修當然配合主題啦。由正門到餐廳入面 （甚至乎個洗手間），周圍都係貓嘅畫同擺設，書架上又有好多關於貓嘅書。餐廳中間仲有個位置，賣一啲同貓有關嘅紀念品同文具。除咗裝修同擺設，餐廳入面仲有幾隻真貓招呼大家。餐廳入面嘅小朋友見到貓貓，都非常興奮。貓奴們置身於咁嘅場景，應該情不自禁心心眼晒，同埋不停影相！😍🌈食物 / 飲品 食物同飲品既賣相相當不錯，亦都非常配合主題。鍾意影相同打卡嘅朋友，見到都會好開心。但係講到食物嘅質素，唔難食，但就真係有好大嘅進步空間啦。🌈 整體整體而言，如果你係想見下貓星人，同佢哋hea 住咁過一個悠閒下午，唔介意畀自己嘅味蕾都放下假，呢度絕對係一個好好嘅選擇。但係如果你一心想食好東西，飲杯靚咖啡，咁就可能去錯地方啦！

同男友放假唔知去邊好 一於去貓貓cafe度睇貓加醫肚啦身為貓奴嘅我地 揀左喺銅鑼灣呢間出哂名嘅阿貓地攤🐈一入去我已經比呢隻灰貓貓吸引左佢真係好可愛架💙💙💙💙聽講佢係呢度年紀最大嘅貓 不過佢每一個動作都好似好雍容華貴咁🤣嗰日仲有好多隻貓佢地基本上都任人摸 好乖 有一隻仲特別痴人🤭🤭想知係邊隻就自己去幫襯下啦😝噢 嗰日實在太沉醉喺貓貓身上 冇點影到食物相送返杯朱古力比你地啦😆好可愛嘅棉花糖💛💛💛下次出黎銅鑼灣 想搵個地方hea下 呢度會係一個唔錯嘅選擇👍

呢間黃店係銅鑼灣應該好多貓奴都知佢既存在～作為後知後覺既我地，為左撚貓貓緊係黎朝聖，探下啲主子🐱～·作為流浪貓之家，基本開支一定大，難得仲要表態做埋黃店，實在可貴呀！！💛·講返兩個定食，叫咗一個牛肉飯同一個雞肉飯，完全令我諗翻起吉野家嗰兩款，不過就係家庭版，味道比較普通～份量唔算多，但係賣相有啲心思。牛肉食落都係加藤屋嗰種味，不過就厚身好多～塊燒雞反而偏乾，火候控制可以再好啲～·除咗啲飯之外，仲包左一杯特飲同一碗南瓜湯，飲落其實都正常發揮偏中上😎·以嘢食質素來講，餐廳係正常發揮，呢個價錢可以再好少少🤏🏻；但考慮到餐廳環境，有得瘋狂玩貓呢啲外在因素，整體係一個好特別嘅用餐經驗🥰大家都支持下流浪貓☺️-彩蛋貓係最後🐱-和風牛肉貓飯｜$138照燒雞扒貓飯｜$138-阿貓地攤 (銅鑼灣)銅鑼灣富明街2-6號寶明大廈3樓D-E室-

好耐之前同班朋友去貓CAFÉ果陣銅鑼灣貓CAFÉ唔多揀左呢間老店阿貓店入面都幾多貓咪有D會走黎走去有D就鐘意訓教大部份貓都可以摸既入場有最低消費所以叫左個飯同杯野飲當晚餐食不過落單要出去同餐具果Ｄ就要自己拎有少少似快餐店形式栗米魚柳飯個賣相都盡量砌得精緻有用心去砌出貓樣D碟都有貓咪圖案但味道認真麻麻地，好淡味份量唔多，塊魚柳好薄反而杯野飲就唔錯一杯係奶茶一杯係朱古力兩杯都有Ｄ貓圖案朱古力塊做點綴味道正常、濃烈的

之前同班frd去銅鑼灣玩，見到有間貓cafe，而且仲係黃點，作為貓奴ge我地，當然入去玩下啦環境真系乾淨，但我想問一句貓呢？？貓呢？打住貓cafe嘅名，俾客人超貴ge野食野飲但貓呢？唔好意思，我坐在成個鐘只見到2只貓我之前去ge貓cafe，有好多貓係中間任摸，總時不時過嚟俾我摸但尼間...哈哈哈，真心無語以後唔會再去，我同班frd無聊到快快口飲完杯野就走貓cafe，究竟間鋪知唔知道咩係貓cafe？反正我以後係唔會再去！浪費錢，野飲普普通通屋企十蚊都唔需要ge系個度就要五十一杯我系為左貓而嚟你就俾d咁ge體驗我真系多謝哂

喺門口見到阿貓地攤四個大字，就知無揾錯地方。內有惡犬……唔係，係幾位會衝閘既貓店長咋！今日午飯專登去拜訪呢個聖地，食🐈飯。個餐味道唔係最重要，最重要喺享受呢到既主題。睇下，連個飯都係貓既造型！今餐既主菜，只有佢哋。雖然我本身並非貓奴，但身處其中，感受到各位店長既熱情招呼！有時食食下，🐈🐈喺頭頂飛過，有時好奇既店長會走上你進餐既木枱，喺枱面望住你食野🤗🤗🤗，好似想睇下食客對食物滿唔滿意。

阿貓地攤是香港最早的貓cafe，第一間阿貓地攤係銅鑼灣開了十多年，多年間搬過幾個位置。現址地方大小適中，貓貓居住得十分舒適而且乾淨，還有落地大玻璃。整間店都是以貓咪主題設計，裝飾、食物……坐在窗邊位可望到波斯富街行人車輛。今次是我第一次光顧貓cafe，環境算不錯，不過食物就好一般，買相與menu 全不符，冇窩夫轉了pancake 🥞都算，但個 pancake🥞又乾又硬，貓多士得一片，棉花朱古力冇棉花糖，如果多客做唔切就話，得3枱客D食物都咁hea，好失望😞。好采有🐱🐱🐈🐈心靈安慰

有好多貓貓，陪你食飽飽！💛——呢間元老級貓cafe大家應該都唔陌生...愛貓如我居然冇去過?!😂聽聞呢度d野食一般般，即管黎試試！.素春卷($36)炸得好脆！餡料都好足夠，幾爽口😻我覺得好食wor☺️👍🏻.黑松露蘑菇意粉Set ($148)黑松露味好濃啊😻仲有好多菇～Set有南瓜湯及$48以下野飲一杯.生芝貓($36)酥皮入面包住火腿卷，蝦同芝士。非常香口嘅小食😆熱辣辣食正啊😻.其實食物質素都幾唔錯啊！我會想再去幫襯囉👍🏻貓貓可愛，最緊要係黃店💛.Overall: 7.6/10Value for money: 4.1/5（冇限時間）——📍阿貓地攤銅鑼灣富明街2-6號寶明大廈3樓D-E室..