阿貓地攤

Open Now

Now Closed

我是第一次光顧此店，全因仔仔好喜歡貓貓。本人自己比較喜歡訂好枱食飯，於是提早一星期訂位～訂了12點半，安排了靠窗的嘅位置，光線十分充足，影相都靚啲。入到門口已經見到有兩隻貓貓行來行去，完全唔怕人～眼見店內大概有7至8隻唔同嘅貓咪～坐低後員工已經攞menu同我地講解一下，亦有介紹一下最受小朋友歡迎嘅食物，感覺不錯～我點左黑松露意粉＆心太軟～兩杯飲品～松露醬絕不吝嗇，炒完喺意粉面上再加一匙松露醬，我呢個松露愛好者啱晒心太軟也不錯，熱熱朱古力醬加上雲呢拿雪糕，一絕～店員也會與小朋友互動，派一些店內貓貓做主角嘅卡比小朋友留念～會講解有啲貓係喺愛協領養返黎，介紹下貓咪叫咩名～呢點真係唔錯～最後店主派卡片，原來可以包場開生日party，呢個主意都唔錯～仔仔生日都可以諗諗約埋啲同學仔一齊黎玩下，店主即時whatsapp左啲information 比我～有問必答～喺雲雲嘅貓café 當中～揀呢間貓café 原因第一係我住港島區，第二係無限時，因為上網搵過大部分都會按時收費，呢間又無～我地結果都玩足足左兩個幾鐘，其間都差不多全部座位都滿晒～仔仔其實仲想玩，但我個心覺得唔想阻住人地張枱咁耐，所以下次先再帶

發現呀仔最鍾意時餐廳💯， 每星期都想返黎， 小朋友樂而忘返，（成日都掛住貓貓🤭🤭）食物： 多選擇，質素唔錯，甜品一流好好味，仲有kids menu😊，呀仔最喜歡貓pizza，造型可愛服務： 店員有禮，好有愛心😊😊，有空餘間時間會同小朋友互動🤗。環境： 乾淨舒適，有小朋友玩具可會玩最欣賞佢地用心經營cafe, 非必要亦無限時限刻時制度，真心覺等好好。作為香港第一間貓cafe 既始祖，咁多年都經營得咁好， 實在唔容易。🥰🥰🥰

周六超大豪雨，臨時search到就有間貓cafe係地鐵站附近，帶呀女去relax下，好易搵到。有電梯上既家庭式餐廳，入面好寬敞幾好坐，目測容納20-30人都唔迫，有幾個外國人坐緊，有9隻貓貓。點左個咖喱吉列豬扒飯，黑松露意粉，阿女飲朱古力我飲花茶，個貓貓茶壺，同杯好過癮。野食上得好快，首先飲左個餐湯先，好濃郁好好味👍🏻個飯好得意貓主題略嫌唔夠咖喱味，豬扒好脆呀女話好食整體OK，意粉有驚喜好食過出面某D意大利餐廳，之後再點左一個Oreo窩夫同薯條，如果鍾意食甜品窩夫一定要叫仲有士多啤梨味，因為個窩夫係牛角包食譜唔係普通窩夫，同呀女影左陣相擺咗好耐先食都好好食同超抵食。同老闆傾咗陣計，發現原來有20幾年歷史，真係唔簡單。之前去過荃灣嗰間雖然真係好多貓同埋靚貓，但係就坐地下同埋冇嘢食啲嘢又難飲，如果又想食到好味嘅意粉同甜品，又想同貓貓接觸我都會推介阿貓地攤👍🏻喺香港區搵個地方，百幾蚊冇限時任坐啲嘢OK小朋友鍾意可以揀呢到👍🏻👍🏻👍🏻

本人一向鍾意小動物，不論貓狗，除咗自己有養小狗鍾意帶佢去d餐廳一齊食嘢打卡，就算唔同狗狗一齊去都鍾意去樓上嘅貓狗cafe 食嘢同埋玩下毛孩。位於銅鑼灣樓上嘅阿貓地攤幾年前有去過當時覺得幾好，地方夠大，但係之後見食評話佢好差，自己唔信所以都去下比較係咪差好多。地方環境同幾年前比係冇變過，經過多年被貓貓洗禮，的確會令人覺得殘舊左好多，什至覺得唔乾淨，有d位要執下或裝修下。之後食物方面，湯我覺得唔錯，仍然係濃味有料，而意粉就正正常常，唔算好出色但一定唔係難食，如果意粉可以煮到生d，唔好全熟中間有啲咬口更好！

劣質態度及服務水平兩年前有嚟呢間舖頭但係實在差太遠本身要有90分鐘或以上嘅時間但係一個鐘頭內就趕客走員工人數多左但係野食難食冇水準、本身就冇咩點寫食評嘅但係啲態度真心差約咗7:30入到嚟根本就冇為意到有客人未夠8:30就已經講要清潔一句唔好意思都冇仲會聽到佢細細聲同自己啲同事講話係咪呀都話幫咗你嫁啦跟住就係我哋面前係咁做清潔超級趕客講緊$140/person有咁嘅服務態度出街外賣都係$80仲舒服強烈唔建議再嚟呢間舖頭最嬲嘅係本身睇咗OpenRice諗住唔係咁差姐點知試咗之後比想像中更失望完～

早排仔仔話好想去貓cafe同貓貓玩，諗住阿貓地攤好岀名，期待咗好耐，點知琴日上到去非常失望，絕對冇下次！🤮🤮🤮食物方面：今日同仔仔叫咗一杯Oreo牛奶+朱古力雪糕，同埋一份Brownie。杯Oreo甜到落唔到口，食咗上面舊雪糕就算。brownie更離譜，明明menu上寫住係榛子味，但係食嘅時候少少榛子味都冇，仲要硬到一嚿嚿擦膠咁，違反商品說明條例？🙄🙄唯有食咗兩舊雪糕就算。。。環境方面：裝修殘舊，環境唔太整潔，啲櫃都好多塵，比起其他cafe真係爭一大截😑😑唯一可取嘅係啲貓貓真係好可愛🥰總括而言，呢間貓cafe真係好唔抵食，俾錢買難受，只此一次，下不為例。

朋友生日 知我女鍾意小動物就去貓cafe慶祝 一早上openrice睇咗留言話野食一般 已經冇乜期望 只係想帶阿女去摸下貓貓 但真係冇諗過食物質數真係差成咁 首先嚟咗個湯 飲落去 酸酸醙醙咁嘅味 我同店員反影 佢話個湯係有小小酸㗎喎 我問佢呢個係咩湯嚟 佢答我係粟米忌廉湯 我話個湯加咗乜野落去會酸㗎 佢答唔到我 之後收晒D湯就當冇事發生過咁 到個黑松露意粉 咸到都唔想比我個女食 個牛肉飯D牛肉鞋到呢 另外叫咗個肉醬意粉+waffle +雪糕都正常 全店大約有7-8隻貓貓 有兩隻黑貓打交嚇親我個女 其他都比摸但唔癡人 D野食價錢都偏貴 總括嚟講唔會再幫襯

阿猫地攤曾經cafe界無人不曉的名字少女時代跟好友來玩貓咪晃眼十多年如今除了樓舍多了點數月痕跡裝潢格局都跟記憶中相若擁有地道港式樓上cafe風格2000-2010的年代感就是有書揭、有board game的cafe與現在流行的打卡cafe盡不相同.今天帶著小孩看貓貓有扭蛋機扭咗架貓仔回力車簡簡單單推著車仔小休片刻飲杯oreo味道不過不失在市中心地段尋找一點一滴的香港回憶不被催迫空間也不擁擠享受陪伴小孩成長同時唏噓時日太快溫提推bb車上樓最好有對強壯臀彎幫手💪🏻🤪

以為是貓咖啡，結果來了整間店就見到三隻貓，最低消費一杯飲品一個小食，小食隨便都35起，飲品也是三四十，也不好喝，小食就是普通超市冷凍水平，實在太坑人了，極其不推薦

cafe入面只有6隻貓貓，全部都好可愛，都算自由咁樣跑來跑去☺️野食方面價錢定價比較高，好似呢個咖哩吉列豬扒飯，賣相雖然好有心機，有貓貓樣係上面，而且每隻貓樣都唔同，但係味道就非常一般⋯⋯咖哩好似同薈仔mix埋左，無咩味道，吉列豬就脆脆地，正常發揮。不過去得貓貓cafe都唔好期待食穆高質，專心玩貓貓算

同小朋友行完Time Square, 又唔想黎黎去去都係食嗰啲嘢，醒起位於附近嘅阿猫地攤，就係咁就上咗去同小朋友食個開心下午茶 阿猫地攤雖然有最低消費，但價錢相對合理，成人只需叫一碟甜品同一杯野飲，味道亦唔錯，唔會只係得個樣無內涵 有機會會再帶小朋友去過

兩個女期待己久的貓🐱cafe, 星期日終於有時間帶佢哋去。一行三人，下午2點去到，無需等位。店內約有十多張枱，一半座位有客，多是小朋友家庭或年青情侶。店員好nice, 送俾女兒每人一個貓耳朵頭箍。店內有個角落售賣一啲小玩意、擺設、卡片等等。貓貓在店內自由走動，亦有2隻在被窩中午睡。雨個女好興舊，不斷逗貓貓玩。食麼嘢都無所謂，我就點餐先。森林牛肉貓飯，味道偏鹹照燒雞肉貓飯，味道同樣偏鹹士多啤梨窩夫拼手工牛油曲奇來呢間貓Cafe的食客都是食物其次，同貓貓玩為主， Cafe的氣氛亦都很舒服休閒，店員亦都好nice, 如果食物質素能夠加以改善，會更加好。

很幸運地有其中一個貓店長🐈‍⬛帶枱但係佢帶完就閃左去啦🐾之後落單叫左Lunch Set（包括：主餐、湯、飲品　各一）賣相幾好，影相📸️打卡👍杯飲品係唔係跟佢🐈調色呢🤔啲貓幾乖，唔驚人貓貓之間好有愛💞如果想接觸下貓貓放鬆下，可以一去🐾

今日嚟到銅鑼灣呢間貓Cafe記得幾年前都有嚟過…今日經過突然心血來潮想去睇吓啲貓貓, 慰藉下空虛嘅心靈🐈貓貓都好乖唔會食人啲嘢, 亦都唔會襲擊人🐈入到去唔會有貓味, 地方好乾淨🐱Cafe最低消費要一杯嘢飲同一款食物🐈‍⬛食物質素就真係一般啦～🐈‍⬛今次叫咗兩個套餐(包一杯$48或以下嘅飲品)🐈咖喱貓豬扒飯 ($138)叫呢個飯係因為比佢個造型吸引咗. 除此之外, 味道方面就真係麻麻…個飯唔夠熱之如, 咖喱味怪怪地🐈黑松露蘑菇意粉 ($148)冇咩特別, 一般正常意粉. 好過個咖喱飯(o_o)下次再去不妨可以試一試佢哋嘅甜品/小食. 不過想得去貓Cafe智不在於食飯,而係同貓貓玩+影相希望Cafe以後可以幫助更多浪貓啦

下午3點幾去到，因為口渴同未肚餓，只係叫左野飲先，隔左幾分鐘，疑似老細走埋黎話，我地最低消費每人一杯野飲野食，我話我地知，轉頭先叫，之後佢都間中行黎行去，同用唔友善嘅眼光望你果邊杯orea野飲都可以稱得上難飲，orea餅淋既，味道又淡，個底有幾舊 係舊! orea中間個餡，春捲都唔係圖咁，得三條冇切嘅到4點幾5點開始多人，多一家大細黎，但都未去到要等位嘅，但疑似老細 嘅行為就繼續好唔友善嘅眼神，好似阻住佢做生意咁貓得幾隻，仲要訓曬教，d貓完全唔痴人，0氣氛，似餐廳多過貓cafe，終於有隻貓活躍d，走左去收銀位，咁就走過去摸下仲要比疑似老細話阻住廚房通度，態度極差，一定冇下次，又唔比抱貓，咁你控制隻貓係邊囉走嘅時候聽到另一枱都唔太滿意，話有最低消費，講真 坐得果一個幾鐘就想趕你走阻止佢做生意咁，咁不如你定鐘計好過啦！總結：野食野飲貴又唔好食 仲要加10%服務費，態度差，環境氣氛差