阿貓地攤

Open Now

Now Closed

今次帶埋兩歲小朋友去，地方整潔，貓貓好親人，店員亦好友善，主動教小朋友點同貓貓玩，又俾零食餵貓貓。最低消費$88，叫1食物+1飲品，點了青醬意粉，店員語話我地知青醬是自家制，新鮮用菠菜打，唔濃味，難怪小朋友食得好開心。另外仲叫左照燒雞扒貓飯同貓pizza, 用左黑芝麻醬畫貓貓上去，小朋友好鍾意，食物質素高質，唔會太濃味，可以比小朋友一齊食💪🏻💪🏻好悠閒咁渡過左兩小時，希望多d知道呢個好地方。

環境舒適，地方清潔！ 食物種類也算多，全日早餐意粉小食飲品也有很多選擇！適合小朋友及大人放完電過來差一叉電！ 貓咪的數量也很多，超過10隻！大部份也10分友善可以近距離接觸，亦都會主動過嚟同你玩！小朋友及鍾意貓的朋友一定喜歡！ 想小休1小時和貓貓接觸也是十分推介，午餐及下午茶加多一份食物就有兩小時也十分化算！

自費‼️喺香港有好多好有特色嘅主題餐廳，今次我去嘅就係以貓為主題嘅阿貓地攤。阿貓地攤位於銅鑼灣富明街，喺銅鑼灣地鐵站F1出口行三分鐘就到，位置非常方便！咖啡店喺一棟舊式大廈裡，座位大約有十張枱，窗邊透光令整個空間顯得闊落，坐窗邊嘅人仲可以睇到風景🤤呢度係自助形式，木櫃上擺放咗餐具、紙飲管、膠碗碟同埋紙巾，想用嘅話就自己出去拎✅套餐包餐湯、主菜，$48以下嘅飲品，最平都要$128，價錢偏貴。餐牌上仲有一啲小食，相對之下就比較便宜😌自家製肉醬意粉，份量小，每人只有兩三啖，雖然醬汁濃郁，味道唔錯，但真係唔值呢個價錢🙂‍↔️和風牛肉貓飯對我嚟講賣相唔太好，因為中間挖個洞放咖哩汁覺得幾奇怪。唯一特別嘅係旁邊兩隻雞脾，原來係素雞髀，用腐竹包住雪條棒卷成雞脾外形，第一次見到用素雞髀做配菜，幾有新鮮感～整體來講，雖然有啲嘢唔係好合心意，但有貓貓治愈我就夠🤣

星期五，本身是一個愉快的日子。帶咗一個想溝好耐嘅女仔想去食嘢，諗住有啲貓可以玩吓，點知啲嘢食難食到嘔個女仔同我投訴咗好耐。我哋嗌咗個薄餅、咖喱豬扒飯、仲有pizza 啲咖哩汁好似生粉+水，又冇味道，懷疑連咖喱粉都懶得落🤯個飯好似未煮熟，硬到黐牙。杯嘢飲仲衰，同溶咗嘅冰冇分別只係加左糖嘅水咁樣。Pizza 似樓下$15嘅麵包。全部嘢食整體味道都偏淡。真心建議換一換個廚師，如果唔係我驚間餐廳好快會執笠，然後啲貓都冇地方去。

本身好鍾意貓，但係屋企唔俾養，每日上嚟玩好開心，貓貓好得意，嘢食好食地方環境好好，可以同好多朋友仔一齊上嚟玩，本身我自己喺銅鑼灣返工， lunch time可以陪啲貓貓玩，啲嘢食好好味，如果屋企唔俾養貓又想養貓，可以上去體驗一下🐱

今日同朋友隨意行街，肚子餓了就隨機揀了間餐廳進去。一入去氣氛就覺得幾好，裝修樸實舒適，背景音樂又輕柔，最特別係可以一邊食東西一邊撫摸到店裡的貓咪🐾。我哋點了幾樣食物來試試，老實說，每一樣都幾出色。先係黑松露意粉，真係味道突出，黑松露味濃郁得嚟又唔會太over，意粉煮得啱啱好，唔會太腍或者太硬，每一啖咬落去都覺得好滿足。再講講咖喱吉列豬扒飯，吉列豬扒外脆內嫩，而家諗起都仲流口水🤤，咖喱醬汁同飯的配合度亦非常高，唔會太辣，但夠香，好合我口味。飲品和甜品方面，我點了一杯花茶，朋友點了朱古力，兩樣都好味，尤其係朱古力，濃郁又唔會太甜，末了點了個心太軟，外層微脆，裏頭的朱古力醬溫暖流心，令人無法抗拒。坐係窗邊，可以邊食邊看街景，閒適自在。店裡的貓咪又乾淨又親人，有幾隻過嚟搵我哋玩，加分唔少。最正係員工服務態度親切，見到我哋對貓咪有興趣，仲主動過嚟同我哋分享吓貓咪的小故事。呢次食飯體驗真係舒心，餐廳唔單止食物質素高，連埋環境同服務都一流，下次一定會再嚟！

第一次去銅鑼灣既貓cafe～～唔熟路既我都搵左一陣.. 下午3點幾去到得我一枱客一推門有隻黑貓即刻望住門口，好醒目店內裝修相對其他貓cafe簡樸。但係全部貓貓啲毛都好滑，打理得好好..場內有兩隻黑貓，我地分唔到邊隻打邊隻；職員都好有心機話我地知～亦有介紹其他貓貓既性格！！ 啲野食一上枱已經知道不妙了！！🔸咖喱豬扒飯🌟🌟個汁既顏色已經唔係咖喱！！食落勁淡🫣⋯⋯不推薦🔸熱朱古力棉花糖🌟🌟杯野飲黎到完全唔熱，然後棉花糖好硬..（隻杯好靚）甜品就不過不失..

I, myself am a huge cat lover so when I heard there was a cat cafe nearby my house, I flipped out. I asked my dad to go with me and he agreed. I was the first to arrive when I went since I arrived at 12 o’clock. The environment was so clean and neat. I ordered an Oreo milkshake (D19) and the Club sandwich (M8) while my dad ordered a set, Rice with pork cutlet in curry (M3) and a Coffee soda w/ chocolate ice cream (D27).The food itself was delicious, the fries contained black pepper which made it

18/11/2023 lunch平時真係好少寫食評的, 今次都想為呢間貓貓CAFÉ寫一寫。因為宜家呢類咁有HEART的貓貓CAFÉ真係好少, 同老細傾開計, 估唔到宜家重難做過COVID的時候。我希望可以盡一點綿力，支持下呢間貓貓CAFÉ啦。由於屋企不便養貓貓狗狗的原故，囡兒又好喜愛貓狗， 所以我哋經常四圍去試唔到的貓貓CAFÉ (狗狗CAFÉ真係太少), 我估計應該全港八成以上的貓貓CAFE我哋都去過晒。今次我同兩位囡兒一齊去，我哋嚟過呢間CAFÉ不止一次，今次係第三次了, 可惜佢地點喺銅鑼灣，對我住荃灣嚟講確係有啲遠，否則我哋應該會經常嚟。我哋特別喜歡嚟呢度的原因係，呢度有嘢食，重要啲嘢食好有HEART去整, 好多食品都有貓喵的樣，岩晒我呢個鐘意打卡的阿媽，兼兩囡可以同貓貓玩，又可以有貓貓陪食，咁就可以合晒媽咪阿囡的要求啦。(一般其他貓貓CAFÉ無食物供應，就算有都係飲品或輕食，什至只幫你叫外賣。完全無興趣打卡。)呢度重有樣嘢唔同其他貓CAFÉ，就係佢沒有貓零食可以賣的，可能店主唔想啲貓食零食食飽晒唔食正餐，或食得太多零食，影響貓咪們的健康。但因我囡兒想餵餵貓咪，老細都好好人地取出

咁多年冇去 今日再上去 環境都仲係幽靜 貓咪真係好可愛 🥰 同朋友叫左飲品同三文治 味道都可以👍🏻吹水坐下就已經一個鐘 時間過得好快絕對係假日放鬆休閒好去處下次會再去的！

環境差 霉霉爛爛 嘢食勁難食 叫咗照燒雞飯 貓飯上面係甜嘅 好難食七點到 留咗大概半個鐘 佢哋就開始清潔到八點就熄晒全部冷氣 但係佢哋Official時間係九點收同操着大陸口音嘅小朋友細細聲講:得㗎喇佢就走㗎喇 根本就係要趕人走 環境好差 貓唔痴人啲咁嘅地方 好彩唔係太多貓。。。一百幾蚊換啲咁嘅體驗講真一次都嫌多

因為小朋友好鍾意貓貓，屋企冇養嘅關係。所以帶咗小朋友去呢到食午餐同玩貓貓，玩下貓貓、食下午餐，就消磨了一個多小時。餐廳設最低消費為每位一杯飲品及一款小食/甜品。由於我哋係午餐，所以我哋都點主食為主~仲有精美兒童餐(供10歲以下)。餐廳入面有幾隻貓貓，四圍遊走，客人可以同貓貓玩~小朋友見到貓貓都非常開心~可以摸貓，同埋餵貓貓食貓零食。餐廳除咗有貓貓，仲有一啲小玩具。食物方面，我覺得唔錯! 幾好食，而且好有心思。部份都係以貓貓為主題，貓奴們都會超鍾意!!^ 貓Pizza，(貓貓五觀係芝麻醬味道，配襯上有少少奇怪) 但整體好食。^ 黑松露煙肉磨菇意粉^ 棉花朱古力^ 朱古力雪貓[ 餐牌]

同朋友第二次黎，呢到環境舒服 空間大，貓貓都有好多地方活動同休息，今日假期都多一家大細黎食野同玩貓貓我地食素，開心餐廳都有素食餐單選擇。叫左咖哩飯啲飯係貓造型黎嫁，加分😄老闆同員工都對貓貓好好，又會提供貓零食比客人，等我地可以體驗下同貓互動。👍🏻呢到貓貓好乖，會比人摸，仲唔怕羞會坐上你到😍值得再黎嫁，黎探貓貓，黎休閑時間係唔錯既選擇👍🏻👍🏻👍🏻

上次去應該十年前，有日同朋友想玩貓，諗起呢到，估吾到仲有😆，原本對食物無期待叫左咖哩素卷飯，個素卷用豆皮整幾好味😋有幾點幾開心1.好少餐廳有素食選擇，岩曬我呢類素食人士2.去過其他貓cafe餵貓要比錢買零食，老闆好好人將零食派比大家餵貓😍可以親近貓貓🐱開心🥳3.餐廳所有餐具和物品都有貓圖案連蓋櫃既布都係感覺老闆是愛貓之人。老闆同我地傾計話有隻貓，主人要移民帶吾到走，送比佢地，感覺老闆好有愛心有人情味💗要多支持💪🏻💪🏻仲有呢度既貓好嗲好痴人🥰有隻仲走去我朋友腳度訓教比寵幸😆😍

喺繁忙嘅銅鑼灣，有一個咁有愛嘅地方好美麗🫶🏻職員好好，好喜歡小朋友，基本上唔騷擾到其他人，職員都唔介意小朋友四周探索。Carlo 見到貓貓已經好開心，但貓貓們見慣小魔怪又點會咁易俾小朋友接觸到佢. 玩咗半小時後，貓貓好似見佢都乖乖地，終於走過佢身邊，俾BB近距離見下。食物同飲品都好好味，今次我哋叫咗貓多士，有花生醬同榛子醬，面頭用朱古力醬畫上眼和鼻，塊麵包唔係用刀模cut出嚟，係真係有面包邊😍 媽媽覺得好犀利. 得2歲嘅Carlo 第一次品嚐朱古力漿，食到舔舔脷🤭除咗貓貓之外，呢度仲有玩具玩，唔怕悶