豪隍點心工房 (Closed)

為左尼個月光寶盒而黎🥳日頭實在太多人，但夜晚普遍都有位，接受到飲夜茶既可以黎支持下尼間黃店。月光寶盒($88)打卡必備，岩哂三心兩意 咩都想食既我。留意返蝦餃超大粒，大約係其他店鋪既1.7倍，味道亦冇其他店鋪咁鹹👍🏻欣賞！尼個月光寶盒稱得上一人餐，點心、蔬菜、澱粉質俱全。我唯一唔想食既係中間格啫喱，因為抗緊糖，唔係唔好食。叉燒腸粉($28)值得一叫，男朋友試完既comment係：好多料喎，幾錢阿？ 公道講句，雖然出面既腸粉一碟有三條，但尼碟既叉燒係多過人地三條既份量。因為叉燒太澎湃，我都冇為意佢腸粉質地，唔算特別滑溜（有意見歡迎交流/ 下次再去試多次）。我地兩個人去叫咗五樣野，分別係以上四樣加一碟生菜。最後食淨三個包外賣帶走，流沙包慘變蓮蓉包質地既蛋黃包😹。所以提提大家，佢既份量好足料，點餐要注意阿。

未入座就已經被個reception 影響曬心情。態度唔好，真係唔會有下次。見到食評唔錯，一心想來試下，但係第一次嚟見到個接待嘅語氣同態度，已經想調頭走。不過朋友辛苦行入嚟，諗諗吓就算。一間餐廳食物質素再好食，但心情被人影響咗，真係食乜都無味。

💛點心想試好耐，去之前已經預左要排隊🥺估唔到排左大概半個鐘就有位，但中間其實飛左好多個no.🤫環境有啲逼夾但沙發位坐落幾舒服，可能我坐近門口覺得冷氣唔夠，食物質素唔錯，幾足料，私心推薦燒賣💯🤤1️⃣ 蝦仁燒賣王 兩粒 $25落單個陣仲諗得兩粒甘少，但黎到原來係超大粒燒賣🤣食落超滿足，每粒有4-5隻蝦仁，食落啖啖蝦肉好新鮮爽口，豬肉蒸得岩岩好，幾滑食落仲有啲肉汁🥺推薦💯2️⃣點心拼盤 $50依款點心拼盤包括兩粒蝦餃、兩粒粉果、流沙包同叉燒包各一🤔流沙奶黃包唔算超流心外皮比較厚，叉燒包正常發揮，包類食落比較普通，而粉果味道正常，個人覺得沙葛比較多🤨蝦餃大大粒，入面有3-5隻蝦仁，蝦嘅Size都唔細，食落口感唔錯，推薦蝦餃👏🏻3️⃣山竹牛肉球 $23牛肉球大大粒，食落都爽口彈牙，好新鮮，個人覺得唔夠芫荽，但喼汁既味道食落有啲怪🤔要改善下。4️⃣蜜汁叉燒腸 $28依款叉燒腸好足料，入面好多叉燒，叉燒肥瘦平均，食落外皮都好滑，但豉油好淡口🤕5️⃣鮮蝦菜苗餃 $25依款菜苗餃每粒都有2-3隻蝦仁，蝦嘅份量多個菜苗，外皮晶瑩剔透，脹卜卜，蒸得啱啱好！食落味道唔錯，好正🤤6️⃣高湯鮮竹卷 $23依款高湯鮮竹卷，黎到嗰陣時熱辣

差唔多成個月冇出post😂 講下呢間觀塘嘅茶樓啦🥟☕️🥢🥢🥢唔講唔知原來有間咁隱蔽嘅茶樓經過敬業街完全唔會察覺到都係朋友介紹先知價錢都好相宜😌😌😌好多打工仔都會去食所以平日嘅晏晝/下午茶需要等位啲套餐好抵食㗎🤤🤤1️⃣大大粒蝦餃 😍 🦐🦐🦐入邊全部都係蝦 係爽嘅 皮唔會太厚2️⃣排骨😍真係粒粒都連啲骨 最好食係呢啲位3️⃣牛肉球 (麻麻哋)食到少少鬆肉粉味4️⃣咖喱牛肚超級入味 兒時回憶5️⃣金沙骨米線 $49 (係套餐 一個煮食+1個點心)6️⃣啫喱都幾一兜 落咗魚膠粉 算係比較實身果種加埋把傘 真係諗返細個 豪隍點心工房 (觀塘)觀塘敬業街65-67號敬運工業大廈1樓A室#觀塘 #觀塘美食 #觀塘酒樓 #觀塘好去處 #敬運大廈 #豪隍點心工房 #hkfoodie #foodlover #kwuntongfood #蝦餃燒賣 #觀塘茶樓 #觀塘飲茶 #敬業街 #敬業工廠大廈 #黃店

幾個月前留意到呢間豪隍既食評，好多人都慕名而黎，聽聞仲話要排成個幾兩個鐘頭先有得食添！今朝見得閒冇野做，就約女朋友黎呢間食點心嘆早茶撐下檯腳！由於一早有定心理準備要排大隊，所以小弟身先士卒，早少少出門，9點15分左右到達，點知入到去都未使排隊住，但見到店面實況都經已坐左8-9成滿座，咁我坐低後就等埋女友黎就開餐！我地都叫左8樣點心，包括：煎蘿蔔糕、雞扎、山竹牛肉、蝦餃、燒賣、鹹水角、叉燒腸粉同馬拉糕。以下逐一評分：煎蘿蔔糕-一碟三塊，每塊都份量十足，又大塊又夠厚，又煎得夠香，食落又唔會淋pat pat，都相當不錯！雞扎-一籠兩舊，岩岩蒸起熱辣辣，入面材料有芋頭條、雞肉、魚肚（定豬皮）同腐皮，芋頭條夠林、雞肉又夠滑、魚肚都爽滑入味，以市面雞扎質素黎講，呢個都屬於好高分！山竹牛肉球-呢個牛肉球好大粒，咬落去好爽口彈牙又香噴噴，真心好好食，而且小點黎添，必食推介之一！蝦餃-熱辣辣，岩岩蒸起，入面好多蝦肉，而且又彈牙又新鮮，當然亦都係必食推介之一！燒賣-目測相當之大粒，咬落去d豬肉係爽口滑漏仲好彈牙果隻，順利當選必食之一！鹹水角-絕對驚起之作，新鮮炸起熱辣辣就上碟俾你，表皮好趣又夠厚，入面豬肉

聽聞呢度點心足料又好食，但要排長龍，所以呢日突登傍晚六點就來到，場內已有好多食客，但仲有位唔使排✌🏽兩個人叫左6款+一個甜品😅埋單剛好$200，真係大件夾底食😋😋😋😋😋叉燒腸呢個不得了，來到見到叉燒好似要爆出嚟咁，皮薄唔會QQ，不過𥚃面有芫茜，唔喜歡的要小心。😋😋😋😋鳳爪排骨飯勁多排骨，好入味，鳳爪更加入味，飯軟硬適中，平凡中見不平凡😋😋😋蝦餃🦐一籠兩粒，好大粒，入面有6，7隻蝦，鍾意食蝦既就唔好錯過~😋😋😋雞扎🥠𥚃面有火腿、雞肉、芋頭、同至重要的魚肚🤩不過我呢份個芋頭唔係咁靚仔同比較實，另一份的芋頭好腍樣好好多比左隻🐷食左😋😋高湯鮮竹卷🌯有肉有點蔬菜幾清新唔錯😋😋炸雞翼🦴大大隻，皮脆肉嫩，好香脆唔油膩😋擂沙湯丸🧆這個皮有點厚，放耐一陣有點硬。。餡不錯，不會太甜

豪隍點心工房呢個品牌都有十年了佢既點心出品一直都保持到高水準,真係相當出色今次過黎食返幾碟先!鮮肉蝦仁燒賣 以鮮肉入餡,打成蓉再包,肉味鮮甜,上面仲放了蝦仁蟹籽口感食落豐富 蝦肉夠爽甜炒米粉 幾傳統既酒樓飽食之選 清炒米粉 加火腿絲蔥,蘿蔔絲炒埋 味道偏淡,唔夠味可以自己加豉油或者甜醬食,係飽食之選!鮮竹卷 鮮豆皮包住菜肉餡,又炸再蒸,個湯底出曬油,食起上黎已經無咁油膩個皮吸曬肉汁既味道,咬開係厚厚既菜肉餡料生煎包 生煎至熟,咬開係鮮肉餡仲有蔥花,幾香,個麵包細細隻2啖岩岩好食完煎魚肉餅 煎脆魚肉餅,細細件 香口小食 入有蔥同馬蹄碎粒消費$200觀塘敬業街65-67號敬運工業大廈1樓A室

豪隍位於觀塘工業大廈一樓，就算平日下午黎到都要等位，如果想食嘅就打去訂位先啦！ 😚店員有禮貌，上枱速度快。價錢就偏貴，不過每款都大件又好味。餐廳環境同一般酒樓唔同，比較似係茶餐廳格局，我地兩個人就安排左張細枱，張枱比較細，放唔曬d野食🤣🤣 食物水平高，而且每款都大大件，飽到食唔曬要打包啊🤭燒賣有成4-5隻蝦仁，而且皮薄餡靚。燒賣大大粒，豬肉肥瘦比例均衡。🤤炸物全部都炸到卜卜脆，放耐左都冇淋，特別推薦長春捲。沙薑雞腳都好入味，點埋個沙薑汁真係不得了😍

今日同男友去左觀塘工業區到整戒指，落堂時已經非常肚餓，又冇咩idea 食咩，結果workshop 老師就推薦我地去呢間，話係附近好受歡迎既點心，見佢講到咁好食2，就試試佢，結果冇失望整體黎講，點心好食，而且坐得舒服。推薦兩個人叫左8樣share,食到好飽

聽講平時好多人，要大排長龍先可以堂食，我地夜晚去食，就唔洗排隊等位•͈˽•͈整體點心都係好足料，食材新鮮，非常推薦！✲ 茶品有外面飲茶常見嘅普洱、鐵觀音等，仲有較少見嘅玄米茶可選。✲ 精選燉湯似乎每日唔同，果日喺飽魚雞腳豬骨雞肉湯。足料，配料豐富，湯味濃，飽魚雖小，但竟然有５隻。✲ 墨西哥叉燒包推介之選，外表看似普通，咬落去外脆，內鬆軟，啖啖叉燒，好足料，美味！(•̀ᴗ• ) ̑̑✲ 月光寶盒(包括XO醬蘿蔔糕，鹹水角，流沙包，蝦餃，燒賣，粉果，手拍青瓜，麻辣雲耳，懷舊啫喱)推介之選，適合想打卡，而且有選擇困難嘅朋友仔。青瓜、雲耳都有爽脆口感；雲耳偏辣；蝦餃、燒賣都有多隻鮮蝦在內，十分足料，粉皮薄，鮮蝦味重。蘿蔔糕香口，上面有一絲絲瑤柱絲；建議最先食流沙包，否則無哂流沙效果。✲ 爽口滑蝦腸蝦量非！常！多！腸粉有光澤滑身。✲ 鮑魚雞絲腸腸粉啖啖餡料，配上咸味不重嘅豉油，不會蓋過雞、鮑魚味，不錯。✲ 山竹牛肉球牛肉彈牙，滲有淡淡陳皮香。✲ 鮮蝦腐皮卷放咗一段時間先食，腐皮仍然勁脆。✲ 豉汁蒸鳳爪鳳爪選用較大隻嘅雞腳，味道不錯，但稱不上出色。

每次有親戚朋友嚟屋企食飯，但諗唔到加咩餸，就會嗌佢哋嘅點心！每一次都唔會令人失望😎1) 甜奶炸饅頭餐廳會附送煉奶☺️2) 鵝肝醬鹹水角每次都必點兩份以上！雖然食唔出鵝肝醬嘅味道，但即使當佢係普通鹹水角都好食😋3) 蜜汁叉燒腸4) 爽口滑蝦腸5) 蝦仁燒賣皇隻蝦真係好彈牙👍🏻6) 生煎蘿蔔糕7) 流沙奶黃包搵鉸剪剪開佢哋嘅時候，個餡仲係流心架!!8) 蒜蓉芝士長春卷 外賣送到屋企仲一樣咁脆！唔敢想像堂食會好味成點🤣

點咗好多點心，其他都OK但係炒米粉就出事啦，超級難食，而且佢唔會俾退堅持要客比錢， 另到我都不會再來啦服務真態度係一般，豉油樽冇豉油叫佢加，佢亦都唔願意喺度咿咿哦哦好失望

之前已經係ig睇過好多人講佢上一次因為太晏去好多人排飛🥲(其實我地臨走個陣都只係10點幾 條隊都好長😵)今次就提早book枱 早啲食～佢所有點心都好足料 兩個人叫5碟真係飽到趴喺度🤣蝦餃成個bb拳頭咁大 包住幾隻蝦🍤奶皇包流沙 叉燒包同膠粉都多餡鳳爪唔使用啲好濃嘅汁去蓋過雪藏味排骨飯啲餸係舖滿面😳仲要唔係得啲骨🤘🏻本次MVP：炸饅頭✨得外面薄薄一層炸得脆裡面唔油 保持到個包好鬆軟 🤤

呢間野比朋友推介左幾次，話係大廚開既鋪，平民得黎又好食。但係我一直都冇試，因為怕觀塘區放lunch 多人丫嘛。星期六日去食，就一定多人；平日去，喂觀塘咁多寫字樓，就仲多人！直到今日，係等食晚飯既時候，靈機一觸！晚飯時間飲茶咪冇咁多人囉！哈哈，真係天才。我同朋友跟住個地址去搵，個入口真係好普通，普通到冇招牌，係普通住宅後樓梯咁款，真係少點眼力都miss左個門口。上到去，果然，好！少！人！難怪既，夜媽媽邊有人想飲茶丫，不過都好，靜靜地，可以專心食個飯傾下計。呢間野總括黎講質素真係好唔錯，由其茶款選擇多，竟然有玄米茶飲。其中有２款都幾推介，分別係月光寶盒同鮑魚雞絲腸。月光寶盒入面有好多野食，可以唔洗逐個叫（包左XO醬蘿蔔糕，鹹水角，流沙包，蝦餃，燒賣，粉果，手帕青瓜，麻辣雲耳，懷舊啫喱)。而鮑魚雞絲腸就夠滑身

好食足料嘅點心店唔多💛 呢間要排隊等位但都咁多人就知佢咩料啦😏 入面座位唔多都坐得比較迫而且信號數據接收差🙈 不過講真食真係唔錯😚 分量來講兩個人飲茶食點心都好可以😆咸水角 ($17)香脆炸得岩岩好 唔會話痴牙都唔會話好油😋蝦餃皇 ($19)一咬落去好多好多蝦 估計一粒蝦餃有3~4隻蝦真係勁足料😳燒賣皇 ($19)燒賣上面又係成隻蝦 正常發揮好食的😙爽口滑蝦腸就咁滑腸粉加埋爽口蝦又係好食😆長春卷又係有蝦嘅點心 一樣都係好味 應該有加少少蒜蓉好香😍黑糖糕黑糖味就有嘅 不過食落去實d 唔係太好食嘅感覺🙈桂花糕食落覺得較淡味 桂花味又係好淡唔夠出 慢慢食落就係得甜味🙈凍蜂蜜生薑雖則飲茶食點心 又試下凍飲先 似幾特別 好多薑味 唔太岩口味😬總結蝦點心都好好食又好足料 糕點類同凍飲就唔需要了🤣 必食蝦餃燒賣蝦春卷蝦腸 講完💛