豪隍點心工房 (Closed)

豪隍點心工房 (觀塘)觀塘敬業街65-67號敬運工業大廈1樓A室酒樓的確好少係良心酒樓，咁岩去開觀塘，又想飲茶，就去依間試吓，結果真係超抵食，好好食，每樣野都好大份！茶芥每位$6！睇網上評論話會排好耐，好彩我哋去食嘅時候唔使等太耐，不過都見到引人龍真係好多。手拍青瓜$23雖然唔夠辣，但係好開胃，而唔係好酸嘅汁，酸度恰到好處，值得一讚嘅係青瓜非常爽脆，最怕食到好淋嘅青瓜。流沙奶黃包$25係依度個人最鍾意嘅點心，不單止非常流沙，而且餡料好多，有別於一般嘅流沙奶黃包，個包都好鬆軟。豪隍蝦餃皇$25雖然得兩粒，好大粒，入邊有幾隻大大嘅蝦仁，而且個皮好煙韌好通透，有別於平時又厚皮又重粉感嘅皮。蝦仁燒賣王$25雖然得兩粒，但係超大粒，仲有成隻蝦喺上面，咬落去爆多肉汁。高湯鮮竹卷$23平時係唔鍾意食腐皮卷、鮮竹卷等等嘅卷，因為覺得油膩感好重，齋味好似食緊盆菜Gemei咁。但係依個好好食，啲肉係斬碎咗，唔會好油膩。醬汁茄子拼尖椒$30依個係第二樣覺得超好食嘅點心，共有四件仲好抵食，我未到好似出邊食串燒嗰種釀茄子同埋尖椒嘅味，又香又脆又多汁！爽口滑蝦腸$34平時好鍾意食蝦腸，但係平時啲腸粉個皮超卅厚又易

午市套餐: (蒸飯/米線/腸粉+點心) $49/set-梅菜肉餅飯 + 鮮蝦菜苗餃 +$3-鳳爪排骨飯+ 蝦餃皇 +$3-三絲米粉+雞扎 +$3-蜜汁叉燒腸+菜肉雲吞 單點中)蝦仁燒賣皇 (兩粒)(中)墨西哥叉燒包其實所有點心都好食😍 尤其是係燒賣蝦餃同埋鮮蝦菜苗餃，一上嚟嘅時候真係比平時酒樓嗰啲大粒😍 (唔記得影菜苗餃 UwU) 蝦餃同埋鮮蝦菜苗餃真係好好好足料，蝦餃真係啖啖蝦肉，菜苗餃就一半菜苗一半蝦，都會食到啖啖肉🤫 同埋燒賣都係一定要食🥰本身我唔食叉燒包，然後一齊黎嘅朋友話一定要食，其實係脆皮叉燒包，比平時嗰啲更加脆同埋有啲牛油味，叉燒都好夠😋話說上三絲米粉嘅時候，個份量真係好多😂個兜仲大過我朋友隻手，仲要係pack得好滿，最後係食完個米粉打包雞扎😂——Overall: 7/10 ✨

朋友介紹響觀塘有間好抵食嘅中式點心舖頭，叫豪隍，趁今日放假，同老婆去飲茶。舖頭在觀塘工廠大廈2樓，約11:30到，要排隊。等了約15分鐘，已經有位。舖頭不算好大，倆人叫了一個點心拼盤、金錢肚、燒賣、叉燒腸及山竹牛肉。另外追加芝士蒜蓉長春卷。點心拼盤包括有兩個蝦餃、兩個潮州粉果、一個叉燒包及一個奶皇包。燒賣大大隻，比較多瘦肉，蝦亦好大隻，食落口感不俗。最正係長春卷，剛剛炸起，脆卜卜但不油膩，食落香口，蝦肉彈牙。山竹牛肉相對較失色，唔知點解，味道帶一啲苦味。金錢肚處理得很不錯，非常腍，味道好重手，但啱自己口味。叉燒腸則普普通通。另外蝦餃亦很好，蝦餃size非常大，全隻都係蝦，食落爽口。潮州粉果亦算水準以上。叉燒包size略細，但叉燒餡非常多，蠔油味重。最後埋單每人約$100 ，算係非常抵食。

我真係勁勁勁鐘意佢個蝦🦐子燒賣，超好食，勁多🦐(滿口都係🦐)，一個燒賣成4-5隻🦐勁夸張。然後就係佢個酥皮叉燒包，我鐘意呢隻，唔鐘意白色嗰啲傳統版，太肥膩。P.S. 佢過嚟個陣時仲熱辣辣🔥

朋友推薦之下，嚟到呢個地理位置麻麻食點心嘅地方。本身嚟到咁格攝嘅地方，個心都諗住搏一搏嘅啫，估唔到咁喜出望外。呢度嘅點心，全部即叫即蒸所以上菜嘅時候都係新鮮滾熱辣！幾好嘅係蝦餃或者燒賣呢啲係兩粒一份，我同朋友兩個人食就唔會太多搞到試唔到其他款。好貪心咁叫咗蝦餃，燒賣，牛肉球，排骨等等，總共8樣嘢！其中一樣，叫銀羅脆皮腸！本身睇個名，完全唔知佢係乜嘢。但好奇之下都係想試一試。原來佢係好似炸兩咁不過中間有蘿蔔絲，上菜仲係脆口好正！其他點心都大大件又好食。雖然呢個地方真係好偏僻，但我絕對會推薦，亦都會再嚟。

雖然入囗感覺有啲隱秘不過餐廳入邊好空間感好乾淨員工數量都好足夠同好精神食物唔單止好食鍾好鬼足料 最鍾意佢地嘅蝦蛟 大大啖蝦肉嘅口感 正而佢哋嘅芝士春卷真係好值得試D青瓜完全係畫龍點睛 可以洗走晒口入面嘅油膩感不過腸粉感覺有啲普通 可能食得多鳳鳴腸粉食到standard高左下次都係留肚試吓其他菜式另外感覺茶水都係普通茶樓水平 兩個人叫六個點心已經差少少食唔晒要打包走而且埋單連兩百蚊都唔洗 抵食到傻諗唔到觀塘咁正嘅茶樓

豪隍係觀塘工業中心， 入口非常唔明顯。lunch hours 分分鐘等半小時以上。星期日去完五千萬既觀塘海濱音樂噴泉， 就行去豪隍食點心。 6 點左右唔使等位， 但都有人等外賣。 一入去就聽到播緊一首歌既純音樂（自己黎感受下啦） 有驚喜， 因為平日午市聽唔到…蝦餃燒賣必食， 大大份，好足料， 味道又好😋晚市有個月光寶盒，有蝦餃、燒賣、粉果、流沙包，青瓜有驚喜😍雞扎份量都好足料混帳腸粉比較厚身， 唔似街邊小食店食過豪隍之後， 已經唔想再去連鎖式酒樓飲茶

今次第2次黎，一行6人，叫飛既點都唔俾我地一齊坐，明明好容易安排，但都盡量唔安排，我明要等d枱一齊埋單係唔容易，但你都嘗試又點會有呢。我同阿媽去又有小朋友，費事出面等咁耐，於是就咁就入咗去，2 張枱分到勁遠，好快就見到有張6人枱可以坐，我地未落單，但又唔俾我地轉，只係俾我地轉1張近d既2人枱。我明你哋大把生意唔憂做，咁客人都有權選擇既。一間好既餐廳除咗食物質素要好之外，服務都非常重要。我明因為疫情要分開坐，但都可以盡量安排隔離囉！！！

食過三次啦，今次第一次介紹佢寫食評。首先點心情成功，我多數會睇蝦餃同燒賣，我特登拆開左粒蝦餃呢影相俾大家睇，真係唔係講笑佢究竟係咪用左五隻蝦去包嗎？？？燒買因為得數量少，一上枱已經比人搶晒，食過一次唔錯。重點黎啦因為頭果次我冇跟人點墨西哥叉燒包，點知係個group度睇返啲人狂post相, 早知自己走左寶啦。今次醒喇我即刻訂番，唔係講少同氣炸鍋係最佳拍檔， 出到黎個頂係脆架，好味到一個點，叉燒就更加唔洗介紹啦，（我唔like肥叉的）呢間好出色。馬拉糕勁cute. 仲有，佢嗰金錢牛肚，辣椒調味調得好出色，不過有少辣，我都食到嘅。

🚩蝦仁燒賣皇（2粒）$25燒賣偏大粒嘅食到豬肉味👍蝦仁都大大隻推介‼️🚩墨西哥叉燒包 $25即係平時食嘅脆皮叉燒包叉燒包比正常茶樓嘅大少少個脆皮好重牛油味👍👍👍同埋啲叉燒餡多👍👍🚩醬汁茄子拼尖椒 $24尖椒夠辣👍👍茄子🍆上面釀魚肉係有煎過而且好足料呢個都推介❗️🚩上海生煎包 $23Ummmm 可以唔洗叫好大薑味 同埋個包比較軟唔推介🙈😂🚩鮮蝦腐皮卷 $28叫呢個嘅朋友一定要小心入面超級多西芹😂😂😂不過個外皮好鬆脆❗️入面嘅鮮蝦份量都幾多👍🚩豪隍蝦餃皇 （2粒 ）$25蝦餃入面有兩隻大蝦🍤皮就正常啦都OK煙韌都可以一試🚩五香金錢肚 $34金錢肚非常非常入味😎😎😎而且一啲都唔韌份量我就覺得正常總結時間🥰我去食係三點幾但係都好多人人氣高❗️❗️😂而且我見OpenRice話服務一般但係我上次去就覺得好好喎👍服務員見到有卡位即刻問我需唔需要轉位👍環境都幾闊落推薦比大家❗️

觀塘豪隍點心真係lunch time 早餐都排到落後樓梯，不過係超級值得！lunch time仲有蒸飯加點心套餐😈粒燒賣真係超大粒！而且啖啖肉，仲有鮮蝦！蝦餃入邊都好多蝦肉，好足料！腐皮卷濺到卜卜趣皮薄，餡多。我post出嚟嘅點心都係好食同好推介大家試！果然係觀塘名物！去相！不過呢間名物嘅服務就不過不失啦，可圈可點

今日在附近工作，所以慕名而來。自以為自己好醒已經12:30到達，誰知道已經要等位，好彩等了15分鐘已經有枱。一坐低見到點心紙已經好雀躍，基本上有好多嘢都想食最終叫咗蝦餃燒賣，蒜蓉芝士長春卷，墨西哥叉燒包，鵝肝醬鹹水角，同埋鮑魚雞絲腸粉。墨西哥叉燒包熱辣辣好味好味但係唔太食得出鵝肝醬春卷跟一個麻醬俾你點，其實我覺得唔使點醬都好味蝦餃同燒賣都超級大粒，同個鹹水角一樣咁大😯腸粉係出面比較少見嘅鮑魚雞絲腸粉其實我哋都有成日𥄫住隔離枱嗌啲咩食，見到其他嘢都好吸引，期待下次再嚟試其他款式😋

搵左好耐嘅黃店酒樓 佢同地鐵站個距離唔算遠 行大約10分鐘就到 不過個位好隱蔽差啲就行錯路😂 比起一般酒樓呢間就細咗啲 但係坐嘅位都好闊落，檯亦都夠大推薦食物🤤🙌🏻🥢燒賣呢句燒賣比平時酒樓嘅大粒好多!! 上面嘅蝦亦都好大舊 咬落去唔會好粉 調味亦都啱啱好 唔使落豉油都夠味🥢鵝肝醬鹹水角應該係即叫即炸 超熱仲冒緊煙🤩🤩🥢北菇滑雞飯咁多樣點心入面最鍾意呢個💗啲菇略為少咗啲 不過啲雞好滑 加咗好多分🥳 總共三個人食咗二百幾 勁飽咁走🤰🏽 絕對係抵食之選！

屋企人放假一齊嚟食點心，依個馬拉個位我食過最好食嘅😂🥰🥰🥰勁鬆軟有彈性，又唔會過分甜，超級推介👍🏻雖然等位要等耐啲，但係啲嘢食都幾大份超級抵食👍🏻

好耐冇同朋友飲茶喇！今日就去左試呢間，好味又抵食！😉1️⃣蝦仁燒賣王 - 2粒（$25）2️⃣豪隍蝦餃王 - 2粒（$25）呢兩樣飲茶必叫～兩款都大大粒，啲蝦又好大隻、好多兼爽口！🤤🤤3️⃣手拍青瓜 （$23）青瓜爽脆，涼拌汁又好味～👍🏻4️⃣ 生煎蘿蔔糕（$23） 如果鍾意多臘味既朋友應該麻麻，但我就覺得少臘味開心啲～😜5️⃣爽口滑蝦腸（$34）呢度啲蝦係好食，但腸粉皮真心太粉...6️⃣山竹牛肉球（$23）又係大大粒！7️⃣ 足料珍珠雞（$30） 本來唔係點呢樣～😂好食，但飽到食唔晒！🤣8️⃣流心奶黃包（$25）我地最尾先食，凍左都仲流心！正呀～😍☕️茶芥（每位$12）❗️我地中午12點到，等左大半過鐘。如果唔想等咁耐，就可能要早啲去喇～