貓館 (Closed)

閒日晚上9點左右上去,客人都幾多,今次第一次去上樓cafe.....食物:-雞翼湯意粉 -Ice Cappuccino X 2 -咸牛肉芝士飛碟-New York Cheesecake味道正常~ 貓咪:全部都好可愛,有一隻超得意,叫佢同我影相佢真係望住鏡頭影左幾張…有少少唔係幾好就係油煙大,waitress唔太友善,waiter就好好有笑容,應該會再黎的,因為貓咪~

Catfe's a small but cozy place for those who love a quiet chat with a small bunch of friends. Very well-decorated, with bright red sofas and five lovely cats! Food quality's so-so, "Herbal Tea" is nice though. A fabulous place to linger in after a day of tiredsome work...but hey make sure you're not allergic to CATS!

某日要去太子, 一個人食飯, 又唔想食太熱氣, 之前已經知道呢度有間喵喵cafe, 雖然見到openrice人有d唔好既評價, 不過都照去睇下~入到去見到位置幾寬敞, 裝修唔錯, 仲有唔少喵喵相, 感覺良好可能座位唔多, 加上有人做左booking, 我又一個人, 所以入到去, waitress都有d難做既樣, 最後安置左我係雙人圓檯就由呢刻開始, 就已經feel到openrice人點解評價唔好喇... 比較重點就係服務態度問題, 一直都係一位waitress招呼我, 可惜服務態度欠奉, 落單擺野收錢全程黑口黑面, 答問題完全無笑容, 非常hea既感覺而且唔知係因為櫃檯設計問題, 定佢地係廚房太忙 (事實上我眼見有3個人係度做野, 但客人得4個, 仲要係得我1個既餐未出, 應該唔會忙)我幾次想落order叫野飲個d, 都幾乎要大嗌, 甚至狂揮手先有人理 呢方面實在實在要改善!另一重點, 係食物問題!晚餐係主菜, 可以係甜品、餐湯同餐飲揀2樣, 我揀左餐飲同甜品, 所以主菜先黎我點左煙三文魚天使麵, d汁ok, 配菜都唔錯, 可惜正式既主菜真係唔多掂!先講煙三文魚, 薄薄地得一塊, 都算

之前在Friend口中得知這一間可以同貓貓玩的CAFE, 所以上星期在旺角同男朋友行完街街就衝了上去一開門就見到隻貓貓在門口迎接我們不過其他貓貓就腄著了, 個樣好Q啊, 哈哈坐下後我們就點了兩個下午茶餐:1. NEW YORK CHEESE CAKE + 榛子COFFEE2. 炸雞弈(2件)天使麵 + 甜酒威士忌COFFEE個CHEESE CAKE唔會太淋, 又唔會太死死實實, 軟硬適中, 好重芝士味, I LIKE IT件炸雞弈金黃色, 咬落去卜卜脆D天使麵又唔會話好淋, 好爽講到杯飲品, 我就飲榛子COFFEE, 甜度剛剛好, 有D特別我男朋友就飲甜酒威士忌COFFEE, 我試了一點, 甜得來帶點苦, 好難形容再講番D貓貓, 有隻白色的貓貓好鬼活躍時常周圍走, 牠追著個球走來走去, 好可愛啊^^另外守住門口那隻一有人經過就望住你, 一樣可愛野食又不錯, 又有貓貓玩, 值得一去

哩到係個充滿回憶既地方~以前經常同ex-gf去~看雜誌知道哩間cafe~我地最初係被佢既貓貓吸引~之後加上佢既環境舒服所以經常去~大大張既紅色單人梳化真係好舒服~非窗邊右手邊既二人位不坐~如果樓下望上去見到俾人坐左~已經唔係好想入去~窗口望落街就咁望呆左~聽住英文歌~枱唔多唔會太噪~感覺閒靜脫離煩惱~講返食~還記得以下: 玫瑰花蜜: 仲有好多花蜜選擇~但多數都係叫玫瑰~不過唔好叫一壺既熱花蜜~味道太淡啦 煙三文魚忌廉天使麵: 本身哩道係配唔知咩麵~係我地要求轉~但依家人轉左都唔肯轉~太耐冇去唔知仲有冇哩道~ 藍苺芝士蛋糕: 不過不失~當然要講講佢既招牌: 貓貓~雖然只係幾隻普通既家貓~唔似得阿貓地攤咁多品種~不過有貓貓已經好特別~佢地有時會行出離曉場一圈~好搞笑~有隻好似有靈性咁~企高係梳化眼定定望住窗出面或者盞燈~好似係到諗緊野咁~雖然冇點去其他cafe~但覺得佢價錢應該比其他平~都幾抵坐~哩到唯一唔好係好油煙大~鋪位太細加半open kitchen~煮野食就會傳出離~客唔多~真怕佢做唔住執笠~比佢更舒服更優質既cafe我諗有好多~不過我情有獨鍾~

今日同阿妹去左『貓館』玩~~ 環境唔錯,舖仔細細,幾舒服,,好乾淨~~仲要d貓貓自己有一角做貓竇,,都好乾淨~~貓貓只只都肥,,,唔鐘意比人抱,,,抱就咬~~haha~~有d成日訓,,有d周圍行,,好可愛~~ 食物出乎意料好味~~尤其個湯意粉~份量大仲好好味~至於侍應服務態度一般,有點兒冷漠,,但未至於差,,還算ok~

maybe樓下嗰位人兄去唔慣cafe~有時有d人覺得冇招呼~~其實對另一d人嚟講~就係想有個人空間呢間cafe的侍應~好似d貓咁~唔多搞你~但你搵佢~佢會喺到我反而覺得很不錯~我星期六下午~一個set lunch~靜靜看看書~看看貓~冇佢地的騷擾~~仲好~應該多謝佢地~冇俾壓力人地要立即食完就走上次的白汁意粉都好ok~朱古力亦不錯~係合格的水平~5隻貓~各自各瞓.....有小朋友搞~佢又冇走開~都好ok嫁啦而且侍應亦會借貓棒俾你同貓玩~我覺得係可以再去的餐廳特別一提的是近日~佢附近的巴黎咖啡店同另一間東東派左員工喺樓下叫喊....大佬呀...喺旺角~想去cafe的人...唔會因為你地嗰d對面馬路都聽到的聲而想入去law我反而會揀冇人叫喊的catfe law...........

好少可有真係令我忍唔住既餐廳寫食評都係第一次,真係忍無可忍先寫之前黎呢個網站睇過呢間餐廳既資料,但係一直都冇用心去留意呢一間cafe係邊度今日路過太子,見到佢擺左個版係樓層口,二話不說即刻上去試下滿心歡喜咁上到去,諗住呢度既食家都有讚冇彈,實冇死去到,貓就真係普普通通,四隻定五隻貓,得一隻行下訓下,其他剩係得個睡相...但係我唔係怪d貓,佢地冇受人二分四,冇收錢,冇錯但係果d侍應真係令人火都滾埋冇禮貌,冇招待,冇笑容,冇服務俾人個感覺好似拎刀叉餐牌過黎都好似斬佢全家咁樣佢拎到埋黎d野,我順口講左句唔該........突然間驚覺好似我自己serve緊佢咁,成個人個方向錯晒,唔記得邊一個係收錢果個,邊一個係消費者...兩個女仔,好明顯個感覺就係擺到明唔想理你咁,粗手粗腳,野都唔想講句到d野食埋到黎先黎碗湯,一大個碗裡面大概有4啖湯,唔好講我,連我女友都唔夠飲我食長通粉,d通粉硬既,d煙三文魚冇得挑剔,因為點睇都唔似自己剩,但係味道just ok我女友食個龍脷柳天使麵,d麵冇汁既,乾"憎憎",仲要一撻撻,分唔開一條條麵,但係塊魚幾ok,唔腥,個feel幾新鮮杯野飲,薄荷朱古力,普普通通,合格

其實同個fd想揾個地方hea,上openrice見到呢間貓館, 決定試下! 之前有同事講過:"cafe d野一定唔會好食." 上到去見到得1檯客,靜靜地.環境舒適,又好座.我倆叫左個波菜汁龍利魚天使麵,波菜汁好有驚喜! 好濃好鮮菠菜味!龍利魚係剛炸好,香脆,唔腥! 侍應態度又好,真係唔似一般cafe質數

同朋友們傾行程事宜，搵間cafe諗住可以坐耐d，揀咗貓館，因為有至愛0既貓貓。預早卜咗位，上到去冇乜人，地方細細只有四五張枱。叫咗個set dinner - 龍脷魚柳菠菜汁天使麵、榛子咖啡、青檸cheese cake，通常對cafe0既食物唔抱期望，但哩間係ok的，只係個菠菜汁賣相唔多討好，而且份量都多，榛子咖啡幾好飲，件cake都ok。環境都幾舒服，不過只有五隻貓貓，隻隻都係大貓，好懶淨係顧住瞓，點摸點搞都唔埋人，哈坐吓坐吓都坐咗三個鐘，同朋友傾計哩度啱晒。

其實我係尋晚係呢個網見到呢間 cafe...所以今日特登約左2個 fd 去試下....我地 2:00 去到....岩岩開門....個 waitress 都幾有禮貌....我自己本身唔太鍾意貓...不過同行既2個朋友都係愛貓之人....所以一入到去就玩左陣貓先叫野食.....我叫左 blueberry cheesecake + iced latte....味道幾好....而且佢用左 d 朱古力醬裝飾...唔會淨係擺件 cake 上碟就算....我 2 個 fd 都叫左厚多士.....好好味...整得好脆....佢果度有 d 玩具俾你同 d 貓玩.....我地同 d 貓玩得好開心.....而且食野果陣會有貓係你腳邊走過....成間鋪頭既野都同貓貓有關......鍾意貓既人去到一定會好開心.....整體來講....係一個值得再去既地方 =]

窩夫都幾好味, 花茶就一般.最開心梗係同貓貓玩啦, d貓貓真係好得意, tiger好鍾意望窗沉思, 一副憂鬱少女look

今日去左食！唔錯！D野食好靚......味道都較得幾好！！又唔使得好耐又黎到！好欣賞佢地個西蘭花湯！.......D貓好乖...唔會四圍行...摸佢無問題！但佢地無乜反應！！見到其他人寫食評..放D貓貓相！同我放果張D貓貓位置一樣！我唸D貓平時係訓開果個位置！環境唔算大！兩三個朋友傾計啱！可以坐好耐！但有樣唔好處...食食下發現好大油煙......佢地係到炒蒜頭...勁刺眼！好辛苦！食完落樓成身油煙味！空氣唔多好...唔夠流通！

~我係早個半鐘打去訂枱~聽電話個個好有禮貌~好在有訂~坐坐下人都多左...之後d人重要等位....waiter好有禮貌咁serve我地~任我地坐幾耐都ok~湯,野飲同野食都正常ok~有貓精品賣~重要係有5隻貓貓~不過人多佢地就番去佢地個conner到訓~整體滿意~愛貓ge人一定要去喔~^__^~

友人喜歡貓，所以便與之到此店試試。店內地方不大，數埋都只得十數個位俾人坐，全店都有不少貓相及佈置，配合一些音樂真係幾正、舒服。我發現店內有四隻貓供客人去摸，牠們文靜的姿態，讓客人也要變得溫柔，偶然有貓會在你座位旁行過，不會滋擾，很乖巧。三文魚雜菌長通粉：幾香，味道不俗香草雞柳蕃茄意粉：賣相幾好，味道也算豐富這裡有幾個餐供客人選擇，但主要都是一間cafe，即是食小食、cake、飲野如果有時間坐久一點就好，不用趕忙的，就可以和貓貓玩多一點。