鼎皇臭臭鍋 (Closed)

之前好似都有食過一次臭臭鍋！覺得都幾特別！入面件臭豆腐就最吸引！行過見尖咀開咗間新，同fd去試下先！有8種鍋，4隻係養生。其他就有招牌臭臭，泡菜生糕，台式麻辣同黑麻油雞！嚟到緊係要叫招牌臭臭試喇！入面好多料！有黑豚肉，台灣貢丸，蜆，鵪鶉蛋，米血高，鴨血，豬大腸，娃娃菜，金菇，臭豆腐，粉絲，榨菜絲，番茄，鳴門卷！下面會有個爐仔幫你暖住個鍋！一人一份，大大盤！加少少錢可以將白飯轉為滷肉飯或者係芝麻洋蔥鹹魚醬飯！我就轉左滷肉飯！啲滷肉唔會太肥又唔會太鹹，就咁食已經好好食！其實個鍋入邊嘅嘢已經唔少，但個飯實在太好食竟然成碗食得晒！鍋入面個米血糕係台灣都好出名，食落去個口感都幾特別，吸左少少湯都幾好食嘢飲我要左玫瑰花瓣綠茶,玫瑰味都幾重，因為嘢飲底下落咗好多玫瑰糖漿，上面就有好多玫瑰花蕾，又靚又好飲，配埋綠茶，感覺上比好多其他飲品都健康！

今天路過金馬倫道，看到一個色彩繽紛的花花世界。原來有新餐廳開張。臭臭鍋，未聽過，一於試試吧！就座後，細看餐牌。全都是鍋～鍋～鍋，也有其他小食和飲品。臭臭鍋，就是鍋內有臭豆腐，而餐牌下方也有熟悉的養生鍋。養生鍋，名字比＜臭臭鍋＞好聽。望著這個藥膳鍋，但有點疑惑。夏天快到了，不想吃羊肉。靚女職員主動表示：唔食羊肉，可以改為牛肉。這個提議不錯哦！就點這藥膳牛肉鍋吧！　大鍋連同底爐一拼呈上。大部份食材已煮好，有別於平時香港火鍋，逐一慢慢烚慢慢嘆。  視覺：中央的小肉山，圍邊是枝竹，蘿白，肉丸，菇，淮山，粉絲，娃娃菜之類，都浸在淺啡色的湯底之中。基本上，除了牛肉較油膩之外，其他食材都是少油系列。待職員點火後，才慢慢滾起來。 手感：每件食材容易夾出，應該是剛下鍋的。如果食材提前放在鍋肉，一定會被壓到實篤篤的，難以夾出。下方粉絲不粘結，但因為太滑，容易在筷子間溜走。嗅覺：淺啡色的湯底只透出淡淡的香氣，藥膳味不太濃，非肉骨茶。味道及口感：先把牛內攤開，平鋪在鍋面。以較細火力，慢慢把牛肉浸熟。待牛肉剛剛由粉紅變為熟牛肉的一刻，就是牛肉最嫩滑的時候了！    蘿蔔早己煮得軟棉棉，好入味。   枝竹吸汁一流

WEEKEND 去左TST行街, 之後差唔多食飯見到有間新開了台式臭臭鍋, 所以二話不說同朋友去食.果度好多款一人火鍋，eg 有台式麻辣、藥膳鍋、臭臭鍋等等,  每個火鍋價錢係$118另收加一服務費.我同朋友一人一個鍋, 我要左藥膳羊肉鍋, 佢要左個養生四物鍋~入面既料都唔同~藥膳羊肉鍋有: 羊、娃娃菜、金針菇、台灣貢丸、蜆、粉絲、粟米、榨菜，玉子豆腐等...而個養生四物鍋有: 雞脾肉、准山片、金針菇、台灣貢丸、蜆、老薑、粟米、娃娃菜，豆腐等..overall 2個湯底都好正, 餸既份量都好多.我地仲點左肉燥飯、咸魚醬飯，將D 餸搾飯真係一流! 下次會要黎=]

朋友得知尖沙咀新開了台式臭臭鍋這晚放工後已經急不及待過來試一試餐廳門口擺放著大量花藍新開的餐廳有著乾淨、明亮的用餐環境主打多款一人火鍋有台式麻辣、藥膳鍋、泡菜鍋、臭臭鍋等等每款$118另收加一服務費另有小食，飲品跟火鍋料每桌都有的調味料招牌臭臭鍋臭豆腐，黑豚肉，豬大腸，米血糕，娃娃菜，金針菇，貢丸，鴨血，蜆，榨菜，蕃茄，粉絲份量對女生可能剛好，男人的話應該不太夠 鴨血口感嫩滑豬血糕口感很Q，一點都不會硬還有淡淡的米香，在香港能吃到不錯的豬血糕，的確很幸福臭豆腐，味道略淡了點朋友點的麻辣鍋多了四份之一的公仔麵，還有燕餃點了中辣，辣度蠻強的最後加點的咸魚醬飯咸香味重，拌飯一流以這個價格，其實在外面會有更多選擇鍋類如果包一碗白飯/一杯飲料，個人會覺比較值一點宣傳你的專頁

小弟中意食一人火鍋，又係尖沙咀附近返學，每個禮拜日都會試下呢區既一人火鍋，都叫有資格批評下一人火鍋。鼎皇呢間真係差中之差。因為新開張，店鋪無咩人都可以理解，見到呢度有兩個正評兩個負評，就決定試下新野啦。(之前食過同區的'熱點'同埋'8鍋臭臭鍋')食評話新開張有免費飲品，諗住有得飲啦，但原來午市先有。都理解既，午市少啲人會食火鍋，用免費飲品做招徠。但其實夜晚去食(1900-2030)，期間都係得四五檯客，以果個位置黎講算少人。無野飲有少少失望，不過都ok既，始終佢唔係老馮free比你。不過無配飯真係有啲嬲。佢門口個牌寫住118蚊，下面寫住滷肉飯/鹹魚醬飯，正常都以為係包埋啦，又無寫價錢，上面又大大隻字寫住套餐。但原來係玩緊文字遊戲，dinner原來唔係套餐，少左個set字。咁好心你就寫埋晚餐加飯既價錢啦! 特登用貼紙遮住果個位，係咩居心大家都估到啦。(之後check翻就算係set lunch都要再加12蚊先有滷肉飯)唔包飯都算啦，但係呢間野價格其實唔平。比較隔黎街既8鍋臭臭鍋，大家既價錢都係130(加左一)，你新開張要吸引客人，如果唔靠價錢就係靠分量同食物質素架啦。可惜兩樣都輸曬。首先係

尋晚諗住打邊爐行過見到係台灣食過既臭臭鍋就一於就去試下係門口等左一陣位就入到去一坐低就即時叫返個臭臭鍋試下另外兩個朋友叫左蕃茄豚肉同藥膳羊肉等左一陣就黎晒三個鍋咁就即時試下個臭臭鍋一試就發現係係台灣食過既味道👍🏿個蕃茄豚肉鍋食落有好濃既蕃茄味完全唔似係味精湯而個藥膳羊肉鍋味道淡左少少另外個肉燥飯👍🏿👍🏿👍🏿👍🏿👍🏿期待下次再約朋友一齊黎試其他果幾味鍋呢間臭臭鍋絕對可以再黎幫襯👍🏿

去過台灣一定聽過臭臭鍋，加入了臭豆腐既台式火鍋，價錢親民，而且一個人可以食又方便又快捷。餐廳嘅裝修非常之闊落，店主落足心機！而且餐牌同埋圖片都好靚。雖然香港嘅臭臭鍋唔到數落只有幾間，但火鍋愛好者嘅我都係第一次品嚐臭臭鍋。店中鍋物有好多款，臭臭鍋、麻辣鍋，酸菜魚鍋，4物鍋，非常有特色，自己最想試嘅就係未試過嘅臭臭鍋。另外覺得有特色嘅就係四物藥膳鍋女性調經、補血的補品, 餐廳為十分體貼。更有獨有咸魚飯, 臭上加臭但超級好味!一個鍋的價錢大約是$80至百多元，很抵吃。 招牌臭臭鍋：臭豆腐，豬大腸，米血糕，黑豚肉，娃娃菜，金針菇，台灣貢丸，鴨血，蜆，粉絲，榨菜，蕃茄。特別喜歡佢嘅臭豆腐同米血糕煙韌咬口感十足台灣味道。另外臭豆腐夠晒味道，最重要佢嘅湯底真係勁好飲，食完唔會口渴。台式麻辣鍋： 娃娃菜，金針菇，大豆芽，鴨血，牛柏葉，豬大腸，肥牛片，鮮魷，米血糕，萵筍，公仔麵。麻辣鍋夠晒麻辣，上面有我最愛嘅鴨血，肥牛雖然冇火鍋嘅手切肥牛咁好食但係肉味依然十足。另外入邊有萵筍係超級體貼因為萵筍同火鍋覺得係絕配佢唔會吸晒啲油。店內裝修好有台灣味道，木櫈仔，坐落寬敞，地方好舒服。凍飲品：抹香珍珠奶茶凍飲品：

黎到諗住食臭臭鍋，點知去到有兩個鍋無。咁咪求其叫左兩個鍋，等左陣好啦兩個鍋黎到，入面d肉係熟曬，其他菜同食物係似垃圾咁既款，阿姐同我講係咁。其實我去食鍋我去吉野家都唔會係一黎個鍋就見到d野熟曬，人地會起碼俾d生既肉你自己落去食架嘛，當我一黎到見到個鍋個樣個下我真係o曬咀，佢個咁既臭臭鍋收人地$118。好啦咁最後我都硬著頭皮 好似去食x將打大佬咁心態去完成埋佢啦，之後我已經諗住即刻去食其他野算。依間野俾我既感覺係我覺得自己食緊垃圾，希望食完唔會肚痛。

見到新開，諗住試下。到落單想叫兩款鍋，個刻先知冇，店員1開始亦冇講明，搞笑。睇菜單個鍋係生肉，黎到係完全煮熟既肉，已經無言....店員呀姐話係咁，因為會有血水其實食呢d鍋就算邊爐，食得就預左係生上。味道始終最緊要, 我只可以講佢辛快活連爐都不如!!!!完全係圖片只供參考!當然佢亦都冇寫明，又係遺反商品說明條例。只可以講係垃圾劣食!!!埋單260，要加1餐牌亦冇寫明...收咁既價錢食垃圾食物，佢真係賺到盡。各位想做勇者可以1試~~~大前題係唔怕屙嘔~~~野食只係微暖，蘿白係硬既