天寶閣

Open Now

Now Closed

姥姥在尖沙咀覆診，行路不方便最近唯有此處，又舒適又高檔，最重要好味好食，四人坐六人枱，男侍應幫姥姥拉櫈，輕聲招呼，叫antie,氹得姥姥不知幾開心 上點心，姥姥喜歡食，馬拉糕一籠$78，多數酒店件頭上，一籠上少見，抵食，鬆軟，彈彈，黃糖香氣。 竹碳焗叉燒包$78，外皮脆，叉燒香度高，水準達標。 竹苼鲍魚四寶雞札$48，用碗上，賣相新鲜，粗條鮑魚，姥姥食到，都不會靱 牛肝菌及刺参腸粉$$88，有微微牛肝菌味，我夾2件都食唔到海參，大少食到有，腸粉皮當然滑及軟。 牛肝菌菜肉鍋貼$78，不是我點，所以不知有甚麽饀，只知煎饺大隻，上海皮，略厚才正宗，肉汁嫩。 牛油梨蟹肉批$98，又不是我點，只記得好香蟹肉味，皮一定香脆。 雪菜火鴨絲炆米$268，爽口，不油，濕濕地，好過西九個間。平均樣樣有水準，獅子銀行咭有8折。

早上黑色暴雨警告，下午已經停雨，尖沙咀恢復正常。又來到這間滿有傳統裝潢的酒店，我認為這是區內最佳的酒店酒樓。客人不多，談話最好輕聲一點，否則給人聽到。不是吃了很多東西，有芝士焗釀鮮蟹蓋、紅酒醋焗肉排、椰香南瓜餅和棗皇糕。 蟹蓋是這裡我最喜愛的菜式，豐富的蟹肉有洋蔥煙肉的香味，是完美的配合，價錢是超值的。 第一次點肉排，肉質比較肥，醬汁口感很特別。 兩款甜品也是熱的，南瓜餅是炸物，外觀好看。棗皇糕也好吃的，適合女士，合乎期望。

酒店中菜嚟講，無論有冇摘星，食物美味級數（由細個食到中年）一直能保持高水準。每次帶朋友/同事嚟食，從來都唔會令人丟臉😎$300 一位燕窩龍蝦肉羹，俾足料大半碗燕窩之餘龍蝦肉彈牙鮮甜👍🏽芝士焗蟹蓋，食到「舊舊」鮮甜蟹肉與拆碎嘅蟹肉絲，雖然焗芝士但唔會杰撻撻👍🏽柚子木魚帶子，鮮柚子肉好清甜，配上木魚絲帶出原粒帶子的鮮味👍🏽芝麻卷，芝麻味夠香濃，必食👍🏽

忽然間好想食中餐就諗起天寶閣天寶閣位於尖沙咀喜來登酒店 被列為米知蓮一星級嘅餐廳花膠燉湯雞蹤菌油泡星斑球黑松露糯米釀雞腿茸麥香蝦球餐酒隨意任點😂😂😂😂比較難忘嘅係黑松露糯米釀雞份量來講其實都比較多打包左黑松露糯米釀雞返屋企就算返到屋企用微波爐再返熱都好雞嘅咬感稍為遜色之外整體嘅味道其實都冇乜改變 包括黑松露嘅味同雞嘅味道酒方面 個人認為天寶閣嘅白酒都唔錯當晚為咗迎合朋友飲酒嘅要求 開咗唔同嘅酒兩個人開6支酒😅😅每一支我都有試過一杯 係會令我返轉頭再飲嘅白酒收費亦都唔係好貴 所以值得推介

母親節飯@天寶閣米芝蓮一星中菜，要好好試下質素如何☺️今次order jor set menu, total 有8道菜咁多道菜入面，個人覺得最好食既係杏汁花膠響螺燉雞湯，充滿膠質飲完唔使做facial🤪個湯頭都好正，有雞香之餘又有奶香味，超正✌🏻第二最愛係香蔥鱈場蟹炒帶子，炒到好有鑊氣同好入味，忍唔住一口氣食晒其他餸菜質素中上，但食完又唔會話超有驚喜聽聞餐廳既菌類菜式都幾出名，其中黑松露乳豬係招牌菜，有機會就試試佢啦😃😃

今日lunch又來到天寶閣食，今日試吓個set lunch先，都幾好，呢度食飯除咗食物好食之外，仲有食客都好有質素😄😄👍🏻，講返個set lunch 先，裏便個老火湯，真係好清甜，一定無味精👍🏻👍🏻🥂，跟有個三色點心拼盤，有一粒蝦餃、小籠包子和蜂巢芋角，芋角我比較少食，真係炸得好靚，唔油👍🏻👍🏻💯，跟著我地叫左柚皮鵝掌蒸排骨，呢個餸菜真係高度評價一定要試👍🏻👍🏻💯💯💯，柚皮好入味😋😋，燒味拼盤就任拼燒鵝、叉燒、燒腩仔，最後就有甜品🥂

天寶閣位於尖沙咀喜來登酒店，被米芝蓮納入指南餐廳，食物質素一定有保證。限聚令家庭聚會亦只能四人一座，餐廳亦完善處理，每一碟都幫忙分開上枱。推介菜式黑松露手撕雞，皮脆肉嫩，餐廳處理一流，將所有脂肪肥膏部份去除，手撕雞配上黑松露，食得健康又高貴。介蘭炒煙燻腩肉，腩肉肥瘦適中，入口帶有煙燻味道，亦不會大硬，好食。片皮鴨，燒腩仔均屬於餐廳招牌菜，務必一試。甜品楊枝甘露糕，固態楊枝甘露，口感不一樣味道一流。

今日即興來到Sheraton Hong Hong天寶閣食個靚lunch,walk in入嚟都即刻有位，唔算太多人，座位舒適，今日主要來relax下,食左幾樣點心，食左蝦餃，燒賣，XO醬炒蘿蔔糕，還有蟹肉餃，我都係中意蝦餃多啲，蝦肉真係好爽口，又大隻，真係無得輸，性價比😋😋😋💯💯💯，XO醬炒蘿蔔糕就真係好香🥳🥳🍾️，我都幾中意食，個蟹肉餃啲蟹就真係好大隻，都算係好特色👍🏻👍🏻🥂🥂。

今晚來到尖沙咀Sheraton 中餐天寶閣dinner,有訂位，以前一位難求，現在入座率唔多，好易有位，今晚二人食左四樣樣，雪場蟹炒帶子，蟹肉真係好肥美，超大舊😍😍，帶子係勁大粒👍🏻👍🏻🥂，紅酒醋排骨最特別就係個汁，我覺得排肉咸左少少，建議送飯好啲，整體都幾好，至於黑松露手絲雞真比較特別，好香噴噴😋😋😋，最後叫左個甜品，乜都可試吓，楊枝甘露食得出係清甜，不是用芒果雪糕打比嚟，都座左兩個幾鐘先埋單，傾傾吓一流

天寶閣一向出名，今日同屋企人慶祝，老一輩鐘意食返傳統中國菜，於是就黎呢度食啦（其實我個人都好掛住呢度）今晚叫左海參花膠雞湯、汁燒銀鱈魚、天寶閣炒飯、花鵰雞、金銀蛋莧菜、荷葉飯、雙皮奶海參花膠雞湯味濃，就算係舊火腿都好好食銀鱈魚外脆內滑，大師級手勢，一流天寶閣炒飯飯粒粒分明，配料充足花鵰雞最意想不到，汁傑到好似膠咁，食落去勁濃，雞肉滑，全晚呢樣最正！我一個人食一隻都肯定無問題！菜就無咩特別，荷葉飯的的式式幾可愛雙皮奶因為有椰奶（？）比想像中多液體總括而言，湯、魚、雞！等我，我一定會再返黎食你地！

今日來到tst Sheraton 中餐廳天寶閣食lunch,有訂位，呢間餐廳真係出名full,walk in多數無位，今時唔同往日，lunch都唔full,今日食左蝦餃（粒粒蝦都好爽口新鮮），燒賣（好大粒👍🏻👍🏻😋），小籠包子（一籠三粒，但可以加多粒夠四位用👍🏻👍🏻😋），糯米雞（呢個真係堅正👍🏻👍🏻😋😋😋），雞紮（好得意用碗上，有鮑魚），XO醬炒蘿蔔糕（好香口），食左兩粒鐘左右就埋單，算好豐富👍🏻👍🏻

天寶閣位置的喜來登, 應該是香港五星級酒店的始祖, 年紀不只比我大, 而且是大得多, 而天寶閣本身也經歷了不少風霜, 是我品嚐五星級酒店粵菜廳的啟蒙. 除了傳統的粵菜點心及菜式, 它的以菇入饌也是其他同類餐廳少見的, 為其添加了不少特色. 例如是點心中的雞瑽菇水晶餃以及蝦子雜菌腐皮, 兩者同樣是素菜為主軸, 但味道濃厚而非淡如水. 前者口感爽脆而帶有獨特的類松露油香, 後者冬菇, 草菇及黑皮雞瑽菇吸收了蠔油汁及蝦子的鹹鮮香, 結合本身的菇香, 比起吸汁能力高的百頁豆腐更吸引.除了菇類菜式, 它的灌湯餃也非常吸引, 應該是我吃過最Luxurious之一, 清澈的雲腿高湯內裡, 有炆得非常入味的花膠及散翅, 餃皮厚薄適中, 內裡有帶和鮑魚粒, 鮮味十足又不會互相搶去, 非常滿足. 其他菜式比較大路, 但質素做得不錯, 如燒餅外脆內裡的豬肉餡夠Juicy, 西芹合桃蝦仁的蝦球肉質夾彈, 蝦餃皮薄餡同樣爽, 最後主菜的鱈場蟹炒米粉真的有原條蟹腳, 啖啖肉之餘米粉炒得相當乾身, 加上同樣爽脆元貝絲及火腿絲, 以Restaurant Week的午市套餐而言, 算是物有所值.

天寶閣星斑菜苗餃蟹肉千絲酥竹炭焗叉燒包蝦餃蟹子燒賣鮑魚瑤柱珍珠雞價錢💲: $88/ $78/ $78/ $68/ $68/ $68/ $68好味程度😋: 4.5/5服務🍴: 4.3/5環境🗾: 4.5/5性價比🥢: 3/5回頭率😚: 3.3/5 (貴價唔可以成日食😂)-其實我真係好怕打點心食評，因為寫每個點心，我怕我篇食評會好似片文咁長😂 但！我終於要面對佢。今次去左喜來登酒店的天寶閣飲茶，身為米芝連級質素的酒店酒樓，環境當然寬敞舒服，食物好有質素🤩 入面好有高級宴會廳的感覺，而沿路行入去兩旁都有好多古董文物，好似個迷你博物館😜 -我地叫左6個點心。當中最有特色的係1️⃣星斑菜苗餃。菜苗餃正常，餡料飽滿，面頭的星斑完全畫龍點睛，魚肉好滑，夠紮實，有調過味，令成個菜苗餃升級晒☺️ 2️⃣蟹肉千絲酥(大概)，呢個超好食，好脆，出面的一絲絲一咬就散，好鬆化。入面有一絲絲的蟹肉同洋蔥咁，足料👍🏻-跟住就到D大路D的點心，3️⃣竹炭焗叉燒包。每個上面都有小小金粉，更顯高貴。包身脹卜卜，餡的份量正常，叉燒好蜜味，見到啲蜜汁可以啱啱好滴落來🥰 而且叉燒都好腍，幾出色。4️⃣ 係飲茶必叫的蝦餃，呢到的蝦餃超大粒。皮的

疫情嚴重，酒店遭殃，唯有我們香港人幫襯下啦～～～兩點半last order，我們在兩點坐下來，快速揀點心，因為都好肚餓呀第一次吃脆皮瑤柱蘿蔔絲腸粉，又脆又滑，裡面好像有蝦、蘿蔔絲⁉️上面是炸的瑤柱絲⁉️不好意思，忘記了，但是好吃的‼️ 蝦餃是無得輸的大隻蝦，皮又薄，太行貨的讚美無謂講啦海膽鮮蝦春卷真的很神奇我中意海膽，鮮蝦春卷又好味😋，容易吃的方法就是先吃了表面的海膽，再吃春卷，那麼就是兩個獨立的點心啦🧐哈哈😄無所謂吧‼️ 好吃就是甜品薈萃都是我中意的：楊枝甘露、芝麻卷、燕窩蛋撻、南瓜煎堆，煎堆好煙韌，又不甜，太好啦‼️ 但太細件，太少啦

尖沙嘴喜來登酒店中菜廳環境：好！COVID-19疫情下，餐桌距離符合1.5米要求，難得！服務：好！食物：好！Restaurant Week 388元 單人午餐：#點心併盤：筍尖鮮蝦餃、蟹籽燒賣、香葱黑豚肉燒餅，３款點心都好吃！#翠塘蟹肉菜苗羹，非常足料，蟹肉很多，鮮味！#川味酒糟蝦球，蝦球豐彈性，醬汁香濃惹味，好吃！#羊肚菌翠玲瓏，羊肚菌、西芹、百合、榆耳、紅椒，豐富又健康的組合，加上脆腰果，很出色的素食。#豉油皇雞絲銀芽炒麵，有鑊氣，好味！#香芒布甸，一頓豐富的午餐，甜品不可少，這個味道讚！#普洱茶，套餐不包茶位，26元/位，味道挺好的！５星酒店不算貴。