Centre Street Bar (Closed)

是日嚟一個西環一天遊，順便食好西。信和旗下既酒店都差唔多試曬，就差呢一間。餐廳就係reception旁邊，景色開揚。Lunch set包括有Salad、湯、主菜、甜品同飲品，而Salad同甜品都可以任食。主菜都多選擇，我地揀左西冷同牛肝菌意大利飯。沙律有凱撒沙律同火腿，餐湯可以揀中湯西湯。個中湯都幾好飲，足料鮮甜。主菜等左好耐都未有、我地就轉攻甜品先。甜品選擇都多，最好味係佢個蘋果金寶同朱古力酥，好有酒店水準。主菜終於有啦！牛扒juicy,薯條好脆。意大利飯好有菇香味，d蝦好好食！真係超飽，信用咭俾錢仲有discount，我已經想再encore 啦！

同frd齊齊搶到信用卡優惠，去港島太平洋酒店食海鮮拼盤，bar本身未必長期供應，只係兌換地方響度。我地3個人有2盤食，落完order就等食，見到店員響樓上拎拼盤落黎嘩鋪到成盤都係！一盤有齊大蝦、青口、螺、蟹腳、龍蝦，隨時仲齊過食buffet，海鮮既size仲大隻、新鮮d添！新鮮不在話下，食落仲會有陣陣海水味超正！！我食海鮮鐘意原汁原味，因為海鮮夠靚原味先最好食（廢話🤣），不過見佢跟餐送左碟醬就試下。醬汁微辣，就咁食唔太好食，但大蝦一點落去，好神奇地完全轉左另一種味！唔識點形容，但就係保持到蝦既鮮味同時、又有另一種風味！好好食！！我好想特別比個大頭shot龍蝦，原因係...真不得了，勁多春！！！好多膏！！！第一次食龍蝦食春多過食肉！！！食食下都特登抹乾淨手影相做紀念🤣🤣🤣不過都係果句，今次食係用信用卡優惠，bar本身未必長期供應。最好事先問餐廳先，以免去到失望而回。

食完飯，遇着中聯辦示威，酒店職員護送我哋出門口去到地鐵站，貼心，抵讚嘢食價錢環境都OK 㗎食物方面，個pizza好味，牛扒都ok, 重有港產啤酒「友」，5個人晚飯剛剛1千蚊，價錢合理

累積一星期的疲累，星期六終於可以睡到自然醒，就來到港島太平洋酒店Centre Street Bar細享悠閒午餐。之前好幾次來港島太平洋酒店都是到樓上的Centre Street Kitchen吃buffet，今次還是頭一趟於Centre Street Bar開餐。餐廳環境寬敞，裝修雅致，氣氛安靜閒適，座位編排充滿空間感，感覺開揚，坐得舒服自在，而且沒有限時交枱，可以放慢節奏慢慢歎。設有落地玻璃，坐擁維港景致，讓午間柔和的陽光滲入餐廳，使整體室內風格和諧溫暖，最近推出全新午市套餐，最平只需$68起就有交易，價錢與一般餐廳相差無幾，但始終酒店環境確實更勝一籌，這個價位真是算得上是抵食。雜錦天婦羅 $108每客定食配有天婦羅、前菜、麵鼓湯、漬物、珍珠飯及日式蒸蛋，保証吃到飽腹。天婦羅亦有好幾款，包括蝦、冬菇、黃椒、紅椒、蕃薯等，份量不少。外層天婦羅麵衣炸得酥酥脆脆，不過就略嫌厚了一點，但內裡的蝦肉新鮮爽彈。而我最喜歡的就是蕃薯天婦羅，呈現粉糯甜薯的原汁原味。熱騰騰的日式蒸蛋軟軟嫩嫩，猶如豆腐花般彷彿吹彈而破。漬物是日本料理中必不可少的清爽開胃菜，尤其適合炎熱沒胃口的夏日天氣。麵鼓湯真材實料，

因為想同朋友去食野傾計。用apps 訂位。有驚喜wow下午茶都有刺身，數十款熱食。甜品。對下午茶而言精選啦。有小朋友仲開心。雞蛋仔。爆谷，雪糕，啫喱，蛋糕真係食到不停口。加上人不多。傾計一流。我有一小童一bb訂位時已提醒。座位不逼。有海景雖然交流不方便。但質素不錯。有刺身，沙拉，熱盤，冷盤，中西湯。豆腐花，合桃糊，馬卡龍，牛仔骨…人流不多，座位不逼，雞蛋仔可要求訂製雙色。以不用200價錢下午茶是超值

早前曾經光顧港島太平洋酒店，算是中下價的自助餐，價錢大约連加一3百幾，凍海鮮有凍蝦、龍蝦、藍青口、蜆，有刺身寿司，熱盆種類較少，總算有石班魚，如果要求包羅萬有的食物可能會失望一點，不過這個價錢也不能強求了，龍蝦試過有入雪的感覺，有待改進，雪糕可能雪櫃不夠凍，有軟的感覺。

由 10 月 2 日起至 12 月 31 日期間，推出「棋」趣大笪地海鮮自助晚餐本身無咩期待，因為真係食左好多次海鮮回本位有7款，分別係龍蝦：無咩龍蝦應有既鮮味，不過多膏蟹腳：今次真心唔錯, REFILL 速度快，夠鮮甜螺：有螺味，不俗蝦：　細隻，有蝦既鮮味青口：細隻，鮮甜蜆：　細隻，無咩肉面包蟹: 多膏，無咩味椒鹽Rabbitfish，炸到好脆，食完又食，好細心咁泥鯭的背鰭已清!椒鹽瀨尿蝦估佢唔到咁好味，重口味人士一定要食，不過偏細隻。今期加入懷舊主題，多了很多懷舊美味小食，例如碗仔翅、龍鬚糖、雞蛋仔、砵仔糕等等甜品就真心一般，有中國象棋造型白朱古力慕絲蛋糕等等，重點係有 Häagen-Dazs雪糕。不過老實講佢送既「黑松露蟹肉焗響螺」冇黑松露味，只係好似一堆咖哩味肉粒。總結: 今次既主題好好，味道同海鮮的確唔錯，可以一雪前恥!

平時食開TST果間好好食.今次見佢裝修好, 在平日請個假滿心歡喜地同家人去食LUNCH BUFFET 好失望.地方好細, 一半地方俾長者團體 用膳, 另一半地方也是上年紀人士居多, 好似去左長者院舍食飯咁. 又嘈又爭又搶. 都算 我老左都可能係咁....個問題係有個女職員, 見我用咖啡機, 但無奶, 好好心咁想幫我, 係我面前打開個雪奶的雪柜仔, 就咁用手攞起支吸奶管(支管接觸到奶的部份), 放入第二盒奶度........你係好勤力咁執枱執碟 但隻手有幾邋遢, 幾多口水, 幾多菌, 你自己知唔知呀, 驚死我呀.....結果我疴足二日以後只會去番TST

家庭聚會簡番港島區酒店，因為係會員基本上已經食過無數次。最誇張可以一個月食一次。上一個月都仲做緊泰國主題，今次已經轉左做越南。刺身得五款，不過不失。普通水平，每人限拎３款。海鮮回本位有六款，分別係龍蝦：有冰箱味，根本無龍蝦應有既鮮味蟹腳：比較瘦，又係有一陣雪氣螺：有螺味，不俗蝦：　細隻，有蝦既鮮味青口：細隻，鮮甜蜆：　細隻，無咩肉因為係越南主題有ＰＨＯ食，湯頭濃，加埋辣椒粒會再香，推介大家拎中場休息食個沙拉。圖中越式扎肉烤法包好好食，個包好脆。獲贈的「蒜香珍寶越南大頭蝦配香煎鍋巴鴨肝紅酒梨」　蝦一食就知係梅左，心諗送既都好少少既質素呀，根本搵蒜蓉蓋住蝦既梅味。我地一行１２人，全部試左ＤＤ就放低。好彩旁邊既香煎鍋巴鴨肝補番數，鴨肝配埋飯蕉係完美既組合。之後到左甜品時間有送贈既的「珍寶香橙荔枝梳乎厘」，好睇唔好食，本身橙味好唔吸引，空氣感係夠既。越式酸子蟹是全場最好食的，蟹夠實肉。因為唔算太多野簡，所以好快到左甜品時間。好彩有哈根達師食作完結。

世界盃已經開咗鑼，唔知大家準備好點樣迎接這四年一度的足球盛事未呢？除了安在家中睇波外，相信不少球迷為了感受熾熱的氣氛，都會出去酒吧邊蒲邊睇！筆者當然也不例外，所以一早就已經搵咗個睇波嘅好地方，同屋企人一齊去湊下熱鬧。大家係咪覺得呢個背景好熟口熟面呢？無錯，呢度就係「港島太平洋酒店」。其實上個月嚟酒店 1 樓「Centre Street Kitchen」 食泰式風味海鮮自助晚餐，就已經留意到餐廳樓下有間「Centre Street Bar」。早前瀏覽酒店網頁，得知「Centre Street Bar」今次不但會現場直播超過 35 場賽事，而且仲預備咗兩款適合 2-3 位或 4-6 位嘅 beer package 啤酒套餐供客人選擇，網上訂座仲會有折扣優惠，所以就特意  book 了檯，趁周末同家中嘅小鬼出嚟輕鬆吓。酒吧嘅環境真係唔錯，雖然地方不算特別大，但勝在景觀開揚，而且座位同座位之間亦算闊落，加上客人多是斯文客，不似區外的劈酒場，嘈到拆天，連旁述把聲都聽唔到，讓人坐得舒服。留意到場內更設有足球機，睇波之餘仲可以玩吓波，過吓手癮。而今次我就訂咗個適合 2-3 位享用嘅「暢飲套餐」，優惠