茶茶台式料理 (Closed)

因為疫情沒機會去旅行，突然好想念台式臭臭鍋，所以就同朋友去旺角的「茶茶台式料理」 懷緬一下台式美食。先點來台式小鍋（一人份量）的「招牌臭臭鍋」，這臭臭鍋火鍋料十足，有牛肉、臭豆腐、血米榚、鴨血、滷大腸、台灣貢丸、鵪鶉蛋、炸菜、韭菜、粟米、椰菜、 鮮冬菇、金菇及芫茜。 如不吃牛可轉豚肉，以及可自選辣度，另外也可追加其他火鍋料，隨個人喜好。味道不錯，個人喜歡臭豆腐夠惹味，還有鴨血質素也不錯，很有台式風味。「香酥豬扒煎蛋」也很吸引，豬扒鬆脆，不乾不油，再撈上蛋汁與飯一起吃，更添滋味。台式飲品也不可缺少，點了「爆檸四季春」檸檬酸加上四季春的茶香，口感很清爽。「奶蓋綠妍」 奶蓋芝士的鹹香，與綠茶的清新，奶蓋控也不妨一試。

近來越來越多台式臭臭鍋在香港出現，今天便選擇旺角的茶茶。百香果綠茶$27，酸甜味道適中，百香果是個人在台式飲品的最愛，沒有令人失望。招牌臭臭鍋$108，有豚肉、臭豆腐、鴨血、鹵大腸、台灣貢丸、鵪鶉蛋、蜆、榨菜、韭菜、粟米、椰菜、鮮冬菇、娃娃菜、金菇、芫荽。湯底味道香濃，非常有台灣特色，如果份量再多一些更好。鹽酥雞扒滷肉飯$68，雞扒愛表香脆，鹹味適中，雞肉鮮嫩可口，肉質豐富。老玉的醬汁味道香濃，加上白飯，簡直一絕。奶蓋莓莓$38，奶蓋的芝士味道香濃，草莓甜度適中，如果草莓的份量多一點就更好。

今日心血來潮想吃台灣菜，上openrice search 見到有2間都想試，一間係阿木，一間係茶茶。由於5想等位，於是決定去茶茶，係 openrice 訂座。7點去到，沒太多人。反而隔離“阿木“已有人群等位。茶茶裝潢光亮和簡潔，員工態度有禮。初時曾經諗。。。隔離咁多人，呢度無乜人，會5會中伏。不過，已坐低就試試。我們睇完menu，就用 QR code 落單，大約10分鐘內所有食物已上枱了。今晚我地3條，加上我要節食，所以叫4款食物就算~1. 沙茶牛肉 (轉豚肉)鍋 $108：可以轉豚肉，又可以揀不辣。不過沙茶本身就有微微辣，所以無可能不辣呢個鍋係一人份量，除咗火鍋用既豚肉片，仲有豆腐、菇、1小節粟米、2粒丸、娃娃菜、走過油既薯仔、2隻蜆仔。每樣少少份量，一人吃加個麵就應該飽既~味道無咩特別，不過不失~2. 酥炸花枝丸(6粒) $34：有點失望，無花枝口感和味道3. 芝士肉鬆+蟹柳蛋餅 $55：皮好薄，有少少拉c，但肉鬆偏少。如果多返少少，口感會好d和香d4. 麻醬手撕雞拌麵 $62：初時以為係涷食，點知係熱食。麻醬香，加上有花生咬下，感覺幾好。雞也很滑又入味，讚~5. 蜜桃綠妍 $26

行開旺角見呢間台灣野有臭臭鍋，係香港都未有機會食過就入去試吓。用QR code好快落完單搞掂，佢都幾多款式嘢食，話左想試臭臭鍋咁梗係就叫咗佢招牌嗰個黎試啦，但因為好肚餓所以仲叫多咗個紅燒牛肉麵同埋幾款小食。物如其名嘅臭臭鍋一上菜就已經聞到陣味，但其實佢又唔算非常臭，係隱約會聞到啲臭豆腐嘅味道。成個鍋好足料，我哋揀咗小辣同埋肥牛，肥牛都比想像中多，豆腐幾正食落去味道都幾特別，質感散散地咁所以索到好多湯底嘅汁。食落去嘅時候其實就已經冇咗浸臭味，反而係好香口，忍唔住瘋狂咁食。另外見佢幾特別嘅地方係個火係用蠟燭嘅，所以唔會食到最後好燶好黐底。喺其他地方都比較少見呢樣嘢食，都幾值得試下。烚娃娃菜，正正常常，我哋擺咗佢落去臭臭鍋度索汁嚟食😂涼拌青瓜，呢個汁幾正，酸酸甜甜咁，食落幾fresh份量都唔少。紅燒牛肉麵，比較少見用幼麵嘅台灣餐廳，質感都OK幾好食。不過佢嘅湯底食落感覺好重藥材味多過平時紅燒陣味，都幾特別。本身擔心佢臭臭鍋唔係好多豆腐所以就貪心叫多咗個麻辣臭豆腐。都係一樣上菜就有陣味，但識落就唔係好覺，反而淡淡地同有一陣麻油味，一碟有成六大嚿😋勁多嘅手撕雞，好香麻油味，雞肉夠嫩，不過都油油地

🍲藥膳雞煲 $108養生嘅我真係好鍾意點藥膳嘢😌湯底個藥材味好重，但略嫌偏鹹。個鍋裏面好多娃娃菜、椰菜、粟米、金菇等等，雞件都有唔少㗎，不過最令人印象深刻嘅係佢竟然有超大塊炸魚皮，雖然我影相影得耐咗，但條魚皮淋咗都幾好食😋🍚細滷肉飯 $15話就話細碗，但實際都唔細。可能係啲滷肉太好送飯☺️🐓招牌鹽酥雞 $40外脆內嫩，味道唔會太鹹，食落都唔會太油膩，唔怪得朋友之前嚟食過都推介呢碟咁香口惹味嘅鹽酥雞🤤🧀芝士肉鬆蛋餅 $39朋友唔鍾意食芝士，但都試咗呢款蛋餅。反而我覺得如果再多啲芝士同肉鬆，口感一定會再豐富啲🤔🌶麻辣臭豆腐 $48炸得金黃香脆嘅臭豆腐無想像中咁臭，但比想像中辣得多，然後食得辣嘅朋友都差啲頂唔順🤭🧋珍珠奶茶$28/ 奶蓋茶茶8號 $34朋友話佢個珍珠奶茶都幾好飲，啲珍珠又夠大粒。我杯熱嘅奶蓋都唔差，奶蓋幾滑，茶味都突出。如果嗰排我飲得凍野嘅話，我都會想試吓呢度嘅台灣啤酒👍🏻

見店舖嘅裝修比較小清新風格水泥牆身配上植物裝飾 行完街好累就決定搵個小店晚餐我哋睇咗餐牌一陣發覺原來佢都好多選擇除咗一人鍋之外仲有好多小食而且唔少台式嘢飲任君選擇坐底就可以掃QR code落單點完好快就上菜。沙茶牛肉鍋(HKD 108)+公仔麵(HKD 10)店員都有提供三種醬汁比客人使用分別有沙茶醬豉油同埋麻辣醬由於我哋叫嘅煲都比較濃味公仔麵索晒佢啲湯汁 所以其實醬汁都唔需要特別另外加個鍋嘅配料一上就見到滿到就嚟瀉 金菇牛丸豆腐娃娃菜鵪鶉蛋蜆肉韭菜粟米其實兩個女仔食一個鍋都完全足夠唔夠可以另外再加粉絲公仔麵或者飯提提大家如果叫咗一人鍋記得要盡快食用如果唔係湯底會好快越嚟越鹹。脆皮肥腸(HKD 32)呢個小食真係冇得頂雖然真係好邪惡但係出邊比較少見所以我哋決定都要嘗試皮炸得好鬆脆脆卜卜 配泰式酸辣醬食可以減低油膩嘅感覺。奶蓋茶茶8號(HKD 34)兩杯飲品都係好大份量芝士奶味濃郁 茶同唔會太過厚既奶蓋 融為一體係非常match唔會有一邊搶左味算係好出色既茶飲。奶蓋莓莓🍓(HKD 38)雖然同上網睇圖嘅顏色有唔同但係莓味依然 唔會係得個死甜飲得出係水果天然嘅味道沙冰細滑 帶點酸甜中和一下

突然想食台灣野，所以朋友就帶我去左旺角食喇😜入到舖環境光鮮簡潔，比人感覺好舒服。食物款式亦好多，見佢火鍋其實好吸引，但天氣實在太熱😂下次先再試下啦今次就點返啲地道啲嘅台灣小食啦~▪️小香腸拼鹽酥雞粒小香腸有配蒜片，開頭都唔敢夾蒜片食覺得太重口味，不過食左一次之後原來係咁好食架喎😂而雞粒就炸得好香脆，唔太厚粉▪️酥炸花枝丸呢個係我去親食台式野嘅時候必叫嘅小食，口感Q彈，配埋泰式辣漿確實不錯😊▪️秘製麻辣牛肉麵份量適中，牛肉淋同好足料👍🏻我見點佢嘅時候有得揀辣度，我揀正常覺得唔太夠辣，如果食得辣嘅朋友仔可以揀大辣都得😜▪️香辣炸雞翼皮脆內嫩，仲有肉汁添，如果辣度再多啲會更惹味。價錢合理，平均都係三四十一樣小食。經開旺角的話不妨一試😊

咁耐冇得去台灣旅行，難得有台灣特式既火鍋，而且地點相當方便，冇乜理由唔入去食🤣🤣🤣。茶茶係已台式火鍋為主打，有臭臭鍋，麻辣鍋等，每一款都各有唔同配料，相當有特式。除咗台式火鍋，仲有好多唔同嘅傳统台式料理，例如台灣牛肉麵。鹽酥雞排魯肉飯鹽酥雞幾乎係我傳次食台灣野既時候都會點，不過真係唔係間間好食，難得茶茶既鹽酥雞真係好出色，新鮮炸起，外皮好香脆，雞排超Juicy，必食之一茶茶沙嗲火鍋火鍋嘅配料超豐富，有肥牛、花枝丸，仲有好多唔同種類嘅蔬菜。不過淨餸食落會有d咸，所以追加一個烏冬比較好。肉鬆蛋卷蛋卷即叫即整，熱辣辣，餅皮薄得黎好煙韌，加上甜甜地既肉鬆，好好味。

宜蘭蔥肉餡餅 $45 8⃣️點5⃣️分鄉土風味十足，外表內在都完全唔油膩，但又散發淡淡蔥油香。猛爆式既肉汁多到係咬既一瞬間包出黎，餅香同埋湯汁發揮得好好，洋溢住整個口腔，忍唔住一口接一口。/芝士肉鬆蛋餅 $39 7⃣️分芝士拉絲般黏稠感係你咀嚼既時候表現曬出黎，口感有趣而且好飽肚。令小編回想起在台灣旅行的日子！/小香腸鹽酥雞拼盤 $46 8⃣️點5⃣️分香口野不嬲都係小編最愛，但係次次都好想咩都食下，就真係令到選擇困難症既朋友好辛苦。所以！小朋友先選擇，我呢就更係咩都想要啦！拼盤入面既鹽酥雞同埋香腸份量都唔少，一次滿足兩個願望真係好爽。/台式紅燒牛肉麵 $68 8⃣️點5⃣️分紅燒肉個湯做得好唔錯，濃郁到佔據整個味蕾。而紅燒肉既肉質睇落堅挺，但實質嫩滑！係一碗樸實大又好滋味既牛肉麵！/荔枝紅茶 7⃣️分佢地都貼心有得選擇甜度冰量。茶底濃郁而荔枝味又唔會被覆蓋，唔錯。/百香果綠研 $78 8⃣️分小編係百香果鐵粉，就算屋企都會買黎自己沖蜜糖。因為綠研底，飲落去處左百香果酸甜既味道，仲有淡淡茶香滲出黎，彷彿置身大自然嘅感覺！

很久沒有來過旺角，由於工作的關係今天要過來，完成工作之後便在這裏晚餐吧。沒有什麼頭緒，見到這裏有很多台灣店，忽然想吃牛肉麵，就求其選擇一間吧。原來這間店除了牛肉麵等台灣美食之外，還有台式小鍋，那就好了，來一個小鍋，加一個牛肉麵再來一份蛋餅。先來小鍋，我們點的是藥膳雞，一送來便有一股藥材香氣撲鼻而來，呷一啖湯，味道香濃，雞件嫰滑有雞味，其他配料要在湯來煮一陣子先更好味。再來牛肉麵，湯底頗濃味，麵質是爽滑，牛筋腩不靭，而且筋肉分明，吃下的時候令人很懷念台灣。最後是蛋餅，這個芝士肉鬆蛋餅雖然是小食，但我們覺得這是今晚最好食的，蛋餅咬下煙靱帶勁，配上醬汁一齊吃很惹味。綜合整個晚餐都係滿意，唯一美中不足是座位較為狹窄。

位於旺角豉油街的「茶茶台式料理」，係一間台灣菜餐廳，店內裝修簡潔明亮，感覺乾淨衛生餐牌圖文並茂，定價適中、每款都好吸引呢招牌臭臭鍋台式一人小鍋都係呢度嘅主打，所以我就揀咗個招牌臭臭鍋🍲湯底氣味有少少似臭豆腐，味道鹹香獨特！豐富嘅材料有：鴨血、臭豆腐、牛肉、滷大腸、台灣貢丸、韭菜、粟米、椰菜、鵪鶉蛋、鮮冬菇、娃娃菜、金菇、芫荽、米血糕等等。半肥瘦嘅牛肉好滋味；配料都吸收晒湯底嘅精華，加多個粉絲或者白飯就啱晒台式紅燒牛肉麵湯底香濃美味，紅蘿蔔同白蘿蔔都好吸湯，非常清甜，無榨。紅燒牛肉半筋半肉，好軟嫩，牛肉味非常濃郁！麵條Q彈有嚼勁，好好吃呢滿杯紅柚子西柚肉同冰粒混和在一起，能夠細味到紅柚肉的酸甜，好清新開胃

經過旺角，茶茶台式料理好多人排隊 又想食台灣菜😙就決定Encore!!!!!!兩個人人均$160左右～高質同性價比高😋杯飲品好好飲！因為我奶蓋迷，最後揀左奶蓋莓莓🥤奶蓋又多又厚😍😍莓莓味好重，好飲！有啲好飲過出面啲奶蓋水果茶🤣麻醬手撕雞拌麵係熱嘅唔係冷麵😋手撕雞都幾嫩雞肉都好香😋😚扺食！！！麵好煙靭，好入味😋😚🤪酥炸花枝丸台灣必食小食之一👍🏻好有口感，外脆，大粒藥膳雞鍋，配料揀左粉絲+蟹柳條🤣超足料足份量😍😍😍好多雞肉👍🏻想健康啲，所以揀藥膳湯底，又唔會太苦好容易入口，唔油膩🤣最重要係雞肉索曬藥膳味，好入味，嫩滑 加埋粉絲就仲好味！😎幾推薦大家去旺角試茶茶👍🏻真係幾好味😋

旺角一向有各國美食的餐廳，今次食小鬼選擇了台式餐廳。餐廳環境簡潔而寬闊，坐得非常舒適。晚市更有一人鍋物的台灣特色火鍋供大家選擇。只要用手機掃描QR Code便可落單。••••••••••••••••••••••••••••••沙茶牛肉鍋$108湯底帶點辣味之餘沙茶味香濃，牛肉配上沙茶湯十分惹味。除了牛肉，沙茶鍋還有牛丸，台灣貢丸，鵪鶉蛋，蜆，炸薯仔，榨菜，韭菜，豆腐，粟米，椰菜，鮮冬菇娃娃菜，金菇和芫茜。若不吃牛肉的食客也可選擇將牛肉轉為豚肉。 餐廳亦十分貼心在餐牌已註明湯底含花生成份。若對花生過敏的人要選擇別的了。••••••••••••••••••••••••••••••手打烏冬$12烏冬彈牙，配上沙茶湯底，鹹香之餘帶點辣味，美味十足！！••••••••••••••••••••••••••••••宜蘭蔥肉餡餅 $45外皮薄而且煎得香脆，肉汁多，有點像吃皮較薄的生煎包，蔥味香。••••••••••••••••••••••••••••••芝士蟹柳蛋餅 $48原本看到餐牌上有新品蟹肉芝士蛋餅推出，二話不說就點了，可惜餐廳說已換上蟹柳。 由於有芝士，建議襯熱吃會較好。 芝士和蟹柳十分配，蛋

茶茶係旺角附近想食台灣野一定會黎豉油街呢邊望一望menu又岩食就坐低啦平時食台灣野 都一定會諗起臭臭鍋呢間餐廳 有台式火鍋就要當然要 滿足下我啦藥膳雞鍋 $108一黎見到佢地配料真係好藥膳 有杞子 蟲草花 滾滾下 大家就準備開餐啦台式火鍋就一定要有鴨血 我地追加左個鴨血滾滾下成件事好台灣feel滷肉飯 $15朋友係飯控 食台灣野一定要叫個滷肉飯一啖飯 一啖滷肉 滿足啊奶蓋莓莓 $38奶蓋四季春 $33最後飲埋兩杯野 見住2杯野飲個奶蓋個分層感 好治癒啊

今日嚟到旺角，突然好想食台灣野見到茶茶嘅招牌就俾佢吸引住，因為佢係用霓虹燈來整嘅，門口係落地玻璃睇晒店內環境，成個餐廳嘅設計都好引人入勝，入去坐低之後就發現原來佢係用QR code來落單嘅，咁我同女朋友就叫咗一個臭臭鍋嚟食，因為之前都未食過，臭臭鍋一嚟到就知道佢嘅臭豆腐好入味因為佢嘅味都好大，而且臭臭鍋嘅份量都唔少，一個人嘅話肯定好飽，之後我哋叫咗個紅燒牛肉麵，佢嘅麵係幼麵，而且湯底好好味，至於小食方面我哋叫咗個涼拌手撕雞，涼拌青瓜，臭豆腐。先講手撕雞，佢落咗芝麻醬令隻雞好香而且本身好滑，跟住到涼拌青瓜，涼拌青瓜有少少辣，但用嚟開胃一流，最後就係臭豆腐，臭豆腐都幾好食。整體來講，我都覺得茶茶係一間值得推薦嘅台灣食店