港嘢茶檔 (Closed)

今日去九龍城街市買餸 又好肚餓 見到呢間茶餐廳幾得意 就入嚟試吓啦佢個門口十分懷舊 啲霓虹燈好吸引門口的餐牌上的常餐也超級吸引 所以就決定入去啦原來入面得幾張枱 裝修也10分懷舊 不錯不錯叫左沙嗲牛肉公仔麵 跟黑松露炒蛋多士 凍o水 & 沙嗲牛肉蛋治跟奶茶 個多士超級厚 蛋又勁厚 好正呀 奶茶好有茶味 正！

通常明星開嘅餐廳都係名氣大但唔好食，但呢間茶檔又估唔到好食呀！而且份量都唔少😊抵讚👍🏻我朋友知道我好喜歡食肉餅所以極力推薦我食肉餅三重奏（黑椒乾葱煎肉餅、馬友香煎肉餅、XO醬煎肉餅）我個人覺得馬友好好味👍🏻另外滑蛋沙爺牛肉厚切也不錯👍🏻👍🏻其他麵餐就一般般啦！飲料還可以！店內裝潢好有舊式香港feel ~好得意！店員服務説真的就一般般，反而老闆就好nice👍🏻我會為咗肉餅和厚切三文治再來👍🏻

食完早餐去街市買餸，今日帶埋工人去買料整蘿蔔糕。先去茶檔食個早餐。畀個年輕女職員吹快D落單，走過來兩次，講真坐低都無三分鐘。環境幾好，好懷舊，但係員工呢⋯⋯其實係冇service, 仲大大聲聲係客人面前講另一個員工是非。我同工人入到鋪，想坐低喇，員工：「坐個邊丫，呢到冇位」其實兩邊都係搭枱，都有客食梗，我唔明咩叫無位，而且又唔係留座喎，真係睇佢心情😣價錢偏貴，不過係九龍城區尚可接受，食個懐舊裝修囉。員工態度有待改善。整體食物都可以，起碼唔會成碟油，因為好多茶記早餐煎蛋🍳，油浸咁款上枱。

今日早咗起身，又出咗街跟住老母食早餐。話說九龍城有好多各式各樣嘅餐廳，可能而家興玩懷舊，所以見過幾間茶餐廳都裝修到80年代嘅冰室咁。✨餐廳唔算好大，位置都有啲迫。全間餐廳都decorate哂好多80年代嘅招牌，希望突出翻舊香港嘅味道。✨不過呢，價錢實在有啲貴，食嘅野亦都唔類近舊式香港。☹️✨豬潤出前一丁，對於我地香港人黎講，茶記一定要食公仔麵，用茶記嘅湯底。不過呢間用咗出前一丁，感覺上有啲唔夾。✨叉燒湯通粉唔錯👍🏻✨而每個餐都會配翻飲品、多士同蛋。大家有興趣可以試下佢地嘅熔岩滑蛋。

想叫多士走牛油，但夥計話所有多士已整好，不會有走牛油的多士！最後那幾件多士我也沒有吃！去過咁多茶餐廳，只有這家不能提供此服務！今時今日還沒有為客人服務的態度！以後也不幫襯了！

新開張已幫襯，之前就算要排隊及坐得逼夾都無所謂，但數月前落去食早餐，叉燒又硬又燶，以為咁啱果朝唔新鮮，今日諗住再去再叫多次試下，點知結果一樣，叉燒拮都拮唔入，又黑又燶，唔知擺咗幾耐，越做越差，早餐多士想走蒜茸又話唔得，就咁要件齋飽唔烘又話唔得，要等老闆批，又唔係要求俾多件多士，只喺想要少D嘢都唔得，同埋價錢上已經唔係平，比起其他茶餐廳算貴，性價比差到爆。大家若去到唔使排隊可即管入去試試，因環境佈置懷舊，可以影下相，但若要排隊就不試也罷。

今日係星期六，平時老公好少放星期六，所以就決定唔留喺鑽石山，出去九龍城搵食😬其實九龍城係好多美食嘅集中地，最出名係食泰國菜！不過我就覺得泰菜多人食會開心啲！行下行下，又覺得呢間嘢嗰門口好鬼搞笑，就入咗去！我地睇一睇餐牌，又好鬼搞笑，有六個餐，分別係一號仔、二號仔⋯六號仔，但係喺啲咩呢？咁就要自己睇🤣呢個係三號仔：肉餅三重奏飯，三款肉餅都有唔同嘅配料，有個仲係配咗黑椒辣辣地🤤另外呢個就係五號仔：手打蘑菇汁豬扒腸飯！其實嗰汁，有啲似金寶蘑菇湯🤔不過塊豬扒堅厚切，味道都真係唔錯嘅👍🏼餐飲兩杯凍檸茶呀唔該！都係咁，茶有茶味，檸檬有檸檬味🤩想提一提，凍飲唔洗另外加錢，都好欣賞佢地👍🏼

頭抽滷水G翼 $32/4隻、手打蘑菇火腿通粉、黑松露溶岩滑蛋、蒜蓉多士 $56G翼汁有花椒八角味幾好，但唔夠入味，美中不足。滑蛋正正子，夾埋多士一齊送入嘴，人間美事也。手打唔知係手打火腿，手打蘑菇，定係手打通粉？忌廉湯底濃郁fat fat，火腿厚切不吝嗇。星期日下午，要等位，等了約15分鐘服務一般，只是因為地方淺窄，侍應總是急著想收碟，可能會令食客不高興，坐我旁邊搭檯的女生就因為未食完的炒蛋差點被錯誤收走而黑面。

某一日係IG發現到九龍城有間咁既餐廳，於是就同朋友去試試佢本來以為都要排隊，點知去到已經有位吾洗等😆我地點左份咸牛肉蛋多士，餐肉蛋多士，炒腸粉多士入面食到有牛油味，外面都好鬆脆，好食👍🏻而且好足料 腸粉就普普通通咁，冇乜特別野飲就叫左杯凍奶茶同凍檸茶，同普通茶餐廳冇乜分別不得不提 呢間餐廳既裝修係真係幾特別，打卡確實一流

我是一個非常喜歡吃早餐的人吃早餐的一天對我來說就好像放假一樣謝謝你帶我來這一家咁得意嘅茶餐廳這裏的裝修好像七80年代的香港的茶餐廳好像在香港很少早餐可以吃到豬潤麵炒蛋很滑 應該是加了牛奶 早餐吃蒜蓉多士也很特別長條的蒜蓉多士，分量剛剛好店面很細 但很整齊上餐也很快 略嫌面的份量太多了豬潤麵比沙嗲牛肉好吃Feel so lucky and happy to have such a fulfilling breakfast 門口也很好泊車

講起茶記(茶餐廳)，係一眾香港人嘅回憶，新鮮出爐蛋撻、西多士、熱奶茶等，都係茶記嘅代表。今日香港愈來愈少呢類茶記，行過九龍城，竟然見到呢間80年代香港茶記嘅設計，吸引我地一班懷舊嘅朋友。淨係睇到牌面，就知道真係好擺本係上面。如果喜歡香港舊式特色，真係要來到呢度「打個卡」，非常用心。雖則淨係講外觀係唔夠嘅，不過食物亦都真係好有水準。我哋叫咗一個沙嗲牛肉蛋多士，份量真係好多，兩個人食都可以好飽。佢用咗烘蒜蓉多士，中間係熱辣辣嘅牛油炒蛋同沙嗲牛肉。蒜蓉同牛油味都好香濃，蓋過沙嗲牛肉嘅味，不過以厚多士來講，同類茶記相比之下，呢度真係好食好多。另外叫咗一個煎雞扒撈丁，醬汁配埋出前一丁真係一絕，而且雞扒煎得好香，嚟到嘅時候香味真係撲鼻而來，認真吸引。不過撈丁的份量較少，如果真係想飽肚，建議可配飯餐，隔離枱的飯份量真多哦！特別介紹，杯係自家品牌，真是別出心裁！😊下次如果經過九龍城，不妨試試這一間80年代的懷舊茶餐廳，店內還播放著流行經典50年的金曲哦！

辛勞了一整天，很想狠狠地大吃大喝一餐，慰勞一下自己，正所謂「辛苦搵來自在食」應該沒有人會否認吧。搵食當然要到九龍城走一趟，話不定會找到好東西叮吃，誰不知驚喜就在前面。位於九龍城侯王道中段有一間叫【茶檔】的食店，店內的每一個角落都滲滿舊日香的足跡，單是閣樓的位置已經是向懷舊香港致敬，還有餐廳的大門口已經令人讚嘆，個人認為有點舊日檔鋪的感覺，在霓虹燈管的襯托下，更相當益彰。店內的另一邊閣樓的佈置，都是一貫以舊香建築物的藍圖而建成。其中一個我很欣賞的位置，就是由門口進來後靠右邊的上方，說到香港特色之一，不得不提就是霓虹燈和大大的招牌，掛得整條行人路都滿滿的，這裡就完全地呈現了出來。這裡有很多打卡呃like位，單是拍照/自拍都可能已經用下下單後約10分鐘左右，例湯便即送到，「粉葛章魚豬骨例湯」煲得夠晒火喉，絕對稱得是上老火湯。粉葛像薯仔一樣粉粉的，整個湯的章魚味甚為濃郁，一點都不似某些茶記，喝得滿口味精的，當時的我真很想再添多一碗呢。其次送到的是「韮菜炒蛋」韮菜相當足料，鋪滿整蛋的表面，蛋的份量亦好有誠意，只是謹謹比碟子的面積少一點點，雞蛋的鹽份剛剛好，炒得全熟而且嫩滑，蛋邊的範圍更是有點焦香

今日做咗成日野都冇嘢落我頭，啱啱嚟到九龍城就睇吓有咩食啊，但平時食開個幾間又真係食到有啲厭唔想再食，唯有打開個OpenRice睇下有咩好食，見到呢間外型好特別嘅餐廳，食港式茶餐廳嘅嘢呢度嘅裝修好特別，餐牌上面啲相亦都認得好靚，搞到我都唔知食乜好，樣樣都好想食，但係又唔可以樣樣都叫，真係好難揀最後我叫咗個滑蛋蝦仁叉燒飯，佢個蛋真係炒得好滑，蝦仁又好爽，可惜啲飯又真係Dry左啲我朋友就叫咗個鹹牛肉蛋三文治，睇個樣都覺得好好食

身為一個茶記死忠咁啱X假期介紹呢間「港嘢茶檔」見到環境裝潢咁有特色，就咁睇圖好似好吸引去到現場的確唔錯，大大個霓虹燈茶記牌，好復古有啲80年代FEEL👍🏻不過野食就非常普通，無咩好講。而另一個Gimmick就係杯奶茶喇！上網介紹就話奶茶可以加錢轉包裝，袋裝好靚，本身諗住轉黎打下咭影相留念點知去到職員話無袋裝得返杯裝一場黎到無理由唔轉架～可惜杯奶茶味道就麻麻地，無乜茶味😟有少少失望呢間野總括來講就係好睇唔好食加上位置距離地鐵站都遠，唔需要特登黎。

一日之計在與晨，加上一個豐富既早餐就更加Perfect！九龍城有得食早餐嘅餐廳基本上都有我容BB嘅腳毛，但呢間茶檔我的確係留得最多，點解？全因一個「心」字。由第一次去食已經覺得好特別，點解？首先要講佢個早餐蒜蓉多，我未見過一間有早餐食嘅餐廳可以整得咁軟熟，送黎仲要係熱辣辣，唔似其他餐廳HEA住夾塊薄過張紙巾既牛油再加塊之前已經烘好既面包！加分！再講講餐牌上其他嘅早餐，你見過白汁磨菇火腿通粉未？見過一粒粒炸到香噴噴既午餐肉配番茄湯未？仲要即叫即整！加分！再加啲Detail位，我從未見過一間早餐店另上一包包細麻油！任用！再加分！最後！少有涷飲唔洗加錢！滿分！希望日後可以KEEP到水準，再進步！